Morgunblaðið - 13.05.2006, Page 51

MORGUNBLAÐIÐ LAUGARDAGUR 13. MAÍ 2006 51
UMRÆÐAN
NÚ ÞEGAR nálgast kosningar er
sjálfsagt fleira ungt fólk í þeirri
stöðu að eiga erfitt með að gera upp
hug sinn í þessu vali. Erfitt, aðallega
vegna skorts á kostum, því flestir
virðast sammála um það sem er mik-
ilvægt.
Þannig verður ákvörðun, í stað
sannfæringar, byggð á persónulegu
mati á frambjóðendum: Hvort ætti
að kjósa þennan með hárið eða koll-
una? Jafnvel skella þessu upp í
kæruleysi: Styðja þennan þvera?
Kannski jafnvel þennan hressa gaur
þarna sem býður upp á pizzur og
kók? Eða þennan hóp sem býr yfir
hreinum hugmyndum en virðast
skorta viljann að koma þeim í fram-
kvæmd?
En skortur á valkostum getur
einnig verið kostur. Þannig getur, í
stað þess að rífast um staðreyndir,
verið loks mögulegt að vinna að því
langtímamarkmiði að raunverulega
bæta þessa borg. Í stað þess að tauta
yfir því sem engu máli skiptir, að
framkvæma heildrænt og breyta
Reykjavík með verkefnum sem gætu
tekið ævi ungrar kynslóðar óháð
óhöppum, dægursveiflum og mála-
miðlunum. Velja þann sem heldur
stefnu og refsa á fjögurra ára fresti
þeim sem vinna ekki vinnuna sína.
Sem borinn og barnfæddur Reyk-
víkingur; hér eru þau atriði sem ég
vil sjá í framkvæmd mína starfsævi:
 Gera allt aðgengi til og frá borg-
inni markvisst: Skipuleggja þjóð-
vegi landsins að borg þannig að
umferð fari þangað sem hún á er-
indi og útrýma þeirri peninga- og
umhverfissóun sem fylgir tví-
verknaði og skipulagsleysi.
– Til höfuðborgar verða tvíbreiðir
vegir, Vesturlandsvegur norður í
Borgarnes, Reykjanesvegur í al-
þjóðlegan flugvöll og Suðurlands-
vegur að Eyrarbakka (og sameinaðri
borgarbyggð Árnesinga).
– Skipuleggja skipaflutninga inn
Faxaflóa, í Sundahöfn annars vegar
og reisa aðra höfn norðar eftir því
hvert sá flutningur á erindi, tengda
brú eða göngum um fjörðinn.
– Hafa í suðurhluta borgarinnar
snyrtilegan innanlandsflugvöll.
 Efla í borginni hverfismenningu.
Friða þau umferð sem á erindi
annað með því að flytja í þau sem
mest af starfsemi þjónustu og
heilsugæslu. Mynda úr hverju
hverfi líflega, lífræna heild.
 Stækkun miðborgar: Skapa
svæði sem verður endurskil-
greint frá Viðey vestur Sæbraut
að tónlistahúsi og þaðan suður að
Háskólanum og aftur austur til
Öskjuhlíðar.
Þessari stækkun væri hægt að ná
með nokkrum verklegum fram-
kvæmdum:
– Byggja brú í Viðey og gera að
samkomustað.
– Reisa kaldastríðstorg við Höfða
og selja þaðan norðurljósin og útsýni
að Esju í alþjóðlega ráðstefnu- og
viðskiptaumhverfi.
– Leggja breiðstræti, frá tónlist-
arhúsi yfir hluta Tjarnarinnar, beint
að Háskólanum.
– Flytja Landspítala í Fossvog og
gera svæðið frá Háskólanum austur
Miklabraut að menningarkjarna
borgarinnar og gefa þeim heimkynni
í núverandi húsnæði spítala og stofn-
ana.
 Sameina öll útivistarvæði borg-
arinnar: Reykjavík býr yfir frá-
bærum útvistarmöguleikum sem
gefa ætti heildstæðan blæ:
– Tengja göngu og útivist grænu
svæði frá Hljómskálagarði í Öskju-
hlíð, þaðan í Nautólfsvík, bæði um
Ægissíðu til Gróttu, og að Foss-
vogsdal. Þaðan inn Elliðaárdal og
aftur norður með sjó að Sæbraut og
inn í Laugardal. Með því væru öll
hverfi borgarinnar hluti af líflegu,
heildrænu umhverfi.
– Skipuleggja þetta svæði til notk-
unar, með göngustígum, litlum
snyrtilegum íþróttasvæðum, með
gróðri, görðum og skógum, Skapa
aðstæðu til útreiðar eða göngu til
Þingvalla, á Hellisheiði, um Reykja-
nes og Bláfjöll.
– Tengd þessu heilbrigða útivist-
arsvæði ætti að flytja að hjarta þess,
stórar heilbrigðisstofnanir, í Foss-
vog.
 Sameina Stór-Reykjavík í fjögur
heildræn svæði og mynda sam-
kennd með því að reisa hverju
þeirra kjarna atvinnumennsku í
flestum tegundum íþrótta, pólitík
og menningarstafs. Halda á Við-
eyjarsundi á sjómannadag, árleg-
an kappróður milli borgarhluta.
Öll svæði borgarinnar ættu þann-
ig að tengjast með einum eða öðr-
um hætti miðbæ og grænum
heildarvæðum. Byggðirnar væru:
– Austurbyggð, frá Elliðavatni að
Skeifu, með Lindum, Holti, Fossum
og Gerði.
– Suðurbyggð, frá Hamraborg að
(og undanskilin) Hafnarfirði.
– Vesturbyggð í og frá Vatnsmýri
að Seltjarnarnesi.
– Norðurbyggð frá Laugardal,
með báða Voga, Árbæ og Mosfells-
sveit.
 Flytja Háskóla Íslands norður á
Akureyri en skapa á grunni hans
alþjóðlega tækni- og fræðistofn-
un í Reykjavík.
 Víkka út starfssvið hinnar öflugu
Orkuveitu. Fella undir verkefni
hennar, auk rafmagns, hita og nú
ljósleiðara, öll samgöngukerfi
orkuflutninga borgarinnar. Þar
með vegakerfi og almennings-
samgöngur. Byggja þær á hag-
rænum grunni og umhverf-
isvænum.
 Fjölga einkennistáknum Reykja-
víkur og reisa:
– Tónlistarhús (eins og þegar hef-
ur verið ákveðið)
– Nýlistasafn við Tjarnargarð og í
Tjörnina.
– Nýjan ofurvita úti í Gróttu.
– Klæða blokkirnar efst í Breið-
holti litaspeglum Ólafs Elíassonar
og flytja þangað meðal annars það
fólk sem þarfnast andlegrar upp-
byggingar.
– Reisa safn í Laugarnesi utan um
goðsögnina Hrafn Gunnlaugsson lif-
andi.
Val í Reykjavík
Þór Martinsson fjallar um
óskir sínar um hvernig
Reykjavíkurborg eigi að líta út
’Klæða blokkirnar efst íBreiðholti litaspeglum
Ólafs Elíassonar og flytja
þangað meðal annars það
fólk sem þarfnast and-
legrar uppbyggingar.‘
Þór Martinsson
Höfundur er háskólanemi og smiður.