Morgunblaðið - 07.12.2006, Blaðsíða 43
MORGUNBLAÐIÐ FIMMTUDAGUR 7. DESEMBER 2006 43
✝ Guðríður Þór-unn Jónsdóttir
Boatwright fæddist
í Reykjavík 13. maí
1939. Hún andaðist
á hjúkrunarheimil-
inu Víðinesi 30. nóv-
ember síðastliðinn.
Þórunn átti síðast
heimili í Hulduhlíð
11 í Mosfellsbæ.
Foreldrar hennar
voru sr. Jón M. Guð-
jónsson, sóknar-
prestur og prófast-
ur á Akranesi, og
kona hans, Lilja Pálsdóttir. Guð-
ríður var sú sjöunda í aldursröð 11
barna þeirra hjóna. Elsta systirin,
Ást, lést á fyrsta ári. Hin níu eru
öll á lífi. Pétur Guðjón vélsmiður,
býr í Kópavogi, kvæntur Margréti
Veturliðadóttur, Margrét iðju-
þjálfi, búsett á Akranesi, hennar
maður var Einar Helgason læknir
(d. 1974), Sjöfn Pálfríður, hús-
móðir á Akranesi, gift Birni Jóns-
Björgvinssyni starfsmanni á
Grundartanga.
Þórunn ólst upp á Akranesi hjá
foreldrum sínum og vann þar mest
við verslunarstörf. Hún fluttist 19
ára til Keflavíkur og var þar versl-
unar- og bankastarfsmaður um
fjögurra ára skeið. Hún fluttist til
Bandaríkjanna og giftist þar Dav-
id Earl Boatwright. Þau eiga fjög-
ur börn. Þau eru: 1) Helen Dag-
mar, f. 1959, gift Brad Kuszmaul.
Þau eiga þrjú börn. 2) Kathryn
Jónína, f. 1963, gift Jon Chamber-
lain. Þau eiga tvo syn. 3) Sigrún
Hope, f. 1964, gift Halldóri Inga
Haraldssyni. 4) David Jóhann, f.
1975, kvæntur Elenna Boat-
wright. Sigrún býr í Mosfellsbæ,
en hin öll í Bandaríkjunum.
Þórunn og David bjuggu á ýms-
um stöðum í Bandaríkjunum, síð-
ast í Willington Ct. David var
lengst af við verslunarstörf en
Þórunn fékkst við fatahönnun. Á
síðasta vori fluttu þau hjónin hing-
að til Íslands og bjuggu í íbúð sem
þau áttu í Hulduhlíð 11 í Mosfell-
bæ.
Útför Þórunnar verður gerð frá
Akraneskirkju í dag og hefst at-
höfnin klukkan 14. Sálumessa
verður í Kristskirkju í Landakoti
sama dag klukkan 10.30.
syni, fyrrv. sóknar-
presti þar, Ólafur
Ágúst vélsmiður, til
heimilis á Akranesi,
kona hans var Svan-
hildur Jakobsdóttir
(d. 2001), Helga Gyða
húsmóðir, býr í
Omaha í Nebraska í
Bandaríkjunum, gift
Ralph Hutchinson
ríkisstarfsmanni,
næstur Þórunni er
Valdimar Óskar,
fyrrv. loftskeytamað-
ur, kvæntur Jónu
Margréti Guðmundsdóttur, hús-
móður og bókaverði, þau búa í
Mosfellsbæ, Gyða Guðbjörg mynd-
listarmaður, býr á Akranesi, hún
var gift David Wells, bankastarfs-
manni í London, Edda Sigríður
starfsstúlka, sambýlismaður henn-
ar er Eyjólfur Halldórs, þau búa í
Portúgal, yngst er Jóhanna hús-
móðir og forstöðumaður Lista-
safns Akraness, gift Valdimar
Hver vegur að heiman, er vegurinn heim …
Nú er elskuleg systir okkar komin
aftur heim eftir langa útivist og mun
hvíla við hlið foreldra okkar á Akra-
nesi, heimabæ okkar. Tóta var heitin
í höfuðið á þeim heiðurskonum Guð-
ríði og Þórunni frá Hvassahrauni á
Vatnsleysuströnd, afasystrum okk-
ar. Æskuheimili okkar var byggt
upp á kærleika til allra manna. Það
var ekki aðeins venjulegt heimili
heldur einnig safnaðarheimili þess
tíma og flestar athafnir svo sem
skírnir og giftingar fóru þar fram.
