Morgunblaðið - 07.12.2006, Blaðsíða 25

MORGUNBLAÐIÐ FIMMTUDAGUR 7. DESEMBER 2006 25
AUSTURLAND
Fjarðabyggð | Fjárhagsáætlun 2007
hefur verið tekin til fyrri umræðu
hjá bæjarstjórn Fjarðabyggðar.
Sagði Helga Jónsdóttir bæjarstjóri,
er hún mælti fyrir frumvarpi að
áætluninni, að sveitarfélagið hefði
búið sig undir fjölgun íbúa og fyr-
irtækja með margvíslegum hætti.
„Fjárfest hefur verið fyrir meira en
4 milljarða króna. Mannvirki hafa
verið endurnýjuð og ný byggð; skól-
ar, leikskólar, íþrótta- og tómstunda-
mannvirki og svo má áfram telja.
Land hefur verið deiliskipulagt, lóð-
um úthlutað og þær gerðar bygging-
arhæfar. Segja má að allt hafi verið
lagt undir til að ekki standi á nauð-
synlegum innviðum af hálfu sveitar-
félagsins.“ Helga segir lítið hand-
bært fé úr að spila á næsta ári, þá
verði ýmis mannvirki sem fjárfest
hefur verið í komin í rekstur af full-
um þunga og lán sem tekin voru
komin á gjalddaga.
5.000 íbúar í Fjarðabyggð 2007
Áætlað er að tekjur Fjarðabyggð-
ar og stofnana nemi um 3,5 milljörð-
um króna en gjöld um 3,1 milljarði
króna. Til reksturs aðalsjóðs fara
98% skatttekna. Þá er áætlað að um
550 milljónir króna fari til fram-
kvæmda. Reiknað er með að íbúum
Fjarðabyggðar fjölgi verulega á
árinu 2007 og þeir verði yfir 5.000 í
lok árs. Fjöldi starfsmanna sem
vinnur að byggingu álvers Alcoa
Fjarðaáls á Reyðarfirði hefur um-
talsverð áhrif á útsvarstekjur ársins
2007 líkt og á árinu 2006. Áhrif
þeirra starfa fara þó minnkandi enda
gert ráð fyrir að byggingu álvers
verði lokið á síðari hluta næsta árs.
Áætlun um tekjur af fasteignagjöld-
um miðast við 10% hækkun fast-
eignamats og óbreyttar álagningar-
reglur. Að þessu samanteknu munu
skatttekjur lækka lítillega á árinu
2007. Hækkun rekstrarútgjalda má
að mestu leyti rekja til fjölgunar
starfa í takt við fjölgun íbúa. Hækk-
un rekstrargjalda samstæðunnar frá
árinu 2006 nemur 271 milljón króna,
þar af eykst launakostnaður um
nærfellt 214 milljónir króna. Rekstr-
arniðurstaða er áætluð jákvæð um
rúmlega 45 milljónir króna í A-hluta
og ríflega 3 milljónir króna í sam-
stæðu.Veltufé frá rekstri verður 406
milljónir, fjárfestingar samstæðu
um 550 milljónir nettó og afborganir
langtímalána um 310 milljónir.
Rýnt í tölur næsta árs
eftir miklar fjárfestingar
Morgunblaðið/Steinunn Ásmundsdóttir
Áhrifavaldur Bygging álversins í Reyðarfirði og rekstur þess frá og með
næsta ári mun hafa mikil áhrif á allan efnahag Fjarðabyggðar.
Í HNOTSKURN
»Fjarðabyggð hefur fjár-fest fyrir um 4 milljarða
króna að undanförnu. Lítið
handbært fé verður úr að spila
á næsta ári.
»Tekjur eru áætlaðar 3,5milljarðar króna en gjöld
3,1 milljarður.
»Bæjarstjóri Fjarðabyggð-ar segir allt hafa verið lagt
undir til að ekki stæði á nauð-
synlegum innviðum af hálfu
sveitarfélagsins vegna álvers.
Seyðisfjörður | Laugardaginn 2.
desember opnaði myndlistamað-
urinn Haraldur Jónsson sýninguna
Framköllun í Skaftfelli á Seyð-
isfirði. Sýningin er unnið með Seyð-
isfjörð í vetrarham í huga og ber
hún þess skýr merki. Þá er nýlokið
árlegu rithöfundakvöldi í Skaftfelli.
Þar fluttu höfundarnir Einar Kára-
son, Eiríkur Guðmundsson, Halldór
Guðmundsson, Ingunn Snædal og
Þórunn Valdimarsdóttir brot úr
verkum sínum. Bistró Skaftfells
mun verða opið um helgar í vetur.
Ljósmynd/Skaftfell
Listamannaþing Halldór Guðmundsson og Haraldur Jónsson.
Skaftfell í vetrarham
Neskaupstaður | Nú eru tæplega
tveir mánuðir í verklok við endur-
byggingu og endurnýjun Fjórðungs-
sjúkrahússins í Neskaupstað (FSA),
en miðað er við 1. febrúar 2007.
