Morgunblaðið - 21.04.2006, Síða 6

6 FÖSTUDAGUR 21. APRÍL 2006 MORGUNBLAÐIÐ
FRÉTTIR
NÝ sjóðfélagalán Lífeyrissjóðs
starfsmanna ríkisins, stærsta lífeyr-
issjóðs landsins, og Lífeyrissjóðs
hjúkrunarfræðinga meira en tvöföld-
uðust milli ára og uxu úr 4,6 millj-
örðum króna árið 2004 í 9,6 milljarða
króna í fyrra eða um 5 milljarða
króna, sem jafngildir því að 800 millj-
ónir króna hafi verið lánaðar út í
hverjum mánuði á árinu að meðaltali.
Ný lán umfram uppgreiðslur lána
jukust ennþá meira í fyrra en þessu
nemur, þar sem verulega dró úr upp-
greiðslum eldri lána hjá sjóðnum.
Nettólánveitingar sjóðsins námu
þannig 4,7 milljörðum króna í fyrra,
samanborið við 213 milljónir á árinu
2004, en það skýrist af gríðarlegum
uppgreiðslum lána á síðasta þriðj-
ungi ársins 2004 í kjölfar þess að
bankarnir hófu innreið sína á
lega skilyrði fyrir lánveitingum,
lækkuðu vexti og hækkuðu hámarks-
lánin innan þeirra marka sem lög
heimila, en þeim eru sett ströng skil-
yrði í þessum efnum, enda áttuðu
þeir sig á því að þarna var um að
ræða mikilvægan hluta af þeirra
eignasafni sem myndi glatast ef þeir
byðu ekki sambærileg eða betri kjör
en aðrir aðilar á þessum markaði.
Sumir sjóðir hættu til dæmis að lána
eingöngu til sjóðfélaga og lána hverj-
um þeim sem uppfyllti skilyrði um
veð fyrir láninu, en áður fyrr var það
almennt þannig að eingöngu sjóð-
félagar gátu vænst þess að fá lán. Þá
afnámu margir sjóðir skilyrði um há-
mark lána og getur lánsupphæð
gjarnan numið 65% af metnu mark-
aðsverði viðkomandi eignar. Alþingi
rýmkaði nýlega reglur í þessum efn-
um og er nú lífeyrissjóðum heimilt að
lána 75% af metnu markaðsverði
íbúðahúsnæðis.
Margir sjóðir enn með 4,15%
fasta vexti á lánum
Þá eru margir sjóðir enn með
4,15% fasta vexti á láninu, en vextir
þessir hjá bönkunum hafa hækkað
nokkuð, auk þess sem yfirleitt er
ekki uppgreiðslugjald á lánum lífeyr-
issjóðanna. Breytilegir vextir sjóð-
anna hafa hins vegar hækkað nokkuð
enda endurspegla þeir ávöxtunar-
kröfu á markaði hverju sinni, sem
hefur hækkað að undanförnu.
Sjóðfélagalán lífeyrissjóðakerfis-
ins í heild jukust enda nokkuð á síð-
asta ári eða um 7,5 milljarða króna
nettó. Þau námu 94,5 milljörðum
króna í árslok 2005 og hækkuðu úr
tæpum 87 milljörðum króna árið áð-
ur eða um tæp 9%.
fasteignalánamarkaðinn.
Fram til þess að bankarnir hófu að
lána til fasteignakaupa síðla sumars
2004 höfðu Íbúðalánasjóður og líf-
eyrissjóðirnir verið nánast einráðir á
þessum markaði. Innreið bankanna
á þennan markað með tilheyrandi
uppgreiðslum á öðrum lánum með
hærri vöxtum varð til þess að fjöl-
margir lífeyrissjóðir rýmkuðu veru-
Sjóðfélagalán LSR
meira en tvöfölduðust
Sjóðfélagalánin jukust nettó um 4,7 milljarða samanborið
við 213 milljónir 2004 vegna mikilla uppgreiðslna á því ári
Eftir Hjálmar Jónsson
hjalmar@mbl.is
ÞAÐ VAR blíðviðri í gær á sumardaginn
fyrsta í höfuðborginni og nutu fjölmargir þess
að vera úti og fagna sumri. Í öllum hverfum
borgarinnar safnaðist fólk saman og fór í
skrúðgöngu, oft undir forystu skáta.
Margir tóku þátt í dagskránni Ferðalangur
en m.a. var boðið upp á skoðunarferðir í
Reykjavík, hestaferðir í Hafnarfirði og voru
mörg listasöfn opin gestum og gangandi til
gagns og gamans.
Á Akureyri var einnig mikið um hátíð-
arhöld. Við Minjasafnið fengu krakkar að fara
á hestbak og blásnar voru sápukúlur af mikl-
um móð. Í Nonnahúsi var lesið úr einni Nonna-
bókanna og krakkar fengu að föndra sín eigin
sumarkort. Í húsnæði Zontaklúbbsins, við hlið
Nonnahússins, var svo boðið upp á lummur
framleiddar á staðnum, kakó og svalardrykki.
Óvenjulegri viðburðir voru einnig á dag-
skrá á sumardaginn fyrsta. Tíu gönguhópar á
vegum kristinna safnaða fóru í bænagöngu í
kringum Reykjavík. Bænahóparnir lögðu af
stað frá nokkrum stöðum í borginni og komu
þeir að húsi KFUM og KFUK um hádegið.
Hver hópur hafði þá gengið fimm til sex km
áleiðis kringum Reykjavík og numið staðar
nokkrum sinnum á leiðinni og beðið fyrir
borginni.
Þá fór víðavangshlaup ÍR fram í 91. sinn en
hlaupið er árlegur vorboði í borginni.
Fjölbreytt dagskrá var víðsvegar um landið
þó að misjafnlega viðraði á þátttakendur.
Frost var víða um land klukkan 6 í gær-
morgun en samkvæmt þjóðtrú veit það á gott
sumar ef sumar og vetur frjósa saman.
Ljósmynd/Hrund Axelsdóttir
Sumargleði Tónabæjar í Fjölskyldu- og húsdýragarðinum var vel sótt og barist var í víkingaskipinu.
Sumarið hafið
Morgunblaðið/Skapti Hallgrímsson
Sápukúlur blásnar í snjónum við Minjasafnið á Akureyri í gær í tilefni af sumardeginum fyrsta.
Ljósmynd/Haraldur Guðjónsson
Beðið fyrir borginni í Breiðholti en bænaganga var gengin í gær.