Eftir að stórfjölskyldan fluttist á
Akranes árið 1946 var tekið til við að
raða börnunum, sem þá voru orðin
níu, niður í þau herbergi sem voru
fyrir hendi. Systurnar tvær og tvær
saman í rúmi, en bræðurnir, sem
voru aðeins þrír, fengu hver sitt
rúm. Í kjallaranum bjuggu þau Sallý
og Ari rakari ásamt börnunum Sig-
rúnu, Halldóri og Helga. Milli fjöl-
skyldnanna myndaðist ævarandi
vinátta. Tóku þau systkinin þátt í
öllum okkar uppátækjum.
Barnaskólinn var við hliðina á
Kirkjuhvoli. Í frímínútum var börn-
unum stillt upp í fallegar raðir og
sungin voru ættjarðarlög undir
stjórn Friðriks Hjartar skólastjóra.
Fólk sem leið átti fram hjá staldraði
við og hlustaði með andakt á söng
barnanna. Umhverfis Kirkjuhvol
voru miklir kartöflugarðar. Það
kostaði mikla vinnu að setja niður og
taka upp. Til að gleyma tímanum var
einhverju barnanna falið að segja
sögur, því þetta verk var nú ekki það
skemmtilegasta sem við gerðum.
Ógleymanlegt er, þegar pabbi var
úti í garði með klóruna, hreinsandi
arfa af sinni listrænu snilld.
Fyrir kom að haldnar voru veislur
í geimnum uppi á lofti. (Tekið skal
fram að þá voru foreldrar okkar ekki
heima). Tekin voru fram fínustu föt
og sjöl. Bræðurnir útbjuggu hengi-
rúm, sem gert var á þann hátt að
fest voru reipi í bitana, síðan var
hermannabeddi settur á milli. Útbú-
in voru borð og stólar settir við. Ein-
hver stelpnanna hitaði kakó. Inn-
gangseyrir var ein tala. Hvert kvöld
las mamma bænir með okkur og
aldrei máttum við sofna ósátt.
Senn líður að jólum og því reikar
hugurinn aftur í tímann, til jólanna
okkar á Kirkjuhvoli. Þau voru á
margan hátt öðruvísi en jólin hjá
öðrum. Á aðfangadag var jólatréð
skreytt. Það gerði mamma og elstu
systurnar. Stranglega var bannað að
koma inn í stofu. Oft var því legið á
skráargatinu í þeirri von að sjá
dýrðina. Um kvöldið gekk hátíð í
garð og ljósin voru tendruð. Farið
var í kirkju og pabbi leiddi hópinn
sinn í Nýhöfn, þar sem amma bjó,
áður en heim var haldið. Jólin okkar
voru fyrst og fremst helguð fæðingu
frelsarans og ávallt ríkti mikill frið-
ur. Á jóladag var matur borinn fram
í stofunni, en yfirleitt var tíminn
naumur, þar sem dagurinn fór í
skírnir og giftingar. Oft var þá tiplað
á tánum og bannað var að skrúfa frá
vatninu, þar sem of mikið heyrðist í
pípunum. Öll litum við á þetta sem
sjálfsagðan hlut. Í þessu umhverfi
ólst Tóta okkar upp. Hún var af-
bragð annarra kvenna, falleg, tign-
arleg og hljóðlát, var ekki allra, en
lék á als oddi í góðra vina hópi. List-
ræn var hún með afbrigðum, allt lék
í höndum hennar. Á unglingsárun-
um var hún send í sveit eins og við
flest hinna. Vann síðan bæði á
sjúkrahúsinu og í Þórðarbúð þar
sem hún tók mikilli tryggð við, m.a.
Gerðu á Arnarstað og Grundarfólk-
ið, að ógleymdri Eddu Þórarins,
bestu vinkonu hennar.
Nítján ára gömul kvaddi hún
heimaslóðir og hélt til Keflavíkur
þar sem hún stundaði vinnu. Þar
kynntist hún manni sínum David
Boatwright og hélt til Bandaríkj-
anna. Þar bjó hún í 44 ár og eign-
aðist fjögur mannvænleg börn. Aldr-
ei gleymdi hún sínum uppruna. Hún
kom heim eins oft og kostur var.
Nú er höggvið skarð í systkina-
hópinn á Kirkjuhvoli, en í hugum
okkar er fyrst og fremst þakklæti
fyrir öll árin okkar saman.
Elskulega Tóta okkar, þjáningum
þínum, sem þú mættir með fádæma
æðruleysi og hugarró, er nú lokið.
