Morgunblaðið - 14.03.2006, Qupperneq 21

MORGUNBLAÐIÐ ÞRIÐJUDAGUR 14. MARS 2006 21
MINN STAÐUR
SUÐURNES
LANDIÐ
Reykjanesbær | Kaffistofan hjá Friðbirni
Björnssyni og Eymundi Þorsteinssyni í hesthúsa-
hverfinu á Mánagrund er fjölsóttur samkomu-
staður hestamanna í Reykjanesbæ og nágrenni.
„Við erum hérna á horninu og liggjum vel við.
Svo var þetta með fyrstu kaffistofunum sem út-
búnar voru hér í hverfinu og varð því fljótt funda-
staður. Nú eru komnar kaffistofur í mörg hús,“
segir Friðbjörn.
Þegar blaðamaður kom við á Mánagrund, að
morgni laugardags, var Jens Elísson í kaffispjalli
hjá þeim félögum. Færri voru við útreiðar þenn-
an dag en flesta laugardagsmorgna á þessum árs-
tíma, varla sást maður á hesti. Hins vegar voru
nokkrir að gefa og hirða um hestana og nokkrir
hesteigendur voru að fara með hestana á kerrum.
Þeir félagarnir á kaffistofunni sögðu að skýringin
væri sú að margir sem annars hefðu verið að ríða
út væru komnir eða á leiðinni á sýninguna Æskan
og hesturinn sem var um helgina í Reiðhöllinni í
Víðidal í Reykjavík.
Orðið fjölskyldusport
Mikill áhugi er á hestamennsku á Suður-
nesjum. Félagar í hestamannafélaginu Mána eru
búsettir í Garði og Sandgerði, auk Reykjanes-
bæjar. „Það er engin aðstaða til að vera með
hesta í hinum bæjunum. Ekki dytti mér í hug að
vera með hesta úti í Garði,“ segir Jens sem er bú-
settur í Garðinum.
Þeir félagarnir segja að áhuginn sé mikill og
alltaf að bætast við nýir félagar. Ekki er mikið
byggt, kannski eitt hús að meðaltali á ári en svo
eru menn að lengja hús og stækka hlöður.
Öll flóra hestamennskunnar er á Mánagrund.
Þar eru tamningamenn og hrossaræktendur en
þó mest almennir reiðmenn. Þeir félagarnir
flokka sig í síðastnefnda hópinn en segjast einnig
vera smávegis í ræktun. Þá séu ferðalögin á
sumrin ómissandi þáttur í þessu.
Hestamennskan hefur breyst mikið á und-
anförnum árum, hjá Mánafélögum eins og víða
annars staðar. Hún er orðin fjölskyldusport sem
öll fjölskyldan tekur þátt í, ekki síst börnin og
barnabörnin. „Það koma margir á morgnana um
helgar og fara ekki heim aftur fyrr en á miðju
kvöldi,“ segir Friðbjörn. Aðstaðan er orðin svo
góð að fjölskyldurnar fara ekki einu sinni heim í
mat, heldur elda eða hita upp matinn í kaffistof-
unni. Þá nefna þeir dæmi um áhugasama menn
sem komi alla morgna og borði morgunmatinn
sinn í hesthúsinu og komi aftur um hádegið til að
borða hádegismatinn.
Það er hending ef vín sést á manni þarna og þá
helst við sérstök tækifæri eins og á þorrablóti.
Þetta hvarf með gömlu jöxlunum, segja þeir fé-
lagar.
Hugað að reiðhöll
Sameiginleg aðstaða er góð á Mánagrund.
Byggðir hafa verið góðir reiðvellir á undan-
förnum árum og aðstaðan stórbætt. Þarna er
ágæt beitaraðstaða, að þeirra sögn. Svo er reið-
höll í gamalli skemmu á Mánagrund og þar eru
haldin námskeið. „Maður hefur heyrt að verið sé
að vinna í því,“ segir Friðbjörn þegar þeir eru
spurðir hvort stefnt sé að byggingu reiðhallar,
samkvæmt átaki sem Guðni landbúnaðarráðherra
hefur boðað. Þeir vísa á forystu hestamanna-
félagsins með nánari fregnir af því.
Hápunktur ársins í hestamennskunni hjá þeim
Friðbirni, Eymundi og Jens er að fara í hesta-
ferðalög á sumrin. Jens segist alltaf fara ríðandi
vestur í Dali með hestana í sumarbeit en þaðan
er hann ættaður og hefur aðstöðu hjá bræðrum
sínum. Þetta er ómissandi þáttur í tilverunni.
