Réttur - 01.07.1977, Side 23

mínum, ég nefni úrslitin í síðustu kosn-
ingum. Ég álít að það sé meginatriði að
við reynum að efla liér sósíalistískan
fjöldaflokk þar sem hátt sé til lofts og vítt
til veggja, og að kjarabarátta verkalýðs-
hreyfingarinnar og stjórnmálabarátta á
vegum flokks sem tengdur er verkalýðs-
hreyfingunni verði að haldast í hendur.
Því aðeins náum við markmiðum, að við
séum menn til að gera þetta. Ég tel að
íslenskt launafólk geti sameinast um að
koma upp mjög öflugum stjórnmála-
Hokki. Þetta tel ég vera algera lífsnauð-
syn, ef við eigum að ná þeim árangri sem
við stefnum að.
HVAÐ BER
AÐ GERA HÉR
OG NÚ?
ABS: Mig langar til að svara spurning-
unni sem borin var fram hér áðan. Hvað
ber að gera hér og nú, og mér finnst það
vera mjög svo ljóst að nú verðum við að
koma í veg fyrir að ísland glati sínu efna-
hagslega sjálfstæði. Ef við glötum því, þá
þurfum við ekki að fjalla um það hvernig
við ætlum að starfa hér áfram. Ef ég fengi
húsmóðurvöld á þjóðarheimilinu á morg-
un þá myndi ég kalla á mína heimilis-
menn og segja: Héðan í frá liættið þið að
lilaupa út um bæ, taka út vörur og láta
skrifa það hjá heimilinu. Þið hættið að
byggja út í bláinn. Svona vinnubrogð
getum við ekki þolað í íslensku þjóðfé-
lagi. Við verðum að vinna eftir áætlunar-
gerð. Það getur ekki gengið að heildsalar
og aðrir slíkir ráði því hvernig við verj-
um afrakstri vinnu okkar allra. Ég veit
að það er ákaflega ófínt að tala um lúift,
en engu að síður leyfi ég mér að tala um
skipulag á innflutningi til landsins og vil
að hann verði ekki hömlulaus. Ég er líka
að tala um, að við verðum að gera okkur
grein fyrir í hvers konar framkvæmdir
við ætlum að ráðast. Sú áætlun á ekki
aðeins að ná til þess sem er framkvæmt á
vegum ríkisins, eins og mér finnst oft
vera talað um. Við eigum að setja upp í
ákveðinni röð hvað við eigum að fram-
kvæma og þar á örugglega ekki að vera
efst á blaði að hver sá sem hefur getað
krafsað til sín peninga eins og t. d. Al-
Flokksráðsfundur í Þinghóli.
167