Morgunblaðið - 22.05.2006, Blaðsíða 15

MORGUNBLAÐIÐ MÁNUDAGUR 22. MAÍ 2006 15
ERLENT
EcoGreen Multi
FRÁ
H
á
g
æ
ð
a
fra
m
le
ið
sla
A
ll
ta
f
ó
d
ýr
ir
GÓÐ HEILSA
GULLI BETRI
Vítamín, steinefniog jurtir
APÓTEK OG HEILSUBÚÐIR
www.nowfoods.com
NURI al-Maliki, forsætisráðherra
Íraks, hét landsmönnum því í gær að
hann myndi hefja nýja gagnsókn
gegn hryðjuverkum af fullu afli, en
ný ríkisstjórn Íraks kom saman til
fundar í fyrsta skiptið í gær, eftir að
þingið samþykkti hana á laugardag.
„Við höfum áætlun sem við sam-
þykktum fyrir upphaf þessa fundar
og þessi áætlun mun hefjast á því að
vernda íbúa Bagdad,“ sagði al-Mal-
iki í gær. „Við munum stofna nýja
sérsveit til að vernda borgina.“
Al-Maliki viðurkenndi að mikið
verk biði stjórnarinnar ætti henni að
takast þetta ætlunarverk sitt og
sagði nýja nálgun nauðsynlega til að
ná árangri. „Við munum mæta
hryðjuverkum af
fullu afli, en þurf-
um jafnframt að
stuðla að einingu
þjóðarinnar.“
Forsætisráð-
herrann lofaði
Írökum ennfrem-
ur að skipað yrði í
embætti innan-
ríkis- og varnar-
málaráðherra á næstu dögum, en
nokkrir þingmenn úr röðum súnníta
gengu af fundi stjórnarinnar á laug-
ardag í mótmælaskyni við að ekki
skyldi hafa verið skipað í embættin.
George W. Bush, forseti Banda-
ríkjanna, tjáði sig í gær um myndun
fyrstu eiginlegu ríkisstjórnar Íraka
frá innrás bandamanna 20. mars
2003 og sagði að hún myndi þjóna því
táknræna hlutverki að vera „stór-
kostlegur ósigur“ fyrir al-Qaeda og
önnur hryðjuverkasamtök.
Á sama tíma sagði Condoleezza
Rice, utanríkisráðherra Bandaríkj-
anna, að átök einstakra þjóðarbrota í
Írak væru „verulegt vandamál“. Þá
sagði Rice í samtali við Fox-sjón-
varpsstöðina að al-Maliki væri
„sterkur leiðtogi“ og rétti maðurinn í
starf forsætisráðherra landsins.
Óöldin heldur áfram
Hinum megin við Atlantshafið
sagði Margaret Beckett, utanríkis-
ráðherra Bretlands, að breskir her-
menn yrðu ekki kallaðir heim á
næstunni, þrátt fyrir myndun
stjórnarinnar, með þeim orðum að
þeir yrðu þar eins lengi og þörf væri
á.
Ofbeldisaðgerðir ódæðismanna
héldu áfram í Írak um helgina, en
a.m.k. 20 féllu og tugir slösuðust í
árásum víðsvegar um landið í gær.
Þar af féllu 13 og 18 slösuðust í
sjálfsmorðsárás á veitingastað í mið-
hluta Bagdad í gær.
Madeleine Albright, fyrrverandi
utanríkisráðherra Bandaríkjanna,
tjáði sig um Íraksstríðið í gær og
sagði að „þjóðin sem hefði hagnast
mest á því væri Íran“. Þá sagði hún
að hátt settur aðili innan stjórnar
Bush ætti að svara bréfi Íransfor-
seta til kollega síns í Hvíta húsinu.
Stjórnvöld í ýmsum nágrannaríkj-
um Íraks fögnuðu myndun stjórnar-
innar og sendu þjóðhöfðingjar Jórd-
aníu og Sýrlands al-Maliki
heillaóskir, líkt og Amr Mussa, fram-
kvæmdastjóri Arababandalagsins.
Heitir því að beita „fullu afli“
Forsætisráðherra Íraks setur baráttu gegn hryðjuverkum í forgang
Eftir Baldur Arnarson
baldura@mbl.is
Nuri al-Maliki
YFIR 100 meðlimir samtakanna
People for the Ethical Treatment of
Animals, PETA, sem berst fyrir
verndun dýra, lögðust naktir fyrir
framan St. Paul-dómkirkjuna í
London í gær. Var tilgangurinn að
mótmæla drápi á kanadískum
Svartbjörnum, en skinnið af þeim
er m.a. notað í hatta innan breska
hersins.
