Morgunblaðið - 16.09.2006, Blaðsíða 18

18 LAUGARDAGUR 16. SEPTEMBER 2006 MORGUNBLAÐIÐ
ERLENT
Eftir Boga Þór Arason
bogi@mbl.is
LEIÐTOGAR múslíma víða um heim mótmæltu í
gær ummælum Benedikts XVI páfa þar sem hann
tengdi saman íslam og ofbeldi.
Þing Pakistans samþykkti ályktun þar sem það
hvatti páfa til að taka orð sín aftur.
Ummælin vöktu einnig mikla reiði meðal um
130 milljóna múslíma á Indlandi. Formaður nefnd-
ar, sem á að stuðla að friðsamlegri sambúð trúar-
hópa á Indlandi, sagði að páfi hefði talað eins og
„krossfari á tólftu öld“.
Ismail Haniya, forsætisráðherra Palestínu-
manna, sagði að páfi ætti að „hætta að ráðast á ísl-
am, trú rúmlega 1,5 milljarða manna í heiminum“.
„Þessi orð fara á snið við sannleikann og snerta
kjarnann í trú okkar.“
Deilan snýst um ræðu þar sem páfi vitnaði í
keisara austrómverska ríkisins á 14. öld sem sagði
að það eina nýja sem Múhameð spámaður hefði
kynnt til sögunnar væru „illir hlutir og ómennskir,
svo og þau tilmæli hans að breiða út boðskap hans
með brandi“.
Í ræðunni tók páfi fram að þetta væru ekki sín
orð, heldur tilvitnun. Talsmaður hans sagði í gær
að páfi bæri virðingu fyrir íslam en hafnaði trúar-
kenningum sem hvettu til ofbeldis.
Ummæli talsmannsins dugðu þó ekki til að
draga úr reiði leiðtoga múslíma. Bræðralag músl-
íma, stærsti stjórnarandstöðuflokkurinn á þingi
Egyptalands, sagði að ummæli páfa væru alvar-
legri en skopmyndirnar af Múhameð spámanni
sem ollu uppnámi meðal múslíma fyrr á árinu.
Sérfræðingar í málefnum Mið-Austurlanda
sögðust óttast að reiðin vegna ummæla páfa
myndi magnast og leiða til götumótmæla líkt og
skopmyndirnar af Múhameð.
Mikil reiði meðal múslíma
yfir ræðu páfa um íslam
Reuters
Reiðir Múslímar í Kasmír mótmæla ræðu páfa
þar sem hann tengdi saman íslam og ofbeldi.
Óttast er að ræðan leiði til götumótmæla líkt og skopmyndirnar af Múhameð
NÝFÆDDUR prins í Japan var sýndur almenningi í
fyrsta skipti í gær þegar hann og móðir hans, Kiko
prinsessa, útskrifuðust af sjúkrahúsi.
Hisahito prins, sem fæddist í vikunni sem leið, er
þriðji í erfðaröð keisarafjölskyldunnar í Japan, á eftir
Naruhito krónprins og föður sínum, Akishino.
Hundruð Japana söfnuðust saman við sjúkrahúsið til
að fagna mæðginunum.
AP
Japansprins sýndur í fyrsta skipti
Eftir Ásgeir Sverrisson
asv@mbl.is
SÚ var tíð að ferðamenn í
Moskvu fengu ófá tækifæri til
að dást að hugkvæmni sov-
éskra bílstjóra. Á götum og
torgum drógu menn fram
verkfærin, sem vitaskuld voru
jafnan tiltæk, og gerðu við ör-
þreyttar bifreiðar er gefist
höfðu upp af einhverjum sök-
um. Á stundum mátti sjá stór-
viðgerðir fara fram, vélar
teknar upp og gírkassa end-
urnýjaða á staðnum; Rússar
eru snjallir vélvirkjar.
Enn skrölta stórbrotin sýn-
ishorn sovéskrar iðnhönnunar
um götur rússneskra borga en
þeim fer þó fjölgandi sem líða
um þéttbýlið í innfluttum öku-
tækjum. Réttnefnd sprenging
hefur orðið í bílasölu og þótt
flestir velji að festa kaup á
heldur smáborgaralegum
vögnum telja margir ekki ann-
að við hæfi en að velja sér öku-
tæki í samræmi við þjóðfélags-
stöðu og nýfenginn auð.
