Morgunblaðið - 14.03.2006, Blaðsíða 18

18 ÞRIÐJUDAGUR 14. MARS 2006 MORGUNBLAÐIÐ
ERLENT
ZDENKO Tomanovic, lögmaður Slo-
bodans Milosevic, sagði í gær að
Júgóslavíuforsetinn fyrrverandi yrði
jarðsettur í Belgrad í Serbíu. Sagði
Tomanovic að fjölskylda Milosevics
færi fram á að hann fengi opinbera út-
för en ljóst þykir að sú krafa gæti
valdið núverandi ráðamönnum í Serb-
íu talsverðum vandræðum. Sonur
Milosevics, Marko, var væntanlegur
til Haag í gærkvöldi eða í dag til að
sækja lík föður síns.
Milosevic fannst látinn í fangaklefa
sínum í Haag í Hollandi á laugardag
en þar hafði hann dvalið sl. fjögur ár,
eða síðan stjórnvöld í Belgrad fram-
seldu hann til alþjóðastríðsglæpa-
dómstólsins. Hyllti loks undir lok
réttarhalda yfir Milosevic, sem
ákærður var fyrir stríðsglæpi, þegar
hann fannst látinn.
Þykir það mikill álitshnekkir fyrir
dómstólinn og yfirsaksóknarann,
Cörlu del Ponte, að sakborningurinn
skuli hafa látist áður en dómur féll í
máli hans, en réttarhöldin yfir Milos-
evic þykja hafa dregist óheyrilega á
langinn.
Markovic fái að koma til Serbíu
Serbnesk stjórnvöld eiga nú í
nokkrum vanda, en kröfur í Serbíu
gerast háværar um að Milosevic hljóti
útför í heimalandi sínu sem sæmi
fyrrverandi þjóðhöfðingja.
Borís Tadic, forseti Serbíu, hefur
þegar hafnað þeim möguleika að Mil-
osevic fái opinbera útför í Belgrad,
sagði hann að slíkt væri „alls ekki við
hæfi“ í ljósi þess mikla hlutverks sem
Milosevic lék í blóðbaðinu á Balkan-
skaga á síðasta áratug síðustu aldar.
Sósíalistaflokkur Milosevics hefur
hins vegar hótað því að valda falli
minnihlutastjórnar Vojislavs Kost-
unica ef ekki verður orðið við þeirri
kröfu, að Milosevic verði sýnd full
sæmd í heimalandi sínu.
Sem fyrr segir vill fjölskylda Milos-
evics að hann verði jarðaður í Bel-
grad. Hugsanlegt er þó að lík hans
verði fyrst flutt til Moskvu, að því er
fram kom í máli Markos Milosevic.
Tomanovic, sem var lögmaður Mil-
osevics, fór ennfremur fram á það í
gær að serbnesk stjórnvöld afturkalli
handtökutilskipun á hendur ekkju
Milosevics, Mirjönu Markovic, þannig
að hún geti verið við útför eiginmanns
síns í Belgrad. Alþjóðleg handtöku-
skipun var gefin út á hendur Marko-
vic í september á síðasta ári en serb-
nesk yfirvöld saka hana um fjársvik.
Haft var eftir Markovic, sem hefur
verið búsett í Moskvu undanfarið, að
Milosevic hefði vísvitandi verið byrlað
eitur. „Bóndi minn var drepinn af
dómstólnum í Haag,“ sagði Markovic
í viðtali í serbneska blaðinu Vecernje
Novosti. „Þeir gripu til þessa ráðs því
að þeir voru komnir í ógöngur. Aðeins
37 klukkustundir vantaði upp á að
réttarhöldunum yfir honum lyki og
þeir höfðu ekkert í höndunum sem
nægði til að sakfella hann,“ sagði hún.
„Og þeir gátu undir engum kringum-
stæðum sleppt honum úr haldi því að
þessi dómstóll var í reynd settur á
laggirnar sérstaklega handa honum.“
„Vildi fá flugmiða aðra
leið til Moskvu“
Hollenskur eiturefnafræðingur,
Donald Uges, sagðist í gær hafa fund-
ið leifar lyfs í blóð Slobodans Milosev-
ics fyrr á þessu ári sem honum hafði
ekki verið ávísað og sem kann að hafa
komið í veg fyrir að hjartalyf, sem
Milosevic var á, virkuðu sem skyldi.
