Morgunblaðið - 22.05.2006, Síða 2

2 MÁNUDAGUR 22. MAÍ 2006 MORGUNBLAÐIÐ
FRÉTTIR
1
FANNST LÁTINN
Pétur Þorvarðarson, sem leitað
hefur verið að í heila viku, fannst lát-
inn í gærkvöldi. Fjöldi manns hefur
tekið þátt í leitinni. Um helgina
fundust fótspor um 25 km austan við
Grímsstaði á Fjöllum sem leiddi til
þess að leitarmenn fundu Pétur.
Mjög kalt hefur verið á landinu síð-
ustu daga og aðstæður til leitar frek-
ar erfiðar.
Símar hleraðir
Skriflegar heimildir hafa fundist
sem sýna að símahleranir voru
stundaðar hér á landi í a.m.k. sex til-
vikum á árunum 1949–1968. Þetta
kom fram í máli Guðna Th. Jóhann-
essonar sagnfræðings, á Íslenska
söguþinginu. Símar sósíalista, her-
stöðvaandstæðinga og nokkurra al-
þingismanna voru hleraðir.
Fjársafnanir ganga vel
Fjársafnanir hjálparsamtaka og
frjálsra félagasamtaka hafa gengið
vonum framar hér á landi und-
anfarið og virðast bæði fyrirtæki og
einstaklingar fúsari en áður til að
láta fé af hendi rakna. Margir for-
svarsmenn félagssamtakanna segj-
ast finna fyrir því að vel gangi hjá
fyrirtækjum.
Boðar viðræður við ETA
Jose Luis Rodriguez Zapatero,
forsætisráðherra Spánar, lýsti því
yfir í gær að hann myndi í næsta
mánuði tilkynna um upphaf frið-
arviðræðna við aðskilnaðarsamtök
Baska (ETA). Átök stjórnarinnar og
ETA hafa staðið yfir í áratugi og eru
vonir bundnar við að viðræðurnar
geti bundið varanlegan enda á vopn-
aða baráttu samtakanna.
Nagin endurkjörinn
Demókratinn Ray Nagin var í
fyrradag endurkjörinn borgarstjóri
New Orleans, eftir spennandi kosn-
ingabaráttu gegn flokksbróður sín-
um Mitch Landrieu. Nagin á erfitt
verk fyrir höndum, enda mikið starf
enn óunnið við að endurbyggja ýmis
svæði New Orleans, eftir eyðilegg-
inguna af völdum fellibylsins Katr-
ínar í ágúst sl.
Myrtu herforingja Tígranna
Einn helsti herforingi tamílsku
Tígranna á Sri Lanka var skotinn til
bana í gær af liðsmönnum Karuna
liðþjálfa á yfirráðasvæði Tígranna á
austurhluta eyjarinnar. Herforing-
inn, sem gengur undir nafninu Ram-
anan, var á ferð í héraðinu Vav-
unathivu þegar hann var myrtur,
þar sem hreyfing Tígranna klofnaði
með stofnun herdeildar Karuna lið-
þjálfa í mars 2004.
Y f i r l i t
Í dag
Fréttaskýring 8 Dans 37
Viðskipti 13 Dagbók 38
Vesturland 21 Víkverji 38
Erlent 18 Velvakandi 39
Daglegt líf 16/17 Staður og stund 39
Listir 18/19 Menning 41/45
Umræðan 20/28 Ljósvakamiðlar 46
Forystugrein 24 Veður 47
Minningar 29/34 Staksteinar 47
* * *
Morgunblaðið Kringlunni 1, 103 Reykjavík. Sími 5691100 Innlendar fréttir frett@mbl.is Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskipti vidsk@mbl.is Björn Jóhann Björnsson,
fréttastjóri, bjb@mbl.is Úr verinu Hjörtur Gíslason, fréttastjóri, hjgi@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Inga Rún Sigurðardóttir, ingarun@mbl.is
Umræðan | Bréf til blaðsins Magnús Finnsson, fulltrúi ritstjóra, magnus@mbl.is Guðlaug Sigurðardóttir, gudlaug@mbl.is Sveinn Guðjónsson, svg@mbl.is Minningar minning@mbl.is Hilmar P. Þormóðsson, Stefán Ólafsson Dagbók| Kirkjustarf Ellý H.
Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Auður Jónsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
GUÐNI Tryggvason, formaður at-
vinnumálanefndar Akraneskaup-
staðar, telur fyrirætlanir um að
reisa ökugerði á Reykjanesi sam-
hliða lagningu kappakstursbrautar
á vegum Toppsins þar í bæ ekki
hafa nein áhrif á ráðagerðir Akra-
nesbæjar um æfingaakstursbraut
á Skaganum. Skrifað hefur verið
undir viljayfirlýsingu af hálfu Öku-
kennarafélags Íslands, samgöngu-
ráðuneytisins og Akranesbæjar
um að standa saman að því að
koma á fót æfingabraut og segir
Guðni að það sé stefna Ökukenn-
arafélagsins að vera ekki í sam-
starfi við akstursíþróttir. Því sé
engin ógnun falin í fyrirhuguðu
ökugerði í Reykjanesbæ.
„Nú er verið að halda áfram
með framkvæmd málsins og finna
brautinni stað þannig að hún passi
inn í skipulag bæjarins auk þess
að finna samstarfsaðila,“ segir
Guðni. „Við sem stöndum að vilja-
yfirlýsingunni erum sammála um
að brautin stuðli að auknu umferð-
aröryggi í landinu og við viljum
merkja okkur sem umferðarörygg-
isbæ.“
Árni Sigfússon, bæjarstjóri í
Reykjanesbæ, hefur sagt að sveit-
arfélag sitt vilji taka þátt í upp-
byggingu ökugerðis með Toppnum
í samræmi við 4 ára áætlun bæj-
arins um að útrýma alvarlegum
umferðarslysum í Reykjanesbæ og
á tvöfaldri Reykjanesbraut.
„Maður getur ekki annað en
fagnað því og það er ekki spurning
að við viljum einnig hafa það þann-
ig,“ segir Guðni.
Halda ótrauðir áfram
með æfingabraut þrátt
fyrir áætlun Toppsins
ÍSLENSKA karlasveitin gjörsigr-
aði sveit Gvatemala í fyrstu um-
ferð Ólympíumótsins í skák sem
hófst í dag í Torino á Ítalíu. Ís-
lensku sveitina skipuðu Hannes
Hlífar Stefánsson, Henrik Dan-
ielsen, Stefán Kristjánsson og
Þröstur Þórhallsson en Jóhann
Hjartarson og Helgi Ólafsson
hvíldu. Íslenska sveitin er í 27.
sæti á styrkleikalista mótsins en
Gvatemala í því 99. Þrátt fyrir
þennan styrkleikamun er mik-
ilvægt fyrir íslensku sveitina að
hefja mótið af alefli og hefur
þessi sigur fært skákmönnunum
mikið sjálfstraust að sögn Óttars
Felix Haukssonar, talsmanns
skáklandsliðsins.
Þrátt fyrir góðan árangur
karlasveitarinnar þurftu Íslend-
ingar að sætta sig við tap, en ís-
lenska kvennasveitin tapaði 3–0
gegn sterkri sveit Georgíu. Þær
Lenka Ptacniková, Guðlaug Þor-
steinsdóttir og Guðfríður Lilja
Grétarsdóttir tefldu fyrir Íslands
hönd en Sigurlaug Friðþjófsdóttir
hvíldi. Sveit Georgíu er ein öfl-
ugasta sveit heims, en hún er í
þriðja sæti á styrkleikalistanum
en Ísland vermir það fimmtugasta
og fimmta.
Hinum Norðurlandaþjóðunum
hefur einnig gengið vel, Danmörk
sigraði Líbanon 4–0, Norðmenn
sigruðu Angóla 4–0, Finnar sigr-
uðu Líbýu 4–0, Svíar sigruðu
Trínidad og Tóbagó 3–1 en Fær-
eyingar máttu lúta lægra haldi
fyrir Hollendingum 0–4.
