Morgunblaðið - 16.09.2006, Blaðsíða 22

22 LAUGARDAGUR 16. SEPTEMBER 2006 MORGUNBLAÐIÐ
AKUREYRI
ÁRBORGARSVÆÐIÐ
Eftir Sigurð Jónsson
Selfoss | „Þetta er próf á róttæka
hugarfarsbreytingu,“ sagði Ólafur
Helgi Kjartansson, sýslumaður á
Selfossi, sem stýrði borgarafundi
um umferðarmál í Fjölbrautaskóla
Suðurlands síðastliðinn fimmtu-
dag. Hann sagði komið að því að al-
menningur hugleiddi fyrir alvöru
þær fórnir sem umferðin krefðist
og vottaði með því virðingu þeim
sem látist hefðu í umferðinni.
„Áhættuhegðun í umferðinni
hefur í för með sér miklar fórnir,“
sagði Ólafur sem flutti ávarp sam-
gönguráðherra á fundinum þar
sem fram kom meðal annars að
mælingar sýna að mikill fjöldi öku-
manna ekur á ofsahraða.
Ofsaakstur ógnar umhverfinu
Séra Kristinn Friðfinnsson flutti
bæn, minntist látinna og þeirra
sem eiga um sárt að binda vegna
umferðarslysa. Hann lagði út af
orðunum: Allt sem þér viljið að aðr-
ir menn gjöri yður skuluð þér og
þeim gjöra. Kór Fjölbrautaskólans
söng á fundinum sem var ágætlega
vel sóttur.
„Mannleg mistök eru orsök allra
slysa og orsök þeirra er vanmat
ökumanna á aðstæðum og eigin
getu. Þetta fer saman með of mikl-
um hraða,“ sagði Jón Gunnar Þór-
hallsson, lögregluvarðstjóri á Sel-
fossi, sem sagði frá aðstæðum sem
mæta lögreglumönnum og björg-
unarliði þegar slys verða. Hann
sagði að svo virtist sem aðal-
áhyggjuefni ökumanna væri að fá
sekt eða punkta en ekki hverjar af-
leiðingar ofsaaksturs gætu verið.
„Það er mikilvægt að fólk leiði hug-
ann að umhverfinu og að það eru
ekki eingöngu ökumenn sem eru í
hættu heldur líka þeir sem eru í
umhverfinu og eiga sér einskis ills
von,“ sagði Jón Gunnar sem hvatti
til þess að ungt fólk fengi aukna
fræðslu um umferðarmál.
„Það er alveg á hreinu að menn
voru ekki með hugann við akstur-
inn,“ sagði Davíð Örn Ingvason
sem sagði frá því er hann fyrir sex
árum lenti í bílslysi og missti annan
fótinn við hné. Hann var að aðstoða
fólk á biluðum bíl þegar ekið var á
bíl hans svo hann klemmdist á milli
tveggja bíla.
Mæðir mikið á fjölskyldunni
„Það mæðir mikið á fjölskyldu
manns og vinum þegar svona ger-
ist og það tekur langan tíma að
komast aftur í gang,“ sagði Davíð
Örn Ingvason þegar hann fjallaði
um afleiðingar slysanna og benti á
að sumir kæmust aldrei aftur í
gang eftir bílslys.
„Ég bið ykkur öll að hafa hugann
við það sem þið eruð að gera og aka
varlega,“ sagði Davíð og lagði
áherslu á að það væri grátlegt að
saklausir vegfarendur lentu oftast í
alvarlegum afleiðingum umferðar-
slysa þar sem orsökin væri hrað-
akstur.
Fundurinn í Fjölbrautaskóla
Suðurlands var alvöruþrunginn
enda borinn uppi af nauðsyn þess
að stemma stigu við dauðaslysum
og óhöppum í umferðinni sem
snerta mjög marga með óbætan-
legu tjóni. Hið óbætanlega tjón lifir
með þeim sem það þurfa að bera og
er ekki mjög í umræðunni.
Davíð Örn Ingvason flutti varnaðarorð til ökumanna á borgarafundi á Selfossi
Hafið hugann við það sem þið
eruð að gera og akið varlega
Morgunblaðið/Sigurður Jónsson.
Frummælendur Ólafur Helgi Kjartansson, Davíð Örn Ingvason og Jón
Gunnar Þórhallsson fluttu áhrifarík erindi á fundi um umferðarmál.
