Morgunblaðið - 21.04.2006, Blaðsíða 10

10 FÖSTUDAGUR 21. APRÍL 2006 MORGUNBLAÐIÐ
FRÉTTIR
„Ég sé ekki
neitt en ég heyri
raddirnar.“
á morgun

Þorvaldur Þorsteinsson
leikritahöfundar í samtali
um leikritun sína.
SÓLVEIG Pétursdóttir, forseti Al-
þingis, sagði á þingi á miðvikudag að
frumvarp forsætisráðherra um breyt-
ingar á eftirlaunalögunum svonefndu
hefði ekki komið á borð forsætis-
nefndar þingsins. Jóhanna Sigurðar-
dóttir, þingmaður Samfylkingarinn-
ar, spurði Sólveigu út í það í upphafi
þingfundar. Jóhanna sagði að ítrekað
hefði komið fram í fjölmiðlum að eft-
irlaunamálið svonefnda væri strand í
forsætisnefnd. Meðal annars hefði
verið haft eftir forsætisráðherra,
Halldóri Ásgrímssyni, að samstöðu
skorti í forsætisnefnd til að gera
breytingar á eftirlaunalögunum.
„Þetta er alrangt og óþolandi að
liggja undir því að forsætisnefnd sitji
á málinu,“ sagði Jóhanna, en hún er
einn af varaforsetum þingsins, og á
þar með sæti í nefndinni.
Sólveig fór yfir málið og sagði að
forsætisráðuneytið hefði hinn 25. apr-
íl 2005 sent þáverandi forseta Alþing-
is lögfræðilegt álit, sem unnið hefði
verið fyrir ráðuneytið, um heimild
löggjafans til ákveðinna breytinga á
lögum um eftirlaun forseta Íslands,
alþingismanna, ráðherra og hæsta-
réttardómara. „Í álitinu kemur m.a.
fram að hægt sé að breyta lögunum
en varhugavert sé að hreyfa við líf-
eyrisréttindum sem þegar hafi tekið
gildi vegna eignarréttarákvæðis
stjórnarskrárinnar.“
Sólveig rifjaði upp að forsætisráð-
herra hefði sagt við fjölmiðla fyrir
rúmu ári að hann vildi breyta eftir-
launalögunum [á þann veg að fyrrver-
andi ráðherrar gætu ekki tekið eft-
irlaun á sama tíma og þeir væru í
launuðum störfum á vegum ríkisins].
Sólveig sagði að ráðherra hefði jafn-
framt sagt að hann vildi hafa um það
samráð við aðra á Alþingi til að ná
samstöðu um málið.
Álitsgerðin rædd í nefndinni
„Í bréfi forsætisráðuneytisins til
forseta Alþingis í apríl í fyrra er ekki
sett fram nein ósk um viðbrögð við
lögfræðiálitinu,“ sagði hún. „Álits-
gerðin kom ekki til umræðu í forsæt-
isnefnd fyrr en 7. nóvember sl. og aft-
ur hinn 11. nóvember sl.“
Sólveig sagði að forsætisráðherra
hefði í samráði við forseta þingsins
boðað formenn flokkanna til fundar
hinn 5. desember sl. Þar hefði hann
lagt fram drög að frumvarpi til breyt-
inga á eftirlaunalögunum. Formenn
stjórnarandstöðuflokkanna hefðu
hins vegar talið að of lítill tími hefði
verið til að afgreiða málið fyrir
jólahlé. Auk þess hefði verið efnisleg-
ur ágreiningur um frumvarpsdrögin.
Nýr fundur hefði verið haldinn með
formönnum flokkanna hinn 16. janúar
sl. en þar hefði enn komið fram efnis-
ágreiningur og mismunandi sjónar-
mið um það hverjir ættu að standa að
framlagningu frumvarpsins.
Sólveig tók fram að hún liti svo á að
frumvarpsdrögin væru trúnaðarmál á
þessu stigi. Að lokum sagði hún: „Nið-
urstaðan er því sú að um málið hefur
ekki náðst efnisleg samstaða og þar af
leiðandi hefur frumvarpið ekki komið
á borð forsætisnefndar.“
Lappar ekki
upp á lögin
Ögmundur Jónasson, þingflokks-
formaður Vinstrihreyfingarinnar –
græns framboðs, sagði að eftirlauna-
frumvarpið hefði á sínum tíma verið
flutt á ábyrgð núverandi og fyrrver-
andi forsætisráðherra, þ.e. þeirra
Halldórs Ásgrímssonar og Davíðs
Oddssonar. Ögmundur kvaðst ekki
myndu taka þátt í einhverjum mála-
myndagerningi til að lappa upp á lög-
in.
