Morgunblaðið - 21.12.2006, Blaðsíða 35

MORGUNBLAÐIÐ FIMMTUDAGUR 21. DESEMBER 2006 35
Bréf til blaðsins
Morgunblaðið Hádegismóum 2, 110 Reykjavík  Bréf til blaðsins | mbl.is
ÉG hrópa húrra
fyrir Siv Frið-
leifsdóttur heil-
brigðisráðherra.
Frá því hún
kom í ráðu-
neytið hefur hún
komið hverju
stórmálinu á
fætur öðru í far-
veg, sem vand-
ræði hafa ríkt
um í áraraðir. Svo örfá dæmi séu
nefnd þá hefur hún komið til leið-
ar að útskrifuðum hjúkrunarfræð-
ingum mun fjölga um 25 árlega og
tekið á geðheilbrigðismálum
barna. Hún hefur komið á frí-
tekjumarki fyrir lífeyrisþega, sem
talað hefur verið um í áraraðir að
þurfi að gera, en ekkert gerst. Nú
síðast talaði hún um að skipa
nefnd til að koma skikki á reglu-
gerðaskóg Tryggingastofnunar og
vona ég svo sannarlega að það
verði raunin.
Ég óska þér til hamingju með
sjálfa þig, Siv. Þú ert greinilega
harðdugleg, fylgin þér, hefur yf-
irsýn og vilt láta gott af þér leiða.
Svona eiga ráðherrar að vera.
AUÐUR GUÐJÓNSDÓTTIR
hjúkrunarfræðingur.
Húrra fyrir
heilbrigðisráðherra
Frá Auði Guðjónsdóttur:
Auður
Guðjónsdóttir
FIMMTUDAGINN 14. desember
birti Morgunblaðið grein eftir Stefán
Ásgrímsson, ritstjóra FÍB-blaðsins,
sem svar við grein minni í sama blaði
tveimur dögum áður. Hafði ég fundið
mig knúinn til að birta hana vegna
greinar hans á vef FÍB um víravegr-
iðin í Svínahrauni. Í byrjun svars rit-
stjórans fjargviðrast hann mjög yfir
því að ég hafi reynt að
gera sig tortryggilegan
með því að segja að
greinin væri nafnlaus.
Ef það hefur misboðið
blaðamannsheiðri rit-
stjórans er hér með
beðist velvirðingar á
því en hafa skal það
sem satt reynist.
Ostaskeri rangnefni
Ekki verður annað
ráðið af svari ritstjór-
ans en að sú „osta-
skera“-nafngift sem
víravegriðin hafa hlotið í fjölmiðlum
fari í taugarnar á honum og víst er
nafnið í fyrirsagnastíl, sem hann not-
ar reyndar sjálfur í upphafsgrein
sinni. Ég skal líka fyrstur við-
urkenna það að nafnið er ekki rétt-
nefni og lýsir ekki vel þeim hættum
sem víravegrið skapa mótorhjóla-
fólki. Eitthvað virðist ritstjórinn líka
hafa misskilið tilgang mótorhjóla-
fólks með mótmælunum og þá kröfu
þess að það vilji víravegriðin burtu,
helst á þann veg að ekkert eigi að
koma í stað þeirra. Hvernig er ann-
ars hægt að skilja þessa setningu svo
vísað sé beint í texta ritstjórans
sjálfs: „Á sama hátt má segja að það
gengur ekki að fórna öryggi annarra
vegfarenda svo bifhjólamenn geti
tekið óhindrað fram úr hvar sem er.“
Langflest bifhjólafólk er löghlýðið í
umferðinni og það er vandfundinn sá
hagsmunahópur sem látið hefur jafn-
mikið til sín taka í umferðarörygg-
ismálum. Krafa þess er einfaldlega
sú að notuð séu vegrið sem skapa
ekki jafn augljósa hættu og víravegr-
iðin gera.
Ótti bifhjólafólks við vegrið kemur
heldur ekki til að ástæðulausu eins
og dæmin sanna. Það er ekki rétt hjá
ritstjóranum að aðeins eitt banaslys
hafi orðið við vegrið á Íslandi. Und-
irritaður veit um að minnsta kosti
þrjú önnur banaslys þar sem vegrið
koma beint við sögu. Það, að ekki
skuli hafa orðið alvarlegt slys á mót-
orhjóli við vegriðin í Svínahrauni á
þeim stutta tíma sem þau hafa staðið,
er einungis heppni og hefur ekkert
með rök í þessari umræðu að gera.
