Morgunblaðið - 13.03.2006, Blaðsíða 40

ÁSKRIFT-AFGREIÐSLA 569 1122 MÁNUDAGUR 13. MARS 2006 VERÐ Í LAUSASÖLU 220 KR. MEÐ VSK.
Sími 568 6625
ALTERNATORAR
FYRIR BÁTA OG BÍLA
„TAFL em eg ör að efla“ stendur í
anddyri Skákhallarinnar í Faxafeni
12, þar sem Reykjavíkurskákmótið
fer fram þessa dagana. Þegar
blaðamaður og ljósmyndari Morg-
unblaðsins lögðu leið sína í höllina í
gær sátu tveir ungir drengir að
tafli við innganginn eins og áþreif-
anlegt merki um þá miklu vakn-
ingu sem átt hefur sér stað í skák-
listinni hér á landi síðustu ár.
Spennan á keppnisstað var aug-
ljós og lá við að skera mætti loftið
við efstu borðin. Þegar útsendara
Morgunblaðsins bar að garði höfðu
keppendur setið að tafli í rúmar
tvær klukkustundir og tekið var að
bera á taugaspennu. Margir fylgd-
ust spenntir með Magnus Carlsen
og Aloyzas Kveinys kljást en brátt
hafði norska undrabarnið lagt and-
stæðing sinn að velli. Á meðan var
forseti Skáksambands Íslands, Guð-
fríður Lilja Grétarsdóttir, á þeyt-
ingi um svæðið, enda að mörgu að
huga við skipulagningu svo um-
fangsmikils viðburðar. Brosið var
þó á sínum stað eins og hjá öðrum.
Sumir röltu um með kaffibolla og
tóku upp léttara hjal í öruggri fjar-
lægð frá skákmönnunum sem
þurftu sinn frið til að einbeita sér.
Það var þó ekki aðeins rætt um
skák og mátti til dæmis heyra spá-
dóma fyrir komandi fótboltasumar.
Ánægja og áhugi skein úr hverju
andliti og ljóst var að mönnum þótti
viðburðurinn vel heppnaður.
Armenski stórmeistarinn Gabriel
Sargissian er einn í efsta sæti með
sex vinninga í sjö skákum þegar
tvær umferðir eru eftir en Hannes
Hlífar Stefánsson stórmeistari er
efstur Íslendinganna með fimm
vinninga.
Sargissian efstur á Reykjavíkurskákmótinu með 6 vinninga þegar tvær umferðir eru eftir
Spenna í keppendum og áhorfendum
Morgunblaðið/Ómar
Eftir Hrund Þórsdóttur
hrund@mbl.is
 Hógværara | 10–11
FRELSISHUGTAKIÐ hefur verið
rifið úr samhengi við þau tvö önnur
hugtök sem þurfi að standa með því,
þ.e. jafnrétti og bræðralagi. Þetta er
mat Ingibjargar Sólrúnar Gísladótt-
ur, formanns Samfylkingarinnar, en
hún flutti ávarp á 90 ára afmælisfagn-
aði jafnaðarmannahreyfingarinnar
hérlendis sem haldinn var fyrir troð-
fullu húsi í Ráðhúsinu í gær.
Ingibjörg gerði íslenska auðmenn
að umtalsefni í ávarpi sínu og sagði að
mikil auðsöfnun fárra og erfiðari lífs-
barátta annarra vegi að stöðugleik-
anum í samfélaginu.
Að mati Ingibjargar má færa rök
fyrir því að íslenskir athafnamenn
fari nú of hratt yfir, ætli sér um of og
eigi það á hættu að skaða sjálfa sig og
aðra. „Þeir hafa fengið mikið frelsi og
verða nú að fullvissa okkur um að
þeir kunni að fara með það. Þeir
verða að sýna ábyrgð gagnvart fólk-
inu í landinu minnugir þess að með
vinnu sinni og hugviti hefur fólkið
skapað það samfélag sem gerir þeim
kleift að athafna sig,“ sagði Ingi-
björg.
Þarf að dansa eftir
töfraflautu fjármagnsins?
Í ávarpi sínu gerði Jón Baldvin
Hannibalsson, fyrrverandi formaður
Alþýðuflokksins, norræna velferðar-
ríkið að umtalsefni og réðst býsna
harkalega að nýfrjálshyggjunni.
Benti hann á að öfugt við spár ný-
frjálshyggjunnar væru Norðurlanda-
þjóðirnar jafnokar höfuðvígis kapít-
alismans, Bandaríkjanna, þegar
kæmi að hagvexti og nýsköpun, en
stæðu langtum framar þegar kæmi
að nýtingu mannauðsins, menntunar-
stiginu, atvinnuþátttökunni, jafnrétt-
inu og jöfnuði í tekjuskiptingu.
