Morgunblaðið - 13.03.2006, Qupperneq 12
12 MÁNUDAGUR 13. MARS 2006 MORGUNBLAÐIÐ
VIÐSKIPTI/ATHAFNALÍF
Umræðan
á morgun
ÍSLANDSBANKI hefur breytt
nafni sínu og tekið upp nafnið
Glitnir, bæði hér á landi og hjá
dótturfélögum og skrifstofum í
fimm öðrum löndum. Þetta var til-
kynnt á samkomu í Háskólabíói um
helgina, þangað sem öllum starfs-
mönnum bankans var boðið. Alls
mættu um þúsund manns, flestir
vitanlega frá Íslandi en einnig
komu starfsmenn bankans og dótt-
urfélaga í Noregi, Danmörku, Bret-
landi og Lúxemborg.
Bankinn skilgreinir Ísland og
Noreg sem heimamarkaði en er
einnig með starfsemi í London,
Lúxemborg og Kaupmannahöfn.
Síðar á þessu ári verða opnaðar
skrifstofur í Halifax í Kanada og
Shanghæ í Kína.
Bjarni Ármannsson, forstjóri,
segir að breyttur banki hafi kallað
á breytingar á nafni.
„Við störfum nú á alþjóðlegum
fjármálamarkaði og það kallar á
ákveðnar breytingar. Nöfn fyrir-
tækja verða að taka mið af því
svæði sem þau starfa á, sem í okkar
tilviki þýðir að nafnið þarf að henta
til notkunar um allan heim. Við vor-
um í þeirri einstöku stöðu að eiga
gott íslenskt nafn sem er jafnframt
þekkt vörumerki, Glitnir, sem upp-
fyllir öll þau skilyrði sem prýða
gott nafn; Það hefur jákvæða merk-
ingu í hugum Íslendinga, á sér
sögulega skírskotun, er bæði ís-
lenskt og norrænt í senn, er auðvelt
í framburði á helstu tungumálum
og inniheldur eingöngu alþjóðlega
stafi,“ segir Bjarni.
Hið nýja nafn á rætur að rekja til
Norrænnar goðafræði en í Gylfa-
ginningu segir frá Glitni sem var
heimili Forseta, sonar Baldurs og
Nönnu. Sagan segir að þaðan hafi
allir gengið sáttir.
Afhjúpun Bjarni Ármannsson afhjúpar hið nýja nafn og merki bankans, Glitnir, á samkomu í Háskólabíói fyrir
framan þúsund starfsmenn gamla Íslandsbanka, sem dreif að frá nokkrum löndum.
Breyttur banki kall-
aði á breytt nafn
Íslandsbanki
heitir nú Glitnir,
bæði hér á landi
og erlendis
Morgunblaðið/Eggert
Hrifnir Einar Sveinsson, formaður bankaráðs Glitnis, og Karl Wernersson
stjórnarmaður fóru ekki leynt með gleði sína yfir nýja nafninu.
ÞETTA HELST ...
VIÐSKIPTI
● ÞEGAR rýnt er
betur í nýjan lista
tímaritsins For-
bes yfir ríkustu
menn veraldar
kemur í ljós að
Björgólfur Thor
Björgólfsson,
sem vermir 350.
sæti listans, er
meðal 30 yngstu
milljarðamæringa
heims. Hann er
39 ára að aldri,
líkt og t.d. Roman
Abramovich, hinn
rússneski olíu-
kóngur og eigandi
Chelsea. Yngst á
listanum eru
þýski furstinn Al-
bert von Thurn
und Taxis, og
Hind Hariri, dóttir
líbanska stjórnmálaleiðtogans Rafik
Hariri. Bæði eru þau 22 ára en ekki
jafn auðug og Björgólfur Thor.
Meðal annarra úr hópi yngstu millj-
arðamæringa heims eru
„Google-bræðurnir“ Sergey Brin og
Larry Page, sem eru 32 og 33 ára og
í hópi 30 ríkustu manna heims, sam-
kvæmt lista Forbes.
Í hópi yngstu
milljarðamæringa
Björgólfur Thor
Björgólfsson
Roman
Abramovich
SÖGU hins nýja banka, Glitnis, má
rekja til stofnunar Íslandsbanka ár-
ið 1904. Útvegsbankinn tók við
starfseminni 1930 og árið 1990
sameinaðist hann Iðnaðarbanka Ís-
lands, Verslunarbanka Íslands og
Alþýðubankanum í nýjum Íslands-
banka. Tíu árum síðar sameinuðust
Íslandsbanki og Fjárfestingabanki
atvinnulífsins, FBA, sem stofnaður
hafði verið tveimur árum áður.