„Ég er viss um að hann tók þessi lyf
að eigin frumkvæði af því að hann
vildi fá flugmiða aðra leið til Moskvu
[til að undirgangast meðferð þar],“
sagði Uges og átti þá við að Milosevic
hefði vonast til að þurfa aldrei að snúa
aftur til Haag frá Moskvu.
Lyfið sem um ræðir heitir rifampic-
in, þetta er sýklalyf og er notað gegn
holdsveiki og berklaveiki. Að sögn
Uges eyðir það hins vegar einnig
áhrifum blóðþrýstingslyfjanna, sem
Milosevic var á.
Rússar treysta ekki nið-
urstöðum krufningar
Krufning sem gerð var á Milosevic
á sunnudag leiddi í ljós að hann hefði
dáið af völdum hjartaáfalls. Sergei
Lavrov, utanríkisráðherra Rúss-
lands, sagði hins vegar í gær að rúss-
nesk stjórnvöld treystu ekki fyllilega
niðurstöðu krufningar á Milosevic og
vilja þau fá að senda sína lækna til
Haag í því skyni að rannsaka lík hans.
Sagði Lavrov að það hefði valdið rúss-
neskum yfirvöldum áhyggjum, að
Milosevic fékk ekki leyfi til að fara til
Moskvu til að fá meðferð í desember
sl. Úr því að dómstóllinn hefði ekki
treyst orðum rússneskra stjórnvalda
um að Milosevic myndi snúa aftur að
henni lokinni, þá væri eðlilegt að rúss-
nesk stjórnvöld vantreystu niður-
stöðu krufningar, sem unnin hefði
verið á vegum sama dómstóls.
Vilja að Milosevic
fái opinbera útför
Sagður hafa tekið lyf sem unnið gátu gegn hjartalyfjum
Eftir Davíð Loga Sigurðsson
david@mbl.is
Slobodan Milosevic, fyrrverandi
forseti Júgóslavíu
London, Bagdad. AP, AFP. | John Reid, varnarmála-
ráðherra Bretlands, sagði í gær að fækkað yrði um
10% í breska herliðinu í Írak í maí. Þýðir þetta að
um 800 hermenn halda heim á leið og verða þá eftir
um 7.000 breskir hermenn í Írak.
Reid sagði ákvörðun breskra stjórnvalda byggj-
ast á því að liðsmenn íraska hersins væru orðnir
færir um að taka við hluta þeirra byrða, sem Bretar
og aðrar erlendar hersveitir í Írak hafa axlað. Í
Íraksher eru nú um 235.000 menn að sögn Reids.
Ekki væri þó um að ræða að þessi fækkun væri lið-
ur í víðtækari brottflutningi herja frá Írak.
Fyrirskipaði aftökur
Fyrrverandi yfirdómari byltingardómstólsins í
Írak og meðverjandi Saddams Husseins í réttar-
höldunum yfir honum viðurkenndi í gær að hafa
fyrirskipað aftökur á 148 andstæðingum Saddams.
Yfirdómarinn, sem heitir Awad Hamad al-
Bandar, sagði fyrir rétti í Bagdad að byltingarrétt-
urinn hefði ekki átt neinna annarra kosta völ en að
fyrirskipa aftökurnar, sem voru gerðar í refsing-
arskyni eftir að hinum ákærðu hafði mistekist að
ráða Saddam af dögum 8. júlí 1982, þegar bílalest
hans ók í gegnum þorpið Dujail.
Saksóknarar gagnrýndu málflutning al-Bandars
og sögðu að umræddur dómur hefði verið knúinn
fram í „sýndarréttarhöldum“ í maí- og júní 1984.
Raouf Abdel-Rahman, yfirdómari í réttarhöldun-
um yfir Saddam, yfirheyrði al-Bandar vegna dóms-
ins og spurði hvernig hinir 148, sem ákærðir voru
fyrir tilræðið, hefðu getað komist fyrir í réttarsal.
„Hvernig gátuð þið afgreitt vitnisburð 148 manna
með svo miklum hraða,“ spurði Raouf, sem dró í efa
að svo margir hefðu verið viðriðnir tilræðið, en mik-
ill meirihluti íbúa Dujail var úr röðum sjíta.