Ofurbílarnir renna út í Rúss-
landi og margir staðgreiða þá.
Markaðsvæðing og æv-
intýralegur olíugóði hefur um-
bylt hagkerfinu í Rússlandi.
Þeir sem njóta góðs af þessum
umskiptum hafa nú skyndilega
efni á þeim „lífsgæðum“ sem
hvað smánarlegust þóttu inn-
an hins kommúníska hug-
myndakerfis. Hinum er gert
að éta það sem úti frýs.
Lengi mátti lýðurinn í land-
inu gera sér sovéskar Lödur,
Zhígúlíja og Moskvítsa að
góðu en þessum merku öku-
tækjum fer nú fækkandi. Á
fyrri helmingi ársins jókst sala
á innfluttum bifreiðum um heil
60% í Rússlandi. Alls voru þá
398.000 bílar seldir fyrir and-
virði um 630 milljarða króna.
Best seljast vitanlega bílar á
viðráðanlegu verði; Hyundai,
Ford og Toyota ganga prýði-
lega í Rússlandi.
Nú horfa framleiðendur
dýrari bíla hins vegar einnig
með bjartsýni til rússneska
markaðarins. Á fyrstu sjö
mánuðum ársins seldust alls
5.200 Lexus-bílar sem Toyota
framleiðir í Rússlandi. Þetta
telst verulegur fjöldi og salan
er nú þegar meiri en allt árið í
fyrra. Aðrir framleiðendur
hafa sömu sögu að segja. Frá
BMW berast þær fréttir að
salan á fyrri helmingi ársins
hafi aukist um 46% frá því í
fyrra.
Sprengingin er ekki bundin
við Moskvu og Pétursborg
þótt trúlega sé fjölgun er-
lendra bíla einna mest áber-
andi þar. Í borginni Novosí-
brísk í Síberíu – hún er heila
3.200 kílómetra austur af
Moskvu – vilja menn helst
ekkert annað sjá en þýskt
gæðastál. Talsmenn Mercedes
í því menningarplássi upplýsa
að salan hafi aukist um 67% í
fyrra. Fyrir tveimur árum var
aðeins unnt að fá Jagúar
keyptan á þremur stöðum í
Rússlandi. Nú munu sölustað-
irnir vera 12.
Þessa mátti glögglega sjá
merki á bílasýningu mikilli í
Moskvu á dögunum. Sölu-
menn þar sögðu hneigðir
mannanna þær sömu í Ark-
angelsk og í Arnarnesinu. Þeir
sem ættu peninga vildu gjarn-
an leggja áherslu á sérstöðu
sína með því að líða um í rétt-
nefndum glæsivögnum. Marg-
ir teldu á hinn bóginn Merce-
des, Audi og BMW fram úr
hófi alþýðlega vagna. Þeir
ættu gjarnan slíkan bíl til að
renna á í vinnuna en síðan
væri Jagúarinn tekinn út úr
skúrnum um helgar. Tals-
menn Mercedes könnuðust
ekki við að framleiðsla þeirra
teldist nú einkum við hæfi ör-
eiga og upplýstu að salan í
Rússlandi hefði tvöfaldast í
fyrra. Mercedes notaði enda
sýninguna í Moskvu til að sýna
í fyrsta skiptið flaggskipið
nýja, CL 500.
Og sérfróðir eru vongóðir
um að Rússar hafi engan veg-
inn fengið nóg af útlendum bíl-
um. Því er spáð að veltan verði
næstum tvöföld árið 2010 og
þá verði innfluttir bílar seldir
fyrir rúmlega 2.000 milljarða
króna. Vissulega kann þessi
spá að bregðast; hagkerfið er
afar háð gróða af sölu á olíu og
gasi. En í landinu búa nú rúm-
lega 100.000 manns sem teljast
milljónamæringar þegar talið
er í Bandaríkjadölum og því
eru nokkrar líkur á að glæsi-
vögnunum eigi heldur eftir að
fjölga í hinu horfna sæluríki
öreiganna.
