Morgunblaðið - 22.05.2006, Síða 10

10 MÁNUDAGUR 22. MAÍ 2006 MORGUNBLAÐIÐ
FRÉTTIR
DAGUR B. Eggertsson segir að ef
ekki væri fyrir undanskot ríkisins á
þeim skatti sem safnast í Fram-
kvæmdasjóð aldraðra, eins og hann
kemst að orði, væri hægt að eyða
biðlistum eftir plássi á hjúkrunar-
heimilum aldraðra.
„Þessi sjóður er fyrst og fremst
stofnaður til að fjármagna byggingu
dagvista og stofnana fyrir aldraðra,
en stjórnvöld hafa nýtt sér klausu í
lögum um sjóðinn, klipið af eignum
hans og varið til annarra hluta,“ seg-
ir Dagur.
Framkvæmdasjóður aldraðra
starfar í dag samkvæmt lögum um
málefni aldraðra frá 1999 og er fjár-
magnaður með nefskatti sem árið
2006 nemur 6.075 kr. og leggst á alla
sem fæddir eru 1936 eða síðar og
hafa tekjustofn hærri en 900.732.
Dagur segir það hafa viðgengist í
fimmtán ár að veita fjármagn úr
sjóðnum til annarra verkefna en
byggingarverkefna og nefnir að í
fjárlögum þessa árs sé aðeins 58% af
þeim sköttum sem greiddir eru í
sjóðin varið til uppbyggingar hjúkr-
unarheimila. Öðrum eignum sjóðsins
er varið í ýmsan rekstur á velferð-
arþjónustu aldraða, en Dagur telur
óeðlilegt að slík
þjónusta sé ekki
fjármögnuð með
sama hætti og
annar rekstur
velferðarkerfis-
ins.
„Kjarni máls-
ins er að Íslend-
ingar hafa verið
að greiða sérstak-
an skatt til sér-
stakra framkvæmda og flestir vænt-
anlega gert það með glöðu geði enda
mikilvægt mál. Ríkisstjórnin hefur
hins vegar notað peningana í aðra
hluti,“ segir Dagur. „Einu tilvikin
þar sem sérstakur nefskattur getur
verið réttlætanlegur er í stórum mál-
um þar sem átaks er þörf, enda nef-
skattur ekki til þess fallinn að dreifa
skattbyrðinni á sanngjarnan hátt.
Þess vegna er ólíðandi að þegar ver-
ið er að innheimta sérskatta af þessu
tagi séu þeir notaðir í eitthvað allt
annað.
Ef þeir peningar sem færðir hafa
verið til annarra mála hefðu runnið í
það sem Framkvæmdasjóðnum var
upphaflega ætlað að sinna væri í dag
enginn að bíða eftir að komast að á
hjúkrunarheimili enda hægt að
byggja öll þau 400 rými sem nú vant-
ar.“
Oddviti Samfylkingarinnar gagnrýnir
stefnu stjórnvalda í öldrunarmálum
Rétt nýting Fram-
kvæmdasjóðs gæti
eytt biðlistum
Dagur B.
Eggertsson
Eftir Ásgeir Ingvarsson
asgeiri@mbl.is
SAMNINGAR um vegagerð mili
Siglufjarðar og Ólafsfjarðar um
Héðinsfjörð voru undirritaðir á
Siglufirði á laugardag, en sam-
kvæmt samningnum er kostnaður af
vegagerðinni og gerð tvennra
ganga, um 10,3 kílómetrar að lengd,
samtals rúmir 5,7 milljarðar króna.
Fulltrúar verktakafyrirtækjanna
Háfells og tékkneska fyrirtækisins
Metrostav annars vegar og Vega-
gerðarinnar ásamt samgönguráð-
herra hins vegar undirrituðu samn-
inginn um vegtenginguna. Var það
gert í Bátahúsinu í Siglufirði og var
fjöldi íbúa Siglufjarðar og Ólafs-
fjarðar viðstaddur ásamt þingmönn-
um og ráðherrum.
Samningsupphæðin er sú hæsta
sem Vegagerðin hefur samið um.
Göngin verða samtals 10,3 km löng,
3,7 km milli Siglufjarðar og Héðins-
fjarðar og 6,9 km milli Héðinsfjarð-
ar og Ólafsfjarðar með um 450
metra vegskálum. Þá felur vega-
gerðin í sér einnig að nýr vegur, 3,3
km langur, verður lagður og ný brú
verður smíðuð í Héðinsfirði.
