Morgunblaðið - 08.05.2006, Blaðsíða 1

STOFNAÐ 1913 124. TBL. 94. ÁRG. MÁNUDAGUR 8. MAÍ 2006 PRENTSMIÐJA MORGUNBLAÐSINS mbl.is
Leikfimin
léttir lífið
Góðir félagar hittast tvisvar
í viku og hreyfa sig | Daglegt líf
Fasteignir og Íþróttir í dag
Fasteignir | Turnar rísa í Keflavík
Garðskaginn er vinsæll

Gamla Kópavogshælið til sölu Íþróttir | Arsenal skildi Tottenham
eftir
Schumacher á sigurbraut
Rúnar Kristinsson sáttur
HITATÖLUR voru í hærra lagi á landinu um
helgina, og komst hitinn í gær hæst í 19 stig á
Þingvöllum, en 18 stiga hiti var þegar heitast
var á höfuðborgarsvæðinu. Talsverð umferð
var til borgarinnar er leið á gærdaginn, en
þeir sem héldu sig í borginni gerðu líka ým-
islegt til að njóta veðursins, eins og systurnar
Anna Lára og Guðrún Erla, sem busluðu á sól-
arströnd í Nauthólsvík. | Miðopna
Morgunblaðið/Ómar
Hitinn komst í 19 stig á Þingvöllum
KOMIÐ hefur í ljós við rannsóknir
vísindamanna að eitt besta ráðið við
streitu er að temja sér hæfilegan
skammt af leti, segir í frétt danska
blaðsins Jyllandsposten. „Vandinn er
bara að Danir líta á það sem merki
um bjánaskap að vera latur og taka
sér pásur í vinnutímanum,“ segir
Thoms Milsted sem er fræðimaður
hjá Streiturannsóknastöðinni
dönsku. „Streitulosun er því í and-
stöðu við menningu okkar.“
Tölur frá danskri ríkisstofnun sem
rannsakar almannaheilbrigði benda
til þess að 44% Dana finni oft eða
stundum fyrir streitu. „Leti eykur
framleiðslu ákveðinna efna sem
vinna gegn streitu,“ segir Milsted.
„Púlsinn lækkar, hjartað slær ekki
jafn hratt og þrýstingurinn lækkar
þegar maður liggur í leti. Fólk getur
því í reynd varist streitu með því að
leyfa sér markvisst að liggja öðru
hverju í leti og byggja sig þannig upp
á ný.“ Segir hann að fólk geti til
dæmis lagst í sófa í tuttugu mínútur
og slakað algerlega á, bæði líkam-
lega og andlega.
Leti sögð
vera holl
HÁTT í tveimur þúsundum landeig-
enda og ábúenda á Suðurlandi er um
þessar mundir að berast bréf frá fast-
eigna- og lögmannaskrifstofunni Lög-
mönnum Suðurlandi þar sem vakin er
athygli á því að mikil aukning hefur
orðið á eftirspurn eftir jörðum og
landspildum á þessu landsvæði hafi
menn hug á að selja. Að sögn Stein-
dórs Guðmundssonar, sölumanns hjá
Lögmönnum Suðurlandi, var bréfið
sent til landeigenda á svæði sem nær
frá Hveragerði allt austur að Kirkju-
bæjarklaustri. Aðspurður um viðtök-
ur við bréfunum sagði Steindór held-
ur snemmt að segja til um það þar
sem bréfin væru enn að berast fólki,
en þau voru póstlögð sl. fimmtudag.
Sagðist hann þó vænta þónokkurra
viðbragða á næstu dögum og vikum.
Steindór segir listann mjög fjöl-
breyttan af því sem verið sé að leita
eftir. „Þetta er allt frá því að vera lóð-
ir sem fólk ætlar að byggja á heils-
árshús, yfir í það að verið er að leita
eftir beitarlandi, sumarbústaðalóðum
og bújörðum,“ segir Steindór og tek-
ur fram að viðskiptahópurinn sé afar
blandaður. Þar sé ýmist um að ræða
fólk sem sé að leita að lóðum undir
sumarbústað eða heilsárshús, en
einnig nokkuð um hestamenn sem
vilji tryggja sér beitarland. Segir
hann þó flesta í hópi viðskiptavina
vera fólk sem hafi áhuga á frístunda-
búskap og skógrækt.
