Morgunblaðið - 04.03.2006, Qupperneq 11

MORGUNBLAÐIÐ LAUGARDAGUR 4. MARS 2006 11
FRÉTTIR
heimtingu á þeim upplýsingum
sem bankarnir geti veitt.
Talsmenn Íslandsbanka sögðu
hins vegar bankana telja afar
mikilvægt að virða trúnaðinn við
sína viðskiptavini.
Hér væri að vissu leyti komið
til móts við RSK en engu að síður
ætti það að vera frumkvæði fram-
teljandans að senda upplýsing-
arnar inn til RSK.
Indriði segir persónuvernd
skipta gríðarlegu máli hjá RSK,
enda sé hér um að ræða umfangs-
miklar persónulegar upplýsingar.
„Við gætum þess mjög vel að
þessar upplýsingar liggi ekki á
glámbekk,“ segir Indriði.
„Í okkar kerfum erum við með
ferilsskráningu, þannig að það
sést ef einhver fer inn í skrár
fólks.
Við getum rakið það í hvert
skipti hvaða starfsmaður hefur
farið inn í gögn um tiltekinn að-
ila, þannig að starfsmenn geta
ekki stolist í gögn án þess að
skilja eftir sig slóð.“
Morgunblaðið/RAX
Haukur Oddsson frá Íslandsbanka og Indriði H. Þorláksson ríkisskatt-
stjóri fögnuðu samstarfinu um flutning gagna úr netbönkum við-
skiptavina inn á skattframtöl.
NÚ gegna 27 konur embætti þing-
forseta víðs vegar um heiminn og
eru þær 10,3% þingforseta. Um
16,4% þingmanna á heimsvísu eru
kvenkyns og fleiri nú en nokkru
sinni fyrr. Í níu ríkjum, þar sem
þing eru, sitja þó engar konur. Ein-
ungis 14 ríki hafa náð því marki að
konur séu 30% þingmanna eða fleiri.
„Norðurlöndin standa sig áber-
andi best hvað varðar þátttöku
kvenna í landsmálapólitík,“ sagði
Sólveig Pétursdóttir, forseti Alþing-
is, sem sat fund kvenþingforseta á
dögunum. Þar var ákveðið að taka
upp formlegt samstarf kvenþing-
forseta og hittast árlega í tengslum
við fund kvennanefndar Sameinuðu
þjóðanna.
„Um 40% þingmanna á Norður-
löndum eru konur. Næst Norð-
urlöndum koma Ameríkuríki með
tæp 20%. Fæstar konur sitja á þing-
um í Arabaríkjum þar sem þær eru
7,8% þingmanna. Það eru hlutfalls-
lega hvergi fleiri konur á þingi en í
Rúanda þar sem þær eru 48% þing-
manna. Þar var settur kynjakvóti í
stjórnarskrá landsins þegar verið
var að endurreisa landið eftir hörm-
ungar borgarastríðsins. Hann
tryggir konum jafnrétti við stjórn
landsins,“ sagði Sólveig. Talsvert
var rætt um kynjakvóta á fundi
kvenþingforsetanna og segir Sól-
veig að sú leið hafi notið vaxandi
vinsælda. Sums staðar hafi konur
náð góðum árangri án kvótakerfis
og annars staðar hafi kvótar ekki
virkað. Undir vissum kring-
umstæðum geti kvóti hjálpað kon-
um að ná miklum árangri á skömm-
um tíma. Það hafi tekið norrænar
konur 70–80 ár að ná sínum ár-
angri. Sólveig sagði að ríki, sem í
dag væru á byrjunarreit í jafnrétt-
ismálum, teldu sig ekki hafa svo
langan tíma. Einnig var rætt um
áhrif ólíkra kosningakerfa og kom
m.a. fram að konur hefðu átt erf-
iðara en karlar með að ná kjöri í
einmenningskjördæmum.
„Flokkarnir gegna lykilhlutverki
við að auka hlut kvenna í stjórn-
málum,“ sagði Sólveig. „Þeir verða
að veita konum brautargengi og
styðja þær til áhrifa. Flokkar sem
ekki gera það geta ekki vænst mik-
ils árangurs til lengri tíma litið.“
Hótaði að mæta nakin
Sérfræðingur í kynjapólitík í
sunnanverðri Afríku greindi frá
niðurstöðum rannsókna sem sýna
hvernig þátttaka kvenna hefur
breytt stjórnmálunum þar. Það
snertir t.d. klæðaburð, fundartíma,
hvaða mál eru á dagskrá og hvern-
ig umræður fara fram. Þá þykir
kjósendum auðveldara að ná tali af
kvenkyns þingmönnum en karl-
kyns.
