Morgunblaðið - 21.12.2006, Blaðsíða 32

32 FIMMTUDAGUR 21. DESEMBER 2006 MORGUNBLAÐIÐ
FRÉTTIR
Eftir Sigurð Jónsson
MIKILL viðbúnaður var í gær á
Selfossi vegna flóðanna í Hvítá. Al-
mannavarnarnefnd Árnessýslu var
kölluð saman og setti aðila í við-
bragðsstöðu vegna flóðanna.
Mælingar á vatnsmagni efst á
vatnasvæðinu sýndu að von var á
miklu rennsli í Hvítá og Ölfusá við
Selfoss. Í fyrstu var búist við að
rennsli Ölfusár yrði í hámarki um
klukkan 17 en á þeim tíma var áin
bakkafull og greinilega í vexti og
mikið vatn og vöxtur í ám á efri
hluta vatnasvæðisins.
Saga flóða á neðri hluta vatna-
svæðisins gerir það að verkum að
fólk er viðbúið því að Hvítá geti
flætt niður Flóann. Einnig er viðbú-
ið að Ölfusá geti farið upp úr farvegi
sínum á Selfossi og neðan við
byggðina þar.
Aðstæður nú voru þannig að ekki
var klakastífla í ánni og vatnið
komst því greiðlega fram. Sama
vatnsmagn með klakastíflu neðan
við Ölfusárbrú eða Selfosskirkju
hefði orsakað stórflóð á Selfossi.
Tilbúnir að dæla úr húsum
Almannavarnanefnd Sveitarfé-
lagsins Árborgar hvatti fólk sem
býr næst Ölfusá til að vera á varð-
bergi gagnvart ánni. Nefndin hafði
samband við íbúa næst ánni og líka
fólk í dreifbýli. Var fólk til sveita
hvatt til að huga að skepnum á víða-
vangi.
Ragnheiður Hergeirsdóttir, bæj-
arstjóri Árborgar, sagði viðbúnað
vera gagnvart þeim möguleika að
áin flæddi upp úr farvegi sínum á
Selfossi. Fjórtán menn frá Slökkvi-
liði höfuðborgarinnar með fimm
dælubíla komu á Selfoss með búnað
sinn. Slökkviliðsmenn eru einnig í
viðbragðsstöðu og Ræktunarsam-
band Flóa og Skeiða var tilbúið að
koma á vettvang með dælur ef þörf
krefði og áin flæddi inn í hús. Ekki
þarf lengur að óttast flóð upp úr
niðurföllum því búið er að leggja
sniðræsi með árbakkanum í sameig-
inlega útrás neðan bæjarins.
Ragnheiður sagði að upplýsingar
hefðu borist um að mikill vöxtur
væri í ánum efst á vatnasvæði Hvít-
ár og áfram væri spáð rigningu.
„Við eigum von á því að flóðið nái
hámarki á Selfossi einhvern tímann
á milli klukkan ellefu og eitt í nótt.
Okkur er sagt að búast við að þetta
rennsli geti staðið í tvo daga ef ekki
lengur, vatnsmagnið er svo mikið,“
sagði Ragnheiður í gær. Hún benti
á að á heimasíðu Árborgar væri
símanúmer áhaldahúss bæjarins
sem hægt er að hafa samband við ef
dæla þyrfti vatni úr húsum. Á síð-
unni logregla.is eru uppfærðar upp-
lýsingar varðandi fóðið.
Mikil umferð við Ölfusá
Mikil umferð var um götur í
miðbæ Selfoss og hálfgerð umferð-
arteppa í gær. Fólk var forvitið að
sjá ána í vexti, sem er mikilfengleg
sjón. Lögregla og björgunarsveit-
armenn voru á varðbergi á bökkum
árinnar og stýrðu umferð.
