Morgunblaðið - 16.09.2006, Blaðsíða 47

MORGUNBLAÐIÐ LAUGARDAGUR 16. SEPTEMBER 2006 47
KIRKJUSTARF
Barnastarfið að hefjast
í Selfosskirkju
Á sunnudaginn kemur, 17. sept-
ember, hefjast barnaguðsþjónustur
í Selfosskirkju.
Á hverjum sunnudegi er messa í
kirkjunni kl. 11. Þá geta börn og
foreldrar (eða afar og ömmur – og
aðrir ættingjar!) komið til kirkj-
unnar. En barnastundin í lofti safn-
aðarheimilisins byrjar raunar ekki
fyrr en kl. 11.15. Þeir, sem kjósa að
koma þá, geta – ef þeir vilja – geng-
ið upp á loftið safnaðarheim-
ilismegin. Börnin fá í hendur bók
og biblíumyndir til þess að líma inn
í hana. Guðspjall dagsins er útlistað
í máli og myndum, börnunum eru
kenndar bænir og þau syngja sam-
an sálma og barnasöngva.
Eygló Jóna Gunnarsdóttir,
djákni Selfosskirkju, hefur veg og
vanda af barnastarfinu, ásamt með
Guðbjörgu Arnardóttur guðfræð-
ingi og fleirum.
Enginn efi er á því, að bæði börn
og fullorðnir hafa ánægju og upp-
byggingu af samkomum á borð við
þessar.
Eftir barnasamkomuna gefst
börnunum og foreldrum þeirra
kostur á að setjast að léttum hádeg-
isverði, sem borinn er fram í safn-
aðarheimili kirkjunnar.
Ástæða er til að hvetja sem flesta
foreldra til þess að koma til kirkj-
unnar með börnin, því að slíkar
samverustundir eru mjög mikilvæg
sáning til framtíðar.
Gunnar Björnsson, sókn-
arprestur.
Vetrarstarf Akureyrar-
kirkju að hefjast
VETRARSTARF Akureyrarkirkju
hefst formlega sunnudaginn 17.
september með fjölskylduguðsþjón-
ustu í kirkjunni klukkan 11, sem
prestar kirkjunnar og starfsfólk
sunnudagaskólans annast. Stúlkna-
kór Akureyrarkirkju syngur og
börn fá afhenta kirkjubók fyrir
sunnudagaskólann. Væntanleg
fermingarbörn og foreldrar þeirra
eru hvött til að koma.
Að guðsþjónustu lokinni verður
opið hús í Safnaðarheimilinu til
klukkan 13 þar sem gestir geta
kynnt sér blómlegt vetrarstarfið.
Stúlknakórinn syngur og bornar
verða fram léttar veitingar.
Klukkan 13 verður svo fundur í
kirkjunni með foreldrum vænt-
anlegra fermingarbarna.
Sr. Kjartan Jónsson í
Hafnarfjarðarkirkju
Sr. Þórhallur Heimisson prestur við
Hafnarfjarðarkirkju verður í feðra-
orlofi fram eftir hausti. Sr. Kjartan
Jónsson mun gegna störfum hans
þar til hann kemur aftur til starfa.
Sr. Kjartan varði nýlega dokt-
orsritgerð í mannfræði við Háskóla
Íslands sem fjallar um sérstakar
siðvenjur karlmanna í Kenía. Hann
dvaldi þar í landi í heil tólf ár með
fjölskyldu sinni og starfaði sem
kristniboði og prestur. Hann hefur
einnig verið framkvæmdastjóri
K.F. U.M og K. um árabil og sinnt
preststörfum hérlendis.
Sr. Kjartan er kvæntur Valdísi
Magnúsdóttur kennara og eiga þau
þrjú uppkomin börn. Sr. Kjartan er
boðinn hjartanlega velkominn til
starfa við Hafnarfjarðarkirkju.
Þess er vænst að honum gefist tæki-
færi til þess að miðla af víðtækri
sérþekkingu sinni af kristniboðs-
og hjálparstarfi.
Gunnþór Þ. Ingason sókn-
arprestur.
Barnastarf Fríkirkj-
unnar í Reykjavík
FYRSTA barnaguðsþjónusta
haustsins hefst í Fríkirkjunni kl. 14.