Þá taka við innréttingar og upp-
setning á tækjum og búnaði, þættir
sem ekki eru inni í verkinu sjálfu.
Eru það m.a. tæki í eldhús og matsal
á 1. hæð, sjúkrarúm og annar bún-
aður á hjúkrunardeild aldraðra á 2.
hæð og búnaður og tæki fyrir end-
urhæfingardeild á 3. hæð. Í nýbygg-
ingu verður nýtt anddyri með lyftu,
ásamt fræðslu- og fundarherbergj-
um, skrifstofum, setustofum o.fl.
Gert er ráð fyrir að nýtt og endur-
byggt FSA verði formlega tekið í
notkun í mars eða apríl 2007, en í
janúar 2007 verða 50 ár frá því
Fjórðungssjúkrahúsið í Neskaup-
stað hóf starfsemi sína.
Endurnýjun lokið á
hálfrar aldar afmæli
Kirkjubæjarklaustur | Málþing um
veiðihlunnindi í Skaftárhreppi
verður haldið á Hótel Kirkjubæj-
arklaustri í dag, kl. 15. Markmið
málþingsins er að auka umræðu um
tekjumöguleika landeigenda í
Skaftárhreppi af fisk- og skotveiði.
Flutt verða erindi um nýtingu
veiðihlunninda í hreppnum, um
uppbyggingu vatnakerfa og um
aukið hagrænt gildi skotveiði-
hlunninda.
Málþingið er haldið í samstarfi
Atvinnuþróunarfélags Suðurlands
og Atvinnumálanefndar Skaft-
árhrepps.
Halda málþing
um veiðihlunnindi
í Skaftárhreppi
LANDIÐ
Selfoss | Staða barna með geðrask-
anir og úrræði fyrir þau verða
rædd á opnum málfundi á vegum
Vinstrihreyfingarinnar – græns
framboðs í Selinu á Selfossi í dag
klukkan 20.
Frummælendur verða tveir sál-
fræðingar, móðir barns með geð-
raskanir og Atli Gíslason frambjóð-
andi VG í Suðurkjördæmi. Á eftir
verða umræður.
Málfundur um
geðraskanir
Blönduós | Lögreglan á Blönduósi
fékk nætursjónauka að gjöf frá KB
banka á Blönduósi. Þrír galvaskir
lögreglumenn komu í útibúið til að
veita þessari gjöf móttöku úr hendi
Auðuns Steins Sigurðssonar útibús-
stjóra.
Bankinn vildi með þessu sýna
stuðning sinn í verki við ötult starf
lögreglunnar og er skemmst að
minnast að fyrir skömmu fékk lög-
reglan á Blönduósi Umferðaljósið
2006 fyrir störf að umferðarörygg-
ismálum.
Til að auka enn afköst Blöndu-
ósslögreglunnar ákvað KB banki á
Blönduósi að færa henni nætursjón-
auka að gjöf. Tækið er hægt að
festa á höfuðið og „sjá eins og kött-
ur í myrkrinu“, sagði Auðunn.
Morgunblaðið/Jón Sigurðsson
Framfarir Kristján Þorbjörnsson yfirlögregluþjónn mátar sjónaukann,
Gunnar Sigurðsson lögreglumaður fylgist með af áhuga.
Lögreglumenn sjá nú
eins og kettir í myrkri
Mývatnssveit | Verk-
takafyrirtækið Sniðill í
Mývatnssveit hefur
verið sameinað Malar-
vinnslunni á Egilsstöð-
um og hverfur nú Snið-
ill af sviðinu eftir
umsvif í 37 ára starfi.
Malarvinnslan hyggst
vera áfram með öfluga
starfsemi í Mývatns-
sveit.
Á árinu 1969 stofn-
uðu nokkrir Mývetn-
ingar verktakafyrir-
tækið Sniðil og var
framan af einkum sinnt
byggingarframkvæmd-
um en fljótlega bættust við starf-
ræksla vélaverkstæðis og síðar vöru-
flutningar til og frá Húsavík og
Akureyri.
Kísilgúrflutningar voru umfangs-
mikill þáttur í rekstrinum hin seinni
ár Kísiliðjunnar.
Fóru til starfa á Austurlandi
Fyrir um það bil ári keypti Mal-
arvinnslan á Egilsstöðum fyrirtæk-
ið. Eftir að Kísiliðjan hætti starfsemi
fengum margir Mývetningar vinnu
hjá Malarvinnslunni og voru um
tíma 15 menn við störf hjá þeim á
Austurlandi. Stefna Malarvinnsl-
unnar er sú að halda uppi öflugri
starfsemi í Mývatnssveit eftir því
sem aðstæður gefa tilefni til.
Framkvæmdastjóri Malarvinnsl-
unnar í Mývatnssveit er Gunnar
Bergmann Salómonsson.
Sniðill hverfur af
sviðinu eftir 37 ár
Morgunblaðið/Birkir Fanndal Haraldsson
Verk Gunnar Bergmann Salómonsson stýrir
rekstri Malarvinnslunnar í Mývatnssveit.