Ofurbílarnir renna út í Rússlandi
Reuters
Alþýðuvagn Mercedes Benz gengur vel í Rússlandi þessa
dagana. Margir nota Jagúarinn bara um helgar.
’Enn skrölta stór-brotin sýnishorn
sovéskrar iðnhönn-
unar um götur rúss-
neskra borga en
þeim fer þó fjölgandi
sem líða um þétt-
býlið í innfluttum
ökutækjum. ‘
Kíev. AFP. | Viktor Jústsjenkó, for-
seti Úkraínu, sagði í gær að sú yf-
irlýsing Viktors Janúkóvítsj for-
sætisráðherra frá því í fyrradag, að
bíða yrði með frekari skref í þá átt
að gera Úkraínu kleift að ganga í
Atlantshafsbandalagið (NATO)
væri byggð á misskilningi. Þann
misskilning þyrfti að leiðrétta.
Janúkóvítsj heimsótti Brussel í
fyrradag og átti þá fund með Jaap
de Hoop Scheffer, framkvæmda-
stjóra NATO. Sagði hann þá að að-
stæður í úkraínskum stjórnmálum
væru þannig að betra væri að bíða
með frekari skref í aðlögunarferli
landsins að aðild að bandalaginu.
Þessi afstaða Janúkóvítsj er hins
vegar „misskilningur og ekki í sam-
ræmi við þjóðarhag og hann þarf
því að leiðrétta“, að því er haft var
eftir Jústsjenkó forseta í gær. Ja-
núkóvítsj er vilhollur rússneskum
stjórnvöldum en Jústsjenkó horfir
til vesturs. Staðfesta ummæli for-
setans að þeim hefur ekki tekist að
samrýma pólitíska sýn sína á fram-
tíð Úkraínu.
Jústsjenkó
leiðréttir
„misskilning“
Tókýó. AFP. | Síð-
ustu áfrýjun
Shoko Asahara,
leiðtoga japanska
safnaðarins
Æðsta sannleiks,
var hafnað í gær
og ekkert er því
til fyrirstöðu að
hann verði tekinn
af lífi.
Asaharo var
dæmdur til dauða fyrir að hafa
skipulagt taugagasárás í neðanjarð-
arlestakerfinu í Tókýó árið 1995 og
aðra glæpi. Kostaði hún 12 manns
lífið en Asahara var fundinn sekur
um að hafa valdið dauða 27 manna
alls.
Asahara er 51 árs og stofnaði söfn-
uðinn Æðsta sannleik 1984. Lög-
fræðingar hans áfrýjuðu dauða-
dómnum á þeirri forsendu að hann
væri geðsjúkur. Hæstiréttur Japans
hafnaði áfrýjuninni og ljóst er því að
Asahara verður hengdur.
Óttast er að fylgismenn Asahara
fremji hryðjuverk til að hefna dauða
hans en yfirvöld vildu ekki svara því
hvort gripið hefði verið til öryggis-
ráðstafana.
Asahara
verður
líflátinn
Shoko Asahara
Síðustu áfrýjun leiðtoga
Æðsta sannleiks hafnað
NORSKA fjölmiðlasamsteypan
Schibsted greindi frá því í gær að
hún hygðist hefja fríblaðaútgáfu í
Svíþjóð í næsta mánuði.
Sænska dagblaðið Aftonbladet,
sem er í eigu Schibsted, á að gefa
blaðið út. Verður fríblaðinu dreift í
300.000 eintökum í Stokkhólmi,
Gautaborg og Malmö.
Schibsted gefur út tvö dagblöð í
Svíþjóð, Svenska Dagbladet og Af-
tonbladet.
Nafn fríblaðsins, sem á að heita
.SE, vísar til landsheitis Svíþjóðar á
Netinu.
Schibsted gerir ráð fyrir því að frí-
blaðið skili hagnaði eftir um það bil
þrjú ár.
Nýtt fríblað
í Svíþjóð
♦♦♦