Morgunblaðið - 13.05.2006, Síða 28

Sandgerði | Fallegt suður-
evrópsk fiðrildi klaktist út úr
púpu sinni í fyrrinótt, undir
áhrifum hækkandi sólar, tilbúið
að sjúga blómasafa og maka sig.
Ljóst er þó að mökun er nokkr-
um erfiðleikum háð þar sem yfir
opið haf og langan veg er að fara.
Hinn 17. ágúst síðastliðinn
kom Ari Gylfason með fiðrilda-
lirfu til Náttúrustofu Reykjaness
í Sandgerði. Lirfan hafði fundist í
farangursrými flugvélar sem var
að koma frá Frakklandi. Lirfan
var hin sprækasta og tók hraust-
lega til matar síns sem að mestu
samanstóð af sigurskúfi og tún-
fíflablöðum.
Sveinn Kári Valdimarsson,
forstöðumaður, greindi lirfuna
sem Ranasvarma (Deilephila
elpenor). Tegundin er staðbund-
in í Evrópu, suður til Sikileyjar
og norður til Vestur-Síberíu.
Hún finnst hins vegar ekki í
norðanverðri Skandinavíu og
hefur aldrei sést hérlendis. Lirf-
an þótti áður fyrr skaðvaldur á
vínökrum í Suður-Evrópu en
varla lengur og sækir hún mun
frekar í aðrar plöntur svo sem
dúnurtir, sigurskúf og eyrarós.
Í september púpaði lirfan sig
og var hún þá flutt á kaldan stað,
þar sem hún var geymd þar til
hún klaktist út.
Morgunblaðið/Reynir Sveinsson
Einmana evrópskt fiðrildi
Landkönnun
Akureyri | Suðurnes | Árborg | Landið
Minnstaður
Höfuðborgarsvæðið Svavar Knútur Kristinsson, svavar@mbl.is, sími 569-1100. Suðurnes Helgi
Bjarnason, helgi@mbl.is, sími 569-1310 og 669-1310. Akureyri sími 461-1601, Skapti Hallgrímsson,
skapti@mbl.is, 669-1114. Vesturland Guðrún Aðalsteinsdóttir, frett@mbl.is, sími 569-1290.
Austurland Steinunn Ásmundsdóttir, austurland@mbl.is, sími 669-1115. Árborgarsvæðið og
Landið Helgi Bjarnason, helgi@mbl.is, sími 569-1310 og 669-1310 og Guðrún Aðalsteinsdóttir,
frett@mbl.is, sími 569-1290.
Mínstund frett@mbl.is
Það er auðvitað til að æra óstöðugan að
skrifa um veðurfar, en staðreyndin er sú
að hér standa menn fastir milli stafs og
hurðar í vorinu; í síðustu viku voru slegin
hitamet og hver einasta sál skreið fagn-
andi úr vetrarhíðinu, en núna erum við í
snjógöllum og jurtir láta á sjá.
Snjóa leysti og upp úr kafinu komu
ónýtar götur um allan bæ. Oft hafa þær nú
verið illa farnar en aldrei sem nú. Fagn-
aðarefni er að bæjarstjórn vill leggja 22
milljóna króna aukafjárveitingu í gatna-
viðgerðir.
  
Á Egilsstöðum fara menn ekki lengur á
ball. Við áttum í eina tíð félagsheimilið
Valaskjálf, en svo var það selt og nýjustu
fregnir þær að þar sem ekki náðist sam-
komulag milli sveitarfélagsins og eigenda
um rekstur eftir langt þóf sé það út úr
myndinni. Það er annars alveg stór-
merkilegt að nú á dögum, þegar umsvif
hafa aldrei verið meiri og hvarvetna
mannskapur sem þarf afþreyingu, sé ekki
einu sinni starfrækt skikkanleg skemmt-
unaraðstaða í bænum. Fjarðamenn hafa
áttað sig á þörfinni og koma upp bíóhúsi
og skemmtistöðum í sínum bæjarkjörnum,
en Egilsstaðabúar og gestir þurfa að
hugsa sig vandlega um til að finna slíka
staði. Margur Egilsstaðabúinn andvarpar
og þykir vont að bæjarstjórn skyldi ekki á
sínum tíma kaupa Valaskjálf og nýta sem
ráðhús, ráðstefnu- og menningaraðstöðu.
  
