Morgunblaðið - 07.12.2006, Síða 10

10 FIMMTUDAGUR 7. DESEMBER 2006 MORGUNBLAÐIÐ
FRÉTTIR
MEÐALLESTUR allra dagblað-
anna minnkar um 1,7 til 3,3 pró-
sentustig í nóvember, samkvæmt
könnun Capacent Gallup á lestri
dagblaðanna, frá fyrri könnun sem
framkvæmd var í september í haust.
Meðallestur á Fréttablaðinu er
66,2%, en var 68,9% í september í
haust og 64,1% í október í fyrra-
haust. Meðallestur Morgunblaðsins
var 46,3% og minnkar úr 49,6% í
september en er svipaður og hann
var í október í fyrrahaust þegar
hann var 46,1%. Meðallestur Blaðs-
ins reyndist vera 43,9% og minnkar
úr 45,6% í september eða um 1,7 pró-
sentustig. Lestur Blaðsins eykst
hins vegar verulega frá sama tíma í
fyrra þegar hann mældist 27,4%.
Þegar skoðaðar eru tölur um þá
sem eitthvað lásu dagblöðin í athug-
unarvikunni kemur í ljós að 92,5%
lásu Fréttablaðið eitthvað, 70,2%
lásu Morgunblaðið eitthvað og 68,8%
Blaðið.
Þegar einungis er horft á höfuð-
borgarsvæðið kemur í ljós að með-
allestur Fréttablaðsins er þar 70,8%
í könnunarvikunni, 52,6% á Morgun-
blaðinu og 52,7% á Blaðinu.
Könnunin var framkvæmd vikuna
6.–12. nóvember og var á dagbókar-
formi. Um var að ræða tilviljunar-
úrtak úr þjóðskrá og náði það til
1.500 Íslendinga á aldrinum 12–80
ára. Endanlegt úrtak var 1.371 og
var fjöldi svara 501, sem jafngildir
36,5% nettó svarhlutfalli.



 







   
  





   



   








 
 