Hæsta samningsupphæðin
Leiðin milli Siglufjarðar og Ólafs-
fjarðar verður alls 15 kílómetrar að
lengd, en ef farið er um Lágheiði er
vegalengdin 62 km. Leiðin um
Öxnadalsheiði milli Siglufjarðar og
Ólafsfjarðar er hins vegar 234 km
löng.
Gert er ráð fyrir að framkvæmdir
hefjist í júlí í sumar og sprengingar
vegna ganganna í september í
haust. Verkinu á að vera lokið síðla
árs 2009, eftir rúmlega þrjú og hálft
ár. Um 35 starfsmenn vinna að
verkinu og mun tékkneska fyrirtæk-
ið sjá um boranir og sprengingar, en
starfsmenn Háfells um aðra þætti
verksins.
Sturla Böðvarsson samgönguráð-
herra sagði við þetta tækifæri að
með framkvæmdinni myndu byggð-
ir tengjast betur og eflast um leið.
Sagði hann þessa undirritun sögu-
legan áfanga í samgöngumálum.
Runólfur Sigurðsson, bæjarstjóri
Siglufjarðar, kvaðst þakklátur
stjórnvöldum fyrir að verkið væri nú
komið af stað og sagðist finna fyrir
vaxandi skilningi meðal landsmanna
á þörf þess að tengja byggðarlögin
með þessum hætti.
Samningar um vegtengingu milli Siglufjarðar og Ólafsfjarðar
Sturla Böðvarsson samgönguráðherra, Jón Rögnvaldsson vegamálastjóri og fulltrúar verktakafyrirtækjanna
undirrituðu samningana á Siglufirði á laugardag, að viðstöddum forystumönnum bæjarfélaganna á svæðinu.
5,7 milljarðar fyrir veg
og 10,3 km löng göng
Eftir Hjálmar Jónsson
hjalmar@mbl.is
ALÞJÓÐLEG kvikmyndahátíð í
Reykjavík, RIFF, stóð fyrir hádeg-
isverðarboði á veitingastað á hinni
frægu strandlengju í Cannes í gær,
en þar stendur nú yfir árleg kvik-
myndahátíð með um þrjátíu þúsund
gestum. Meðal fjölda gesta voru
serbneski kvikmyndaleikstjórinn
Goran Paskaljevic, Klaus Eder for-
seti samtaka kvikmyndagagnrýn-
enda og stjórnendur frá kvik-
myndahátíðum víða um heim, s.s.
New York, Varsjá, Toronto og
Montreal. Blaðamennirnir Derek
Malcolm frá Guardian og Derek
Elly frá Variety voru auk þess við-
staddir, með ljósmyndara sína, og
sjónvarpsstöðvarnar NBC og BBC
mynduðu viðburðinn. Af Íslend-
ingum á svæðinu má nefna Sig-
urjón Sighvatsson, Jón Ólafsson,
Sólveigu Anspach og Erlu Skúla-
dóttur leikstjóra.
Iðnaðar- og viðskiptaráðherra
Valgerður Sverrisdóttir kynnti fyr-
ir hádegisverðargestunum það sem
Ísland hefur upp á að bjóða við
gerð kvikmynda. En sem kunnugt
er eiga kvikmyndagerðarmenn þess
kost að fá 12% endurgreiðslu á öll-
um framleiðslukostnaði sínum í
landinu.
„Íslendingar hafa notið þess að
vinna með mörgum stórgóðum
kvikmyndargerðarmönnum síðan
þessu [átaki] var hrint í fram-
kvæmd árið 2002. Á síðustu árum
hafa bíógestir um allan heim séð
Ísland í margs konar hlutverkum,“
sagði Valgerður og tíndi til myndir
á borð við James Bond, Tomb
Raider, Last winter og Batman
begins auk myndar Clint East-
wood, Flags of our fathers sem
voru allar að hluta til teknar upp á
Íslandi.
Sveigjanleiki og
góður liðsandi
„Velgengni Íslands við að laða til
sín kvikmyndaverkefni felst þó ekki
einungis í fallegu landslagi og töku-
stöðum eða þeim hvata sem endur-
greiðsla á 12% framleiðslukostn-
aðar felur í sér, heldur einnig í
þeim hæfileikum og reynslu sem er
að finna í hinum skapandi íslenska
kvikmyndaiðnaði,“ sagði ráðherra.
Hún nefndi sveigjanleika, góðan
liðsanda og helgun að verkefnum
sem mikilvæga þætti kvikmynda-
gerðar á Íslandi, bæði þegar kæmi
að lokaútkomu verkefnisins og fjár-
hagnum.