Hveragerði | Sveitarstjórnarmenn á Suð-
urlandi vilja að hafinn verði undirbún-
ingur að stofnun hlutafélags um há-
skólanám á Suðurlandi. Kemur það fram í
ályktun sem samþykkt var á aðalfundi
Samtaka sunnlenskra sveitarfélaga sem
haldinn var í Hveragerði um síðustu
helgi.
Ársþingið vakti athygli á að háskóli á
Suðurlandi yrði fjölmennur vinnustaður
fyrir velmenntað starfsfólk, auki mennt-
unarstig og efli fjölbreytni í atvinnulífi og
menningu. Fundurinn tók undir samþykkt
Atvinnuþróunarfélags Suðurlands um
áætlun um að hrinda þessu í framkvæmd.
Þar kemur fram að komið verði á fót
verkefnisstjórn á vegum sveitarfélaganna
til að skipuleggja námið.
Horft er til samvinnu við Háskólann í
Reykjavík um háskólanám með vinnu,
tæknifræði, iðnfræði og frumgreinasvið.
Litið er til samstarfs við Landbúnaðarhá-
skólann um að bjóða upp á hrossabraut og
umhverfisskipulag á Suðurlandi. Vilji er
til að kanna fleti á samstarfi við Háskóla
Íslands um mastersnám á Suðurlandi og
rætt um samstarf við deildir HÍ á Suður-
landi.
Vilji er til þess að setja þetta verkefni í
forgang innan væntanlegs vaxtarsamn-
ings fyrir Suðurland. Miðað er við að
starfstími verkefnisstjóra verði frá 1.
október nk. og út árið 2007. Áætlaður
kostnaður er um 1 milljón kr. á mánuði.
Gert er ráð fyrir því að hann verði greidd-
ur úr verkefnasjóði Atvinnuþróun-
arfélags Suðurlands og í gegnum vænt-
anlegan vaxtarsamning fyrir Suðurland.
Vilja stofna hluta-
félag um háskóla-
nám á Suðurlandi
ERLING Þór Júlínusson hætti sem slökkviliðs-
stjóri á Akureyri í fyrradag eins og fram kom í
Morgunblaðinu í gær. Tilkynnti hann það þá á
starfsmannafundi og hætti samdægurs. Hann
segir það af persónulegum ástæðum en telur líka
hentugt að hætta nú þar sem mikil uppbygging
hafi átt sér stað síðan hann tók við stjórninni fyrir
tæpum fjórum árum og segja megi að nýtt tímabil
sé að hefjast hjá liðinu.
Fréttir hafa verið sagðar síðustu ár af vær-
ingum í Slökkviliði Akureyrar og þegar Erling er
spurður hvort ákvörðun hans um að hætta nú
tengist því svarar hann: „Á stórum vinnustað þar
sem eru öflugir karlar eins og slökkviliðsmenn
verða alltaf væringar. Starfsmannavelta hér er
hins vegar undir því sem telst eðlilegt á almenn-
um vinnumarkaði þannig að þau skoðanaskipti
sem hér hafa átt sér stað hafa ekki haft áhrif á
starfsmannaveltu.“
Erling segir að það eigi ekki að hafa áhrif á
framgang liðsins þótt hann hætti. „Ég vil ekki að
rót komi á mannskapinn vegna þess. Enginn er
ómissandi, hvorki ég né aðrir, og slökkviliðið held-
ur vonandi áfram á þeirri góðu braut sem við höf-
um verið á. Og liðið er vel sett því hér er maður
eins og þeir gerast bestir, Ingimar Eydal. Ég hef
átt afskaplega gott samstarf við hann.“ Ingimar
hefur verið aðstoðarslökkviliðsstjóri og stýrir lið-
inu í stað Erlings, a.m.k. fyrst um sinn.
Erling segir Slökkvilið Akureyrar hafa náð
miklum árangri undanfarin ár. Starfsumhverfið
sé orðið óvenjulegt því fjölgað hafi um níu fast-
ráðna starfsmenn – þeir séu nú alls um 35, sem sé
ákjósanlegur fjöldi að hans mati – og nánast allur
tækjakostur liðsins hafi verið endurnýjaður.
