Morgunblaðið - 08.05.2006, Blaðsíða 14

Umbo›s- og sölua›ili
Birkiaska ehf.
sími: 551 9239
www.birkiaska.is
Birkiaska
LYFJAMEÐFERÐ á heilsugæslu-
stöðinni getur gagnast áfengis-
sjúklingum jafn vel og meðferð á
meðferðarstöðvum, að því er banda-
rísk rannsókn bendir til. Í Dagens
Nyheter kemur fram að ef áfeng-
issjúklingar fá lyf og reglulega fundi
með lækni eða hjúkrunarfræðingi
séu miklar líkur á að það gagnist
þeim til bata. Lyf eins og Revia
(naltrexon) og Campral (acampros-
at) eru nú notuð gegn áfengissýki
sums staðar í heiminum. Leiðbein-
ingar með þeim kveða á um að þau
eigi að nota með atferlismeðferð en
nú hafa rannsóknir sýnt að það er
ekki nauðsynlegt því lyfin sjálf hafa
jafngóð áhrif.
Læknar ávísa of sjaldan lyfjum
Að sögn Johans Franck, yfirlækn-
is hjá Karólínsku stofnuninni, sem
sérhæfir sig í meðferð áfengis-
sjúkra, ávísa læknar of sjaldan lyfj-
um gegn áfengissýki. „Alkóhólismi
er sjúkdómur,“ segir hann í DN.
Jafnmargir Svíar þjást af áfeng-
issýki og af sykursýki, þ.e. um 300
þúsund manns. Sama hlutfall af Ís-
lendingum eru um tíu þúsund
manns. Niðurstöður bandarísku
rannsóknarinnar sem vitnað er til
birtast í vísindatímaritinu JAMA.
1.400 manns tóku þátt í rannsókn-
inni sem tók sextán vikur. Í ljós kom
að meðferð með lyfinu Revia ásamt
reglulegum viðtölum hjá lækni eða
hjúkrunarfræðingi hafði jafngóð
áhrif og atferlismeðferð með reglu-
legum viðtölum. Árangurinn batnaði
ekki ef báðar meðferðir voru not-
aðar saman. Rannsóknin sýnir að
ekki þarf að nota lyf með annarri
meðferð, að mati Franck. Heim-
ilislæknar geti skrifað upp á lyfin og
sjúklingarnir geti komið í regluleg
viðtöl til hjúkrunarfræðings á
heilsugæslustöð. Hann segir nauð-
synlegt að meðferð áfengissjúklinga
verði komið í þetta horf og heilsu-
gæslustöðvar taki þátt, því meðferð-
arstöðvar ráði ekki við allan þann
fjölda sem þurfi læknishjálp vegna
áfengissýki.
Meðferð fyrir
alkóhólista á
heilsugæslustöð
 RANNSÓKN
„MENN eru alveg eyðilagðir ef tími dettur niður, þetta er
svo rosalega skemmtilegt,“ segir Jón Sigurjónsson, annar
eigenda skartgripa- og úraverslunarinnar Jón og Óskar,
en hann er í leikfimi ásamt Þórarni Klemenssyni, sem
starfar hjá Glitni, og fleiri mönnum sem hittast tvisvar í
viku og hreyfa sig. „Þetta byrjaði þannig að nokkrir Rót-
arý-félagar sem bjuggu þarna í hverfinu fengu leikfimi-
kennara í Ártúnsskóla til að kenna sér,“ segir Þórarinn.
„Við erum búnir að lifa nokkrar dömur [kennara],“ bætir
Jón við. „Við vorum að telja út hversu lengi við höfum
stundað þetta og komumst að því að tíminn er orðinn 11
ár,“ segir Þórarinn og lýsir undrun sinni á því hversu tím-
inn er fljótur að líða.
„Þetta er mjög gott af því að þegar fólk er komið á
þennan aldur er leikur og svona leikfimi vel við hæfi,“ seg-
ir Jón. „Við erum nú allir gamlir íþróttamenn, þannig að
þetta er áframhaldið af því að vera í okkar íþróttum.“
Fyrri hluta tímans er upphitun sem felst í leikfimi en í
seinni hlutanum er hópnum skipt í tvennt og annar leikur
körfubolta en hinn fer í bandý.
„Þú sérð það að eftir að hafa æft bandý í allan þennan
tíma erum við orðnir helv … góðir,“ segir Jón sem gekk í
lið með bandý-mönnum en Þórarinn er í körfuboltaliðinu.