Ritstjóri FÍB blaðsins tilgreinir líka
eitt slys í Ártúnsbrekk-
unni þar sem tveir mót-
orhjólamenn sluppu
með skrekkinn eftir að
vegrið kom í veg fyrir
að þeir köstuðust yfir á
rangan vegarhelming.
Spurt er á móti, hefðu
þeir sloppið svona vel ef
að víravegrið hefði ver-
ið þeim þarna til varn-
ar? Varla. Einnig kast-
ar ritstjórinn ryki í
augu lesenda með því
að draga það fram að
rannsóknir, sem bif-
hjólafólk byggir rökstuðning sinn á,
séu átta ára gamlar. Tekið skal fram
að hagsmunasamtök mótorhjólafólks
í Evrópu (FEMA) hafa tekið saman
23 rannsóknir á vegriðum sem færa
sönnur á hættur vegriða gagnvart
mótorhjólafólki og að rauði þráð-
urinn í þeim öllum sé að vegrið, með
óvarða staura, skapi mesta hættu.
Það er ekki nóg að vera í fullkomnum
öryggisbúnaði þegar maður lendir á
staur eins og þeim sem standa í
hundraðavís uppi á Hellisheiði.
Helmingi hættulegri
Að lokum bendir ritstjóri FÍB-
blaðsins á sænska rannsókn á víra-
vegriðum og bifhjólaslysum en Svíar
hafa lengst allra Evrópuþjóða
þrjóskast við að leggja þau niður.
Þótt „aðeins“ ellefu slys hafi þar orð-
ið við víravegrið segir það ekki alla
söguna. Sjö þessara slysa voru alvar-
leg og tvö þeirra banaslys. Vitnað var
í franska rannsókn í grein minni þar
sem fram kom að vegrið sköpuðu
fimm sinnum meiri hættu á bana-
slysum en ef þau væru ekki fyrir
hendi. Ef við skoðum aðeins sænsku
tölurnar kemur í ljós að líkur á bana-
slysi við sænsku víravegriðin eru
næstum tuttugu prósent, eða því sem
næst helmingi meiri en við hefð-
bundin vegrið. Það dettur líka eng-
um bifhjólamanni með réttu ráði í
hug að halda því fram að vegriðin
hafi eitthvað með orsök slysanna að
gera, eins og ritstjórinn gerir að um-
talsefni. Ef einhver á mótorhjóli er
svo óheppinn að missa stjórn á hjóli
sínu nálægt víravegriði er afleiðingin
oftast slæm. Þess vegna hafa fjöl-
margar þjóðir tekið afstöðu á móti
víravegriðum og lönd eins og Hol-
land og Danmörk látið taka þau nið-
ur og önnur bannað frekari notkun
þeirra.
Eins og staurar fyrir bíla
Eins og ritstjóri FÍB blaðsins
bendir réttilega á varna vegrið slys-
um þar sem umferð úr gagnstæðum
áttum mætist á sama veginum. Eng-
inn sem ég veit um á bifhjóli setur sig
heldur upp á móti því að aðgreina
akstursstefnur með þessum hætti,
enda keyrum við líka bíla. Við viljum
bara sjá vegrið með undirvörn við
staura sem skapa ekki jafn augljósa
hættu og víravegriðin gera. Því er oft
haldið fram í þessari umræðu að
víravegrið séu ódýrari en aðrar gerð-
ir vegriða, en á móti kemur að við-
haldskostnaður við þau er talsvert
meiri svo að hagræðingin er engin
þegar til lengri tíma er litið. Ef lýsa á
því hvernig bifhjólamaður sér þessi
víravegrið er það sömu augum
og bílstjóri myndi sjá þétta röð
ljósastaura á milli akreina. Höfum
metnað til að bera hag okkar allra
fyrir brjósti við hönnun umferð-
armannvirkja.
Öruggari vegrið er krafan
Njáll Gunnlaugsson svarar
grein ritstjóra FÍB-blaðsins » Fjölmargar þjóðirhafa tekið afstöðu á
móti víravegriðum og
lönd eins og Holland og
Danmörk látið taka þau
niður.
Njáll Gunnlaugsson
Höfundur hefur tekið þátt í fjölda
verkefna með öruggari umferð bif-
hjóla að leiðarljósi.