„Í ýmsum Afríkuríkjum hefur
orðið bylting hvað varðar stjórn-
málaþátttöku kvenna,“ sagði Sól-
veig. „Í Búrúndí hafa konur sótt í
sig veðrið og eru nú 30% þing-
manna. Varaforseti þingsins í
Namibíu sagði frá óhefðbundnum
aðferðum sínum. Henni þótti karlar
á þinginu taka óábyrga afstöðu til
frumvarps um refsingar við nauðg-
unum. Þeir grínuðust með að konur
sem klæddu sig á ögrandi hátt
gætu sjálfum sér um kennt væri
þeim nauðgað. Hún mætti þess
vegna í gegnsæjum kjól í um-
ræðuna og spurði hvort þeir ætluðu
að fylgja þessari hugsun eftir? Svo
hótaði hún að mæta nakin til þing-
fundar yrði frumvarpið ekki sam-
þykkt! Hún náði sínu fram og karl-
arnir samþykktu frumvarpið.“
Íraskar þingkonur
þurfa aðstoð
Framlag íslensku sendinefnd-
arinnar á fundi Alþjóðaþingmanna-
sambandsins um fæðingarorlofs-
lögin vakti mikla athygli, að sögn
Sólveigar. Henni þótti athyglisvert
að heyra þar af reynslu stjórnmála-
kvenna úr öðrum heimshlutum.
„Það var gaman að sjá konur frá
íraska þinginu, sem tóku í fyrsta
sinn þátt í slíkum fundi. Meðal
þeirra virtist ríkja bjartsýni og
sögðu þær jafnréttismál á réttri
leið í Írak. Fjórðungur þingmanna í
Írak er nú kvenkyns og þingkonur í
Írak leggja mikla áherslu á að ná
tengslum við þingkonur í öðrum
löndum og þær þurfa á aðstoð
þeirra að halda.“
Sólveig Pétursdóttir í hópi kvenþingforseta er sóttu fund sem haldinn var í tengslum við 50. fund kvennanefndar Sameinuðu þjóðanna.
Norðurlönd í fremstu röð varðandi
stjórnmálaþátttöku kvenna
SÓLVEIG Pétursdóttir, forseti Al-
þingis, sótti fund kvenþingforseta
sem haldinn var 27. febrúar síðast-
liðinn í New York. Einnig sátu Sól-
veig, Ásta Möller, formaður Íslands-
deildar Alþjóðaþingmanna-
sambandsins, og Jóhanna
Sigurðardóttir, fjórði varaforseti
Alþingis, þingmannafund Al-
þjóðaþingmannasambandsins 1.
mars sl.
Fundur kvenþingforsetanna var
haldinn í tengslum við 50. fund
kvennanefndar Sameinuðu þjóð-
anna. Þar var rætt um leiðir til að
vinna að auknu jafnrétti og aukinni
þátttöku kvenna í stjórnmálum.
Tólf kvenþingforsetar sóttu fund-
inn.
Á fundinum sagði Sólveig Péturs-
dóttir, forseti Alþingis, frá því að ís-
lenskar konur hefðu komið saman á
kvennafrídeginum til að krefjast
jafnréttis á Íslandi. Hún lagði
áherslu á mikilvægi þess að konur
stæðu saman um grundvallargildi
jafnréttisbaráttunnar þó að þær
hefðu ólíkar stjórnmálaskoðanir. Þá
útskýrði Sólveig fæðingarorlofs-
lögin og sagði hún m.a. að feðraor-
lof hefði valdið byltingu í viðhorfum
til kynjahlutverka og stuðlað að
auknu jafnrétti á vinnumarkaðnum.
Þingforsetarnir ræddu einnig
hvernig breyta mætti starfsháttum
þinga til að stuðla að auknu jafn-
rétti. Forseti Alþingis sagði frá
áherslum sínum, m.a. á nauðsyn
þess að vinnutími þingmanna yrði
fjölskylduvænni og að stuðlað yrði
að jafnari dreifingu vinnuálags á
hverju löggjafarþingi.
Sólveig ræddi einnig leiðir til að
fræða ungt fólk um starfsemi þjóð-
þingsins og að auka áhuga þess á
því sem þar fer fram. Í því sambandi
nefndi hún sérstök skólaþing sem
eru starfrækt hjá sumum þinganna
á Norðurlöndunum og sem hún
hefði áhuga á að koma á hjá Al-
þingi. Sólveig lagði áherslu á mik-
ilvægi þess að stúlkur og drengir
tækju jafnan þátt í slíkum verk-
efnum. Þetta gæti verið áhugaverð
leið til að breyta viðhorfum skóla-
barna í löndum þar sem stutt hefð
væri fyrir þátttöku kvenna í stjórn-
málum.
Þjóðþingin og jafnréttið
Þingmannafundur Alþjóðaþing-
mannasambandsins fjallaði um hlut-
verk þjóðþinga í jafnréttisbarátt-
unni. Um 160 þingmenn frá 60
ríkjum sóttu fundinn. Þar greindi
sendinefnd Alþingis frá fæðing-
arorlofslögum á Íslandi.
Í umræðum um leiðir til að auka
þátttöku kvenna í stjórnmálum
ræddi Ásta Möller hvernig kvenna-
samtök innan stjórnmálaflokka
gætu hjálpað konum til áhrifa. Hún
tók jafnframt þátt í umræðum um
kynjakvóta og sagði skoðanir skipt-
ar meðal stjórnmálaflokka á Íslandi
um gildi þeirra.
Staða jafnréttismála rædd á
þingmannafundum í New York
Fulltrúar Alþingis og íraska þingsins á fundi Alþjóðaþingmannasambands-
ins í New York. F.v.: Jóhanna Sigurðardóttir, varaforseti Alþingis, Ásta
Möller, formaður Íslandsdeildar Alþjóðaþingmannasambandsins, fulltrúar
nýkjörins þings Íraks og Sólveig Pétursdóttir, forseti Alþingis.