Morgunblaðið - 07.12.2006, Síða 24
24 FIMMTUDAGUR 7. DESEMBER 2006 MORGUNBLAÐIÐ
HÖFUÐBORGARSVÆÐIÐ
Laugarneshverfi | Ný viðbygging
Laugarnesskóla var tekin í notkun
við athöfn í gær, en að sögn Vilborg-
ar Runólfsdóttur skólastjóra bætir
hún úr brýnni þörf fyrir húsnæði við
skólann. Um 400 börn á aldrinum 6–
11 ára stunda nám í Laugarnes-
skóla, en tvö ár eru liðin frá því
skóflustunga að viðbyggingunni var
tekin. Vilborg segir að bygging-
arsaga Laugarnesskóla sé orðin
löng, en elsti hluti skólans er frá
árinu 1935. Þróun í kennsluháttum
og þjóðfélagsbreytingar kalli á
breytingar í skólastarfinu.
„Þó að nemendur hafi verið á ann-
að þúsund þegar þeir voru flestir þá
er nýbyggingin þáttur í þessum
breytingum og þess vegna kærkom-
in úrlausn,“ segir Vilborg. Nýja hús-
ið tengist mjög vel eldra húsnæðinu
og sé starfsfólk skólans ánægt með
hvernig til hefur tekist.
„Þetta er mjög bjart og fallegt
húsnæði og mun þjóna okkur vel,“
segir hún. Með nýja húsinu batni til
að mynda til muna aðstaða til list- og
verknáms, en byggingin er um 1.700
fermetrar. Samkeppni var haldin um
teikningu á viðbyggingunni og fóru
arkitektarnir Dennis Davíð Jóhann-
esson og Hjördís Sigurgísladóttir
með sigur af hólmi. Þau unnu teikn-
ingar út frá hugmyndum foreldra og
starfsfólks.
Við opnunina í gær flutti Vil-
hjálmur Þ. Vilhjálmsson borg-
arstjóri ávarp og afhenti nýbygg-
inguna formlega. Skólalúðrasveit
Austurbæjar lék fyrir gesti og nem-
endur fluttu frumsamin ljóð.
Morgunblaðið/G.Rúnar
Stemning Við opnun hinnar nýju viðbyggingar Laugarnesskóla lék Skólalúðrasveit Austurbæjar fyrir gesti og nemendur fluttu frumsamin ljóð.
Ný bygging við Laugarnesskóla
Vel heppnað Tenging nýja hússins við eldra húsnæðið tókst mjög vel.
Í HNOTSKURN
»Ný viðbygging Laugarnes-skóla var tekin í notkun í
gær, en tvö ár hefur tekið að
reisa hana.
»Byggingin mun m.a. bætaverulega aðstöðu til verk- og
listnáms hjá nemendum skólans,
sem eru á aldrinum 6–11 ára.
Morgunblaðið/ÞÖK
Morgunblaðið/G.Rúnar
Grafarvogur | Stefán Finnsson,
deildarstjóri hjá framkvæmdasviði
borgarinnar, kveðst ekki telja að
umferðaröryggi sé ógnað með nýju
hringtorgi sem byggt hefur verið á
Víkurvegi, skammt frá Egilshöll.
Fram kom í Morgunblaðinu í gær að
Hreggviður Jóns-
son, fyrrv. alþing-
ismaður, hafi sent
borgarstjóranum
í Reykjavík bréf,
þar sem óskað er
eftir að hring-
torgið verði fjar-
lægt áður en slys
hljótist af.
Stefán segir að
hringtorgið hafi
verið reist í samræmi við samþykkt
deiliskipulag. Hringtorg sem
tengipunktar á gatnamótum hafi
verið talin öruggari en aðrar gerðir
gatnamóta. Hringtorginu hafi verið
komið fyrir á þessum stað til þess að
bæta aðkomu að Egilshöll og sá hafi
fyrst og fremst verið tilgangurinn
með því að reisa það. Hann kveðst
telja að torgið muni draga úr hraða á
hringveginum og auka öryggi gang-
andi vegfarenda.