„Nú þekkist sú skoðun og þykir fín
að þær þjóðir einar sem gefa fjár-
magnseigendum lausan tauminn geti
spjarað sig í hinu hnattræna hagvaxt-
arkapphlaupi. Það megi ekki íþyngja
þeim um of með afskiptasemi og
sköttum því að þeir kunni að fyrtast
við og fara. Þar með væri hagvöxt-
urinn í hættu og um leið atvinna og
afkoma almennings. Þeim þjóðum
gangi hins vegar allt í haginn sem
dansa eftir töfraflautu fjármagnsins,
lækka skatta, einkavæða ríkisfyrir-
tæki og þjónustu og láta af óþarfa af-
skiptasemi og eftirliti. Það fylgir sög-
unni að það sé engra annarra kosta
völ. Við eigum enga valkosti, bara af-
arkosti,“ sagði Jón Baldvin.
Segir íslenska athafna-
menn fara of hratt yfir
Morgunblaðið/Eggert
Erindi á afmælishátíðinni fluttu Benedikt Davíðsson, fyrrv. forseti Alþýðusambands Íslands, Jón Baldvin Hanni-
balsson, fyrrverandi formaður Alþýðuflokksins, og Ingibjörg Sólrún Gísladóttir, formaður Samfylkingarinnar.
Auk þeirra gefur hér að líta Bryndísi Schram, Hjörleif Sveinbjörnsson, Jóhönnu Sigurðardóttur, fyrrverandi ráð-
herra og þingkonu Alþýðuflokksins, og Jón Sigurðsson, fyrrverandi ráðherra og þingmann Alþýðuflokksins.
Eftir Silju Björk Huldudóttur
silja@mbl.is
 Til hvers | 6
BÚA þarf skógræktarsvæði á höf-
uðborgarsvæðinu betur svo auðveld-
ara verði fyrir almenning að nýta sér
svæðin til útivist-
ar, segir Brynj-
ólfur Jónsson,
framkvæmda-
stjóri Skógrækt-
arfélags Íslands,
sem vill fá meira
fjármagn frá rík-
inu til skógrækt-
arfélaga svo hægt
sé að hlúa að úti-
vistarsvæðunum og gera þau að-
gengilegri. Á laugardag fór fram
ráðstefna þar sem rætt var um
margvígslega hagi af skógrækt-
arsvæðum og áhrif á heilsufar. Segir
Brynjólfur þetta vera í fyrsta skipti
sem fjallað er um málefni lýðheilsu
og skóglendis saman hér á landi og
margt athyglisvert komið fram.
Hann segir Íslendinga vera eftirbáta
nágrannaþjóðanna í þessum efnum
en þar hafi umræðan staðið í tíu til
tuttugu ár og víðast séu skógar not-
aðir í meiri mæli til heilsuræktar en
hér á landi. „Löggjöfin í nágranna-
löndunum er með allt öðrum hætti
hvað varðar útivistarþáttinn. Hér er
nánast úrelt skógræktarlöggjöf, yfir
fimmtíu ára gömul og á einfaldlega
ekki við í þjóðfélaginu í dag.“
Færa þarf
skógræktar-
löggjöfina
til nútímans
TOLLSTJÓRINN í Reykjavík hefur lagt hald
á talsvert magn af sterum eftir húsleit á lík-
amsræktarstöð í miðbæ Reykjavíkur í síðustu
viku. Um nokkurn tíma hefur leikið grunur á að
þar færi fram sala á sterum og var stöðin því
undir stífu eftirliti. Það skilaði sér í síðustu
viku þegar fenginn var dómsúrskurður og haf-
ist handa við að leita í húsakynnum stöðv-
arinnar. Reyndist grunurinn á rökum reistur
og mikið af sterum í töfluformi fannst. Starfs-
maður tollstjóra gat ekki staðfest hversu marg-
ar töflur fundust við leitina en samkvæmt
heimildamanni blaðsins er um að ræða tugi
þúsunda skammta.
Einn maður hefur verið færður til yfir-
heyrslu og víst þykir að hann hafi einn staðið
að smyglinu. Málið er því að mestu upplýst en
er þrátt fyrir það í frekari vinnslu hjá embætti
tollstjóra.
Ekki fékkst staðfest hvernig maðurinn stóð
að smyglinu, hversu lengi hann hafi staðið að
sölu á sterum né heldur hvort hann hafi komið
við sögu lögreglu eða tollstjóra áður vegna
svipaðra mála.
Lagt hald á mikið af sterum
ALLS voru 85 ökumenn stöðvaðir í
umdæmi lögreglunnar á Blönduósi
um helgina sem er nokkuð yfir
meðallagi að sögn lögreglu. Sá sem
hraðast ók var á 130 km hraða.
Fjórir karlmenn á þrítugsaldri
voru fluttir á Fjórðungssjúkrahúsið
á Ísafirði eftir að bifreið þeirra var
ekið á ljósastaur við Skutulsfjarð-
arbraut á Ísafirði aðfaranótt sunnu-
dags. Talið er bílnum hafi verið ek-
ið talsvert yfir leyfilegum hraða en
þar að auki er ökumaður grunaður
um ölvun við akstur. Bifreiðin er
mikið skemmd ef ekki ónýt.
85 ökumenn
teknir í Húnaþingi
♦♦♦