SJÁLFSTÆÐ og faglega unn-
in rannsóknarblaðamennska er
mikilvægt aðhald hverju sam-
félagi. Blaðamenn Kompáss hafa
sannarlega farið mikinn á þessu
ári og er það vel. Nú síðast var
meðferðarstöðin Byrgið til um-
fjöllunar. Það eru ljót tíðindi ef
satt reynist að þar hafi sjúklingar
í neyð verið beittir ofbeldi.
En það voru fleiri sjúklingar í
neyð í þessum þætti – nefnilega
Jói og Gugga – sprautufíklarnir
sem fylgt hefur verið eftir í
nokkrum þáttum. Eins og vist-
menn í Byrginu eru þau fólk í
miklum vanda sem getur ekki
fullkomlega borið hönd fyrir höf-
uð sér. Að mínu mati var gengið
of langt í þáttum Kompáss við að
velta sér upp úr og kjamsa á
ógæfu þeirra með endurteknum
myndbrotum af fráhvarfi, vímu og
sprautunum.
Því miður féllu þáttastjórn-
endur enn í þessa gryfju æsi-
blaðamennsku í síðasta þættinum
sunnudaginn 17. desember. Var
þar sýnt frá brúðkaupi þeirra Jóa
og Guggu þar sem vel meinandi
fólk aðstoðaði þau við að láta
drauminn rætast. Þungamiðjan í
umfjölluninni var að þau voru fall-
in enn og aftur. Heimilislaus og
vonsvikin. Var nauðsynlegt að
sýna þau timbruð og úrill? Var
nauðsynlegt að spyrja endurtekið
hvort þau ættu eiturlyf? Var
nauðsynlegt að súmma inn á
sprautuför og sýna brúðina í ann-
arlegu ástandi?
Það mætti öllum vera ljóst sem
fylgst hafa með þeim Jóa og
Guggu að ást þeirra er fölskva-
laus. Flestir myndu sömuleiðis
samsinna að brúðkaup á að vera
falleg og persónuleg athöfn. Hefði
ekki verið nær að gera myndbrot
með áherslu á þetta? Sýna að
þrátt fyrir eymdina eru þau Jói og
Gugga venjulegar manneskjur
með eigin væntingar og sjálfsvirð-
ingu eins og við hin? Áttu þau
þetta skilið? Er líklegt að þau
verði ánægð með þennan þátt
þegar þau ná bata næst?
Bjarni Össurarson
Um fréttaskýringa-
þáttinn Kompás
Höfundur er yfirlæknir vímu-
efnadeildar LSH.
Sagt var: Þeir veiddu sinnhvorn laxinn.
RÉTT VÆRI: Þeir veiddu sinn laxinn hvor.
Gætum tungunnar

Ársalir - fasteignamiðlun
Ársalir - fasteignamiðlun

Björgvin Björgvinsson, löggiltur fasteignasali
Símar 533 4200
og 892 0667
Ársalir
FASTEIGNAMIÐLUN
Engjateigi 5 105 Rvk
533 4200
Nánari upplýsingar á skrifstofu okkar:
Ársalir ehf. - fasteignamiðlun
Höfum kaupendur að öllum stærðum og gerðum
atvinnuhúsnæðis á höfuðborgarsvæðinu.
Staðgreiðsla í boði.
ATVINNUHÚSNÆÐI ÓSKAST!
„KARTÖFLUR OG ÚTIRÆKT“
SÝNING Í ÖREBRO Í SVÍÞJÓÐ
Unnið er að því að skipuleggja hópferð á sýninguna „Potatis og
Friland“ sem haldin verður í Örebro í Svíþjóð 7.-9. febrúar 2007
• Sýningin hefst miðvikudaginn 7. febrúar kl. 17:00 og lýkur föstudaginn 9. febrúar.
• Fjöldi stórra og smárra fyrirtækja kynnir vélar, tæki og þjónustu við framleiðendur
kartaflna og útiræktaðs grænmetis.
• Unnið er að því að skipuleggja skoðunarferðir til framleiðenda og pökkunar/vinnslustöðva
í tengslum við sýninguna.
• Fyrir sýninguna, miðvikudaginn 7. febrúar kl. 10:00-16:00, verður kynning og málstofur
um nýjustu rannsóknir og þróun á sviði kartöflu- og útigrænmetisræktar.
Þeir sem hafa áhuga á þátttöku hafi samband við Magnús Á. Ágústsson, Bændasamtökum
Íslands, sími 892 4003, netfang maa@bondi.is
eða Helgu Hauksdóttur, Sambandi garðyrkjubænda, sími 891 9581,
netfang helgahauks@gardyrkja.is
Fréttir
í tölvupósti