AP
Mótmæla drápi
á Svartbjörnum
Madrid. AFP. AP. | Jose Luis Rodrigu-
ez Zapatero, forsætisráðherra Spán-
ar, lýsti því yfir í gær að hann myndi
í næsta mánuði tilkynna um upphaf
friðarviðræðna við aðskilnaðarsam-
tök Baska (ETA). Átök stjórnarinn-
ar og ETA hafa staðið yfir í áratugi
og eru vonir bundnar við að viðræð-
urnar geti bundið varanlegan enda á
vopnaða baráttu samtakanna.
Zapatero lýsti þessu yfir á fundi
flokks síns, Sósíalistaflokksins, í
bænum Barakaldo, norðarlega á
svæði Baska, í gær og sagði að við-
ræðurnar myndu standa yfir í „að
minnsta kosti þrjú eða fjögur ár“.
Stjórn Zapateros hefur á undan-
förnum tveimur mánuðum fylgst
grannt með svæði Baska til að ganga
úr skugga um hvort raunverulegur
vilji sé á bak við yfirlýsingu ETA 22.
mars um „varanlegt vopnahlé“, eftir
nær 40 ára baráttu sem hefur kostað
yfir 800 manns lífið.
Ekki eru allir sannfærðir um að
sannur friðarvilji búi að baki yfirlýs-
ingu ETA og í gær gagnrýndu tals-
menn Þjóðarflokksins (PP), sem er í
stjórnarandstöðu, Zapatero fyrir að
vera tilbúinn til að ræða við samtök-
in á meðan þau er enn undir vopnum,
í staðinn fyrir að beita hana pólitísk-
um þrýstingi.
Boðar frið-
arviðræður
við ETA
Zapatero hyggst
ræða við aðskiln-
aðarsamtök Baska
New Orleans. AP. AFP. |
Demókratinn Ray
Nagin var í fyrradag
endurkjörinn borgar-
stjóri New Orleans,
eftir spennandi kosn-
ingabaráttu gegn
flokksbróður sínum
Mitch Landrieu. Nag-
in á erfitt verk fyrir
höndum, enda mikið
starf enn óunnið við
að endurbyggja ýmis
svæði New Orleans,
eftir eyðilegginguna
af völdum fellibylsins
Katrínar í ágúst sl.
„Þetta er frábær
dagur fyrir borgina
New Orleans,“ sagði
Nagin í sigurræðu að
kvöldi laugardags.
„Kosningarnar eru að
baki og nú er kominn
tími fyrir þetta samfélag að byrja
að láta sárin gróa,“ sagði Nagin,
sem þannig vísaði til deilna vegna
afleiðinga fellibylsins.
Landrieu lagði einnig ríka
áherslu á einingu borgarbúa í ræðu
sinni, en þar sem frambjóðendurnir
voru sammála í helstu málum þóttu
kosningarnar snúast upp í val kjós-
enda á milli persóna þeirra tveggja.
Þá lagði Nagin áherslu á mik-
ilvægi þess að borgarbúar samein-
uðust á ný, en margir blökkumenn í
borginni voru ósáttir við viðbrögð
hans og alríkisstjórnarinnar við af-
leiðingum Katrínar.
Naumur sigur Nagins
Að sögn Greg Rigamer, stjórn-
mála- og kosningaráðgjafa, endur-
speglaði útkoma kosninganna íbúa-
samsetningu borgarinnar, en alls
fékk Nagin 52,3 prósent atkvæða
og Landrieu 47,7 prósent. Um 38
prósent kjósenda mættu á kjör-
stað.
Meira en helmingur 465.000 íbúa
borgarinnar er enn á víð og dreif
um Bandaríkin eftir að hafa misst
heimili sín af völdum Katrínar og
mætti fjöldi kjósenda á kjörstað í
rútum frá Atlanta og Houston
Nagin endurkjör-
inn borgarstjóri
Á erfitt verk fyrir höndum við
endurbyggingu New Orleans
AP
Nagin var sigurreifur á laugardag
Zagreb. AFP. | Hagstofa Króatíu var-
aði við því í gær að íbúum landsins
kynni að fækka um tæpan þriðjung
fram til ársins 2051 frá því sem nú er
vegna lágrar fæðingartíðni kvenna í
landinu. Þannig mun Króötum
fækka úr 4,4 milljónum í um 3,1
milljón gangi spár hagstofunnar eft-
ir, ef miðað er við manntal árið 2001.