Stefán segir að í dag séu umferð-
arljós skammt frá eina tengingin að
Egilshöll. Nú sé verið að bæta við
tengingu norðar sem opni þægilegri
leið frá höllinni. Þegar fjölsóttir við-
burðir eigi sér stað í Egilshöll eigi
menn, eftir tilkomu hringtorgsins,
fleiri leiðir út af lóðinni.
Gagnrýnt hafi verið að hringtorgið
sé lítið, en ekki sé úr miklu rými að
spila, auk þess sem lítil torg dragi
meira úr hraða en stærri torg.
Ekki
minna
öryggi
Nýja hringtorgið
við Víkurveg.
AKUREYRI
KRISTJÁN Þór Júlíusson, bæjar-
stjóri á Akureyri, mun þiggja bið-
laun sem hann á rétt á samkvæmt
ráðningarsamningi er hann lætur
af störfum hinn 9. janúar nk. Hann
segir að Samfylkingin, samstarfs-
flokkur Sjálfstæðisflokksins í bæj-
arstjórn, hafi gert þá kröfu að hann
léti af störfum sem bæjarstjóri eftir
að hann sigraði í prófkjöri Sjálf-
stæðisflokksins í Norðausturkjör-
dæmi á dögunum.
Oddur Helgi Halldórsson, odd-
viti L-listans í bæjarstjórn Akur-
eyrar, gagnrýndi Kristján Þór
harðlega í fréttum Stöðvar 2 á dög-
unum fyrir að ætla að þiggja bið-
laun. Kristján sagðist í framhaldi
þess ekki hafa ákveðið sig en
greindi frá ákvörðuninni á heima-
síðu sinni í gær.
Hluti af samningi
Kristján segir að biðlaun séu
hluti af ráðningarsamningi flestra
ef ekki allra framkvæmdastjóra
sveitarfélaga í landinu og ef ein-
hver undantekning frá þeirri reglu
kunni að finnast þá sé honum ekki
kunnugt um hana. Réttur til bið-
launa sé og hafi verið hluti ráðning-
arsamnings bæjarstjórans á Akur-
eyri í allmörg ár og víst sé að
fyrrverandi bæjarstjórar hafi notið
biðlauna þegar þeir hafi látið af
störfum.
„Það að ég hætti störfum sem
bæjarstjóri fyrr en samningurinn
um meirihlutasamstarfið kveður á
um er sameiginleg ákvörðun meiri-
hlutaflokkanna í bæjarstjórn Akur-
eyrar. Samstarfsflokkur okkar
sjálfstæðismanna gerði þá kröfu að
ég léti af starfi bæjarstjóra Akur-
eyrar í kjölfar þess að ég hefði sig-
ur í prófkjöri Sjálfstæðisflokksins í
Norðausturkjördæmi.
Samfylkingunni fannst það ekki
ásættanlegt að ég gegndi starfi
bæjarstjóra á sama tíma og ég
leiddi lista sjálfstæðismanna í kosn-
ingabaráttu fyrir alþingiskosning-
arnar á komandi vori. Ég varð með
öðrum orðum að afsala mér starf-
inu sem fyrst í kjölfar prófkjörsins
svo að meirihlutinn héldi, í stað
þess að gegna starfinu lengur,“
segir Kristján á vefsíðu sinni.
„Þegar ég nú hyggst láta af
störfum, eftir tæp 9 ár í embætti á
Akureyri, er rétt að árétta að
samningur minn um kaup og kjör,
og þar með talin biðlaun, byggist á
samningi sem var undirritaður árið
1998 en framlengdur tvívegis, 2002
og 2006. Slíkur samningur var fyrst
undirritaður á Akureyri fyrir meira
en 20 árum og ég fæ síst meira í
minn hlut en forverar mínir í emb-
ætti eða aðrir einstaklingar sem
gegnt hafa hliðstæðu embætti í
öðrum lykilsveitarfélögum lands-
ins.“
Kristján Þór segist hafa uppfyllt
öll ákvæði ráðningarsamnings síns
og viti að vinnuveitandi sinn, Ak-
ureyrarbær, muni gera slíkt hið
sama gagnvart sér, „eins og hann
hefur undantekningarlaust gert
gagnvart forverum mínum í starfi
svo og öllum öðrum starfsmönnum
sínum sem rétt hafa átt til bið-
launa“.