Þessi ferð hefur þróast þannig að bræður hans
koma gjarnan með hesta sína suður á Þingvöll
eða jafnvel lengra til að ríða með honum vestur í
Dali. Friðbjörn fer alltaf í sumarferðalag og Ey-
mundur segist slá botninn í árið með því að fara í
göngur á haustin.
Kaffistofan hjá Friðbirni og Eymundi er fundarstaður hestamanna
Erum á horninu og liggjum vel við
Eftir Helga Bjarnason
helgi@mbl.is
Morgunblaðið/Helgi Bjarnason
Hestamenn Friðbjörn Björnsson, Eymundur Þorsteinsson og Jens Elísson hittast gjarnan á kaffi-
stofunni hjá Friðbirni og Eymundi. Hér fylgjast þeir með mannlífinu úr hesthúsdyrunum.
Reykjanesbær | Hafinn er
undirbúningur fyrir þriðja
framboðið við næstu sveitar-
stjórnarkosningar í Reykja-
nesbæ. Talsmaður framboðs-
ins, sem nefnt verður Reykja-
nesbæjarlistinn, er Baldvin
Nielson sem situr í miðstjórn
og bæjarmálafélagi Frjáls-
lynda flokksins á staðnum.
Sjálfstæðisflokkurinn og
sameiginlegt framboð Sam-
fylkingarinnar, Framsóknar-
flokksins og óháðra borgara
hafa tilkynnt framboðslista
við komandi kosningar í
Reykjanesbæ. Framboðið
sem Baldvin Nielson stendur
fyrir yrði þá þriðja framboð-
ið.
Eitt af baráttumálum fram-
boðsins verður að setja
pressu á núverandi stjórnvöld
til að fara að líta hingað suð-
ureftir gagnvart atvinnuupp-
byggingu á svæðinu, segir í
tilkynningu frá Baldvin. Sú
stefna bæjaryfirvalda að
byggja hér ný hverfi sem
rúma eigi allt að fimm þúsund
manns á næstu þremur árum
gangi ekki upp án tryggrar
afkomu einstaklinganna til
framtíðar, samhliða uppbygg-
ingunni.
„Þau stjórnmálaöfl sem
verða, óbreytt, áfram í fram-
boði fyrir næstu sveita-
stjórnakosningar, eru ekki
trúverðug til að ná betri ár-
angri á næsta kjörtímabili, en
því sem nú er að líða, vegna
tengsla sinna við ríkisstjórn
og stefnu hennar í lands-
byggðarmálum,“ segir í til-
kynningunni.
Þriðja
framboðið
undirbúið
Skagafjörður | Eigendaskipti urðu
að Hótel Varmahlíð í Skagafirði fyr-
ir skömmu. Einkahlutafélagið
Gestagangur keypti hótelið, en
stærsti eigandi þess var Ásbjörg Jó-
hannsdóttir sem rak Hótel Varma-
hlíð í marga áratugi og byggði nú-
verandi húsnæði upp. Eigendur
Gestagangs ehf. eru Svanhildur
Pálsdóttir, foreldrar hennar Helga
Friðbjörnsdóttir og Páll Dagbjarts-
son og Sigurður Þorsteinsson sem
ættaður er úr Skagafirði. Svanhild-
ur er hótelstjórinn og fréttamaður
hitti hana að máli á dögunum.
„Ég er afar ánægð með þær við-
tökur sem ég hef fengið. Mér finnst
heimamenn meta það mjög mikils
að hér sé opið og hægt að fá þjón-
ustu eins og áður var. Hótelið skip-
ar greinilega ákveðinn sess í hugum
heimamanna sem von er, því hér var
opið nánast alla daga ársins meðan
Ásbjörg var. Við stefnum að því að
hafa opið sem mest allt árið. Það
verður eflaust ekki alltaf fólk í gist-
ingu en það er talsvert um að hér
séu haldnir fundir, af ýmsum stærð-
um og þá er yfirleitt einhver veit-
ingasala og jafnvel gisting. Við tók-
um við þeim bókunum sem komnar
voru fyrir sumarið og talsvert hefur
bæst við af pöntunum. Hér gistir
mikið af fólki á bílaleigubílum og
umferð þeirra er alltaf að aukast
þannig að við erum bara bjartsýn á
sumarið fram undan. Að sjálfsögðu
teljum við að Varmahlíð eigi mikla
möguleika varðandi ferðaþjónustu í
framtíðinni, ekki síst ef ferðaþjón-
ustufyrirtækin hér vinna saman að
því að fá ferðamenn til að stoppa á
svæðinu,“ sagði Svanhildur.