„Já, Jón er orðinn dálítið góður,“ segir Þórarinn hógvær
fyrir hönd félagans. „Við erum alltaf að bíða eftir að ein-
hver skori á okkur, en það kannski þorir enginn í okkur,“
bætir Jón við skelmislega. „Það er nú alltaf svolítill rígur á
milli körfuboltaliðsins og bandý-liðsins,“ segir Þórarinn
og hlær. „Þó er það allt í góðu.“ Jón hefur nú góða útskýr-
ingu á því. „Það er af því að við erum miklu betri í bandý-
liðinu, þeir eru bara öfundsjúkir út af því.“
Kappið stundum meira en forsjáin
Mennirnir í hópnum eru á ýmsum aldri, frá fimmtugu
og upp í sjötugt. „Sá elsti er orðinn sjötugur, en flestir eru
á aldrinum 50–60,“ segir Jón.
„Veturinn hjá okkur snýst alveg um þetta, en á sumrin
missum við húsið, erum dálítið skúffaðir yfir því.“
Flestir mennirnir í hópnum eru búsettir í Árbænum og
Ártúnsholti, en einn kemur alltaf úr Garðabæ til að vera
með.
Á svo löngum tíma sem ellefu árum er viðbúið að ein-
hver breyting verði á hópnum. „Við erum alltaf að eflast,“
segir Þórarinn um það, en fullyrðir að mannabreytingar
hafi ekki verið miklar. „Þó koma einhverjir nýir á hverju
ári,“ segir Jón, „einhverjir detta út og sumir slasa sig …“
„Já, stundum er kappið meira en forsjáin,“ heyrist í Þór-
arni hláturmildum. „Ég er búinn að vera með allan tím-
ann,“ segir Jón og „ég er búinn að vera í tíu ár,“ bætir
Þórarinn við.
Spurðir um inntökuskilyrði segja þeir einum rómi: „Að
vera skemmtilegir,“ og Jón bætir við að menn megi líka
alveg vera góðir í bandý og körfubolta.
Frá upphafi hefur kona kennt þeim. Eins og fram kom í
máli Jóns hér að framan er þriðja konan með þeim núna.
„Við erum mjög ánægðir með að kona kenni okkur,“ segir
Jón, „við fáum þjálfun fyrir allan líkamann og svo er þetta
líka þjálfun fyrir augun. Við höfum nefnilega alltaf verið
heppnir með það að hafa fallegar konur sem kennara,“ og
Þórarinn skýtur því að að hann viti ekki betur en Olga
Lísa Garðarsdóttir, núverandi kennarinn þeirra, sé mjög
hrifin af þeim.
Stressið á bak og burt
Leikfimin léttir þeim félögum lífið á margan hátt og
þeir lýsa því sem svo að allt stress fari úr þeim við hreyf-
inguna. „Þetta er rosalega hressandi,“ segir Þórarinn.
„Maður kemur kannski úr vinnunni útúrstressaður en á
þessum klukkutíma rýkur allt stressið úr manni.“
Annað er ekki að sjá á Jóni og Þórarni en þeir séu í fínu
standi líkamlega. „Ef við værum ekki í leikfiminni værum
við ábyggilega helmingi feitari en við erum,“ segir Jón en
aðspurðir segjast þeir þó borða það sem þá langar í.
„Á vorin höfum við slútt, þá kemur ekkert annað til
greina en alvöru steik,“ segir Þórarinn.
Undanfarin ár hefur hópurinn, undir vaskri stjórn
Olgu, endað veturinn með útihlaupum og sundlaugar-
ferðum í Árbæjarlaug.
 ÁHUGAMÁLIÐ | Góðir félagar hittast tvisvar í viku og hreyfa sig
Morgunblaðið/Kristinn
Það er líka nauðsynlegt að styrkja liðamótin.
Leikfimin léttir lífið
Eftir Sigrúnu Ásmundar
sia@mbl.is
Styrkir magavöðvar eru lykilatriði.
Þórarinn Klemensson og Jón Sigurjónsson eru endur-
nærðir eftir tíma þó að þeir séu líkamlega uppgefnir.
Olga Lísa Garðarsdóttir hefur stjórnað hópnum
styrkri hendi undanfarin ár.
Daglegtlíf
maí