Búist við miklu rennsli í Ölfusá
næstu tvo daga vegna flóða efra
Morgunblaðið/RAX
Lokað Lögregla og björgunarsveitarmenn lokuðu af svæði á bökkum Ölfusár, neðan við Selfosskirkju. Mikil umferð fólks var um miðbæ Selfoss til að fylgjast með vexti árinnar af eigin raun.
„VIÐ fluttum dót úr kjallaranum,
gamalt orgel og bækur og ég fékk
fólk til að hjálpa mér við að bera
þetta upp. Þetta var svona fyr-
irbyggjandi aðgerð hjá okkur. Við
þurfum að sýna Ölfusá fulla virð-
ingu, hún getur verið ólíkindatól,“
sagði Garðar Einarsson, kirkjuvörð-
ur í Selfosskirkju, í gærkvöldi.
Hann sagði að byggingafulltrúi
Árborgar hefði hringt og vakið at-
hygli á því sem mætti gera til að fyr-
irbyggja tjón ef svo kynni að fara að
áin flæddi yfir bakka sína. „Mér
fannst það gott að fá svona hring-
ingu. Ég man vel eftir fyrri flóðum,
var fjögurra ára þegar flæddi 1948
og man vel eftir því hvað okkur var
stranglega bannað að fara að ánni.
Þetta flóð núna er svo miklu minna
en var þá og svo aftur 1968 þegar
stóra flóðið kom. Við vitum alveg
hvaða hliðar áin getur sýnt okkur og
það er gott að vera við öllu búinn,“
sagði Garðar Einarsson kirkjuvörð-
ur.
Munir og
bækur flutt
úr kjallara
kirkjunnar
Morgunblaðið/Sigurður Jónsson
Flutningar Garðar Einarsson með gamalt orgel sem var flutt úr kjallara
Selfosskirkju í gærkvöldi. Var þetta gert í varúðarskyni.
„ÞAÐ vantar mikið á að það flæði
hérna. Hún spýtti af sér draslinu
og ég held að hún fari ekki upp
hérna, það vantar mikið upp á
það,“ sagði Ketill Ágústsson bóndi
á Brúnastöðum í Hraungerð-
ishreppi.
Hann sagði að flóð yrðu helst
við Brúnastaði þegar klakastíflur
væru í ánni. Núna væri engri
klakastíflu fyrir að fara, áin væri
búin að hreinsa af sér og það væri
því engin fyrirstaða fyrir vatns-
flauminn í farvegi árinnar.
Hann sagði hins vegar dæmi um
að áin hefði farið upp án þess að
það væri í henni stífla. „Faðir
minn sagði frá því að áður hefði
áin farið upp án ísstíflu en þá
hefði verið svo mikill snjór á
bökkunum að hún hefði lítið kom-
ist inn á landið,“ sagði Ketill.
Hann sagði og að ef áin færi yfir
bakka sína við Brúnastaði mynd-
aði hún mikið flóð sem kaffærði
vegi og tún og svo færi hún áfram
til vesturs í áttina að Selfossi og
síðan niður Flóann eftir lægðum
og farvegum lækja.
„Hún
spýtti af sér
draslinu“
Í HNOTSKURN
»Almannavarnanefnd Ár-nessýslu lýsti í gær yfir við-
búnaðarástandi vegna flóð-
anna í ám héraðsins. Margir
bæir eru umflotnir.
»Lið með dælubúnað er tiltaks á Selfossi ef dæla þarf
úr húsum. Slökkvilið höf-
uðborgarsvæðisins sendi menn
og búnað til aðstoðar heima-
mönnum.
»Nýtt sniðræsi með bökkumÖlfusár kemur í veg fyrir
að það flæði upp úr nið-
urföllum holræsakerfisins eins
og oft gerðist á árum áður.
»Ekki er vitað um tjón enfólk flutti muni úr kjöll-
urum húsa í varúðarskyni.
»Mikil umferð var á Selfossi.Lögreglan girti árbakkann
af og beindi fólki frá ánni.