Morgunblaðið - 14.03.2006, Qupperneq 12

12 ÞRIÐJUDAGUR 14. MARS 2006 MORGUNBLAÐIÐ
FRÉTTIR
Í netaróðri
frá Bakkafirði
Úr verinu á morgun
ÞAÐ markar upphaf grásleppu-
vertíðar í Fljótum þegar gröfur
koma til að moka frá bryggjunni í
Haganesvík.
Bryggjan er fyrir opnu hafi og að
henni berst mikið efni í brimróti
vetrarins. Því er nauðsynlegt að
moka frá bryggjunni á hverju vori
þannig að bátarnir geti komist að
henni og legið við hana. Við bryggj-
una er steypt skábraut þannig að
fljótlegt er að taka bátana upp ef
gengur í norðanátt með sjógangi.
Í vetur hefur verið gerður 280
metra langur grjótgarður í Haga-
nesvík og er tilgangurinn sá að
verja gömlu húsin þar fyrir ágangi
sjávar. Þessi hús sem áður til-
heyrðu flest verslunar- og slát-
urhússrekstri á vegum Samvinnu-
félags Fljótamanna eru nú flest
notuð í sambandi við sjósókn og
fiskverkun.
Frá Haganesvík verða gerðir út
tveir bátar á grásleppu í vor en þrír
stunduðu veiðarnar í fyrra. Þá
komu á land þar 37 tunnur af grá-
sleppuhrognum, en sú vertíð þótti
reyndar með afbrigðum léleg.
Hefðbundin vorverk í Haganesvík
Eftir Örn Þórarinsson
Morgunblaðið/Örn Þórarinsson
Undirbúningur Grafið frá bryggjunni í Haganesvík svo grásleppuvertíðin geti hafist.
HUGVEITAN Veritas fagnar
mjög yfirlýsingu Einars K.
Guðfinnssonar sjávarútvegs-
ráðherra um að stefnt sé að því
að hefja hvalveiðar í atvinnu-
skyni og að ákvörðun þar um
verði jafnvel tekin á þessu ári.
„Sjálfsagt er að nýta hvali
eins og aðrar náttúruauðlindir
Íslendinga á skynsaman hátt,
enda hefur verið sýnt fram á að
ýmsir hvalastofnar við Ísland,
s.s. hrefnan, eru langt því frá að
vera í útrýmingarhættu. Hvalir
við landið éta auk þess ógrynni
sjávarfangs á ári, ekki síst fisk,
og því nauðsynlegt að stuðla að
jafnvægi í náttúrunni. Yfirlýs-
ing sjávarútvegsráðherra ber
því að fagna þótt hún sé vissu-
lega fyrir löngu tímabær,“ seg-
ir í áskoruninni.
Veritas er íslensk hugveita
sem stofnuð var 1. desember
2005 í tengslum við vefritið
Íhald.is.
Fagna yf-
irlýsingu um
hvalveiðar
ÚR VERINU
ÁRNI M. Mathiesen fjármálaráð-
herra kynnti á fréttamannafundi í
gær skattalegar umbætur eiga að
nýtast nýsköpunar- og þróunarfyr-
irtækjum skv. frumvörpum sem
hann lagði fyrir Alþingi í gær.
Leggur ráðherra jafnframt til
breytingar á lögum um tekjuskatt
um að samlagshlutafélag teljist ekki
sjálfstæður skattaðili nema eftir því
sé sérstaklega óskað við skráningu
og að kveðið verði skýrar á um að líf-
eyrissjóðir séu undanþegnir skatt-
skyldu af hvers konar tekjum af
starfsemi sem þeim er heimil.
Fái virðisaukaskatt endur-
greiddan á 12 árum í stað 6
Fram kom í máli Árna að nýsköp-
unarfyrirtæki hafi til þessa getað
fengið virðisaukaskatt endurgreidd-
an af sinni starfsemi í allt að sex ár.
Ákveðið hefur verið að breyta reglu-
gerð sem fjallar um skráningu virð-
isaukaskattsskyldra aðila þannig að
lengdur verði sá tími sem aðilar í
þróunarstarfi geta verið með fyrir-
fram skráningu á virðisaukaskatts-
skrá úr sex árum í tólf.