Bújarðir hafa verið
að hækka í verði
Aðspurður um stærð þeirra jarða
og landspildna sem leitað sé eftir seg-
ir Steindór algengast að verið sé að
leita eftir 5–10 hektara svæði í óskipu-
lögðu landi með það að markmiði að
byggja á jörðinni, 1–3 hektarar sé vin-
sælasta stærðin þegar leitað sé eftir
landi til ræktunar og landsvæði á
bilinu ½–3 hektarar sé algengast þeg-
ar leitað sé eftir sumarbústaðalóð.
Að sögn Steindórs hafa bújarðir
verið að hækka í verði þannig að það
sé ekki á færi hvers sem er að kaupa
sér jörð. Spurður hvað ráði verði seg-
ir Steindór það vera samspil marga
þátta svo sem landgæða, aðgengi að
vatni og vegum, heitu vatni, mann-
virkjum og hvort jörð sé ræktuð. Seg-
ir hann landsvæði einnig misvinsæl
og nefnir að uppsveitir Árnessýslu
séu sérlega vinsælar og landið dýrt.
Aukin eftirspurn eftir
jörðum á Suðurlandi
Eftir Silju Björk Huldudóttur
silja@mbl.is
Ljósmynd/Gísli Sigurðsson
Landeigendur á svæðinu frá Hveragerði að Kirkjubæjarklaustri hafa feng-
ið sent bréf frá fasteignasala þar sem vakin er athygli á aukinni eftirspurn.
JACQUES Chirac Frakklandsfor-
seti og Angela Merkel, kanslari
Þýskalands, hvöttu til þess í gær að
öryggisráð Sameinuðu þjóðanna
samþykkti ályktun þar sem Íranar
yrðu beinlínis skyldaðir til að hætta
tilraunum með auðgun úrans.
Frakkar og Bretar, sem hafa fasta-
sæti og neitunarvald í ráðinu ásamt
Bandaríkjamönnum, Rússum og
Kínverjum, hafa þegar lagt fram til-
lögu að ályktun. Er þar vitnað til
ákvæðis í stofnsáttmála SÞ um að
grípa megi til refsinga fari aðildar-
ríki ekki að kröfum öryggisráðsins.
Utanríkisráðherrar ríkjanna fimm
sem hafa neitunarvald og Þýska-
lands munu eiga fund í dag í New
York og reyna að ná samstöðu um
aðgerðir vegna deilnanna um til-
raunir Írana. Kínverjar og Rússar
hafa lengi mælt gegn því að gripið
verði til refsiaðgerða og vilja gefa
viðræðum meiri tíma. Evrópuríkin
hafa í meira en ár reynt að telja Ír-
ana á að fara að kröfum SÞ, þau telja
ásamt Bandaríkjunum að sú leið sé
fullreynd og beita verði þvingunum.
Stjórnmála-
skýrendur benda
á að herskáar yf-
irlýsingar sumra
leiðtoga Írans
síðustu mánuði
valdi því að olíu-
verð hækki enn
frekar sem þýðir
auknar tekjur ol-
íuríkja eins og Ír-
ans. Margir óttast að til hernaðar-
átaka geti komið vegna
kjarnorkudeilnanna.
Íranar fullyrða að ætlun þeirra sé
ekki að smíða sprengju, einvörðungu
sé um friðsamlegar rannsóknir að
ræða. Þeir eru aðilar að alþjóða-
samningi um bann við frekari út-
breiðslu kjarnavopna, NPT. Íranska
þingið sendi Kofi Annan, fram-
kvæmdastjóra SÞ, bréf á laugardag
þar sem það hótar að stjórn Írans
verði neydd til þess að segja upp
samningnum ef SÞ láti ekki af kröf-
um sínum. Verði beitt þvingunum
eigi Íran engra annarra kosta völ en
segja upp þeim hluta NPT sem
heimilar eftirlit Alþjóðakjarnorku-
málastofnunarinnar og endurskoða
aðild ríkisins að samningnum í heild.
Hvetja til álykt-
unar gegn Íran
Jacques Chirac
Eftir Kristján Jónsson
kjon@mbl.is