Morgunblaðið - 19.01.2006, Side 12

12 FIMMTUDAGUR 19. JANÚAR 2006 MORGUNBLAÐIÐ
FRÉTTIR
GEIR H. Haarde, utanrík-
isráðherra, mun opna sýninguna
Pure Iceland í vísindasafninu í
London í kvöld. Undirbúningur að
sýningunni hefur staðið yfir í tvö og
hálft ár og var það sendiráð Íslands í
Bretlandi sem átti frumkvæði að
henni.
„Á sýningunni er lögð mikil
áhersla á að gera grein fyrir orku-
framleiðslu Ís-
lands og sýna
hreinleika lands-
ins,“ segir Sverr-
ir Haukur Gunn-
laugsson,
sendiherra Ís-
lands í Bretlandi.
„Fjallað er um
jökla og eldfjöll
og þýðingarmikill
þáttur í sýning-
unni er sjálf-
bærni til lands og sjávar. Við erum
að færa með eins raunverulegum
hætti og mögulegt er, náttúru Ís-
lands inn í vísindasafnið í London í
máli og myndum.“
Lifandi sýning sem þekur
um 1.000 fermetra
Sýningarrými skiptist í þrjá sali. Í
fyrsta sal má m.a. finna 20 metra
langa mynd af Íslandi séð frá hafinu
og gríðarstórt útlínukort af landinu,
þar sem allir helstu náttúruþættir
landsins eru skilgreindir, svo sem
jöklar, eldfjöll og ár. Í sama sal er
kynning á öllu sem viðkemur sjálf-
bærri þróun hafsins í kringum Ís-
land og náttúrueiginleikum sem
tengjast jarðvegseyðingu og því sem
gert er til að sporna við henni. Í öðr-
um sal er náttúruþáttum lýst með
leikrænum hætti og þar svara leik-
arar fyrirspurnum gesta og jafn-
framt skýra þeir frá einstökum þátt-
um í náttúru Íslands.
„Safnið leggur mikið upp úr því að
vera lifandi safn,“ segir Sverrir
Haukur. „Vesturport leikhópurinn
hefur umsjón með þessum hluta sýn-
ingarinnar og hefur ráðið íslenska
og breska leikara til að sjá um þetta.
Leikararnir munu vekja áhuga fólks
á vissum staðreyndum um Ísland.
Til dæmis, með því að ganga að gest-
um og spyrja: „Veist þú hve mikið
magn af vatni færi í sjóinn ef Vatna-
jökull bráðnaði?“ og svo framvegis.
Í þriðja salnum eru upplýsingar
um Ísland í 32 mismunandi flokkum
sem fólk hefur aðgang að í gegnum
tölvubanka. Þegar gestir ganga út
sjá þeir valin orð úr Hávamálum.
Viðamesta Íslandskynning í
Bretlandi til þessa
„Ísland hefur ekki ráðist í neitt
svipað verkefni í Bretlandi,“ segir
Sverrir Haukur. „Það má segja að
ýmsir þættir í sýningunni hafi áður
komið fram, til dæmis á heimssýn-
ingunum í Portúgal og Þýskalandi
og á sýningunni í vísindasafninu í
París í hittifyrra. Sýningin í London
er víðtækari en þessar sýningar og
veitir ítarlegri innsýn inn í þá fjöl-
mörgu náttúrueiginleika Íslands.
Sýningin í Portúgal fjallaði til dæmis
eingöngu um hafið.“ Að sögn Sverris
Hauks skiptir miklu máli að viðhalda
hinni hreinu og fallegu ímynd Ís-
lands erlendis og þess vegna er nafn
sýningarinnar, „Pure Iceland“, af-
skaplega mikilvægt.
Auk þess að eiga samskipti við
hönnuði, verktaka og vísindasafnið í
tengslum við sýninguna, átti sendi-
ráðið frumkvæði að því að ræða við
íslensk fyrirtæki sem eru með rekst-
ur í Bretlandi um þátttöku í fjár-
mögnun sýningarinnar. Þau fyr-
irtæki sem taka þátt í verkefninu
eru Actavis, Avion Group, Bakkavör,
Baugur, KB Banki, Landsbanki,
Icelandair, Novator og Landssím-
inn. Einnig taka orkufyrirtækin
fimm á Íslandi, Landsvirkjun, Orku-
veita Reykjavíkur, Hitaveita Suð-
urnesja, Rarik og Landsnet þátt í
verkefninu. Það eru því alls fjórtán
aðilar sem koma að fjármögnun sýn-
ingarinnar, en framkvæmdin í heild
kostar um 60 milljónir íslenskra
króna.
