Morgunblaðið - 14.03.2006, Síða 31

MORGUNBLAÐIÐ ÞRIÐJUDAGUR 14. MARS 2006 31
UMRÆÐAN
HRÓS mitt fær Davíð Oddsson,
fyrrverandi forsætisráðherra, sem
tilkynnti öllum að óvörum að
ákveðnar hefðu verið framkvæmdir
við Almannaskarðsgöng á undan
Héðinsfjarðargöngum. Vegafram-
kvæmdir á Hólmahálsinum í stað
jarðganga milli Reyðarfjarðar og
Eskifjarðar eru hnefahögg í andlit
Austfirðinga. Milli Hornafjarðar og
Djúpavogs vantar önnur göng sem
ekki geta beðið næstu 20 árin til að
losna við slysahættuna í Hvalnes-,
Þvottár- og Kambanesskriðum.
Engin spurning er hvort aurskriður
muni rjúfa allt vegasamband á þess-
um hættulega vegi milli Djúpavogs
og Almannaskarðsganganna, heldur
hvenær. Víða á Austurlandi eru
snjóflóðahætta, grjóthrun og aur-
skriður stórt vandamál. Án þátttöku
íslenska ríkisins fjármagna heima-
menn á Djúpavogi aldrei heilsársveg
yfir Öxi sem stæði 400 metrum
hærra en Fáskrúðsfjarðargöngin yf-
ir sjávarmáli og kæmi í 18% halla
upp úr Berufirði. Þá þrefaldast
slysahættan sem var nógu mikil fyr-
ir í Almannaskarði. Þetta kostar allt-
of mörg mannslíf þegar flutninga-
bílar steypast í tugatali niður í
Berufjörð með skelfilegum afleið-
ingum. Þessum hugmyndum hafnar
Vegagerðin með þeim rökum að
samgöngubætur á hringveginum
gangi fyrir. Vegurinn sem flutn-
ingabílstjórarnir sækjast eftir
tryggir aldrei sambærilegt öryggi
líkt og tvenn jarðgöng úr Skriðdal
og Berufirði sem kæmu inn í Breið-
dal. Þessi vegur kemur aldrei í stað
jarðganga undir þennan hættulega
þröskuld. Sömu svör gefur sam-
gönguráðherra sem tilkynnti að um-
ferð á hringveginum myndi fara í
gegnum Fáskrúðsfjarðargöngin. Öll
rök mæla gegn því að heilsársvegur
eigi heima í 530 m hæð yfir sjáv-
armáli sem Öxi stendur. Í þessari
hæð er tími fjallveganna liðinn.
Krafa flutningabílstjóranna vekur
spurningar um hvort þessi fjallvegur
verði fjárfesting í dauðaslysum.
Græðgi flutningabílstjóranna hefnir
sín þegar grjóthrun, snjóflóð og aur-
skriður sýna þeim í tvo heimana. Þá
biðja þeir samgönguráðherra um 10
km löng jarðgöng undir Öxi, eða
tvenn veggöng inn í Breiðdal. Kostn-
aður við bæði göngin úr Berufirði og
Skriðdal yrði 1/10 hluti af heildar-
upphæðinni sem 500 metra hátt fall
ofan af þessum þröskuldi niður í
djúpan táradal kostar. Sveitarstjórn
Djúpavogs kýs frekar að sníða
fréttaflutninginn um heilsársveg yfir
Öxi eftir sínum duttlungum. Vega-
gerðin stöðvar alla umferð um þenn-
an hættulega fjallveg vegna hálku
sem vonlaust er að forðast. Á hverju
ári komast Hvalnes-, Þvottár- og
Kambanesskriður í fréttirnar án
þess að landsbyggðarþingmenn tali
um jarðgöng undir Lónsheiði, og
kynni sér hvort farsímasamband
tryggi enn betur öryggi vegfarenda,
lögreglu, slökkviliðs- og sjúkrabíla í
Austfjarðagöngunum vegna neyð-
artilfella sem enginn sér fyrir.
Heimamenn á Suðurfjörðunum geta
ekki beðið lengur eftir því að rík-
isstjórnin taki á þessu vandamáli.
Fullyrðingar um að alltof fáir bílar
fari í gegnum Austfjarðagöngin til
að farsímasamband borgi sig ein-
kennast af siðblindu landsbyggð-
arhatri. Fullvíst má telja að enn
fleiri bílar fari í gegnum Aust-
fjarðagöngin heldur en veggöngin
milli Siglufjarðar og Ólafsfjarðar
sem margir landsbyggðarþingmenn
vildu afskrifa á síðasta ári. Stuðn-
ingsmenn Héðinsfjarðarganga sem
nú týna tölunni reyna að réttlæta 16
til 18 milljarða kr. fjáraustur í þessi
fámennu sjávarpláss fyrir norðan án
þess að fjárveitingar til atvinnu-
skapandi verkefna hafi forgang. Í
því eru engin rök, heldur heimskan
ein í samanburði milli héraða. Þetta
veldur uppnámi og klýfur sam-
félagið í tvennt og þjóðina að stórum
hluta. Hótanir samgönguráðherra
um 6 til 10 ára stöðnun samgangna
nema við Siglufjörð, og aðra 50 ára
stöðnun vegna Miðausturlands, Suð-
urfjarðanna og Vestfjarða ofan í ára-
langar fórnir taka nú sinn toll, og
síðan hvað? Þessi tóma vitleysa er að
hrekja þjóðina til uppreisnar gegn
svona fjáraustri í Héðinsfjarð-
argöng. Án Mjóafjarðarganga
treysta Seyðfirðingar, Egilsstaða-
og Héraðsbúar aldrei á stóra Fjórð-
ungssjúkrahúsið í Neskaupstað.
Ákveðum Vaðlaheiðargöng, Beru-
fjarðargöng, Mjóafjarðargöng,
Hellisheiðargöng, tvenn jarðgöng
milli Reyðarfjarðar og Norðfjarðar,
undir Lónsheiði og Breiðdalsheiði.
Tryggjum líka íbúum Suður-
fjarðanna greiðan aðgang að stóra
Fjórðungssjúkrahúsinu með tvenn-
um jarðgöngum inn í Stöðvarfjörð.
Verður Öxi fjárfesting í dauðaslysum?
Guðmundur Karl Jónsson
fjallar um jarðgöng á Aust-
fjörðum ’Tryggjum líka íbúumSuðurfjarðanna greiðan
aðgang að stóra Fjórð-
ungssjúkrahúsinu með
tvennum jarðgöngum inn
í Stöðvarfjörð.‘
Guðmundur Karl
Jónsson
Höfundur er farandverkamaður.
Fréttir í
tölvupósti
mbl.is
smáauglýsingar