Morgunblaðið - 08.05.2006, Blaðsíða 10

10 MÁNUDAGUR 8. MAÍ 2006 MORGUNBLAÐIÐ
FRÉTTIR
SJÁLFSTÆÐISMENN í Kópavogi setja fjöl-
skyldumálin á oddinn í stefnuskrá sinni fyrir kom-
andi sveitarstjórnarkosningar, að því er fram kom
á blaðamannafundi þeirra í Kópavoginum í gær.
Gunnar I. Birgisson, bæjarstjóri og efsti maður á
framboðslista sjálfstæðismanna í bænum, sagði að
sjálfstæðismenn stefndu að því að ódýrast yrði
fyrir barnafjölskyldur að búa í Kópavogi. Hann
sagði að sjálfstæðismenn í bænum væru þó ekki
með yfirboð, um að allt ætti að vera gjaldfrjálst,
eins og aðrir flokkar gerðu m.a. í nágrannasveit-
arfélögunum. Hann sagði að innstæða væri fyrir
loforðum sjálfstæðismanna í Kópavogi og að bæj-
arbúar ættu að njóta þess.
Sjálfstæðismenn kynntu stefnuskrá sína á fund-
inum og sagði Gunnar að framkvæmdirnar, sem
þar væru lagðar til, kostuðu á bilinu tólf til fjórtán
milljarða á næstu kjörtímabili. Hann sagði enn-
fremur að aukning á rekstri bæjarins gæti numið
nokkrum hundruðum milljóna króna á ári. „Á móti
erum við að fá gífurlegan fjölda af íbúum í bæinn,“
sagði hann. Fram kom í máli Gunnars að bæj-
arbúum hefði fjölgað úr ríflega 16 þúsund í ríflega
27 þúsund á síðustu fimmtán árum. „Á næstu fjór-
um árum munum við fara upp í 35 þúsund,“ sagði
hann. Slagorð sjálfstæðismanna í Kópavogi, í
kosningabaráttunni, er: Það besta fyrir Kópavog.
Í bæjarstjórn Kópavogs eru ellefu aðalfulltrúar;
þar af eru nú fimm fulltrúar D-lista, sjálfstæðis-
manna, þrír fulltrúar B-lista, framsóknarmanna,
og þrír fulltrúar S-lista, Samfylkingarinnar.
Vilja koma á vöggustofum
fyrir yngstu börnin
Sjálfstæðismenn í Kópavogi leggja m.a. til að
vöggustofur fyrir börn á aldrinum níu til tuttugu
mánaða verði komið á í bænum. Þær eigi ýmist að
vera reknar af bænum eða af einkaaðilum. Þá
segjast þeir vilja tryggja samfellt skóla- og tón-
menntastarf, með sérstökum tónmenntastofum
við alla grunnskóla Kópavogs. Þeir leggja einnig
til að foreldrar greiði aðeins fyrir eitt barn á leik-
skóla og að leiðakerfi Strætó verði bætt og innan-
bæjartengingar verði efldar, svo fleiri dæmi séu
nefnd úr stefnu þeirra í fjölskyldumálum. Auk
þess vilja þeir að fasteignagjöld verði lækkuð enn
frekar.
Í öldrunarmálum segjast þeir ætla að beita sér
fyrir því að fyrsta áfanga í byggingu nýrra hjúkr-
unar- og öryggisíbúða við Boðaþing verði lokið
2007. Þá hyggjast þeir m.a. beita sér fyrir átaki til
að koma í veg fyrir félagslega einangrun eldri
borgara.
Að auki segjast þeir vilja afnema tekjuteningar
lífeyrisbóta. Gunnar sagði að þetta stefnumál hefði
verið samþykkt á síðasta landsfundi Sjálfstæðis-
flokksins. Það væri á valdi ríkisins að efna það, „og
við munum berjast fyrir því að við það verði stað-
ið,“ sagði hann.
Í menningarmálum vilja þeir m.a. beita sér fyrir
byggingu óperuhúss á miðbæjarsvæðinu og sagði
Gunnar að hann hefði þegar fengið vilyrði fyrir um
40% byggingarkostnaðarins frá einkaaðilum. Þá
ætla þeir m.a. að beita sér fyrir því að tónlist-
arkennurum í tónlistarskólum Kópavogs, verði
fjölgað, svo fleiri dæmi séu nefnd úr stefnuskrá
þeirra í menningarmálum.
Hesthúsahverfi rísi á Kjóavöllum
Í íþrótta- og æskulýðsmálum leggja þeir m.a.