Halldór fékk ekki biðlaun
Halldór Jónsson, sem var bæj-
arstjóri á Akureyri árin 1990 til
1994, þegar Sjálfstæðisflokkur og
Alþýðubandalag mynduðu meiri-
hluta í bæjarstjórn, vildi koma því á
framfæri í gær, í tilefni ummæla
Kristjáns, að í starfssamningi sín-
um hefðu ekki verið ákvæði um bið-
laun á sínum tíma.
Samfylkingin fór fram á að Kristján Þór Júlíusson hætti sem bæjarstjóri
Fráfarandi bæjarstjóri ætlar
að þiggja biðlaun í hálft ár
Morgunblaðið/Skapti Hallgrímsson
Bæjarstjórar Kristján Þór ásamt Sigrúnu Björk Jakobsdóttur þegar til-
kynnt var á dögunum að hún tæki við starfi bæjarstjóra af honum.
Í HNOTSKURN
»Bæjarstjórinn á Akureyri,Kristján Þór Júlíusson,
greindi frá því í gær að hann
mundi þiggja biðlaun í sex
mánuði, eins og hann á rétt á
skv. ráðningarsamningi þegar
hann lætur af starfi í janúar.
»Samfylkingin, samstarfs-flokkur Sjálfstæðisflokks-
ins í bæjarstjórn, fór fram á að
hann léti af störfum sem bæj-
arstjóri eftir að hann sigraði í
prófkjöri Sjálfstæðisflokksins í
Norðausturkjördæmi.
»Kristján segir biðlaun hlutaaf ráðningarsamningi
flestra ef ekki allra fram-
kvæmdastjóra sveitarfélaga.
BIKARMÓTI krulludeildar SA lauk með
sigri Garpa í Skautahöllinni í vikunni.
Mikil dramatík var í lok leiksins gegn liði
Norðan 12. Framan af úrslitaleiknum
hafði Norðan 12 yfirhöndina, skorið var
þó ekki hátt því hver umferð vannst aðeins
með einu stigi og staðan var 4–0 þegar
tveimur umferðum var ólokið.
Þrátt fyrir að hafa hitt fremur illa og
ekki haft heppnina með sér í fyrri hluta
leiksins gáfust Garpar ekki upp, skoruðu
þrjú stig í næstsíðustu umferð og mun-
urinn þá aðeins eitt stig.
Þrátt fyrir að Norðan 12 ætti síðasta
stein í lokaumferðinni tókst liðinu ekki að
skora til að tryggja sér bikarinn. Það voru
Garpar sem unnu lokaumferðina með einu
stigi og jöfnuðu þar með leikinn. Því kom
til framlengingar, þ.e. spiluð var aukaum-
ferð. Þar átti Norðan 12 aftur lokasteininn
en tókst ekki að skjóta út stein Garpanna.
Garpar skoruðu 2 stig í aukaumferðinni
og tryggðu sér bikarinn með 6:4 sigri.
Þetta er í annað sinn sem Garpar sigra á
bikarmótinu en þó er aðeins einn liðs-
maður sem unnið hefur bikarinn í bæði
skiptin, fyrirliðinn Hallgrímur Valsson.
Bikarmeistarar 2006 eru Albert Hann-
esson, Ásgrímur Ágústsson, Hallgrímur,
Sigurður Aðils og Yngvar Björskol. Þrír
þeirra eru á fyrsta ári í krullunni.
Dramatík í úrslita-
leik bikarmóts
krulludeildar SA