Síðla árs 2004 keypti Íslandsbanki
KredittBanken í Noregi og
skömmu síðar BNbank, fjórða
stærsta banka Noregs. Þá hefur
bankinn opnað skrifstofur í Lúx-
emborg, London og Kaupmanna-
höfn. Á undanförnum mánuðum
hefur bankinn keypt verðbréfafyr-
irtækið Norse og meirihluta í Fast-
eignamiðlunarfyrirtækinu Union í
Noregi og tilkynnt um opnun skrif-
stofa í Kanada og Kína. Hagnaður
bankans var rúmir 19 milljarðar
króna á síðasta ári, sem er metaf-
koma.
102 ára saga
● ÚTLÁN Íbúðalánasjóðs í febrúar
námu 3,0 milljörðum króna. Þar af
voru almenn lán 2,8 milljarðar og
lán til leiguíbúða 200 milljónir.
Í mánaðarskýrslu Íbúðalána-
sjóðs fyrir febrúar segir að útlán á
fyrstu tveimur mánuðum ársins
sýni merki um minnkandi umsvif á
fasteignamarkaði.
Minnkandi umsvif á
fasteignamarkaði
● GRAFÍT, eignarhaldsfélag Fíton
auglýsingastofu, hefur keypt 20%
hlut í Öflun sem er eigandi Apple á
Íslandi. Öflun á nú 78% hlut í Off-
ice Line-verslunarkeðjunni sem sel-
ur Apple-vörur á Norðurlöndunum.
Öflun er í yfirtökuferli á Office Line.
Þormóður Jónsson, fram-
kvæmdastjóri Fítons og einn eig-
enda Grafít, segir að með kaup-
unum vilji Fíton efla sig sem
markaðs- og auglýsingafyrirtæki.
Hann segir að yfirtaka Öflunar á
Office Line sé spennandi verkefni
og því hafi verið ákveðið að taka
þátt í því.
Þá hefur Fíton einnig verið að
skoða kaup á auglýsingastofu í
Kaupmannahöfn og segir Þormóður
að það ferli sé langt komið og
muni brátt sjá fyrir endann á því.
Fíton fjárfestir í Öflun
● ÍSLENSKA fatamerkið Nikita
Clothing hefur verið tilnefnt til
ímyndarverð-
launanna Vöru-
merki ársins fyrir
konur af SIMA
sem eru samtök
framleiðenda í
brimbrettaiðn-
aðinum í Banda-
ríkjunum. Önnur
vörumerki sem
tilnefnd eru í
þessum flokki
eru Billabong
Girls, O’Neill Girls, Roxy og Volcom
Girls.
Þetta er annað árið í röð sem
Nikita vörumerkið er tilnefnt í
þessum flokki. Nikita hannar föt
fyrir konur og eru þau komin í
dreifingu víðsvegar í heiminum.
Nikita tilnefnt sem
kvenmerki ársins
ALÞJÓÐA matsfyrirtækið Stand-
ard & Poor’s mun líklega halda
lánshæfiseinkunn Íbúðalánasjóðs í
innlendri mynt til langs tíma á eft-
irlitslista með neikvæðar horfur til
loka annars fjórðungs þessa árs.
Frá þessu er greint í tilkynningu
frá Standard & Poors’s.
Í byrjun þessa mánaðar greindi
Standard & Poor’s frá því að láns-
hæfiseinkunn Íbúðalánasjóðs í inn-
lendri mynt til langs tíma hefði ver-
ið sett á eftirlitslista með neikvæðar
horfur. Fyrirtækið staðfesti þá hins
vegar lánshæfiseinkunn sjóðsins í
erlendri mynt til langs tíma og einn-
ig til skamms tíma, bæði í erlendri
og innlendri mynt. Einkunnirnar
standa enn. Talsmaður Íbúðalána-
sjóðs sagði í tilefni af tilkynningu
Standard & Poors’s frá byrjun
þessa mánaðar, að mat fyrirtækis-
ins komi nokkuð á óvart.
Í hinni nýju tilkynningu Stand-
ard & Poor’s segir að þess sé að
vænta að niðurstöður nefndar á
vegum stjórnvalda, sem falið hefur
verið að kanna framtíðarhlutverk
Íbúðalánasjóðs, liggi fyrir í maí-
mánuði. Þá sé gert ráð fyrir að
stefna stjórnvalda í þessum málum
verði ljós fljótlega í framhaldi af
því.
Í tilkynningunni er endurtekið
það sem áður hefur komið fram hjá
Standard & Poor’s, að ástæður þess
að lánshæfiseinkunn Íbúðalána-
sjóðs hefði verið sett á eftirlitslista
séu í fyrsta lagi þær að vægi sjóðs-
ins á húsnæðislánamarkaði hafi
minnkað, og í annan stað sé óvissa
um framtíðarhlutverk sjóðsins. Þó
liggi fyrir að sjóðurinn sé enn mik-
ilvægur fyrir húsnæðisstefnu ís-
lensku ríkisstjórnarinnar.
Íbúðalánasjóður áfram á eft-
irlitslista Standard & Poor’s
Daglegt
málþing
þjóðarinnar