 Meðallestur allra
dagblaðanna minni
FJÁRLÖG næsta árs voru sam-
þykkt á Alþingi í gær með 34 sam-
hljóða atkvæðum stjórnarliða. 26
þingmenn stjórnarandstöðunnar
sátu hjá. Skv. frumvarpinu verður
rúmlega níu milljarða króna tekju-
afgangur af rekstri ríkissjóðs á
næsta ári.
Tillögur stjórnarandstöðunnar
um m.a. fimm milljarða aukafjár-
veitingu til úrbóta í búsetu- og
umönnunarmálum aldraðra, voru
felldar.
Árni M. Mathiesen fjármálaráð-
herra sagði í atkvæðagreiðslum um
frumvarpið að það markaðist af því
mikla hagvaxtarskeiði sem verið
hefði á Íslandi á undanförnum ár-
um. Frumvarpið einkenndist af
þremur þáttum. Í fyrsta lagi væri
það síðasti áfanginn í mesta skatta-
lækkunarferli sem lagt hefði verið
upp með hér á landi. Í öðru lagi
væri lagt upp með stærsta verkefni
síðustu ára til að bæta kjör og að-
stæður aldraðra og í þriðja lagi
væri lagt upp með stærsta átak til
að lækka matvælaverð með lækkun
virðisaukaskatts á matvæli og veit-
ingaþjónustu.
Ingibjörg Sólrún Gísladóttir, for-
maður Samfylkingarinnar, sagði
m.a. að þetta væru kosningafjárlög,
því útgjöld ykjust um 16,7% milli
ára. Á sama tíma væru vanefndir
gagnvart öryrkjum, öldruðum og
verkalýðshreyfingunni. Hún sagði
að ríkisstjórnin reri nú lífróður og
að erindi hennar væri lokið.
Steingrímur J. Sigfússon, for-
maður Vinstrihreyfingarinnar –
græns framboðs, sagði að þetta
væru vonandi, og nokkuð örugg-
lega, síðustu fjárlög ríkisstjórnar-
innar. Hann sagði að fjárlögin
bæru þess merki að kosningar
væru á næsta ári. Þrátt fyrir það
væru mikilvægir málaflokkar í heil-
brigðis- og menntamálum fjársvelt-
ir.
Magnús Þór Hafsteinsson, þing-
flokksformaður Frjálslynda flokks-
ins, lýsti yfir vonbrigðum með að
ríkisstjórnin skyldi ekki hafa haft
manndóm í sér til að taka undir til-
lögur stjórnarandstöðunnar um að
hjálpa fólki til að hjálpa sér sjálft.
Þá sagði Birkir J. Jónsson, for-
maður fjárlaganefndar, að frum-
varpið væri velferðarfrumvarp, þar
sem stórauknum fjármunum væri
varið til heilbrigðis-, mennta- og fé-
lagsmála.
Fjárlög samþykkt með um
níu milljarða króna afgangi
Stjórnarandstæðingar segja fjárlögin bera merki kosningaárs
Í HNOTSKURN
»Fjárlög næsta árs vorusamþykkt frá Alþingi í
gær með rúmlega 9 milljarða
króna tekjuafgangi.
» Árni M. Mathiesen fjár-málaráðherra sagði að
frumvarpið einkenndist af
miklu hagvaxtarskeiði.
MIKIL fundahöld hafa verið á Alþingi og stóð þing-
fundur í gær fram á kvöld. Í dag verða m.a. utan-
dagskrárumræður um aukið hlutfall skatttekna hins
opinbera af landsframleiðslu. Málshefjandi er Ágúst
Ólafur Ágústsson. Árni M. Mathiesen fjármálaráðherra
verður til andsvara.
Morgunblaðið/Kristinn
Ströng fundahöld á Alþingi
BROTTFALL úr framhaldsskólum
landsins telst hafa verið um 16,4%
meðal dagskólanemenda frá haust-
inu 2004 til haustsins 2005. Þetta
kemur fram í skriflegu svari
menntamálaráðherra, Þorgerðar K.
Gunnarsdóttur, við fyrirspurn frá
Björgvini G. Sigurðssyni, þing-
manni Samfylkingarinnar.
Fram kemur í svarinu að brott-
fall sé mismunandi eftir skólum.
Hæst er hlutfallið í Iðnskólanum í
Reykjavík, eða um 33%.
Í svarinu segir að brottfall sé oft
tímabundið og að margir hefji nám
að nýju. Sveigjanlegt og opið skóla-
kerfi hér á landi geri nemendum
kleift að hverfa tímabundið frá
námi.
Brottfall
um 16,4%
Margir hefja
nám að nýju
TRYGGINGASTOFNUN ríkisins
endurgreiddi alls 107 milljónir
vegna tannlæknakostnaðar barna á
aldrinum núll til sex ára á árinu
2005. Stofnunin greiddi 223 millj-
ónir vegna tannlæknakostnaðar
barna á aldrinum 7 til 12 ára á árinu
2005 og alls 199 milljónir vegna
tannlæknakostnaðar barna og ung-
linga á aldrinum 13 til 17 ára.
Þetta kemur fram í skriflegu svari
heilbrigðisráðherra, Sivjar Frið-
leifsdóttur, við fyrirspurn Jóhönnu
Sigurðardóttur, þingmanns Sam-
fylkingarinnar.
Tölurnar í svarinu vísa til al-
mennra tannlækninga, en ekki tann-
réttinga. Í því kemur fram að TR
greiði um 60% af tannlæknakostnaði
barna til 17 ára aldurs.
Um 500 millj-
ónir til baka
IÐNAÐARNEFND Alþingis leggur
til að breytingar verði gerðar á
frumvarpi um tímabundnar endur-
greiðslur vegna kvikmyndagerðar,
á þá leið að hlutfall endurgreidds
framleiðslukostnaðar verði hækkað
úr 12% í 14%. Einnig vill nefndin að
í bráðabirgðaákvæði komi fram að
þeir sem fengið hafa endur-
greiðsluvilyrði fyrir næstu áramót
eigi þess kost að sækja aftur um
endurgreiðslu framleiðslukostn-
aðar eftir að endurgreiðsluhlut-
fallið hefur verið hækkað. Þó skuli
við það miðað að framleiðsla sé
ekki hafin. Er í því sambandi miðað
við fyrsta tökudag.
Í frumvarpinu er lagt til að gild-
istími laganna verði framlengdur
til 31. desember 2011, eða um fimm
ár. „Ljóst er að íslenskur kvik-
myndaiðnaður hefur eflst gríð-
arlega í kjölfar aðgerðanna. Jafn-
framt hafa einstök landsvæði og
ferðaþjónustan notið sérstaklega
aukinna umsvifa erlendra aðila í
kvikmyndagerð hér á landi,“ segir í
nefndaráliti iðnaðarnefndar Al-
þingis.
Hærra hlut-
fall endur-
greiðslna
♦♦♦