Morgunblaðið - 24.11.2006, Blaðsíða 10

10 FÖSTUDAGUR 24. NÓVEMBER 2006 MORGUNBLAÐIÐ
FRÉTTIR
Eftir Örnu Schram
arna@mbl.is
STJÓRNARANDSTAÐAN vill að greiðslur til
elli- og örorkulífeyrisþega hækki um 7,4 milljarða
á næsta ári. Hún hefur sameiginlega lagt fram til-
lögu þessa efnis fram á Alþingi. Tillagan er breyt-
ingartillaga við frumvarp til fjárlaga næsta árs.
Þetta er jafnframt eina breytingartillaga stjórn-
arandstöðunnar við fjárlagafrumvarpið.
Þingflokksformenn stjórnarandstöðuflokkanna,
ásamt Katrínu Júlíusdóttur, fulltrúa Samfylking-
arinnar í fjárlaganefnd Alþingis, kynntu tillöguna
á sérstökum blaðamannafundi í gærmorgun. Til-
lagan er táknræn um samstöðu stjórnarandstöð-
unnar, að sögn Össurar Skarphéðinssonar, þing-
flokksformanns Samfylkingarinnar. Ögmundur
Jónasson, þingflokksformaður Vinstri grænna,
tók í sama streng. Hann sagði að hún sýndi að orð-
in frá því fyrr í vetur um samstöðu stjórnarand-
stöðunnar væru ekki bara orðin tóm. „Við erum að
sýna í verki vilja okkar til samvinnu og til sam-
stöðu,“ sagði hann á blaðamannafundinum í gær.
900 þúsund kr. frítekjumark
Tillagan byggist á hugmyndum stjórnarand-
stöðunnar sem fram koma í sameiginlegri þings-
ályktunartillögu hennar frá því fyrr í vetur, um
nýja framtíðarskipan lífeyrismála. Í fyrsta lagi er í
tillögunni lagt til nýtt frítekjumark sem felur í sér
að bæði elli- og örorkulífeyrisþegar geti unnið sér
inn 900 þúsund krónur á ári án þess að lífeyrir hins
opinbera skerðist. Katrín Júlíusdóttir sagði að til-
lögur ríkisstjórnarinnar gerðu hins vegar aðeins
ráð fyrir 300 þúsund kr. frítekjumarki fyrir ellilíf-
eyrisþega en engu frítekjumarki fyrir öryrkja.
Í öðru lagi leggur stjórnarandstaðan til að
tekjutrygging verði hækkuð upp í 85 þúsund á
mánuði fyrir ellilífeyrisþega og 86 þúsund fyrir ör-
orkulífeyrisþega, auk breytinga á launavísitölu frá
í sumar. Í þriðja lagi er lagt til að afnumin verði
með öllu tengsl lífeyrisgreiðslna við atvinnu- og
lífeyristekjur maka.
Í fjórða lagi er lagt til að vasapeningar þeirra
sem dvelja á stofnunum hækki um helming eða
50% og að frítekjumark sömu einstaklinga hækki
einnig, eða úr 50 þúsund kr. á mánuði í 75 þúsund
kr. á mánuði. Í fimmta lagi er lagt til að öryrkjar
haldi aldurstengdri örorkubót þegar farið er á elli-
lífeyri. Og í sjötta lagi er lagt til að skerðingarhlut-
föll verði minnkuð, þ.e. þannig að skattskyldar
tekjur umfram frítekjumark, skerði tekjutrygg-
ingu um 35% í stað 45%.
Að sögn Katrínar hefur verið reiknað út að
heildarútgjöld, þegar tillagan er öll komin til
framkvæmda, verði tæpir 7,4 milljarðar. Nettó-
áhrif hjá ríkissjóði verða hins vegar 5,5 milljarðar,
segir Katrín, þar sem eitthvað muni skila sér til
baka í gegnum m.a. neysluskatta og aukna at-
vinnuþátttöku.
Samstaða um tillöguna
Katrín ítrekar að algjör samstaða ríki um tillög-
una innan stjórnarandstöðunnar. Með henni vilji
stjórnarandstaðan leggja áherslu á bætt kjör eldri
borgara og öryrkja. „Það er von okkar að rík-
isstjórnin taki þátt í þessu með okkur,“ segir hún.
Magnús Þór Hafsteinsson, þingflokksformaður
Frjálslynda flokksins, sagði á blaðamannafundin-
um í gærmorgun að tillagan miðaði m.a. að því að
hjálpa fólki að hjálpa sér sjálft og auka atvinnu-
þátttöku þess.
Lífeyrisþegar fái 7,4
milljarða hækkun