600 blaðamönnum kynnt
efni sýningarinnar
Dagskráin í dag hefst á blaða-
mannafundi í vísindasafninu og hef-
ur um 600 blaðamönnum þegar verið
kynnt efni sýningarinnar og þeim
boðið í íslenskan morgunverð. Á
fundinum verða viðstaddir íslenskir
sérfræðingar á ýmsum sviðum sem
tengjast sýningunni. Ari Trausti
Guðmundsson jarðfræðingur, Hans
Kristján Guðmundsson forstjóri
Rannís, Jóhann Sigurjónsson for-
stjóri Hafrannsóknarstofnunar, Jón
Björn Skúlason framkvæmdarstjóri
Íslenskrar NýOrku og Sigurður
Arnalds frá Landsvirkjun munu
svara spurningum blaðamanna.
Formleg opnun sýningarinnar
verður í kvöld og er Magnús Magn-
ússon sérstakur heiðursgestur.
„Þessi þekkti Íslendingur hefur lagt
sig sérstaklega fram við að kynna
Ísland, bæði sögu þess og ekki síður
náttúruímynd landsins í hinum
enska heimi og finnst okkur því við
hæfi að hann sé heiðursgestur
kvöldsins,“ segir Sverrir Haukur.
Eins og staðan er í dag mun sýn-
ingin standa til 23. apríl nk. Það er
reiknað með því að allt að 800 þús-
und manns muni heimsækja sýn-
inguna á þessu tímabili. „Þá er unnið
að því að skipuleggja í sérstöku vís-
indasetri safnsins fundi á næstu
mánuðum með sérfræðingum sem
fjalla munu um ýmsa þætti svo sem
jarðfræði og orkunýtingu. Orkumál
er mjög áberandi í sýningunni og
hefur henni verið valinn sérstakur
staður við hlið hinnar almennu orku-
sýningar safnsins,“ segir Sverrir
Haukur.
Náttúra Íslands færð inn
í vísindasafnið í London
Eftir Jón Gunnar Ólafsson
jongunnar.olafsson@gmail.com
Ljósmynd/Jón Haukur Steingrímsson
Náttúra Íslands verður færð inn í vísindasafnið í London, m.a. með myndum eins og þessari af Hvanngili í Þórsmörk.
TENGLAR
..............................................
www.sciencemuseum.org.uk
Sverrir Haukur
Gunnlaugsson
UMHVERFISRÁÐ Reykjavíkurborgar vill
skoða kosti þess að tilteknir hópar fái gjaldfrjálst
í strætó á ákveðnum tímum, t.d. skólanemar og
eldri borgarar, en ráðið bókaði á fundi sínum á
mánudag hvatningu til Strætó bs. um að taka til
ítarlegrar endurskoðunar stefnu og fyrirkomulag
gjaldskrármála fyrirtækisins.
Í bókun Umhverfisráðs er ennfremur óskað
eftir upplýsingum um fyrirhugað rafrænt
greiðslukerfi, hvenær vænta megi að það verði
tekið í notkun og hvaða möguleika það gefi ein-
stökum sveitarfélögum til að veita afslátt af far-
gjöldum.
Árni Þór Sigurðsson, formaður umhverfisráðs,
segir að með hinu rafræna greiðslukerfi gefist
fjölbreyttari möguleikar til að hafa gjaldfrjálst í
strætó t.d. fyrir nemendur í skólum eina ferð á
morgna og eina ferð síðdegis eða fyrir ellilífeyr-
isþega milli 10 og 15 sem er utan háannatíma.
„Við teljum það vera æskilegt ef hægt væri að
hafa gjaldfrjálst fyrir þessa hópa,“ segir Árni
Þór. „Svo ef við teljum framhalds- og háskóla-
nemana, þar sem oft er kvartað yfir bílastæða-
skorti, gæti verið mikill léttir í því ef við gætum
komið til móts við þeirra þarfir með gjaldfrjáls-
um strætisvögnum fyrir þá hópa.“
Umhverfisráð ítrekar ennfremur það mat
ráðsins að gjaldskrárhækkun Strætó bs. sé ekki
til þess fallin að fjölga farþegum og efla þannig
almenningssamgöngur á höfuðborgarsvæðinu
eins og var eitt meginmarkmiðið með stofnun
fyrirtækisins. „Þá eru hörmuð þau vinnubrögð
stjórnar Strætó bs. að hækka gjaldskrá sína án
samráðs við Umhverfisráð,“ segir ennfremur í
bókun Umhverfisráðs. „Það hvernig málum var
háttað við undirbúning og kynningu gjaldskrár-
hækkana Strætó bs. sýnir hversu mikilvægt það
er að skýra betur tengsl og samstarf Strætó bs.