áherslu á byggingu íþróttaakademíu við Vatns-
enda með knatthúsi, skóla og annarri íþrótta-
aðstöðu. Og ennfremur leggja þeir m.a. áherslu á
byggingu hesthúsahverfis á Kjóavöllum, með fjöl-
breyttum og bættum reiðleiðum og reiðhöll.
Í skipulagsmálum vilja sjálfstæðismenn m.a.
tryggja nægt framboð byggingarlóða í bænum og
ennfremur endurskipuleggja byggð á hafnarsvæði
og á vestanverðu Kársnesi, svo dæmi séu nefnd.
Þá vilja þeir byggja upp atvinnusvæði á gamla
Gustssvæðinu og í nágrenni Vatnsenda.
Sjálfstæðismenn í Kópavogi kynna stefnuskrá sína fyrir komandi kosningar
Ódýrast verði fyrir barnafjöl-
skyldur að búa í Kópavogi
Morgunblaðið/Ómar
Gunnar I. Birgisson, efsti maður á lista sjálfstæðismanna í Kópavogi, kynnir stefnuskrá flokksins í bænum, á blaðamannafundi í gær.
Eftir Örnu Schram
arna@mbl.is
FÉLAGAR í Vinstri hreyfingunni
– grænu framboði í Reykjanesbæ
settu saman framboðslista í
Reykjanesbæ á skömmum tíma og
lögðu inn áður en frestur til að
skila inn framboðslistum rann út á
laugardaginn. Sigurður Eyberg
Jóhannesson leikari skipar fyrsta
sæti listans. VG bauð ekki fram í
Reykjanesbæ við kosningarnar
2002 og hefur ekki verið með sjálf-
stætt framboð þar áður.
A-listinn fann engan úr VG
til að ræða við um samstarf
Þegar A-listinn, sameiginlegt
framboð Samfylkingar, Framsókn-
arflokks og óflokksbundinna, var
kynntur í vetur var því lýst yfir að
listanum væri sérstaklega stillt
upp til að fella núverandi meiri-
hluta Reykjanesbæjar.
Eysteinn Jónsson, talsmaður
kosningastjórnar A-listans, sem
skipar annað
sæti á listan-
um, segir að
VG hafi ekki
boðið fram
við kosning-
arnar 2002
og Vinstri
grænir séu
ekki með
neitt félag í Reykjanesbæ. Þegar
viðræður stóðu yfir á milli Fram-
sóknarflokks og Samfylkingar um
sameiginlegt framboð félags-
hyggjuaflanna í Reykjanesbæ, hafi
því ekki verið neinn úr VG til að
ræða við um mögulegt samstarf.
„Við vissum ekki að það væri
neinn slíkur hugur hjá þeim,“ segir
Eysteinn. „Við heyrum síðan af
þessu [framboði VG] og að þetta sé
að undirlagi forystunnar í Reykja-
vík. Efsti maður á lista þeirra er
að vísu fæddur og uppalinn í Kefla-
vík en hefur búið í Reykjavík í
mörg ár og flutti bara lögheimili
sitt hingað til að bjóða sig fram
eftir því sem mér er sagt. Ég vona
bara að þeim gangi vel og að þeir
komi þá sínum málstað á fram-
færi.“
Spurður hvort óvænt framboð
VG gæti sett strik í reikning þeirra
áforma A-listans að fella núverandi
meirihluta segist Eysteinn ekki
telja að svo verði. Átökin í vor
muni standa á milli A-listans og
lista sjálfstæðismanna.
Höfðu skoðað samstarf við
Frjálslynda flokkinn
Þorvaldur Örn Árnason, formað-
ur svæðisfélags Vinstri hreyfing-
arinnar – græns framboðs á Suð-
urnesjum, sagði í samtali við
Fréttavef Morgunblaðsins um
helgina að VG hafi ekki verið boðið
neitt samstarf við Samfylkinguna í
Reykjanesbæ, „þó hef ég heyrt að
auglýst hafi verið eftir slíku sam-
starfi í blöðunum en sú auglýsing
fór framhjá okkur,“ sagði hann.
„Okkur grunaði ekki að við vær-
um velkomin í það kompaní og
höfðum skoðað ýmislegt eins og til
dæmis samstarf við Frjálslynda en
það gekk ekki þegar á reyndi,“
sagði Þorvaldur Örn. „Við komum
saman flottum lista á ótrúlega
skömmum tíma, hugmyndin kom
upp 30. apríl og að kvöldi 1. maí
var listinn að miklu leyti kominn,“
sagði Þorvaldur. Hann sagðist
telja, að öflug herkveðjuhátíð, sem
flokkurinn hélt, hefði ýtt við mönn-
um og komið þessu framboði af
stað.