Segja sérfræðingar að fæðingar-
tíðni króatískra kvenna, sem er nú
1,3 börn á hverja konu, sé ekki nóg
til að viðhalda íbúafjölda landsins.
Til samanburðar er fæðingartíðni í
Frakklandi og Skandinavíu 1,7 börn
annars vegar og 1,9 börn hins vegar.
Allt frá næstsíðasta áratug hefur
Króötum stöðugt fækkað og er talið
líklegt að þessi þróun haldi áfram,
því að þótt fæðingum fjölgi munu
þær ekki ná 50.000 á ári, og það veg-
ur ekki upp á móti fjölda dauðsfalla.
Þriðjungs
fækkun?
Colombo, Batticaloa. AFP. AP. | Einn
helsti herforingi tamílsku Tígranna
á Sri Lanka var skotinn til bana í
gær af liðsmönnum Karuna liðþjálfa
á yfirráðasvæði Tígranna á austur-
hluta eyjarinnar. Herforinginn, sem
gengur undir nafninu Ramanan, var
á ferð í héraðinu Vavunathivu þegar
hann var myrtur, þar sem hreyfing
Tígranna klofnaði með stofnun her-
deildar Karuna liðþjálfa í mars 2004.
Talsmaður herdeildar Karunas,
Thuiyan, staðfesti í gær að hún bæri
ábyrgð á morðinu á Ramanan og 10
liðsmönnum hans, en margir her-
menn á svæðinu eru aðeins þekktir
að fornafni. Að sögn Thuiyan reyndu
liðsmenn Karunas, sem eru alls um
6.000, fyrst að myrða Ramanan með
jarðsprengju, þar sem hann fór á
mótorhjóli, en skutu hann svo til
bana.
Réðust Tígrarnir á
skrifstofur hjálparsamtaka?
Ramanan er einn hæst setti með-
limur Tígranna sem fellur fyrir
hendi morðingja síðan hreyfingin
undirritaði samkomulag um vopna-
hlé 2002. Óhætt er að segja að morð-
ið komi á afar viðkvæmum tíma, því
að Tígrarnir hafa hótað að grípa til
aðgerða muni Evrópusambandið
(ESB) skilgreina Frelsishreyfingu
Tamíla, LTTE, sem hryðjuverka-
samtök, en Tígrarnir vilja sjálfstæði
frá stjórninni á Sri Lanka.
Þá særðust tveir vegfarendur og
serbneskur hjálparstarfsmaður þeg-
ar handsprengjum var varpað inn á
skrifstofur þrennra erlendra hjálp-
arsamtaka á Sri Lanka í dag. Ekki
hefur verið staðfest hverjir báru
ábyrgð á árásunum, en grunur leikur
á að það hafi verið Tígrarnir.
Anton Balasingham, talsmaður
Tígranna, hefur verið harðorður í
garð ESB að undanförnu og sagt að
forysta LTTE muni ekki láta undan
þrýstingi sambandsins um að skil-
greina hana sem hryðjuverkasam-
tök. „Slíkt skref myndi ganga gegn
markmiðum sínum,“ segir Balasing-
ham á vefsíðu Tígranna. „Andspænis
alþjóðlegri einangrun og auðmýk-
ingu kann LTTE að þurfa að forðast
frekari friðarviðræður.“
Myrtu einn helsta
herforingja Tígranna
Nicosia. AFP. | Stjórnin á Kýpur
treysti stöðu sína eftir þingkosningar
í gær, en stjórnmálaskýrendur túlk-
uðu þær sem prófstein á stuðning
kjósenda við andstöðu Tassos Pa-
padopoulos forseta gegn hugmyndum
SÞ um að sameina íbúa eyjarinnar.
Þannig fékk miðjuflokkur Papado-
poulos, DIKO, 17,9 prósent atkvæða
en stjórnarsamstöðuflokkur hans
AKEL 31,2 prósent. Þá fékk flokkur
sósíalista, EDEK, sem er með þeim í
stjórn, 8,9 prósent atkvæða. Úrslitin
komu á óvart, en stjórnin vill ekki
sameinast tyrkneska minnihlutanum,
sem lýsti yfir sjálfstjórn 1983.
Stjórnin
á Kýpur
hélt velli
♦♦♦