Réttur - 01.07.1977, Side 3

„Árangur viðræðnanna er samningur, sem tryggði láglaunafólkinu í
BSRB verulegar kjarabætur með ákvæðum um hraðari tilfærslur til hækk-
unar í neðstu launaflokkunum en annarsstaðar í launastiganum.
Fyrir fjölmennu starfshópana, sem taka laun skv. launaflokkum um miðju
launastigans (8.-18. fl.), náðist verulegur árangur til samræmingar kjara
miðað við almennan vinnumarkað.
Endurskoðunarréttur á samningstímabili náðist fram, en þó ekki með
verkfallsrétti. Andstaðan á Alþingi gegn þessum þætti er of mikil, eins og
sakir standa, til þess að sá liður í kröfum BSRB næðist fram.
Umtalsverðar kjarabætur, umfram hækkun á launastiganum fengust og
ber þar að nefna flokkshækkun eftir 15 ára starf, 40 þús. kr. persónuuppbóí
í desember eftir 9 ára starf, hækkun vaktaálags að nóttu og um helgar, sam-
ræmingu á gildi prófa til launa, kaffitíma í eftirvinnu o. fl.
Þegar á heildina er litið hafa samtökin styrkt stöðu sína mjög verulega í
verkfallinu. Þrátt fyrir allt koma þau félagslega sterk út úr þessari eldskírn
fyrsta verkfalls opinberra starfsmanna, með viðunandi samninga
Varaformaður BSRB Haraldur Steinþórsson lagði áherslu á stéttarlegt
gildi átakanna er Þjóðviljinn ræddi við hann. Haraldur sagði:
„Það hefur verið alveg sérstaklega ánægjulegt að fylgjast með því, hvað
samstaðan hefur almennt verið góð hjá ríkisstarfsmönnum, hvað baráttuvilj-
inn hefur verið einbeittur og hversu margir félagsmenn hafa tekið virkan þátt
í baráttunni. Ég tel alveg ótvírætt að samtök okkar í heild komi stéttarlega
sterkari en áður frá þessari eldskírn og að við höfum sýnt og sannað, að
héðan í frá verði ekki framhjá BSRB gengið sem fullgildum aðila innan
verkalýðshreyfingarinnar á íslandi.“
Hann benti jafnframt á veilurnar í þessari kjarabaráttu og hvatti félaga
sína til að draga af þeim rétta lærdóma. í sama viðtali sagði:
„Við í stjórn BSRB teljum okkur hafa gert það sem við gátum og lengra
varð ekki komist, nema með langtum harðari átökum, sem væntanlegu hefðu
þá staðið býsna lengi enn. Með samningum Reykjavíkurborgar var brugðið
fyrir okkur fæti, þegar mest reið á. Af þeim atburði þurfa allir opinberir
starfsmenn að draga nauðsynlegar ályktanir og félagslega lærdóma."
í lok kjaraátaka er ávallt mikilvægt að setjast niður og ræða gildi átak-
anna og meta styrk og veikleika samtakanna. BSRB stóðst þessa eldskírn
stéttabaráttunnar og gengur reynslunni ríkari til næstu orustu í íslenskri
stéttabaráttu. En íslensk verkalýðshreyfing í heild verður að draga nauðsyn-
legar ályktanir af reynslu þeirri sem fékkst í kjarabaráttunni s.l. vor og haust.
Stéttvíst verkafólk verður að skýra það fyrir stéttarsystkinum sínum, að
raunhæfur árangur næst einvörðungu með pólitískri baráttu. Það sem ekki
hefur tekist til þessa verður að vinnast með samstilltu átaki - það nást að-
eins varanlegir sigrar með því að efla einn sósíalískan verkalýðsflokk - Al-
þýðubandalagið. Það er sterkasta vopnið í kjarabaráttunni. óre.