Morgunblaðið - 08.05.2006, Blaðsíða 6

6 MÁNUDAGUR 8. MAÍ 2006 MORGUNBLAÐIÐ
FRÉTTIR
Veltan nam samtals 16,8 milljörð-
um króna og meðalupphæð á hvern
kaupsamning var 27,4 milljónir
króna. Varð 32,5% samdráttur í
fjölda kaupsamninga í apríl miðað
við mánuðinn á undan og samdrátt-
ur í veltu var um 27,5%. 908 kaup-
samningum var þinglýst í mars og
var upphæð veltu 23,1 milljarður
króna og meðalupphæð á hvern
kaupsamning var 25,4 milljónir
króna. Það er þó talið skýra þenn-
an samdrátt að einhverju leyti,
eins og fyrr segir, að fleiri helgi-
dagar voru í apríl vegna páskanna.
FASTEIGNASALAR telja sig
merkja að nokkuð sé farið að hægj-
ast um á fasteignamarkaðinum og
meira jafnvægi að komast á. Enn
er þó mikil hreyfing í fasteigna-
viðskiptum og verð er enn á upp-
leið, skv. upplýsingum Björns
Þorra Viktorssonar, formanns Fé-
lags fasteignasala.
Hann segir flesta þeirrar skoð-
unar að nokkurs samdráttar gæti á
markaðinum en það sé þó almenn
skoðun að hann sé ekki eins mikill
og tölur Fasteignamats ríkisins
fyrir aprílmánuð gefi til kynna. Þar
komi m.a. til áhrif helgidaga um
páskana í seinasta mánuði.
„Hins vegar er alveg ljóst að
markaðurinn er áfram að leita
meira jafnvægis og farið er að
hægja á þessari gríðarlegu spennu
sem verið hefur, þó það sé ennþá
mikil hreyfing,“ segir Björn Þorri.
Samkvæmt upplýsingum Fast-
eignamats ríkisins var 613 kaup-
samningum um fasteignir þinglýst
við sýslumannsembættin á höfuð-
borgarsvæðinu í seinasta mánuði.
Ef þessi fasteignaviðskipti eru
borin saman við apríl á síðasta ári
nemur samdráttur í fjölda kaup-
samninga 33% og 22,3% í veltu en
hafa ber í huga að páskar voru í
marsmánuði á seinasta ári.
Viðskipti með eignir í fjölbýli í
apríl námu samtals 10,2 milljörðum
króna, viðskipti með eignir í sér-
býli 4,6 milljörðum og viðskipti
með aðrar eignir 2 milljörðum
króna.
Björn Þorri segir ljóst að ef töl-
ur eru skoðaðar í samhengi yfir
lengra tímabil megi sjá að enn sé
mikil hreyfing á markaðinum þó
hún sé vissulega ekki eins mikil og
þegar hún var sem mest. „Það
kemur fram í tölum Fasteigna-
matsins að það er að hægja aðeins
á stærstu eignunum. Þar hefur
veltan aðeins minnkað en það er al-
veg eðlilegt og gerist alltaf þegar
dregst aðeins saman og spennan
minnkar.“
Ekki hægt að tala lengur
um sveiflur í verði
Þrátt fyrir að dregið hafi úr
spennu á fasteignamarkaðinum
sjást þess þó ekki merki í söluverði
á fasteignum. „Verðin hafa áfram
verið heldur á uppleið en það er
ekki hægt að tala lengur um neinar
sveiflur í verðum,“ segir hann.
„Þar er allt í miklu meira jafnvægi
en áður og ástandið farið að líkjast
meira normal markaði ef það má
orða það þannig,“ segir hann.
„Fólk er líka farið að sjá að það
er aftur farið að taka einhverjar
vikur eða mánuði að selja fasteign
og það er líka alveg eðlilegt. Mark-
aður þar sem allar eignir seljast á
einni eða tveimur vikum er ekki í
jafnvægi,“ segir Björn Þorri.
Þinglýstum kaupsamningum um fasteignir fækkaði um 32,5% milli mánaða
Minni spenna á fasteignamark-
aði en verðið enn á uppleið
Eftir Ómar Friðriksson
omfr@mbl.is



    

        

 

   





!"
"
! "
"





  























 

  



 













 