Frjálslyndi flokkurinn býður
einnig fram við sveitarstjórnar-
kosningarnar í Reykjanesbæ en
lagður var fram fullskipaður fram-
boðslisti flokksins á laugardaginn.
Kristinn Guðmundsson fram-
kvæmdastjóri leiðir listann.
VG býður
fram lista í
fyrsta skipti
í Reykja-
nesbæ
FORMAÐUR Vöku á Siglufirði vill
að öll verkalýðsfélög í Eyjafirði sam-
einist í einu deildaskiptu félagi og
telur að slíkt félag, með 8–10 þúsund
félagsmenn, gæti skipulagt starf sitt
í samræmi við nútíma- og ekki síður
framtíðarkröfur.
Signý Jóhannesdóttir, formaður
verkalýðsfélagsins Vöku á Siglufirði,
varpaði þessari hugmynd fram í að-
alræðu 1. maí hátíðahaldanna á Ak-
ureyri. Hún upplýsti við sama tæki-
færi að hugmyndir um sameiginlegt
stéttarfélag við Eyjafjörðinn hefðu
þegar verið ræddar við forystufólk
viðkomandi félaga og þeim verið
ótrúlega vel tekið, eins og hún komst
að orði.
„Fyrir sunnan ræða menn breytt
skipulag innan ASÍ, sem myndi
verða til þess að útiloka landsbyggð-
ina frá innstu forystu og að öllum lík-
indum yrði einungis ein kona í fram-
varðasveitinni,“ sagði Signý.
„Miðstýringarmenn í forystu
stéttarfélaganna tala um landsfélög
til að efla baráttuna,“ bætti hún við
og spurði: Er þetta það skipulag sem
við viljum hafa? Landsfélög með að-
alskrifstofu í Reykjavík? Verða útibú
á landsbyggðinni eða eigum við bara
að hringja suður? Ekki er það glæsi-
legt. En hvað er þá til ráða? Verka-
lýðshreyfingin hefur rætt skipulags-
mál sín fram og aftur um áratuga
skeið. Sumir sem þátt hafa tekið í
þessari umræðu segja að við séum
íhaldssamari en kirkjan og við viljum
helst engu breyta. Stéttarfélögin eru
samt alls ekki öll skipulögð með
sama hætti.“
Signý tók sem dæmi að allt annað
skipulag væri á starfsemi hennar fé-
lags, Vöku, en er á félögunum á Ak-
ureyri.
„Frá því 1994 hafa á Siglufirði
starfað saman í einu félagi verka-
karlar og konur, sjómenn, verslunar-
menn og iðnaðarmenn á járn og tré.
Hér á Akureyri eru félögin hinsveg-
ar starfsgreinaskipt.
Þessi aðferð að fylkja saman
verkafólki, þvert á starfsgreinar, í
eitt félag og styrkja með þeim hætti
grundvöll undir öflugu starfi, hefur
reynst siglfirsku verkafólki farsæl.
Fjárhagslegur grunnur starfsem-
innar hefur í raun byggst á því að
þeir tekjuhærri hafi stutt þá tekju-
lægri, en á sama hátt má t.d. nefna
að sjómannadeildin hefði ekki með
nokkru móti getað staðið undir við-
unandi greiðslum til veikra sjó-
manna úr eigin sjúkrasjóði, vegna
þess að þar til fyrir tæpum tveimur
árum var einungis greitt af kaup-
tryggingu sjómanna í sjúkra- og or-
lofssjóð en ekki af öllum launum eins
og tíðkast hefur um árabil hjá verka-
fólki í landi. Styrkurinn hefur svo
ekki síður verið falinn í þeirri fé-
lagsvitund sem skapast með sam-
vinnu innan þverfaglegs félags. Við
eru öll í Vöku, enginn veltir því fyrir
sér í hvaða landssambandi hann er.“
Signý segist reyndar telja að
Norðurland allt, „þess vegna [frá]
Bakkafirði til Hvammstanga gæti
orðið sameiginlegt félagssvæði“ en
rétt sé að horfa á Eyjafjörðinn í
fyrstu atrennu.
„Það væri líka ástæða til að ræða
tilvistarlega tímaskekkju BSRB og
hugsanlega sameiningu við ASÍ. En
við skulum láta það bíða síðari tíma.“
Öll verkalýðsfélög við
Eyjafjörð sameinist í eitt
Formaður Vöku á Siglufirði segir
forystufólk viðkomandi félaga hafa
tekið vel í hugmyndina
Eftir Skapta Hallgrímsson
skapti@mbl.is