Morgunblaðið - 08.05.2006, Blaðsíða 37

MORGUNBLAÐIÐ MÁNUDAGUR 8. MAÍ 2006 37
OFURNJÓSNARINN Ethan
Hunt er mættur til leiks á ný í
þriðju myndinni í Aðgerð: Ómögu-
leg (Mission: Impossible) seríunni,
kröftugri hasarmynd sem heldur
áhorfandanum uppteknum frá
fyrstu mínútu til þeirrar síðustu.
Ólíkir leikstjórar hafa fengið að
spreyta sig á myndunum í röðinni
– þeirri fyrstu leikstýrði Brian De
Palma og síðan tók hasarleikstjór-
inn John Woo við. Nú hefur J.J.
Abrams, heilinn á bak við sjón-
varpsþættina „Lost“ og „Alias“,
tekið við taumunum og leikur sér
að hasarstórmyndaforminu eins og
að drekka vatn.
Þegar hér er komið sögu hefur
Ethan Hunt (Tom Cruise) snúið
baki við köllun sinni og dregið sig
í hlé frá leyniþjónustustörfum.
Hann hefur gerst kennari hjá
IMF-leyniþjónustustofnuninni, og
er á leiðinni í hnapphelduna með
sinni heittelskuðu Juliu (Michelle
Monaghan). En IMF virðist ekki
geta án hans verið og þegar Eth-
an er kallaður í björgunarleið-
angur til þess að frelsa samstarfs-
konu sína og fyrrum nemanda úr
klóm voldugs vopnasala, rennur
honum blóðið til skyldunnar. Fyrr
en varir hefur hetjan flækst í snú-
ið vopnasölumál sem teygir anga
sína inn í sjálfa IMF-stofnunina.
Eins og lög gera ráð fyrir í
njósnatryllum þeytist hetjan milli
heimshorna, m.a. með viðkomu í
Vatíkaninu og Sjanghæ og er jafn-
víg á kínversku og hraðskreið far-
artæki. Okkar maður lætur hvorki
þyngdaraflið né rammgirtar höf-
uðstöðvar glæpahringja hindra
sig, en ólíkt fyrri myndunum
tveimur er leitast við að gæða frá-
sögnina tilfinningalegri vídd sem
virkar ágætlega. Þannig hefst
myndin ekki á hinu sígilda upp-
hafsspennuatriði, heldur í há-
punkti tilfinningalegs drama, þeg-
ar illmennið hefur fangað Ethan
og Juliu og býr sig undir að
myrða eiginkonu hetjunnar fyrir
framan hann. Með því að tvinna
hversdagslífi hetjunnar inn í sög-
una verður hún jafnframt veikari
fyrir og þannig tekst að skapa
meiri undirliggjandi spennu í öll-
um hamaganginum. Aðgerð:
Ómöguleg III er sömuleiðis of-
urspennumynd sem tekur sig ekki
of alvarlega og fellur ekki í þá
gryfju að reyna að útskýra for-
sendur spennufléttunnar í of mikl-
um smáatriðum.
Myndin er vel skipuð leikurum,
jafnt í aðal- sem aukahlutverkum.
Philip Seymour Hoffmann stelur
þar senunni í hlutverki vopnasal-
ans Owen Davian, en fas leikarans
eitt og sér fær mannvonskuna til
þess að lýsa af óþokkanum. Tom
Cruise er góður að vanda og fær
áhorfandann til þess að trúa því
að ekkert sé þessari hetju ómögu-
legt. Það er vel hægt að mæla
með Aðgerð: Ómöguleg III sem
góðri afþreyingu og fram-
bærilegum sumarsmelli.
Hetjan sem allt getur
KVIKMYNDIR
Mission: Impossible III /
Aðgerð: Ómöguleg III
Leikstjórn: J.J. Abrams. Aðalhlutverk: Tom
Cruise, Philip Seymour Hoffman, Michelle
Monaghan. Bandaríkin, 126 mín.
Heiða Jóhannsdóttir
VERSLUNIN Nexus á Hverf-
isgötu tók á laugardaginn
þátt í „Free Comic Book
Day“ ásamt nær tvö þúsund
verslunum um heim allan og
gaf sérútgefin myndasögu-
blöð frá ýmsum útgefendum.
Nexus gaf ánægðum mynda-
söguaðdáendum yfir eitt þús-
und blöð en alls voru gefnar
hátt í tvær milljónir blaða
víðsvegar um heiminn. Þetta
var í fimmta skiptið sem dag-
urinn var haldinn og hafa
vinsældir hans aukist frá ári
til árs. Nexus er sérvöru-
verslun með myndasögur,
hlutverkaspil, mynddiska,
leikföng og fleira sem gleðja
á ævintýraþyrst og lífsglöð
hjörtu.
Nexus fagnaði hátíðardegi myndasögunnar
Hjörtun glödd með gefins blöðum
Morgunblaðið/Ómar
Gísli Einarsson er eigandi Nexus og var hann ánægður með daginn.
Þórarinn Þórarinsson var mættur í Nexus, enda kemst hann þar í allar sínar
uppáhaldsbókmenntir. Bestar þykja honum Simpsons, Star Wars og Futurama.
SAMBÍÓ ÁLFABAKKA SAMBÍÓ KRINGLUNNI
FRÁ J.J.ABRAMS, HÖFUNDI LOST OG ALIAS
AF MÖRGUM TALIN VERA
BESTA MISSION IMPOSSIBLE MYNDIN TIL ÞESSA.
FYRSTA STÓRMYND SUMARSINS ER KOMIN
eeee
VJV, Topp5.is
MI : 3 kl. 4 - 5:20 - 8 - 10:40 B.I. 14.
MI : 3 LÚXUS VIP kl. 5:20 - 8 - 10:40
FAILURE TO LAUNCH kl. 4 - 6 - 8 - 10:10
FIREWALL kl. 6:30 - 8:30 - 10:40 B.I. 16.
SCARY MOVIE 4 kl. 4 - 6 - 8 - 10:10 B.I. 10
V FOR VENDETTA kl. 8
WOLF CREEK kl. 10:40 B.I. 16.ÁRA.
LASSIE kl. 6
BAMBI 2 M/- ÍSL TAL kl. 4
MI : 3 kl. 5:30 - 8 - 10:40 B.I. 14
INSIDE MAN kl. 5:30 - 8 - 10:40 B.I. 16
SCARY MOVIE 4 kl. 6 - 8 - 10 B.I. 10
SÝND Í
STAFRÆNNI
ÚTGÁFU,
MYND OG HLJÓÐ