Morgunblaðið - 14.03.2006, Qupperneq 19

MORGUNBLAÐIÐ ÞRIÐJUDAGUR 14. MARS 2006 19
ERLENT
Teheran. AP. | Um 200 manns hafa
sent inn myndir í skopmyndasam-
keppni um helförina sem íranskt
dagblað stendur fyrir. Að minnsta
kosti sex bandarískir skopmynda-
teiknarar hafa sent inn teikningar að
sögn talsmanns dagblaðsins.
Keppnin, sem stendur til 5. maí,
var hleypt af stokkunum sem svar
við skopmyndunum umdeildu af Mú-
hameð spámanni sem birtust fyrst í
Jótlandspóstinum í september sl.
eins og kunnugt er. Skopmyndirnar
af Múhameð sýndu hann við mis-
munandi tækifæri og þótti ein mynd-
anna sérstaklega fara fyrir brjóstið á
múslímum en það er mynd af spá-
manninum með túrban á höfðinu
sem er í laginu eins og sprengja.
Hatursfull mótmæli spruttu í kjöl-
farið í múslímaríkjum víða um heim,
m.a. í Íran.
„Hvað hefur Ariel Sharon lært af
helförinni?“ spyr Mike Flugennock
frá Washington í einni skopmynd-
inni sem hann sendi inni í samkeppn-
ina. Myndin sýnir átök milli Palest-
ínumanna og Ísraela í embættistíð
Sharons sem forsætisráðherra.
Jarðýtur sjást jafna heimili Palest-
ínumanna við jörðu og ísraelskur
hermaður miðar byssu á höfuð pal-
estínsks mótmælanda sem er fyrir
ofan svar Flugennocks sjálfs: „nið-
urlægingu, harðstjórn, ofbeldi og
morð.“
Í augum margra múslíma vítt og
breitt um heiminum, sem telja um
1,2 milljarða einstaklinga, er Sharon
einn hataðasti leiðtogi Ísraels fyrr
og síðar. Aðild hans að fjöldamorði á
hundruðum Palestínumanna í tveim-
ur líbönskum flóttamannabúðum ár-
ið 1982 auk óvæginna refsiaðgerða
gegn Palestínumönnum á Vestur-
bakkanum og Gaza eiga stærstan
þátt í því hatri sem blundar í mörg-
um múslímum í hans garð.
Hamshahri hóf samkeppnina í síð-
asta mánuði. Talsmenn blaðsins
segja að keppnin væri prófraun á
það hversu reiðubúinn hinn vestræni
heimur væri að birta skopmyndir er
fjalla um slátrun nasista á um sex
milljón gyðingum á tímum seinni
heimsstyrjaldarinnar. Keppnin ber
yfirskriftina „Hver eru takmörk
vestræns tjáningarfrelsis?“
Ýmis verðlaun eru í boði, þ.á m.
peningaverðlaun upp á 12.000 dali.
Mikil þátttaka í skopmyndasamkeppni
Íranskt dagblað segir Bandaríkjamenn hafa sent inn myndir um helförina
Peking. AFP. | Tuttugu og átta manns
fórust og fimm lokuðust af neðan-
jarðar í tveimur námaslysum í Kína í
gær. Fyrra atvikið varð í Gaoping-
kolanámunni í mið-Hunanhéraði í
fyrradag, þegar 11 námamenn létust
í gassprengingu.
Síðara atvikið átti sér stað í
Rongsheng-kolanámunni í Norður-
Kína, þar sem 17 námamenn fórust
og fimm lokuðust af neðanjarðar eft-
ir sprengingu. Tókst björgunar-
mönnum að bjarga 12 mönnum úr
námunni, sem hefur ekki tilskilin ör-
yggisleyfi.
Kínverskar kolanámur þykja þær
hættulegustu í heimi og samkvæmt
opinberum tölum létust 6.000 manns
í námaslysum í fyrra. Félög verka-
fólks draga þessar tölur þó í efa og
áætla að í reynd kunni allt að 20.000
námamenn að hafa látist af slysför-
um í fyrra.
Hafa kínversk stjórnvöld reynt að
auka öryggi í námum landsins, en
mikil aukning í eftirspurn eftir orku
og ör hagvöxtur hafa leitt til verð-
hækkunar á kolum og aukinnar
framleiðslu.
Náin tengsl á milli opinberra
starfsmanna og eigenda kolanáma
eru talin valda því að öryggiskröfum
er iðulega ekki framfylgt og því að
námamönnum sé hótað uppsögn
neiti þeir að vinna.
Í síðasta mánuði fyrirskipuðu yf-
irvöld opinberum starfsmönnum að
draga til baka fjárfestingar sínar í
kolanámum fyrir sem svarar um
fimm milljörðum íslenskra króna, í
því skyni að draga úr tíðni þess að
gengið sé fram hjá öryggiskröfum.
Til marks um umfang slíkrar fjár-
festingar sýndi rannsókn kínverskra
yfirvalda nýlega að 4.878 opinberir
starfsmenn hefðu fjárfest í kola-
vinnslu fyrir um sex og hálfan millj-
arð króna.
Tuttugu og
átta farast
í námaslys-
um í Kína
♦♦♦
Gautaborg. Morgunblaðið. | Tólf voru
handteknir í Gautaborg um helgina
grunaðir um stórfelldan innflutning
á amfetamíni frá Litháen. Frekari
aðgerða er von á næstu dögum til að
uppræta þennan sænsk-litháíska eit-
urlyfjahring, að því er kemur fram í
Göteborgs-Posten.
Handtakan var árangur margra
mánaða rannsóknarvinnu en fíkni-
efnalögreglan hafði fylgst með hin-
um grunuðu í tvo mánuði áður en lát-
ið var til skarar skríða á föstudag og
níu manns handteknir. Þrír til við-
bótar voru handteknir um helgina og
búið er að fara fram á gæsluvarð-
haldsúrskurði yfir öllum.
Lagt var hald á amfetamín í kíló-
avís að markaðsvirði hátt í tuttugu
milljóna íslenskra króna, auk þýfis.
Hinir handteknu eru félagar í
sænskum og litháískum glæpagengj-
um og eru á aldrinum 22–45 ára. Þrír
eru frá Litháen en hinir frá Svíþjóð.
Ekki er vitað hvernig fíkniefnin
komust til Svíþjóðar en tilgátan er sú
að þau hafi verið framleidd í Litháen
og flutt til Svíþjóðar, hvort tveggja á
vegum litháískra glæpasamtaka.
Litháen, Eistland, Lettland og
Pólland eru þekkt sem framleiðslu-
staðir amfetamíns og sænska lög-
reglan telur að framleiðendur frá
þessum löndum reyni nú í auknum
mæli að komast inn á sænska mark-
aðinn.
Lögreglan verst hins vegar frek-
ari frétta af gangi rannsóknarinnar
til að skaða ekki rannsóknarhags-
muni.
Reyna að
uppræta
litháískan eit-
urlyfjahring