Nú breiða þau mamma og pabbi
faðminn móti þér. Hafðu hjartans
þökk fyrir allt og allt.
Guð geymi þig.
Blómin falla
fölskva slær á flestan ljóma.
Aldrei fellur
angan sumra blóma.
Þannig varstu
vinur mér sem vorið bjarta.
Það sem gafstu
geymist mér í hjarta.
Ilma sprotar anga lauf,
sem aldrei falla.
Drottinn launi
elskuna þína alla.
(Sigurbjörn Einarsson)
Þín
systkini.
Nú hefur þú kvatt okkur um sinn,
elsku Tóta mín, en við vitum og trú-
um að við eigum öll eftir að hittast
seinna. Þinni tilvist hér í þessum
heimi er lokið og þín er sárt saknað
af svo mörgum. Davíð sem saknar
ástkærar eiginkonu, börnin þín sem
sakna yndislegrar móður, barna-
börnin þín sem sakna umhyggju-
samrar ömmu og systkini þín sem
sjá á eftir góðri systur. Stórt skarð
er höggvið í systkinahópinn frá
Kirkjuhvoli sem alla tíð var svo sam-
rýndur. Nú ertu komin til ömmu og
afa sem voru þér svo innilega kær og
þau breiða faðminn á móti þér, elsku
Tóta mín. Nú hefur þú líka hitt elsku
Palla okkar sem við öll söknum svo
sárt og þú fékkst í afmælisgjöf árið
1960 þegar þú varst 21 árs.
Þegar ég lít yfir farinn veg koma
fjölmargar myndir upp í huga mér.
Myndir af ungum systrum sem voru
hver annarri fegurri. Ein þeirra
varst þú – systir pabba.
Ég varð þeirrar gæfu aðnjótandi
að fá að alast upp í návígi við heimili
afa og ömmu á Kirkjuhvoli. Þar sem
pabbi er elstur í systkinahópnum og
ég elsta barnabarnið voruð þið syst-
ur enn í foreldrahúsum þegar ég var
barn. Oft var glatt á hjalla og alltaf
var jafngaman að fá að vera sam-
vistum við ykkur. Síðan fóruð þið
hver af annarri að heiman og þú
fórst til Ameríku. Það hefur ekki
verið auðvelt fyrir unga stúlku frá
Akranesi að fara svona langt í burtu
frá ástvinum sínum út í hið óþekkta.
En þú varst ekki ein. Þú hafðir
kynnst frábærum manni, honum
Davíð, og síðan eignuðust þið gull-
molana ykkar – börnin ykkar. Þú
varst hamingjusöm og því fékk ég að
kynnast þegar ég 17 ára unglingur-
inn ákvað að fara í vist til Ameríku.
Foreldrar mínir leyfðu mér að fara
með einu skilyrði þó. Þau báðu ykk-
ur Davíð að taka á móti mér og
koma mér í örugga höfn. Þið tókuð á
móti mér opnum örmum og ég varð
ein af fjölskyldunni ykkar. Mér
fannst ég vera komin í ævintýra-
heim. Heimili ykkar var það falleg-
asta sem ég hafði séð og þar nutu sín
þínir listrænu hæfileikar. Þú leyfðir
mér að taka þátt í flestu því sem þú
tókst þér fyrir hendur á þeim tíma
sem ég dvaldi á heimili ykkar. Þú
kenndir mér að sauma, elda mat,
þvo þvott og strauja, og svo margt
fleira. Að þessu hef ég búið alla tíð
síðan og komið áfram til minna
dætra. Síðan kom ég til ykkur um
jólin og var það í fyrsta sinn sem ég
dvaldi fjarri mínum ástkæru foreldr-
um og bræðrum yfir jólahátíðina.
Þið voruð mér eins og bestu for-
eldrar og ekkert var sparað til þess
að mér liði sem best. – Mörgum ár-
um seinna heimsótti ég ykkur aftur
og þá var Magga Palla með í för. Það
var ógleymanleg ferð sem er okkur
mæðgum ómetanlegur fjársjóður.
Elsku Tóta frænka mín. Hafðu
innilega þökk fyrir að hafa verið sá
örlagavaldur í mínu lífi sem þú
varst. Þú varst gleðigjafi svo
margra. Heimili ykkar hjónanna
stóð ætíð opið og allir voru svo inni-
lega velkomnir.
Ég votta Davíð, börnunum þínum,
tengdabörnum, barnabörnum og
öðrum ástvinum mína dýpstu sam-
úð.
Hvíl þú í friði.
Þín
Jóna Lilja.