Auk Ásu Bjarkar fríkirkjuprests
sjá um stundina þau Nanda María
og Pétur Markan, sunnudagaskóla-
kennarar. Einnig koma leikbrúður í
heimsókn og þá er sérstaklega
spennandi að fá fagra fuglsungann,
hana Engilráð, til okkar. Helgisag-
an, leikrit og söngur verða á sínum
stað auk gömlu góðu biblíumynd-
anna sem margt fullorðið fólk man
vel eftir.
Mætum í nýtt og öflugt barna-
starf. Barnaguðsþjónusturnar
verða 1. og 3. sunnudag í mánuði.
Minnum á bænastundir í safn-
aðarheimilinu á þriðjudögum kl.
11.30 og kyrrðarstundir með alt-
arisgöngu á fimmtudögum kl 12.
Starfsfólk.
Sporin 12 í Fríkirkj-
unni í Hafnarfirði
ENN á ný býður Fríkirkjan í Hafn-
arfirði upp á þetta vinsæla sjálf-
styrkingarnámskeið sem kallað er
sporin 12, andlegt ferðalag.
Sporin 12, andlegt ferðalag er
sjálfstyrkingarnámskeið og leið-
sögn fyrir fólk sem mætt hefur mis-
jöfnu á lífsleiðinni og vill bæta líðan
sína eða sættast við fortíðina. Þótt í
þessu starfi sé byggt á reynslu-
sporum AA-samtakanna er ekki
verið að glíma hér við alkóhólisma
heldur hvers kyns annað mótlæti
sem fólk kann að hafa orðið fyrir.
Reynslusporin 12 og boðskapur trú-
arinnar hafa reynst fólki vel í slíku
uppbyggingarstarfi.
Starfið fer fram í safnaðarheimili
Fríkirkjunnar við Linnetsstíg á
fimmtudagskvöldum yfir vetr-
artímann og var fyrsti kynning-
arfundurinn 14. september. Fyrstu
þrír fundirnir eru opnir kynning-
arfundir en síðan tekur fólk
ákvörðun um það að halda áfram til
vors.
60 af ára afmæli
Kirkjukórs
Hveragerðis- og
Kotstrandarsókna
KIRKJUKÓR Hveragerðis- og Kot-
strandarsókna var formlega stofn-
aður í september 1946. Kórinn er
því 60 ára um þessar mundir. Kór-
félagar fagna þessum tímamótum
næsta sunnudag, 17. september,
með hátíðarmessu í Hveragerð-
iskirkju kl. 11. Til messunnar er
boðið prestum og organistum sem
starfað hafa við sóknirnar. Sókn-
arnefndarmenn, gamlir kórfélagar
og aðrir velunnarar kirknanna og
kórsins eru velkomnir og vonumst
við til að sjá sem flesta. Eftir messu
verður boðið upp á veitingar.
Þann 15. október nk. verða svo
afmælistónleikar sem kynntir
verða þegar nær dregur.
Stjórnin.
Æðruleysismessur
í Dómkirkjunni
NÚ haustar að og æðruleysismess-
urnar í Dómkirkjunni eru að byrja
á ný. Sú fyrsta verður nk. sunnudag
kl. 20. Og verður ein æðruleys-
ismessa næstsíðasta sunnudag í
hverjum mánuði héðan í frá fram í
maí á næsta ári. Það var ánægjuleg
nýbreytni þegar sr. Jakob dóm-
kirkjuprestur og fleiri komu þeim á
laggirnar. Æðruleysismessurnar
hafa verið haldnar á hverjum vetri
undanfarin ár og fjöldinn allur af
fólki sótt þær.
Í æðruleysismessunum hefur ver-
ið leitast við að hafa fjölbreytni í
tónlistinni og margir tónlistarmenn
hafa tekið þátt í þeim. Í messunni á
sunnudaginn mun Bræðraband
þeirra Harðar Bragasonar, Birgis
Bragasonar og Hjörleifs Valssonar
annast undirleik, en Anna Sigríður
Helgadóttir mun leiða sönginn og
syngja einsöng.
Prestarnir sem munu koma að
messunum í vetur eru Anna Sigríð-
ur Pálsdóttir, Hjálmar Jónsson,
Jakob Ágúst Hjálmarsson og Karl
V. Matthíasson. Oftast er boðið upp
á fyrirbænir í lok æðruleysismess-
anna en þá ganga þeir sem vilja upp
að altarinu og leggja ýmis bæn-
arefni sín fram.
Kvöldmessa með
Þorvaldi Halldórssyni
í Seljakirkju
MESSUR hefjast aftur í Seljakirkju
eftir sumardvala sunnudagskvöldið
17. september kl. 20 með tónlistar-
manninum Þorvaldi Halldórssyni.