Stórhuga hugmyndir eru uppi um kraft-
mikinn miðbæ og sérstök nefnd starfar við
að kynna hana fjárfestum og fyrirtækjum.
Bæjarstjórnin er einhörð um að miðbæj-
arskipulagið verði að veruleika og nú er í
auglýsingu um deiliskipulag fyrsti kaflinn
af mörgum í hugmyndinni; bygging húss
þar sem eiga að vera íbúðir fyrir eldra
fólk, þjónustu- og félagsaðstaða fyrir
eldra fólk rekin af sveitarfélaginu og von-
andi fjölbreyttar verslanir og þjónusta á
neðstu hæð. Húsið á að standa við torg,
gegnt því Hótel Hérað og fyrir endanum
nýtt ráðhús og menningarmiðstöð. Hér
með eru þeir sem eiga vandaðar bóka-
verslanir, metnaðarfulla veitingastaði,
ilmrík bakarí, andríkar sérvöruverslanir
og nötrandi bíóhús hvattir til að mæta á
svæðið og þjónusta okkur. Sem allra fyrst.
Úr
bæjarlífinu
EGILSSTAÐIR
EFTIR STEINUNNI ÁSMUNDSDÓTTUR
BLAÐAMANN
Sýning á handverkiverður opnuð í fé-lagsmiðstöð eldri
borgara að Hraunbæ 105
í Reykjavík verður opnuð
á morgun, sunnudag,
klukkan 13.
Á sýningunni eru
margir og fjölbreyttir
munir sem unnir hafa
verið í tómstundastarfinu
í vetur. Meðal listaverk-
anna eru munir skornir
út í tré, málaðir munur
úr postulíni og hann-
yrðir. Handverkssýn-
ingin verður opin sunnu-
daginn 14. maí og
mánudaginn 15. maí.
Kaffiveitingar eru á
staðnum.
Það myndast góð
stemning í hópnum þeg-
ar handverksfólkið situr
saman og vinnur að
verkefnum sínum. Sig-
mar Jónsson er hrókur
alls fagnaðar við út-
skurðarborðin. Útskorni
fuglinn er hans verk.
Morgunblaðið/Helgi Bjarnason
Sýna afrakstur vetrarstarfsins
Rúnari Kristjáns-syni á Skaga-strönd datt í hug
út af „umræðum dags-
ins“:
Finna má að Framsókn sér
flest í tálsins móðu.
Leiðin út í Löngusker
lofar ekki góðu!
Séra Hjálmar Jónsson
var á leið til útlanda. Hon-
um kom í hug:
Servíettan sýnir krass
seytla úr huga mínum,
samt er ég á Saga Class
og sýp á góðum vínum.
Og þegar vélin tókst á
loft skrifaði hann á ælu-
pokann í sætishólfinu og
rétti sessunauti sínum:
Líður upp í loftin blá
lítil og falleg þota
svo ælupokann eflaust má
til annarra hluta nota.
Af ælupoka á
Saga Class
pebl@mbl.is
Strandir | Fyrirtæki á Ströndum eru byrj-
uð að huga að undirbúningi vegna mark-
aðssetningar og ferðaþjónustu í tengslum
við opnun nýs vegar milli Stranda og Reyk-
hólasveitar, svokallaðs Arnkötludalsvegar
sem áætluð er eftir tvö ár. Á vefnum
strandir.is kemur fram að hugmyndin hafi
kviknað þegar forráðamenn nokkurra
ferðaþjónustufyrirtækja og einstaklingar á
Ströndum tóku þátt í námskeiði á vegum
Útflutningsráðs í vetur.
Að sögn Sigurðar Atlasonar, eins for-
svarsmanna hópsins, ætlar hópurinn að
nýta sameiginlega alla ráðgjafartíma sem
voru innifaldir í námskeiðinu og blása til
fundahrinu sem hefst um miðjan septem-
ber nk. HH-Strandir hópurinn eins og
hann kýs að nefna sig mun bjóða öllum fyr-
irtækjum og sveitarfélögum á Ströndum
að taka þátt í vinnunni ásamt fyrirtækjum í
Reykhólahreppi og jafnvel víðar.
Undirbúa
ferðaþjónustu
við Arnkötludal
Sauðárkrókur | Sveitarstjórn Skagafjarð-
ar hefur að tillögu Gísla Gunnarssonar, for-
seta sveitarstjórnar, og Ársæls Guðmunds-
sonar sveitarstjóra ákveðið að hefja
undirbúning að ritun og útgáfu sögu Sauð-
árkróks 1948 til 1998. Sviðsstjóra markaðs-
og þróunarsviðs sveitarfélagsins var falið
að fylgja málinu eftir.
Í greinargerð með tillögunni kemur
fram að Saga Sauðárkróks er til í þremur
bindum og nær til ársins 1948, eða þar til
Sauðárkrókur var orðinn kaupstaður. Með
ritun fjórða bindis verður sagan rakin frá
lokum þriðja bindis, allt til sameiningar
sveitarfélaga í Skagafirði, saga sem spann-
ar hálfa öld.
Skiptar skoðanir voru um tillöguna í
sveitarstjórn en hún var að lokum sam-
þykkt með atkvæðum átta fulltrúa.
Fulltrúi Skagafjarðarlistans lét bóka að
mikilvægt væri að fram færi skipulögð
vinna við að safna heimildum um þetta
tímabil. Þar sem fjárhagsáætlun gerði ekki
ráð fyrir þessari vinnu og tillagan tæki ekki
á kostnað lýsti hún yfir hjásetu í málinu.
Fulltrúar Framsóknarflokks lýstu svip-
uðum sjónarmiðum. Létu þess sérstaklega
getið að vegna mikils kostnað við ritun
Byggðasögu Skagafjarðar væri erfitt að
vinna að ritun sögu Sauðárkróks á sama
tíma. Tillagan væri því lítið annað en kosn-
ingabrella.
Hefja undir-
búning loka-
bindis sögu
Sauðárkróks
♦♦♦
Fáðu fréttirnar
sendar í símann þinn