Margrét Frímannsdóttir, þing-
flokksformaður Samfylkingarinnar,
sagði að ekki hefði verið rætt við for-
ystumenn flokkanna um eftirlauna-
frumvarpið síðan í janúar. „Risinn,
Framsóknarflokkurinn, sefur á því
frumvarpi og er líklega ekkert að
rumska,“ sagði hún.
Ekki komið á borð
forsætisnefndar
Frumvarp um breytingar á eftirlaunalögum
ÖKUMAÐUR vélsleða handleggs-
brotnaði illa er hann ók sleða sín-
um fram af klettavegg í Gjástykki
norður af Kröflu í gærmorgun.
Samkvæmt upplýsingum lögregl-
unnar á Húsavík var maðurinn í
hópi mælingamanna Íslenskra
orkurannsókna sem voru við störf
á svæðinu. Kallað var eftir hjálp
um klukkan ellefu í gærmorgun
og voru Hjálparsveit skáta í Að-
aldal og björgunarsveitin Garðar
þá kallaðar út. Hinn slasaði var
fyrst fluttur á sérhönnuðum vél-
sleðabörum til móts við björg-
unarsveitarbíl með lækni innan-
borðs. Var sjúklingurinn síðan
fluttur til móts við sjúkrabíl sem
flutti hann á Fjórðungssjúkrahúsið
á Akureyri.
Morgunblaðið/BFH
Björgunarmenn við sleðann ofan í gjánni. Sleðinn hrapaði um 26 metra.
Handleggsbrotnaði
á vélsleða í Gjástykki
BÓKAVERÐLAUN barnanna voru afhent í fimmta
sinn í gær í aðalsafni Borgarbókasafns í Grófarhúsi.
Um 5.000 börn á aldrinum 6–12 ára á öllu landinu tóku
þátt í kosningunni, en hún fór fram á almennings- og
skólabókasöfnum um allt land.
Það var Kristín Helga Gunnarsdóttir sem hlaut verð-
launin fyrir frumsömdu bókina Fíasól í hosiló, en þetta
er í annað sinn sem Kristín veitir verðlaununum við-
töku. Hins vegar hlaut Helga Haraldsdóttir verðlaunin
fyrir þýðingu sína á bókinni Harry Potter og blend-
ingsprinsinn eftir J.K. Rowling, en Harry Potter hefur
tvívegis áður verið valinn til sigurs af börnunum í
keppninni.
Verðlaunin að þessu sinni voru listaverk eftir ís-
lenska myndlistarmenn úr Artóteki Borgarbókasafns,
ásamt viðurkenningarskjali. Einnig fengu tíu börn sem
tóku þátt í kosningunni í Reykjavík viðurkenningu frá
Borgarbókasafni fyrir þátttökuna og það sama má
segja um önnur bókasöfn víðs vegar um landið. Við-
urkenningarnar í Reykjavík eru leikhúsmiðar á Ronju
ræningjadóttur, bækur sem hljóta Barnabókaverðlaun
Fræðsluráðs Reykjavíkur daginn áður og heimsókn frá
rithöfundinum sem hlýtur Bókaverðlaun barnanna í
bekk viðkomandi barna. Bókaverðlaun barnanna eru
til þess ætluð að vekja athygli á bókum fyrir börn og
unglinga, auka áhuga barna á bókum og sýna bókvali
barnanna sjálfra virðingu.
Bókaverðlaun barnanna afhent á sumardaginn fyrsta
Kristín Helga Gunnarsdóttir hlaut verðlaunin í flokki frumsaminna bóka fyrir bók sína Fíasól í Hosiló sem
Halldór Baldursson myndskreytti. Þau eru hægra megin á myndinni ásamt Sigþrúði Gunnarsdóttur frá Eddu
útgáfu og Hildi Bjarnadóttur frá Borgarbókasafninu sem afhenti verðlaunin.
Börnin
völdu Fíusól
og Harry
Morgunblaðið/Árni Sæberg
Helga Haraldsdóttir fékk verðlaun fyrir þýðingu sína á
Harry Potter og blendingsprinsinum.