Þessar kvöldmessur eru sem fyrr
þriðja sunnudagskvöld í hverjum í
mánuði í kirkjunni í vetur og alltaf
kl. 20. Sr. Bolli Pétur Bollason pré-
dikar og kirkjukórinn undir stjórn
Jóns Bjarnasonar syngur. Allir vel-
komnir.
Auður Eir predikar –
altarisdúkur helgaður
í Langholtskirkju
VIÐ hátíðamessu í Langholtskirkju
17. september kl. 11, á kirkjudegi
safnaðarins, verður nýr alt-
arisdúkur helgaður, en sóknarbarn
hefur saumað fagran dúk og gefur
kirkjunni. Séra Auður Eir Vil-
hjálmsdóttir predikar og þjónar
ásamt sr. Jóni Helga Þórarinssyni
og sr. Örnu Ýrr Sigurðardóttur.
Kór Langholtskirkju syngur undir
stjórn Jóns Stefánssonar. Barna-
starfið hefst í kirkjunni.
Eftir messuna verður boðið upp á
kaffi og tertur. Allir velkomnir.
Norðurlandameistarar
í Laugarneshverfi
VIÐ messu sunnudagsins kl. 11 í
Laugarneskirkju mun skáklið
Laugalækjarskóla verða heiðrað,
en Laugnesingar eru að vonum
stoltir af sínum mönnum sem annað
árið í röð hafa nú landað Norð-
urlandameistaratitli. Munu pilt-
arnir, Aron Ellert Þorsteinsson,
Daði Ómarsson, Einar Sigurðsson,
Matthías Pétursson og Vilhjálmur
Pálmason, koma fram fyrir söfn-
uðinn við upphaf messunnar svo að
sunnudagaskólabörnin og fjöl-
skyldur þeirra geti líka barið þá
augum.
Samvera eldri borgara
í Laugarneskirkju
NÚ hefjast samverur eldri borgara
að nýju í Laugarneskirkju, og er
allt fólk sextugt og eldra hvatt til
þátttöku. Fundir okkar fara fram í
safnaðarheimili kirkjunnar annan
hvern fimmtudag kl. 14 og standa
til kl. 15.30 með fjölbreyttri dag-
skrá og kaffiveitingum. Að jafnaði
er það sr. Bjarni Karlsson sem stýr-
ir samverunum en þjónustuhópur
kirkjunnar og kirkjuvörður hafa
veg og vanda af öllum viðurgjörn-
ingi og margvíslegum undirbún-
ingi. Á fimmtudaginn kemur mun
Gunnar Gunnarsson organisti
haldaeinn af sínum vinsælu söng-
fundum, sem slógu svo rækilega í
gegn í fyrra. Allir velkomnir.
Andlegt ferðalag
FARIÐ verður af stað með Tólf
spora hópastarf á vegum Garða-
prestakalls í Vídalínskirkju með
kynningarfundi þriðjudaginn 19.
september kl. 20. Þetta hópastarf
eins og það hefur verið unnið í
kirkjum víða hefur þegar sannað
ágæti sitt og margir hafa fundið
þarna leið til að ná betri andlegri
líðan.
Eins og allir vita eru Tólf sporin
upphaflega komin frá AA-
hreyfingunni og hafa þar gert þús-
undum kleift að lifa góðu lífi án
efnaneyslu, en þau hafa líka reynst
mjög vel til að takast á við ýmis
önnur vandamál en efna- og áfeng-
isfíkn. Í andlega ferðalaginu í kirkj-
unni höfum við ekki skilgreint nein
sérstök vandamál heldur stundum
talað um að við komum með okkar
sködduðu tilfinningar til að leita
eftir bata.
Unnið er markvisst skriflega og
undir leiðsögn eftir vinnubókinni
Tólf sporin – Andlegt ferðalag sem
byggir á reynslu fólks sem hefur
glímt við lífið og tilveruna á marg-
víslegan hátt.
Ákveðið hefur verið að starfið
verði á þriðjudagskvöldum í vetur
milli kl. 20 og22. Nánari upplýs-
ingar gefa Jóhanna í síma 865 3691
og Margrét í síma 692 0532.