Athyglin beinist að
Íslandi í Cannes
Morgunblaðið/Halldór Kolbeins
Dimitri Eipides, dagskrárstjóri og sérstakur ráðgjafi kvikmyndahátíðar,
Valgerður Sverrisdóttir, viðskipta- og iðnaðarráðherra, og Hrönn Mar-
inósdóttir, stjórnandi alþjóðlegu kvikmyndahátíðarinnar í Reykjavík.
Eftir Soffíu Haraldsdóttur í Cannes
soffia@islandia.is
SIV Friðleifsdóttir heilbrigðisráð-
herra hefur falið forsvarsmönnum
heilbrigðisstofnana á Siglufirði, Dal-
vík og Ólafsfirði að kanna möguleika
á auknu samstarfi stofnananna eftir
að Héðinsfjarðargöng, sem tengja
byggðirnar saman, verða tekin í
notkun, til að efla heilbrigðisþjón-
ustu við íbúa á svæðinu.
Samstarfsferlar endurskoðaðir
Ráðherra tilkynnti þessa ákvörð-
un sína á laugardag þegar hann
heimsótti Heilbrigðisstofnunina á
Siglufirði, en í bréfi ráðherra af
þessu tilefni segir: „Ráðuneytið felur
því framkvæmdastjórum heilbrigð-
isstofnana ríkisins á Dalvík, Ólafs-
firði og Siglufirði að skila ráðuneyt-
inu álitsgerð, þar sem fram komi
greining þeirra á því hvernig eðlileg-
ast og réttast sé að haga samstarfi
þessara stofnana eftir að jarðgöngin
hafa verið tekin í notkun. Núgildandi
samstarfsferlar verði endurskoðað-
ir. Við þessa skoðun verði gert ráð
fyrir að grunnþjónusta, heilsugæsla
verði veitt eins og áður en þeir sam-
starfsfletir sem munu skapast verði
skoðaðir nánar, svo sem samnýting
stoðþjónustu, sérfræðiþjónustu, inn-
kaup á vörum og þjónustu o.þ.h.“
Vinnuhópinn skipa þau Ásrún
Yngvadóttir, framkvæmdastjóri
Heilsugæslustöðvarinnar á Dalvík,
Konráð Baldvinsson, framkvæmda-
stjóri Heilbrigðisstofnunarinnar á
Siglufirði, og Rúnar Guðlaugsson,
framkvæmdastjóri Heilsugæslu-
stöðvarinnar á Ólafsfirði.
Heilbrigðisstofnanir á Norðurlandi
Aukin samvinna þeg-
ar jarðgöngin koma
UNA María Óskarsdóttir, sem skip-
ar þriðja sætið á lista Framsóknar-
flokksins í Kópavogi, fékk símtal frá
kosningaskrifstofu Sjálfstæðis-
flokksins þar sem hún var hvött til að
kjósa Sjálfstæðisflokkinn í bæjar-
stjórnarkosningunum.
Sjálfstæðisflokkurinn og Fram-
sóknarflokkurinn hafa starfað sam-
an í meirihluta í Kópavogi undanfar-
in ár. Una María segist vera
undrandi á vinnubrögðum sam-
starfsflokks síns í kosningabarátt-
unni. Sjálfstæðismenn hafi að und-
anförnu hringt í íbúa Kópavogs og
tekið allan heiður af uppbyggingu í
bænum síðustu 15 ár. Una María
segir mjög sérstakt „ef sjálfstæðis-
menn eru farnir að segja sínu út-
hringingafólki að það eigi að segja
við fólk að þeir eigi allan heiðurinn af
uppbyggingu í bænum þegar Gunn-
ar I. Birgisson
hefur einungis
verið bæjarstjóri
í eitt ár.“
Hún sagði enn-
fremur að fleiri
aðilar hefðu kom-
ið að máli við sig
og haft svipaða
sögu að segja og
sagði hún marga
vera slegna yfir
slíkum hringingum þar sem þetta
væri alls ekki rétt. Una María ætlaði
ekki að leita viðbragða hjá Sjálfstæð-
isflokknum þar sem henni ofbyði
þessi vinnubrögð Sjálfstæðisflokks-
ins í þessu máli og fleirum. Aðspurð
hvort henni hafi ekkert litist á stefnu
samstarfsflokksins þegar hún var
kynnt í símtalinu sagði hún nei, hún
ætlaði að kjósa Framsóknarflokkinn.
Hvött til að kjósa
Sjálfstæðisflokkinn
Una María
Óskarsdóttir