Ein af mínum uppáhaldsfrænkum
hefur nú yfirgefið þetta líf. Það var
mikið lán að þekkja og kynnast
manneskju sem bjó yfir þeim mann-
kostum sem henni voru gefnir.
Guð gaf henni fyrst og fremst feg-
urð, jafnt að utan sem innan. Einnig
gaf hann henni ótrúlega listræna
hæfileika, dásamlegan húmor,
manngæsku og kærleika. Ég nýt
þess að sjá hana fyrir mér brosandi,
með sinn dillandi hlátur, nýbúin að
elda guðdómlega máltíð og sauma
eitthvað ótrúlega flott og hennar
bíður áreiðanlega á himnum flott-
asta turbo-saumavél sem nokkurn
tímann hefur verið framleidd.
Elsku David, þú hefur verið klett-
urinn stóri og sterki í þessum miklu
veikindum. Guð gefi þér og börn-
unum Helenu, Jónínu, Sigrúnu og
David yngri, styrk til þess að takast
á við sorgina.
Hanna María.
Guðríður Þórunn
Jónsdóttir Boatwright
✝
Maðurinn minn, faðir okkar og tengdafaðir,
ERLINGUR ARNÓRSSON
bóndi á
Þverá í Dalsmynni,
sem lést á dvalarheimilinu Hlíð, Akureyri, sunnudag-
inn 26. nóvember, verður jarðsunginn frá Laufás-
kirkju laugardaginn 9. desember kl. 13:30.
Friðrika Jónsdóttir,
Helga Arnheiður Erlingsdóttir, Þórhallur Bragason,
Arnór Erlingsson, Elín Eydal,
Hólmfríður Erlingsdóttir,
Ragna Erlingsdóttir, Jón Aðalsteinn Illugason
og fjölskyldur þeirra.
✝
Útför elskulegs eiginmanns míns, föður, tengda-
föður og afa,
KRISTINS GUÐMUNDSSONAR
bifreiðarstjóra,
Grenigrund 11,
Akranesi,
sem andaðist á heimili sínu mánudaginn 27. nóv-
ember, verður gerð frá Akraneskirkju föstudaginn
8. desember kl. 14.00.
Kirstín Benediktsdóttir,
Rúnar Helgi Kristinsson, Ruth Jakobsdóttir
Petra Kristín Kristinsdóttir, Einar Guðni Þorsteinsson,
Guðmundur Kristinn Kristinsson,Kristín Brynja Gústafsdóttir,
Guðlaugur Guðjón Kristinsson, Sylvía Clothier Rúdolfsdóttir
og barnabörn.
✝
Minn elskulegi faðir, tengdafaðir og afi,
ÞORKELL GUNNAR SIGURBJÖRNSSON,
Sigtúni 29,
Reykjavík,
sem borinn var af englum himins inn til dýrðar Drott-
ins, þegar hann andaðist á líknardeild Landakots-
spítala þriðjudagsmorguninn 28. nóvember, verður
jarðsunginn í Hallgrímskirkju á morgun, föstudaginn
8. desember kl. 13:00.
Þeir sem vilja heiðra minningu hans eru hvattir til að láta Biblíusjóð
Gídeonfélagsins, sími 562 1870, og uppbyggingu æskulýðsmiðstöðvar
KFUM í Vatnaskógi, sími 588 8899, njóta þess.
Sigurbjörn Þorkelsson, Laufey G. Geirlaugsdóttir,
Þorkell Gunnar Sigurbjörnsson,
Geirlaugur Ingi Sigurbjörnsson,
Páll Steinar Sigurbjörnsson.
✝
Þökkum innilega hlýhug, samúð og vináttu við
andlát eiginkonu minnar, móður okkar, tengda-
móður, ömmu og langömmu,
BÁRU JÓHANNSDÓTTUR,
Blómsturvöllum 27,
Neskaupstað.
Starfsfólki Fjórðungssjúkrahússins í Neskaupstað
færum við sérstakar þakkir fyrir einstaka umönnun,
hlýju og stuðning.
Kristinn V. Jóhannsson,
Jóhann Gunnar Kristinsson, Gyða Hjartardóttir,
Eysteinn Þór Kristinsson, Lilja Jóhannesdóttir,
barnabörn og barnabarnabarn.
✝
Ástkær mágkona og frænka okkar,
HELGA G. ÁSMUNDSDÓTTIR,
verður jarðsungin frá Fossvogskapellu föstudaginn
8. desember og hefst athöfnin kl. 11.00.
Hanna Helgadóttir
og systkinabörn.