Réttur - 01.07.1983, Blaðsíða 1

66. árgangur
1983 — 3. hefti
Sú árás, sem nú er gerð af yfirstéttinni á lífskjör og mannréttindi íslensks
launafólks undir forustu verslunarauðvaldsins með formann þess með allt að
milljón króna árslaun í broddi fylkingar — er svívirðilegasta árás á alþýðu,
sem gerð hefur verið, verri en gerðardómslögin 1942, sem verkalýðurinn þá
braut á bak aftur og felldi ríkisstjórnina á.
Braskarastéttin, sem forustuna hefur á hendi, hefur rakað saman milljarða
auð á undanförnum áratugum, fest hann í steinsteypu o.s.frv. eða falið er-
lendis. Og þessir herrar skipa láglaunafólki aö lifa af 10 - 12 þúsund krónu
mánaðarlaunum. Sjálfir byggja þeir sér hallir auk allrar annarrar óráðsíu.
Þessir braskarar eiga stærstu blöð landsins og nota þau — eins og útvarpið
— til að blekkja fólkið og fá það til að beygja sig í auðmýkt fyrir milljónamær-
ingunum. Innrásar-hervaldið situr með sinn stjórnarflokkinn á hvoru hné og
hefur úthlutað fyrirtækjum þeirra („Aðalverktakar", etc.) slíkum ofsagróða að
þeir vita vart hvar fela skuli, þótt þeir byggi „Watergate“-hallir og stórhýsi fyrir
miljarða króna, meðan almenningi er gert nær ókleift að eignast íbúóir.
Það eina, sem jafnast á við gróða og frekju þessarar braskarastéttar, er
heimska hennar og fjármálalegt brjálæði, sem birtist í slíkri ofsa-fjárfestingu
í verslunarhúsnæði, að jafnvel mönnum með einhvern snefil af skipulagsviti
í þeirra eigin stétt, er farið að ofbjóða. Hitt er undarlegra að aðrir hlutar borg-
arastéttarinnar, eins og útgerðarmenn og iðnrekendur, skuli þola þessa yfir-
drottnun braskaranna möglunarlaust í stað þess að rísa upp og svifta slíka
angurgapa allri forustu í yfirstétt landsins.
Hitt er Ijóst að allt launafólk landsins, 70 - 80 þúsund, hefur þegar mótmælt
því kröftuglega að vera í senn gert að réttlausum þrælum og vísað norður og