„Stuðningur bæjaryfirvalda hefur verið af-
skaplega góður á meðan ég hef starfað hér og ég
kveð því með söknuði. En staðan er góð; hvað er
betra fyrir slökkviliðið en að hafa allt til alls?“
„Hvorki ég né aðrir ómissandi“
Erling Þór Júlínusson hættur sem slökkviliðsstjóri eftir þrjú og hálft ár í starfi
UM 300 manns sitja ráðstefnu á Ak-
ureyri um næstu helgi þar sem
fjallað verður um stærðfræði fyrir
börn á aldrinum eins til þriggja ára
og er aðsókn á ráðstefnuna slík að
færri komast að en vilja.
Það er skólaþróunarsvið kennara-
deildar Háskólans á Akureyri sem
stendur fyrir ráðstefnunni, um nám
og starf yngstu barnanna í leikskól-
anum með sérstaka áherslu á stærð-
fræði. Hún er liður í þróunarverkefni
HA og fjögurra leikskóla í Kópavogi
og Akureyri, um gerð kennsluleið-
beininga fyrir svo ung börn.
Aðalfyrirlesarar eru sænskir leik-
skólakennarar sem fjalla um verk-
efni sem unnið var á tuttugu og
tveimur deildum yngstu barna, þar
sem leikskólakennararnir horfðu á
starfið út frá sjónarhorni stærðfræð-
innar. Þær munu jafnframt rekja
hvernig unnið var með stærðfræði-
hugtök með svo ungum börnum.
Auk Svíanna fjallar Guðrún Alda
Harðardóttir, lektor við leikskóla-
braut HA, um stærðfræðinám í leik-
skólastarfi með yngri börnum.
Morgunblaðið/Skapti
1+1 Jórunn Ósk er tíu mánaða og
gæti brátt farið að leggja saman …
Reiknað
með 300
Mikill áhugi á stærð-
fræði fyrir smábörn
Landsbankamót Þórs í 4. flokki í fótbolta hófst í gær og lýkur á morgun. A-
lið Þórs í kvennaflokki tekur þátt í B-liðakeppni strákanna og hér er Arna
Ásgrímsdóttir á fleygiferð með boltann með tvo KR-inga á hælunum.
Morgunblaðið/Skapti Hallgrímsson
Kapphlaup um boltann
VON er á hljómplötu í haust þar sem
Óskar Pétursson tenór syngur lög
eftir Gunnar Þórðarson tónskáld;
Gunnar samdi níu lög af þessu tilefni
en fimm þeirra eru gömul.
Textarnir eru eftir ýmsa höfunda,
m.a. Davíð Oddsson, fyrrverandi for-
sætisráðherra, en hann samdi á sín-
um tíma texta við lag Gunnars, Við
Reykjavíkurtjörn, sem varð mjög
vinsælt. „Gunnar hefur verið að
semja upp í kjaftinn á mér!“ sagði
Óskar í stuttu spjalli við Morgun-
blaðið vegna þessarar nýju plötu.
Þegar samstarfið hófst, fyrr á
árinu, var hugmyndin sú að Óskar
syngi gömul lög Gunnars „en svo
opnaðist fyrir einhverja æð og það
komu níu lög,“ sagði Gunnar í sam-
tali við blaðið en hann hafði rödd
Óskars sérstaklega í huga við smíði
laganna. „Ég geri mér grein fyrir því
að ég er semja fyrir hetjutenór.
Þetta hefur verið mjög skemmtilegt
verkefni.“
Tvö laganna eru dúettar þar sem
Óskar syngur annars vegar með Jó-
hanni Friðgeiri Valdimarssyni og
hins vegar Regínu Ósk.
Hymnodia, sem er blandaður kór
á Akureyri, syngur með Óskari á
plötunni og karlakórinn Heimir í
Skagafirði í einu lagi.
Meðal hljóðfæraleikara á plötunni
eru Gunnlaugur Briem trommuleik-
ari og Jóhann Ásmundsson bassa-
leikari. Gunnar sér um útsetningar.
Hann semur upp
í kjaftinn á mér
Óskar
Pétursson
Gunnar
Þórðarson
Í HNOTSKURN
»Gunnar semur níu lög sér-staklega fyrir Óskar.
»Eitt gömlu laganna semÓskar syngur á plötunni er
Bláu augun þín, sem Hljómar
gerðu vinsælt.