Morgunblaðið - 04.03.2006, Qupperneq 29

MORGUNBLAÐIÐ LAUGARDAGUR 4. MARS 2006 29
DAGLEGT LÍF Í MARS
UNDIRRITAÐ hefur verið sam-
komulag um flokkun gististaða á milli
Ferðamálastofu og Félags ferðaþjón-
ustubænda. Samkomulagið felur í sér
að Ferðamálastofa viðurkennir flokk-
unarkerfi það sem Félag ferðaþjón-
ustubænda og Ferðaþjónusta bænda
hf. (FB) hafa unnið til að flokka þá
gististaði sem eru innan vébanda FB,
að því er fram kemur í fréttatilkynn-
ingu frá Ferðamálastofu.
Ferðamálastofa hefur flokkað
gististaði frá árinu 2001 en flokkun
FB kemur til viðbótar þar sem um
minni gististaði er að ræða en flokk-
unarkerfi Ferðamálastofu hefur fram
til þessa náð til.
Samkvæmt kerfi FB skiptist flokk-
unin í fernt: heimagistingu, gistihús
bænda, sveitahótel og sumarhús. Í
heimagistingu dvelja gestir inni á
heimili gestgjafans, í gistihúsum
bænda eru herbergin í séríbúð eða
öðru rými sem breytt hefur verið í
gistihús, á sveitahótelum eru aukin
þægindi og hærra þjónustustig og að
síðustu eru sumarhús leigð út sem ein
heild til lengri eða styttri dvalar.
Á vef Ferðamálastofu má nálgast
nákvæma útlistun á flokkunarkerfinu
þar sem gerð er grein fyrir því hvað
hver gistiflokkur þarf að uppfylla til
að standast kröfur samkomulagsins.

GISTING | Flokka
gististaði í fernt
Sveita-
hótel eða
heima-
gisting?
Göngu-Hrólfur
Í dag, laugardaginn 4. mars, verð-
ur kynning á gönguferðum Göngu-
Hrólfs í Nýju Skátabúðinni í Faxa-
feni frá 13.00–16.00. Á sama tíma
mun starfsmaður verslunarinnar
kynna göngubúðnað og Göngu-
Hrólfar fá 15% afslátt af vörum og
þeir sem bóka ferð á staðnum fá
5000 kr. afslátt.
Í ár eru áfangastaðirnir sjö og
fjórtán ferðir í boði. Boðið er upp á
miserfiðar göngur þannig að í ferð-
um í hefðbundnum takti er gengið
5–8 tíma á dag og í léttum takti er
gengið 2–5 tíma. Og í auknum takti
þar sem gengið er um erfitt land,
allt að 10 tíma. Þá hafa einnig verið í
boði ferðir í blómstrandi takti, sæl-
keratakti og spænskum takti og nýj-
ung í ár er fjallgöngu- og kajakaferð
á Krít.
Reykjanes – Stóra-Sandvík
Þá verður á morgun, 5. mars,
einnig farið á vegum Útivistar í 1.
áfanga Reykjanes – Stóra-Sandvík
Brottför frá BSÍ kl. 10:30. Vega-
lengd 8–10 km. Hækkun engin.
Göngutími 4–5 klst.
Undraveröld Jöklu
og Kringilsárrana
Augnablik hefur nú birt ferða-
áætlun sumarsins 2006 og er þetta
fjórða sumarið sem leiðsögukon-
urnar Ásta Arnardóttir og Ósk Vil-
hjálmsdóttir halda í leiðangra um
öræfin við Snæfell og ganga um
undraveröld Jöklu og Kringilsár-
rana.
Markmið hálendisferðanna er að
vekja fólk til vitunduar um víð-
áttumikla og glæsilega nátt-
úruparadís sem er í hættu vegna
virkjanaframkvæmda við Kára-
hnjúka segir í fréttatilkynningu frá
Augnabliki. Þetta er síðasta sumarið
sem Augnablik gengur um land-
svæðið þar sem áætlað er að hleypa
á fyrirhugað Hálslón í september
2006.
„Gengið er um gróðurlendi Vest-
uröræfa. Þar nær gróðurþekjan
óslitin frá jökli til sjávar sem er
einsdæmi á Íslandi. Kringilsárrani
sóttur heim en þar er griðland
hreindýra og heiðagæsa. Fjórð-
ungur af friðlandinu mun fara undir
Hálslón. Gengið er með fossaröð
Jökulsár á Fljótsdal sem telur 15
mikilfenglega fossa en þar taka við
flæðiengi Eyjabakka. Gengið verður
á Snæfell en útsýni mun allt raskast
við þær fjölmörgu stíflur sem verið
er að reisa á öræfunum við Snæfell.“
Ferðirnar eru aðgengilegar fólki á
öllum aldri. Ásta Arnardóttir jóga-
kennari leiðir jóga kvölds og
morgna. Síðsumars mun Augnablik
síðan standa fyrir göngu um Torfa-
jökulsvæðið.
Allar nánari upplýsingar má finna
á www.this.is/augnablik.
Skíða- og jeppaferð
Þann 5. mars er Útivist með
skíða- og jeppaferð í Land-
mannalaugar. Brottför kl. 19:00.
Haldið er í Hrauneyjar og gist þar.
Snemma morguns verður lagt af
stað í Sigöldu og þaðan verður geng-
ið í Landmannalaugar. Þar verður
sameiginlegt grill. Sama leið verður
farin til byggða. Fararstjóri Mar-
teinn Heiðarsson og Sylvía Hrönn
Kristjánsdóttir.
Myndakvöld og GPS
Á mánudag, 6. mars, verður á
vegum Útivistar boðið upp á mynda-
kvöld í Húnabúð, Skeifunni 11, kl.
20. Kristinn Dulaney sýnir myndir
sem hann og félagar hans tóku í ferð
sinni til Grænlands sl. sumar.
Þann 8. mars er á vegum Útivist-
ar boðið upp á námskeið í GPS, röt-
un og ferðamennsku. Námskeiðið er
haldið á skrifstofu Útivistar að
Laugavegi 178 og hefst klukkan
19.30.