Bindur vonir við beina flugið
Hótel Varmahlíð er þriggja hæða
hús. Á neðstu hæð er gestamóttaka,
bar og matsalur sem tekur allt að
100 manns í sæti. Á efri hæðunum
eru herbergi, 19 talsins og öll
tveggja manna með snyrtingu.
Svanhildur stefnir á að fá hótelið
viðurkennt sem þriggja stjörnu hót-
el samkvæmt núgildandi flokk-
unarviðmiðum Ferðamálastofu en
til þess þarf að gera lítils háttar
breytingar á húsnæði og aðstöðu.
En eru einhverjar nýjungar á
döfinni til að laða að fólk utan þessa
hefðbundna ferðamannatíma?
„Hér á svæðinu eru tvö verkefni í
gangi,Vetrarauður og Hagvöxtur á
heimaslóð sem ég bind vonir við að
muni skila okkur einhverju í fram-
tíðinni. Svo er ég eins og aðrir
ferðaþjónustuaðilar á Norðurlandi
mjög spennt fyrir þessu beina flugi
sem Iceland Express er að byrja
með milli Akureyrar og Kaup-
mannahafnar. Ég bind miklar vonir
við að þetta muni auka ferða-
mannastraum á svæðinu, en við
þurfum auðvitað að vinna saman
ferðaþjónustuaðilar við búa til vörur
og afþreyingu til að hafa eitthvað að
bjóða. Svo er mikilvægt að við
Norðlendingar nýtum okkur þetta
flug þannig að það haldi áfram. En
miðað við fyrirspurnir bara hér
heima fyrir og það sem er fram und-
an næstu vikur sé ég ekki annað en
að það sé vel hægt að halda þessu
opnu yfir vetrarmánuðina,“ sagði
Svanhildur Pálsdóttir, hinn nýi hót-
elstjóri í Varmahlíð.
Skipar ákveð-
inn sess hjá
heimamönnum
Nýir eigendur að Hótel Varmahlíð
Eftir Örn Þórarinsson
Morgunblaðið/Örn Þórarinsson
Góður staður Hótel Vamahlíð er vel staðsett, í ferðaþjónustuþorpinu við
Norðurlandsveg. Nýir eigendur sjá mikla möguleika á þessum stað.
Morgunblaðið/Örn Þórarinsson
Nýr eigandi Svanhildur Pálsdóttir
hefur tekið við starfi hótelstjóra í
Hótel Varmahlíð í Skagafirði.
Húsavík | Kjöri á íþróttamanni
Húsavíkur, fyrir árið 2005, var lýst í
íþróttahöll bæjarins á dögunum. Að
venju hafði Kiwanisklúbburinn
Skjálfandi veg og
vanda af kjörinu,
eftir að deildir
innan Íþrótta-
félagsins Völ-
sungs ásamt öðr-
um íþrótta-
félögum
bæjarins, höfðu
tilnefnt íþrótta-
menn í hverri
grein.
Alls voru 14 íþróttamenn til-
nefndir. Stefán Jón Sigurgeirsson
skíðamaður var valinn Íþróttamað-
ur Húsavíkur. Í öðru sæti varð
Berglind Kristjánsdóttir, sem var
frjálsíþróttamaður ársins í eldri
flokki, og þriðja varð Selmdís Þrá-
insdóttir frjálsíþróttamaður ársins í
yngri flokki. Bocciamaðurinn Matt-
hías Erlendsson hlaut Hvatning-
arbikar Íþróttafélags fatlaðra.
Kristján Gunnar Óskarsson var
kjörinn knattspyrnumaður ársins í
yngri flokki og Björn Hákon Sveins-
son í eldri flokki. Í boccia, Vilberg
Lindi Sigmundsson í yngri flokki og
Olgeir Heiðar Egilsson í eldri
flokki. Í golfi, Unnar Þór Axelsson í
yngri flokki og Magnús Hreið-
arsson í eldri flokki. Í karate, Birkir
Ólafsson í yngri flokki og Geir
Garðarsson í eldri flokki. Hesta-
íþróttamaður ársins var Björn Guð-
jónsson, sundmaður ársins Berglind
Ólafsdóttir og fimleikamaður ársins
Karen Elsudóttir.
Stefán Jón
íþróttamaður
ársins 2005