Dómkirkjan – ferming-
arbörn í messu
EINN þáttur fermingarfræðslu-
nnar er þátttaka fermingarbarna í
guðsþjónustum kirkju sinnar. Þessi
þáttur er að hefjast hjá okkur í
Dómkirkjunni og eru ferming-
arbörn næsta vors sérstaklega boð-
uð til messunnar á morgun ásamt
fjölskyldum sínum. Sr. Hjálmar
Jónsson predikar og sr. Jakob Á.
Hjálmarsson þjónar fyrir altari.
Í messunni syngur Dómkórinn
undir stjórn Marteins H. Friðriks-
sonar. Messan hefst kl. 11. Eftir
messu verður stuttur fundur með
fermingarbörnunum og foreldrum
þeirra.
Allir velkomnir.
Prestarnir.
Námskeið um tilgang
lífsins og tilvist Guðs
ÞRIÐJUDAGINN 19. september
hefst í Íslensku Kristskirkjunni
námskeið um það sem margir álíta
mikilvægustu viðfangsefni tilver-
unnar – þ.e. spurningarnar um til-
gang lífsins og tilvist Guðs.
Íslenska Kristskirkjan, Fossa-
leyni 14, Grafarvogi, vill leggja sitt
af mörkum í umræðunni og því býð-
ur hún til þessa námskeiðs sem
gengur undir nafninu Alfa. Alfa er
fyrsti stafurinn í gríska stafrófinu
og er það skírskotun til þess að
námskeiðinu er ekki ætlað að setja
endapunktinn við sannleiksleit okk-
ar heldur að bjóða til fræðslu og
umræðu um viðfangsefnið. Meðal
kennara er Friðrik Schram, prest-
ur safnaðarins, en hann hefur und-
anfarin ár fjallað um þessi mál frá
ýmsum hliðum í sjónvarpsþættinum
„Um trúna og tilveruna“ á sjón-
varpsstöðinni Omega.
Námskeiðið stendur yfir næstu
10 þriðjudagskvöld. Skráning
stendur yfir á skrifstofu Íslensku
Kristskirkjunnar. Allir velkomnir.
Alfa námskeið hjá
KFUM OG KFUK
Eins og undanfarin ár mun KFUM
og KFUK bjóða upp á Alfa nám-
skeið. Námskeiðið er um meg-
inatriði kristinnar trúar. Alfa nám-
skeiðið er alþjóðanámskeið sem
haldið er í yfir 150 löndum. Á nám-
skeiðinu er spurningin um lífið og
tilveruna rædd út frá ýmsum sjón-
arhornum. Allar spurningar eiga
rétt á sér og gefst fólki því kostur á
að spyrja spurninga um það sem því
liggur á hjarta. Að þessu sinni er
boðið upp á þrjú Alfa námskeið.
Þau verða á eftirfarandi tímum:
Alfa að degi til. Á miðvikudögum
frá kl. 11:30–14:30. Námskeiðið
hefst miðvikudaginn 20. september
kl. 11:30.
Alfa að kvöldi til. Á mið-
vikudögum frá kl. 19:00–22:00.
Námskeiðið hefst miðvikudaginn
20. september kl. 19:00.
Alfa á ensku. Á mánudögum frá
kl 19:00–22:00 Námskeiðið hefst 18.
september kl 19:00.
Námskeiðin eru haldin á Holta-
vegi 28 í Reykjavík. Leiðbeinandi
verður Ragnar Snær Karlsson.
Nánari upplýsingar um námskeið
er finna á heimasíðu KFUM og
KFUK www.kfum.is og á heima-
síðu Alfa www.alfa.is Skráning á
námskeiðið fer fram í síma 588-
8899.
TheAlpha Course in
English at the YMCA /
YWCA in Reykjavik
The Alpha Course is an Int-
ernational course that is held in
over 150 countries. Over 8 million
people have now attended an Alpha
course. The course is running in
tens of thousands of churches of all
denominations across the world.
The Alpha course is an opportunity
for anyone to explore the Christian
faith in a relaxed, non-threatening
setting over ten thought-provoking
weekly sessions, with a day or
weekend away. It is low-key, fri-
endly and fun – and is supported by
all the main Christian denom-
inations. The course will be held at
the YMCA /YWCA at Holtavegur
28 in Reykjavik on the 18th of Sept-
ember at 19:00 For more inform-
ation and registration please con-
tact Ragnar Snær Karlsson at
telephone: 588-8876 or 898- 7148 or
you can send an e-mail to
rsk@kfum.is . For more inform-
ation about the Alpha Course
please look at www.alpha.org
Morgunblaðið/Þorkell Þorkelsson
Selfosskirkja.