Önnur umferð mótsins mun
fara fram í dag og þá keppir
karlasveitin við sveit Chile, sem
er í 59. sæti á styrkleikalistanum
og kvennasveitin teflir við sveit
Sameinuðu arabísku furstadæm-
anna.
Unnu stórsigur í fyrstu
umferð Ólympíuskákmótsins
Þröstur Þórhallsson sigraði með
fallegri drottningarfórn í fyrstu
umferð Ólympíuskákmótsins.
DRÁTTARVÉLARSLYS varð í
sumarhúsabyggð í Hraungerðis-
hreppi, í nágrenni Selfoss, á sjö-
unda tímanum á laugardagskvöld.
Kona sem var á opinni dráttarvél
féll af vélinni og lenti undir henni,
samkvæmt upplýsingum frá lög-
reglunni á Selfossi. Var konan flutt
á Landspítalann í Reykjavík og
lögð inn á gjörgæsludeild. Þaðan
var hún hins vegar fljótlega út-
skrifuð en hún verður áfram til eft-
irlits á sjúkrahúsinu.
Lögreglan á Selfossi segir aft-
urdekk vélarinnar hafa farið yfir
mjöðm og hluta höfuðs konunnar
en það hafi orðið til að draga úr
meiðslum að konan sökk í mjúkt
gras auk þess sem vélin var lítil
Massey Ferguson dráttarvél af ár-
gerð 1966. Hafi því ekki farið eins
illa og á horfðist.
Lenti undir
dráttarvél
LÖGREGLAN í Kópavogi hefur
upplýst vopnað rán sem framið var
í lyfjaversluninni Apótekaranum á
Smiðjuvegi á fimmtudagsmorgun.
42 ára karlmaður hefur viðurkennt
verknaðinn en hann ógnaði starfs-
fólki með exi og heimtaði lyf, sem
hann fékk afhent, og hljópst á
brott.
Að sögn lögreglu var maðurinn
einn að verki. Rannsókn málsins
leiddi til þess að tveir menn voru
handteknir í fyrrinótt og síðan
tveir til viðbótar í gærmorgun. Var
hinn grunaði í þeim hópi og játaði
ránið við yfirheyrslur. Hinum
þremur var þá sleppt úr haldi og
telst málið upplýst. Hinum grunaða
var einnig sleppt að loknum yfir-
heyrslum þar sem ekki þótti ástæða
til að krefjast gæsluvarðhalds fyrir
dómi.
Rannsóknargögn verða að lík-
indum send ákæruvaldi sem
ákveður hvort höfðað verði saka-
mál með ákæru á hendur mann-
inum. Hann hefur áður komið við
sögu lögreglunnar.
Játaði vopnað rán
BRÆÐURNIR Þorsteinn og Erlendur Sigtryggs-
synir nutu lífsins þegar ljósmyndari Morgunblaðsins
hitti þá í Hraunsfirði. Þeir sátu og veiddu silung og
tóku það rólega með augun á flotholtunum. Hann
tók hins vegar ekkert en þeir undu hag sínum hið
besta.
Morgunblaðið/Einar Falur
Vildi ekki taka í Hraunsfirðinum
PALLHÝSI af pallbíl brann til
kaldra kola í gær í landi Spóastaða í
Biskupstungum. Talið er að kviknað
hafi í út frá kynditæki sem knúið var
gasi. Að sögn lögreglunnar á Sel-
fossi var fólk á staðnum nýkomið út
úr pallhýsinu þegar sprenging kvað
við og hýsið varð alelda á skammri
stundu. Það stóð frístandandi á þar
til gerðum fótum en var ekki áfast
bíl. Liðsmenn Brunavarna Biskups-
tungna fóru á vettvang og slökktu.
Geymsluskúr, sem hýsið stóð við,
sviðnaði einnig í brunanum en ekki
urðu meiðsl á fólki.
Pallhýsi sprakk