Al-Bandar svaraði því til að hinir ákærðu hefðu
játað aðild sína að tilræðinu.
„Vegna stríðsins á milli Írans og Íraks var gríð-
arlegur opinber og félagslegur þrýstingur á mig,“
sagði al-Bandar. „Við vorum í stríði gegn Íran og
þeir játuðu að aðgerðirnar hefðu verið í samræmi
við fyrirskipanir frá Íran.“
Saksóknarar hafa alfarið hafnað þessari túlkun
og reynt að sýna fram á að stjórn Saddams hafi lagt
sig fram um að refsa íbúum Dujail vegna tilræðisins
og handtekið hundruð þorpsbúa, þ.m.t. konur og
börn, og haldið þeim föngnum árum saman. Nokkr-
ir íbúa Dujail hafa borið vitni fyrir réttinum og sagt
að þeir hafi verið pyntaðir, þ.á m. konur sem sögð-
ust hafa verið afklæddar og pyntaðar með raflosti.
Fækkað um 10% í
breska herliðinu í Írak
Yfirdómari í valdatíð Saddams Husseins viðurkennir að hafa fyrirskipað aftökur
ÞAÐ skarst enn í odda með frönskum námsmönnum og lögreglunni í Lat-
ínuhverfinu í París í gær en á myndinni má sjá hvar námsmenn úða úr
málningarbrúsa á lögreglumenn við College de France, nærri Sorbonne-
skóla. Námsmenn héldu áfram mótmælum sínum í kjölfar þess að Dom-
inque de Villepin forsætisráðherra sagði að staðið yrði við áætlanir um að
setja ný lög sem auðvelda vinnuveitendum að reka unga starfsmenn.
AP
Enn tekist á í Latínuhverfinu
Berlín. AP. | Lögregluyfirvöld í Aust-
ur-Þýskalandi fundu í fyrradag lík
þriggja kornabarna á heimili 36 ára
konu í bænum Neuendorf eftir
ábendingu frá fyrrverandi eigin-
manni hennar.
Að sögn Joachims Albrechts, tals-
manns lögreglunnar í nágrannabæn-
um Stendal, fundust lík tveggja
kornabarna, drengs og stúlku, uppi á
háalofti á heimili konunnar.
Lögreglan fann svo þriðja líkið,
beinagrind kornabarns, í ruslatunnu
við heimilið, en að sögn Albrechts er
krufningu ætlað að skera úr um kyn
þess og dánarorsök barnanna
þriggja.
Konan, sem er í haldi lögreglu
vegna málsins, hefur ekki getað gef-
ið neinar skýringar á því hvenær
börnin fæddust eða hver dánarorsök
þeirra var, en að sögn Uta Wilkmann
saksóknara er talið að hún sé ekki
heil á geðsmunum.
Upp komst um lát barnanna þegar
fyrrverandi eiginmaður konunnar
kom við á heimili hennar á laugardag
til að sækja hluta eigna sinna, en þau
höfðu verið skilin frá því í október.
Þegar hann kom inn í húsið barst
einkennileg lykt frá háaloftinu og
síðar kom konan niður af loftinu með
pakka sem hún fleygði í ruslið.
Maðurinn á tveggja ára son með
konunni en segist ekki hafa vitað til
þess að hún hefði nýverið alið fleiri
börn í heiminn.
Samskonar mál kom upp í Þýska-
landi í júlí sl. þegar lögregluyfirvöld
fundu lík níu kornabarna grafin í
blómapotta og fisktank á heimili við
landamærin að Póllandi, en réttar-
höld í því máli hefjast í apríl.
Fleygði líki
kornabarns
í ruslið
ERLI dagsins fylgir oft mikill
skarkali og þess vegna hefur um-
hverfisráðherra Danmerkur, Con-
nie Hedegaard, mælst til þess að
afmörkuð verði sérstök þagnar-
svæði.
„Við reisum ný hús og leggjum
vegi en þeim svæðum fækkar þar
sem fólk getur notið þagnar. Því
viljum við tryggja að í sveitarfélög-
unum verði svæði, þar sem ríkja
skuli friður og ró, þar sem ekki
skuli reist mannvirki, vegir lagðir
eða hraðbrautir,“ sagði ráðherrann.
Vill sérstök
þagnarsvæði
♦♦♦