Morgunblaðið - 07.12.2006, Blaðsíða 55
MORGUNBLAÐIÐ FIMMTUDAGUR 7. DESEMBER 2006 55
menning
Á FIMM ára afmæli Frostrósa
ákváðu aðstandendur tónleikanna
að blása í herlúðra sína og kalla til
nokkrar af fremstu söngkonum
Evrópu og halda stórtónleika í
nýju Laugardalshöllinni síðastlið-
inn þriðjudag. Skipulagning var
afskaplega góð. Alls staðar mátti
sjá starfsfólk Frost reiðubúið til
að aðstoða tónleikagesti við að
finna sætin sín.
Tónleikarnir hófust á leik hljóm-
sveitarinnar á stuttum forleik
byggðum á lagi Johann Schop,
„Jesus, Joy of Man’s Desiring“.
Frostrósirnar tóku svo við og
sungu hvert jólalagið á fætur öðru.
Þegar Eivør Pálsdóttir og Sissel
Kyrkjebø stigu á svið og sungu
„In the Lonely Dark of Night“
(Nóttin var sú ágæt ein) ætlaði allt
um koll að keyra. Raddir þeirra ná
einstaklega vel saman og var ekki
laust við að ég fengi gæsahúð við
að heyra flutning þeirra. Sissel er
ein af stórstjörnum Noregs og hef-
ur hægt og rólega skapað sér orð-
spor innan tónlistarheimsins sem
fáir geta státað sig af. Hún er með
afskaplega háa og tæra rödd sem
hún stjórnar af ótrúlegri færni.
Eivör hefur annars konar stíl, hún
hefur mun stærra raddsvið sem
gerir henni kleift að syngja á fjöl-
breyttari vegu og veldur hún því
svo vel að óhætt er að kalla hana
eina af fremstu söngkonum Evr-
ópu. Saman áttu þær hugi og
hjörtu tónleikagesta með flutningi
sínum.
Ragnhildur Gísladóttir söng
„Það á að gefa börnum brauð“.
Flutningur hennar á þessu sígilda
lagi Jórunnar Viðar við texta Jóns
Árnasonar, skapaði skemmtilega
sann-íslenska stemningu á vett-
vangi þar sem flest laganna voru
flutt á erlendum málum. Ragga er
líka frábær söngkona, ein af okkar
allra bestu. Hún gaf tónleikunum
þennan sérstaka brag persónu-
leika síns – óendanlega svalan töff-
araskap. Hún er hrjúfur gim-
steinn, þessi elska og í slíkum
sérflokki að ekki er hægt að bera
hana saman við hinar söngkon-
urnar.
Patricia Bardon, messósópran,
var alveg stórkostleg. Hún er
sannarlega náðargáfu gædd, sér-
stakur flutningur hennar naut sín
mjög vel í lögunum hennar og þá
sérstaklega í „A Spaceman Came
Travelling“ ásamt Eivøru Páls-
dóttur. Saman lyftu þær laginu í
hæstu hæðir, kraftmeira og glæsi-
legar en ég hef áður heyrt. Ég var
afar spennt að heyra í Eletheriu
Arvanitaki syngja. Hún flutti
grískt jólalag, „Christos Genate“,
afskaplega vel. Gaman að heyra
áður óþekkt jólalög. Það ríkti mik-
il spenna yfir komu Petulu Clark,
að minnsta kosti hlakkað ég mikið
til að heyra í henni. Hún söng „Si-
lent Night“ og tókst það með
ágætum.
Eini gallinn sem ég sá á kvöld-
inu var sá að mér fundust útsetn-
ingarnar vera fullpoppaðar á köfl-
um sérstaklega í laginu
„Frostroses“. Ekki það að þær
hafi ekki verið góðar, þær voru
bara ekki viðeigandi fyrir söng-
konur af þessu tagi. Hraðinn varð
aðeins of mikill og þar af leiðandi
nutu dömurnar sín ekki eins vel.
Hljómsveit og kórar stóðu sig
með prýði og þá sérstaklega
Drengjakór Reykjavíkur. Þeir
voru eins og litlir prinsar. Jóhann
Friðgeir Valdimarsson gestasöngv-
ari var skemmtilega kraftmikill og
myndaði gott jafnvægi við stelp-
urnar. Skemmtilegur söngvari með
mikinn karakter.
Það leikur enginn vafi á því að
þær Sissel Kyrkjebø og Eivør
Pálsdóttir áttu kvöldið. Alls staðar
heyrði ég nöfn þeirra hvísluð með
aðdáun. Mér fannst Ragga Gísla
líka alveg stórkostleg, megi hún
halda djasstónleika sem fyrst.
Frostrósir 2006 voru frábærir tón-
leikar og sérlega vel skipulagðir.
Dagskráin rann saman fyrirhafn-
arlaust. Þetta var ánægjuleg
kvöldstund í alla staði.
Einstakt frostrósakvöld
Tónlist
Tónleikar
Evrópsku dívurnar 2006 eru: Ragnhildur
Gísladóttir, Sissel Kyrkjebø, Eleftheria
Arvanitaki, Patricia Bardon og Eivør
Pálsdóttir. Sérstakur heiðursgestur: Pe-
tula Clark. Gestasöngvari: Jóhann Frið-
geir Valdimarsson. Stjórnandi: Árni Harð-
arson. Tónlistarstjóri: Karl Olgeirsson.