og Umhverfisráðs.“
Vilja gjaldfrjálst fyrir nemend-
ur og ellilífeyrisþega í strætó
PÉTUR Magnús Birgisson, tækni-
stjóri hjá Sundlaugum Kópavogs,
gefur kost á sér í 6. sæti í prófkjöri
Sjálfstæðisflokksins í Kópavogi, fyr-
ir bæjarstjórnarkosningarnar sem
fram fara í vor.
Pétur hefur unnið margvísleg
störf frá æsku, bæði til sjós og lands.
Hann hefur tekið þátt í ýmsum fé-
lagsmálum, m.a. verið formaður for-
eldraráðs Smáraskóla þegar nýju
grunnskólalögin
tóku gildi. Er
hann nú stjórn-
armaður í Sam-
tökum forstöðu-
manna sundstaða
á Íslandi. Pétur
hefur tekið virk-
an þátt í starfi
Sjálfstæðisflokks-
ins í Kópavogi frá
1992, hann var í stjórn Sjálfstæð-
isfélags Kópavogs frá 1996 og for-
maður félagsins frá 1998 – 2001.
Hann er í stjórn Fulltrúaráðs sjálf-
stæðisfélaganna í Kópavogi og er í
kjördæmisráði Suðvesturkjördæmis
og var áður í stjórn þar. Pétur er nú
varaformaður Atvinnu- og upplýs-
inganefndar Kópavogsbæjar og
varamaður í Skipulagsnefnd.
Skv. upplýsingum Péturs eru hon-
um mörg mál hugleikin, m.a. að upp-
lýsingaflæði til íbúa verði með sem
bestum hætti,
fyrirtækjum verði gert kleift að
stækka og dafna í bænum, Kópavog-
ur verði ætíð í fararbroddi í skóla-
málum og öldrunarmálum verði
gert hærra undir höfði en hingað til
og stuðlað verði að því að koma
fleiri ungmennum í íþróttastarf og
að skipulagsmál verði unnin í sam-
ráði við íbúa Kópavogs.
Gefur kost á
sér í 6. sæti
Pétur Magnús
Birgisson
ÁSTHILDUR Helgadóttir verk-
fræðingur og knattspyrnukona hef-
ur ákveðið að gefa kost á sér í 4.–5.
sæti, í prófkjöri Sjálfstæðisflokks-
ins í Kópavogi fyrir bæjarstjórn-
arkosningarnar sem fram fara í
vor. Að loknu námi í Bandaríkj-
unum árið 2001 hóf Ásthildur störf
hjá verfræðistofunni Línuhönnun.
Eftir að hafa unnið þar í tæp tvö ár
fluttist hún til
Svíþjóðar þar
sem hún mun
ljúka mast-
ersnámi í verk-
fræði með
áherslu á burð-
arþol í febrúar.
Að lokinni út-
skrift mun Ást-
hildur hefja að
nýju störf hjá Línuhönnun. Hún
mun einnig áfram starfa í mann-
virkjanefnd KSÍ. Fótboltinn hefur
nánast alla tíð verið forgangsatriði
hjá Ásthildi eða frá því hún hóf að
æfa með Breiðabliki tíu ára að
aldri. Hún hefur níu sinnum orðið
Íslandsmeistari með Breiðabliki og
KR, verið kosin knattspyrnukona
ársins þrisvar sinnum, íþróttamað-
ur Kópavogs ’96, íþróttamaður
Reykjavíkur ’02. Valin í úrvalslið
Bandaríkjanna í fótbolta árið 1998.
Ásamt því að hljóta þriðja sæti í
kjöri íþróttamanns ársins árin 2003
og 2005. Samhliða námi í Svíþjóð
spilaði hún með Malmö FF, einu
sterkasta liði Svíþjóðar. Ásthildur
hefur skorað flest mörk og er
leikjahæsti leikmaður íslenska A-
landsliðsins og er núverandi fyr-
irliði þess. Ásthildur mun aðallega
beita sér fyrir jafnréttis- og mann-
réttindamálum, umhverfis- og
skipulagsmálum og íþrótta- og ung-
lingamálum.
Ásthildur Helgadóttir
Býður sig
fram í
4.–5. sæti