Samhliða leggur ráðherra fram
frumvarp sem tekur mið af því að
svonefnt leiðréttingartímabil inn-
skatts varðandi fasteignir verði lengt
úr tíu árum í tuttugu ár.
Fjármálaráðherra sagði varðandi
þær breytingar sem snúa að þátt-
töku lífeyrissjóða í nýsköpun at-
vinnulífsins að lífeyrissjóðirnir væru
ekki skattskyldir. Það hafi hins veg-
ar háð þeim að félög sem þeir fjár-
festu í gætu verið skattskyld. Legg-
ur hann fram frumvarp sem gerir
ráð fyrir að samlagshlutafélög muni
ekki teljast sjálfstæður skattaðili
nema þess sé sérstaklega óskað.
Skattlagning á hagnað samlags-
hlutafélags færi því fram hjá eigend-
um þess en ekki félaginu sjálfu og
nytu lífeyrissjóðir þar með skatt-
frelsisins af tekjum sem verða til
þegar þeir fjárfesta í gegnum slík fé-
lög. „Með þessari breytingu má
segja að samlagshlutafélagaformið
sé vakið til lífsins og í kjölfarið skap-
aður grundvöllur til þess að það verði
nýtt sem tæki til eflingar fjármögn-
unar nýsköpunar. Íslenskir lífeyris-
sjóðir eru meðal stærstu og virkustu
fjárfesta á innlendum fjármálamark-
aði og með þessari breytingu er þeim
gert kleift að fjárfesta í formi sam-
laga eða samlagshlutafélaga, sem
t.d. fjárfesta í nýsköpunarfyrirtækj-
um, án þess að skattskylda myndist
hjá þeim,“ segir í skýringum ráðu-
neytisins á þessum breytingum.
„Þetta ætti að auðvelda lífeyris-
sjóðunum að taka þátt í þróunar- og
nýsköpunarstarfi á þennan hátt,“
sagði Árni.
Samhliða þessu hefur fjármála-
ráðherra skipað nefnd sem hefur það
hlutverk að leggja mat á reynslu
annarra þjóða af að veita fyrirtækj-
um sem stunda rannsóknir, þróun og
nýsköpun, ríkisstyrki í formi sér-
tækra skattaívilnana að ákveðnum
skilyrðum uppfylltum. Nefndin skal
sérstaklega líta til reynslu Norð-
manna í þessum efnum auk annarra
OECD-ríkja.
Fjármálaráðherra kynnir ný frumvörp um skattalög
Skattalegar umbætur
fyrir nýsköpunina
Lífeyrissjóðum
auðvelduð þátt-
taka í nýsköp-
unar- og þróun-
arfyrirtækjum
Eftir Ómar Friðriksson
omfr@mbl.is
Morgunblaðið/ÞÖK
Árni M. Mathiesen fjármálaráðherra kynnti breytingar á skattlagningu ný-
sköpunarfyrirtækja á fundi með fréttamönnum í fjármálaráðuneytinu í gær.
MORGUNBLAÐINU hefur borizt
eftirfarandi athugasemd frá Glitni:
„Í Reykjavíkurbréfi Morgun-
blaðsins sunnudaginn 12. mars kem-
ur fram sú fullyrðing að gagnkvæm
eignatengsl séu á milli Íslandsbanka
og „félags að nafni Milestone“. Þetta
er ekki rétt. Íslandsbanki á ekki í
Milestone.
Gagnkvæm eignatengsl hafa mik-
ið verið í umræðu á undanförnum
vikum og það ætti að vera öllum
kappsmál að rétt sé farið með stað-
reyndir í þeim efnum.“
Aths. ritstj.:
Í Reykjavíkurbréfi Morgunblaðs-
ins sl. sunnudag var því ekki haldið
fram að um gagnkvæm eignatengsl
væri að ræða milli Íslandsbanka og
Milestone. Þar sem þessara tveggja
fyrirtækja var getið sagði: „Raunar
má hið sama segja um tengsl Ís-
landsbanka og fyrirtækis að nafni
Milestone.“
Athuga-
semd frá
Glitni