Konsertmeistari: Hjörleifur Valdimars-
son. Einnig komu fram: Karlakórinn Fóst-
bræður, Drengjakór Reykjavíkur og Stór-
hljómsveit Frostrósa skipuð félögum úr
Sinfóníuhljómsveit Íslands. Slagverks og
hrynsveit: Karl Olgeirsson, Jón Elvar Haf-
steinsson, Róbert Þórhallsson, Jóhann
Hjörleifsson, Frank Aarnik, Ólafur Hólm,
Benedikt Brynleifsson og Árni Áskels-
son. Harpa: Marion Herrera. Kantele: Eva
Alkula – sérstakur gestahljóðfæraleikari
frá Finnlandi.
Seinni tónleikar sem hófust kl. 21.
Frostrósir – Evrópsku dívurnar
Morgunblaðið/Árni Sæberg
Frostrósir Sissel Kyrkjebø og Patricia Bardon á Frostrósartónleikunum á þriðjudag. Gagnrýnandi segir kvöld-
stundina hafa verið ánægjulega í alla staði og hrósar Frostrósum fyrir flutninginn í Laugardalshöllinni.
Helga Þórey Jónsdóttir
ÞAÐ verður ekki sagt um Ópus 6,
fyrstu plötu Todmobile með nýju efni
í rúman áratug, að hún sé falleg.
Þvert á móti er umslagið það
ósmekklegasta sem undirritaður hef-
ur séð það sem af er ári, og titillinn
ber ekki beinlínis
vott um auðmýkt.
Þegar við bætist
spurningin um
hvort Todmobile
eigi eitthvert er-
indi við íslenskt
tónlistarlíf þrettán árum eftir að
sveitin lagði svo gott sem upp laup-
ana, þ.e. hvort Þorvaldur eigi ekki
nóg með tónlistarskólann og Euro-
vision, hvort Andrea eigi ekki að
halda sig við léttdjassinn og Eyþór
við … pólitíkina – þá eru vænting-
arnar satt best að segja ekki miklar.
Þeir segja að maður eigi ekki að
dæma bók af kápunni, og sem betur
fer á það við í tilfelli Todmobile. Ópus
6 er fín plata. Flestar laglínurnar eru
óhuggulega grípandi og ásækja
mann löngu eftir að plötunni lýkur,
enda sjóuð Eurovision-kempa á bak
við hverja nótu. Öðru gegnir um út-
setningar sem eru æði mismunandi;
platan hefst t.a.m. á þrennu sem er
klædd í slitinn popp-metal-búning
sem er löngu farinn úr tísku, ef hann
var það þá nokkurn tímann. Betur
fer á sígildari hljómi eins og í hinu
grunsamlega grípandi „700 stundir –
30 dagar.“ Þetta lag hlýtur að verða
hluti af námskránni hjá Þorvaldi
Bjarna: Laglínan er frábær í einfald-
leika sínum, strengirnir lyfta laginu
upp úr meðalmennskulegum hljómi,
gítarsólóið er vírað og bakraddirnar
slá jafnvel ELO við.
„Á söndum syndanna“ er James
Bond-lagið sem hefði átt að prýða
Casino Royale (hvað er málið með
Chris Cornell?) og „Lestin“ er R’n’B
à la Þorvaldur Bjarni. „Maður“ er
síðan fönkaður hússmellur með
diskóstrengjum í rokkuðum milli-
kafla og djössuðu söng- og gítarsólói,
og örlítilli elektróník í lokin. Eins og
sjá má sækja Todmobile sér efnivið
héðan og þaðan en bræða áhrifin
saman í mjög áheyrilega heild.
Misfellurnar í þessari heild koma í
ljós í „Gjöfinni“ og „Ljósið ert þú“, en
flest annað er skapalón fyrir þá sem
vilja gera góða poppmúsík. Todmo-
bile er vissulega dálítið „fullorðins“
en það skiptir engu máli hversu sval-
ur eða svöl þú þykist vera: Þú átt eft-
ir að standa þig að því að raula þessi
lög langt fram á næsta ár. Hafðu
engar áhyggjur þótt þú gleymir þér –
útvarpsstöðvarnar munu eflaust
veita þér allt það aðhald sem þú
þarft.
Engar
áhyggjur
TÓNLIST
Geisladiskur
Öll lög eru eftir Þorvald Bjarna Þorvalds-
son utan „Nú legg ég augun aftur“ og
„Nú er dagurinn“ sem eru eftir Eyþór Arn-
alds. Eyþór samdi sjö textanna en Andr-
ea Gylfadóttir sex. Andrea syngur, Eyþór
leikur á selló, syngur og forritar, Þorvald-
ur Bjarni leikur á gítar, syngur og forritar.
Eiður Arnarson leikur á bassa, Kjartan
Valdemarsson á hljómborð og píanó og
Ólafur Hólm á tommur og slagverk. The
Reykjavik Sessions Quartet flytur
strengi. Þorvaldur Bjarni stjórnaði upp-
tökum og hljóðblandaði. Katla Gunn-
arsdóttir tók myndir og Vatíkanið hann-
aði umslag. Sena gefur út. 13 lög, 48:37.
Todmobile – Ópus 6
Atli Bollason Fylgist með umfjöllun um
þessa bók í helgarútgáfunni
á Rás 2, nú á
laugardaginn kl. 11.00
Lækjargata 2a sími 511-5001 opið alla daga frá 9.00 - 22.00
Helgar
tilboð
3.136,-
„Manni verður ósjálfrátt hugsað til Stephen King ... kröftug, vel skrifuð.“
Kolbrún Bergþórsdóttir / Blaðið
Fréttir í
tölvupósti