YFIR tvö þúsund miðar seldust á
afmælistónleika Bubba Morthens í
forsölu Og Vodafone sem fram fór
á laugardag. Mikil örtröð mynd-
aðist fyrir ut-
an verslun fyr-
irtækisins í
Síðumúla þeg-
ar forsala
hófst og talið
er að um
hundrað
manns hafi
beðið fyrir ut-
an verslunina.
Að sögn
Gísla Þor-
steinssonar,
upplýsingafulltrúa Og Vodafone,
seldust nær allir miðar í stúku
uppauk þess sem seldir voru um
eitt þúsund miðar í stæði en rúm-
lega fimm þúsund miðar voru í
boði.
Almenn miðasala á tónleikana
hefst í dag í verslunum Og Voda-
fone og á vefsíðu fyrirtækisins,
www.ogvodafone.is.
Á afmælistónleikunum sem eru í
tilefni af 50 ára afmæli Bubba,
sem eru 6. júní, mun tónlistarmað-
urinn líta yfir farinn veg að flytja
tónlist frá öllum sínum ferli und-
anfarin 26 ár. Á þriðja tug tónlist-
armanna koma fram með Bubba á
tónleikunum og meðal hljómsveita
eru Utangarðsmenn, Egó, GCD og
Das Kapital.
Mikil áhugi á
afmælistónleikum
Bubba Morthens
Bubbi Morthens
SLÖKKVILIÐ höfuðborgarsvæð-
isins var kallað út að gamla Hamp-
iðjuhúsinu við Brautarholt laust
fyrir klukkan tvö aðfaranótt
sunnudagsþar sem eldur hafði
komið upp.
Mikill reykur var í húsinu þegar
slökkvilið kom á staðinn og þurfti
mikla reykköfun til að finna upp-
tök eldsvoðans því húsið er mjög
stórt. Þegar upptökin voru ljós
gekk greiðlega að slökkva eldinn,
sem var staðbundinn við gám sem
fullur var af blöðum og drasli.
Reyklosun tók hins vegar töluverð-
an tíma. Samkvæmt upplýsingum
frá slökkviliði leikur grunur á að
um íkveikju hafi verið að ræða en
húsið stendur að mestu autt.
Klink og bank var áður með
listastarfsemi í Hampiðjuhúsinu og
eftir að hún leið undir lok hefur
slökkvilið haft nokkrar áhyggjur
af því að hústökufólk leiti sér þar
skjóls.
Eldur í gamla
Hampiðjuhúsinu
SÉRSTÖK umfjöllun verður um
Kauphöll Íslands á sjónvarpsstöð-
inni Sky News í kvöld kl. 20 að ís-
lenskum tíma. Umfjöllunin kemur í
kjölfar þess að Kauphöllin hlaut ný-
verið verðlaun Business Britain
Magazine fyrir að stuðla að hagvexti
í íslensku efnahagslífi. Kauphöll hef-
ur ekki áður hlotið þessi verðlaun.
Talið er að útsendingar Sky News
nái til um 80 milljóna manna.
Kauphöllin
á Sky News
Í MÝVATNSSVEIT komu engir framboðslistar fram
til sveitarstjórnarkosninganna sem fram undan eru og
er því ljóst að óhlutbundin kosning verður viðhöfð í
sveitinni. Slíkt fyrirkomulag var þar síðast árið 1962,
en þar með eru allir íbúar í kjöri. Friðrik Lange,
hreppstjóri og kjörnefndarmaður, og Finnur Bald-
ursson, formaður kjörnefndar, færðu tíðindin til
bókar.
Allir í kjöri í Mývatnssveit
Morgunblaðið/BFH
EPLI sem meðhöndluð hafa
verið með svokallaðri „smart-
fresh“-aðferð eru ekki til sölu
hér á landi að því er næst verð-
ur komist. Um
er að ræða epli
sem sprautuð
eru með efninu
1-MCP sem
stöðvar nátt-
úrulegan
þroska og
rotnun, og gerir það að verkum
að ársgömul epli virka eins og
ný í ávaxtaborðinu.
Fjallað var um þessa
geymsluaðferð í Morgun-
blaðinu á laugardag, en þar
kom fram að talsmenn sænskra
neytenda séu ósáttir við að epli
sem meðhöndluð eru með þess-
ari aðferð séu ekki merkt sér-
staklega. Það þarf ekki þar sem
aðferðin er viðurkennd af Evr-
ópusambandinu, og því engin
leið til að þekkja epli sem með-
höndluð hafa verið með þessari
aðferð frá öðrum.
Sigurður Árni Sigurðsson,
framkvæmdastjóri Búrs, sem
selur verslunum Kaupáss og
Samkaupa ávexti og grænmeti,
segir að epli meðhöndluð með
þessari aðferð séu ekki flutt inn
af Búri. Þau epli sem flutt séu
inn séu geymd með aðferðum
sem nýti sér lofttæmingu til að
lengja líftíma eplanna, en þar
sé engum efnum beitt til að þau
haldi sér sem lengst.
Í sama streng tekur Kjartan
Már Friðsteinsson, fram-
kvæmdastjóri Banana, sem
selja verslunum Haga græn-
meti og ávexti. Hann segir epli
geymd með þessum aðferðum
ekki flutt inn á vegum Banana.
Sér vitanlega sé einhverskonar
efnameðferð aðallega beitt á
epli sem seld eru niðursneidd
eða í bitum til að ekki komi á
þau brún húð. Bananar selji þó
engin niðursneidd epli, einmitt
vegna þess að á þau sest strax
brún slikja.
„Smart-
fresh“-epli
ekki til sölu
hér á landi
KARLMAÐUR á fertugsaldri slas-
aðist töluvert þegar jeppabifreið
hans valt skammt norðan við Brú í
Hrútafirði á öðrum tímanum í gær-
dag.
Samkvæmt upplýsingum frá lög-
reglu er talið að dekk undir bílnum
hafi sprungið með þeim afleið-
ingum að maðurinn missti stjórnina
og hafnaði utan vegar. Maðurinn,
sem var einn í bílnum, var fluttur
með sjúkrabifreið á slysadeild
Landspítala – háskólasjúkrahúss í
Fossvogi. Að sögn vakthafandi
læknis á slysadeild er maðurinn
töluvert slasaður og beinbrotinn en
ekki í lífshættu.
Bílvelta í
Hrútafirði