Stjórnarandstaðan leggur fram sameiginlega tillögu í fjárlagaumræðunni

Með því vill hún meðal annars leggja áherslu á samvinnu sína og samstöðu
Morgunblaðið/ÞÖK
Önnum kafnir Þingmenn voru önnum kafnir á Alþingi í gær, en þá fór fram önnur umræða um fjár-
lagafrumvarpið. Stefnt er að því að frumvarpinu verði vísað til þriðju umræðu í dag.
FÉLAGSMÁLANEFND Alþingis
er að kanna leiðir til þess að fólk sem
býr í atvinnuhúsnæði njóti sömu
réttinda og þeir sem búa í öðru hús-
næði, að sögn Dagnýjar Jónsdóttur,
formanns nefndarinnar. Kom þetta
fram í umræðum á Alþingi í gær, en
þá voru rædd málefni fólks sem býr í
iðnaðarhúsnæði.
Magnús Þór Hafsteinsson, þing-
maður Frjálslynda flokksins, var
málshefjandi umræðunnar. Hann
gerði umfjöllun Stöðvar 2, síðustu
daga, að umtalsefni, en þar hafi m.a.
komið fram að fleiri hundruð manns
búi í iðnaðarhúsnæði á höfuðborgar-
svæðinu. Fólkið sé ekki skráð með
lögheimili, auk þess sem margt
bendi til þess að húsnæðið sé ekki
samþykkt sem vistarverur fyrir fólk.
Stór hluti þeirra sem búi í umræddu
húsnæði sé erlendir ríkisborgarar.
Dagný kvaðst hissa á þessu upp-
hlaupi þingmannsins, enda væri fé-
lagsmálanefnd með þessi mál til um-
fjöllunar og í farvegi. Verið væri að
finna leiðir svo þetta fólk geti notið
réttinda á við aðra.
Ræða íbúa iðn-
aðarhúsnæðis
SIV Friðleifsdóttir heilbrigðisráð-
herra sagði á Alþingi í fyrradag að
ástæðan fyrir skipulagsbreytingum
hjá Miðstöð mæðraverndar, væri að
hluta til faglegs eðlis. Ákvörðunin
skýrðist af þeim vilja heilbrigðisyf-
irvalda að konur fengju sem besta
þjónustu á viðeigandi þjónustustigi.
Þórunn Sveinbjarnardóttir, þing-
maður Samfylkingarinnar, var máls-
hefjandi umræðunnar. Hún gagn-
rýndi ákvörðun ráðherra. Á Miðstöð
mæðraverndar hefði verið mjög mik-
ilvæg sérhæfð þjónusta, sniðin að
þörfum þungaðra kvenna sem þyrfti
á meira eftirliti að halda.
Ásta Möller, þingmaður Sjálf-
stæðisflokks og varaformaður heil-
brigðis- og trygginganefndar þings-
ins, sagði að með ákvörðuninni um að
færa þjónustu við konurnar alfarið
til Landspítala – háskólasjúkrahúss
væri grundvellinum kippt undan
starfsemi Mæðraverndarinnar. Hún
gagnrýndi hve skjótt breytingarnar
bæru að og hve lítinn tíma barnshaf-
andi konur og starfsfólk fengi til að
aðlagast þeim.
Ákvörðunin
faglegs eðlis
STJÓRNARANDSTAÐAN segir í áliti sínu um
fjárlagafrumvarpið að frumvarpið og breyting-
artillögur meirihlutans við það séu aðeins hluti
af tilraun ríkisstjórnarflokkanna til að tryggja
áframhaldandi setu sína í ríkisstjórn. „Það frum-
varp sem hér liggur fyrir ásamt breyting-
artillögum meirihluta fjárlaganefndar er plagg
sem lítið mark er takandi á, m.a. vegna þess hve
efnahags- og tekjuforsendur eru óvissar og út-
gjaldaákvarðanir handahófskenndar,“ segir
m.a. í álitinu.
Lítið mark á takandi
Morgunblaðið/ÞÖK
Heimsókn á Alþingi Skólakrakkar fylgdust með umræðum á Alþingi.
LÖGÐ hefur verið fram á Alþingi til-
laga til þingsályktunar um að lífeyr-
isgreiðslur úr almennum lífeyris-
sjóðum verði skattlagðar á sama hátt
og fjármagnstekjur. Flutningsmenn
vilja að félagsmálaráðherra verði fal-
ið að undirbúa frumvarp þess efnis.
Fyrsti flutningsmaður er Ellert B.
Schram, varaþingmaður Samfylk-
ingarinnar. Meðflutningsmenn eru
Jóhanna Sigurðardóttir og Ágúst
Ólafur Ágústsson, Samfylkingu.
Í greinargerð tillögunnar segir
m.a. að greiðsla launþega í lífeyris-
sjóði sé lögbundin. Mánaðarlegar líf-
eyrisgreiðslur úr lífeyrissjóðum séu
að meðaltali á bilinu 80 til 90 þúsund
á mánuði. Af því greiði lífeyrisþegi
fullan skatt. Þeir sem leggi hins veg-
ar sparnað sinn til hliðar í t.d. bönk-
um greiði aðeins 10% fjármagns-
tekjuskatt af arði eða vöxtum. Þann
ójöfnuð þurfi að laga til hagsbóta
fyrir þorra eldri borgara.
Skattlagningu
verði breytt