Morgunblaðið - 28.12.2006, Síða 31

MORGUNBLAÐIÐ FIMMTUDAGUR 28. DESEMBER 2006 31
Elsku amma, nú ertu laus úr
þessum veika líkama. Rosalega var
það vont að heyra það að þú værir
farin á annan og betri stað. Með
sárum söknuði í hjarta kveðjumst
við nú.
Það var alltaf svo spennandi að
fara suður til Reykjavíkur og hitta
ömmu og gista hjá henni á Klapp-
arstígnum. Alltaf fórum við í Kola-
portið og keyptum lakkrís og niður
á Tjörn til að gefa öndunum brauð.
Þú hafðir alltaf tíma til þess. Tíma
til að dútla eitthvað með barna-
börnunum. Við eigum margar góð-
ar minningar saman eins og þegar
ég fékk að fara með þér og vinkonu
þinni til Hríseyjar og við vorum þar
í heila viku. Þið voruð að reyna að
kenna mér og Dóru margföldunar-
töfluna og að prjóna. Við vorum
ekki alveg til í að eyða þessari viku í
Hrísey í að þylja upp margföldun-
artöfluna. Skildi ekkert hvað ég
hefði með hana að gera í framtíð-
inni. En þú kenndir mér líka meira
en að þylja upp einhverjar tölur. Þú
varst alltaf að vinna á svo skrítnum
stöðum, miðað við ömmur sem eiga
bara að vera heima og baka. Þú
varst þú alltaf á einhverju flakki.
Það var svo spennandi þegar ég
mátti fara að heimsækja þig eina
páskana. Þá varstu að vinna á
Nesjavöllum og ég var hjá þér í
tæpa viku. Fór með þér í vinnuna á
morgnana og hjálpaði þér að þrífa.
Ég man allavega þegar ég þreif kló-
sett í fyrsta skiptið og þú varst að
sýna mér hvernig ég ætti nú að
gera þetta almennilega. Ég var svo
stolt og ánægð, nú kunni ég sko að
þrífa klósett og amma kenndi mér
það. Ég held að það skipti litlu máli
hvað þú gerðir, mér fannst allt sem
þú varst að gera eitthvað svo öðru-
vísi og flott. Þú ferðaðist til skrít-
inna staða og vannst á stöðum sem
mér fannst nú að ömmur ættu nú
ekki að vera vinna á. Ég hafði alltaf
voða áhyggjur þegar þú varst að
vinna í vitanum. Hrædd um að þér
myndi örugglega leiðast og var allt-
af að biðja mömmu um að senda
mig þangað, þá hefðir þú að
minnsta kosti félagskap og kannski
gæti ég hjálpað þér. Þú varst alveg
einstök í alla staði. Þú hefur glímt
við erfiðan sjúkdóm núna síðustu ár
ævi þinnar og ef hann hefði ekki
hrjáð þig værir þú örugglega á ein-
hverju flakki og að vinna á skrítn-
um stað þar sem hamingjan hefði
skinið af þér.
Elsku amma, ég sakna þín svo
mikið og það er svo sárt að þú sért
farin. Ég bið nú góðan Guð að
geyma þig.
Þín
Efemía (Ebba litla).
Ég minnist ömmu sem góðrar og
glaðlyndrar konu. Ég kynntist
henni mest eftir að hún varð veik og
var komin á sjúkrahúsið. Við
mamma fórum að heimsækja hana
eins oft og við gátum. Þá lá ég oft í
rúminu hennar eða sat í hjólastóln-
um á meðan við mamma spjölluðum
við hana. Eftir að hún var hætt að
geta talað töluðum við mamma
saman um alla heima og geima og
hún fylgdist með. Hún hló oft að
vitleysunni í okkur þegar við vorum
að bulla eitthvað. Ég held að henni
hafi þótt skemmtilegast þegar við
vorum að spila og syngja fyrir
hana. Þá ljómaði hún öll og brosti
þegar við sungum uppáhalds lögin
hennar. Ég elska þig amma mín,
guð geymi þig.
Ég horfi í ljóssins loga
sem lýsir í hugskot mitt
og sé á björtum boga
brosandi andlit þitt.
(Snjólaug Guðmundsdóttir)
Brynhildur Hallgrímsdóttir.
Okkur systkinunum bárust þau
sorglegu tíðindi síðastliðinn föstu-
dag þess efnis að amma okkar væri
látin. Það er okkur þó huggun
harmi gegn að vita til þess að fyrir
þig, kæra amma, hefur þetta verið
ákveðinn léttir. Þú varst alltaf svo
lífsglöð og hress en undanfarin ár
hafði hræðilegur sjúkdómur gert
þig að fanga í eigin líkama. Slíkt
áttirðu ekki skilið og allir vöðvar
hjartans herptust saman í hvert
sinn sem við sáum þig í þessu
ástandi.
Við munum ennþá þegar þú bjóst
á Klapparstígnum og varst ávallt
tilbúin til að taka á móti okkur
systkinunum. Það var líka hægt að
gabba þig til að gera hvað sem er
með okkur. Þú varst margoft dreg-
in í bíó eða út í búð að kaupa
nammi. Þú varst alltaf svo hress og
gerðir allt fyrir okkur. Síðar meir
fækkaði heimsóknunum og þú tókst
upp á því að ferðast um heiminn.
Fórst meðal annars til Perú og
komst til baka með forláta húfu að
hætti heimamanna og gafst föður
okkar hana. Þessi húfa hefur ávallt
vakið mikla lukku hjá okkur systk-
inunum enda lítur faðir okkar alveg
fáránlega út með hana. Við munum
líka eftir því þegar þú komst og
passaðir okkur á meðan foreldrar
okkar voru í útlöndum. Þú ákvaðst
að taka okkur í bíltúr út í sveit til að
heimsækja systur þína en þú bölv-
aðir heimilisbílnum á leiðinni sem
lét eitthvað illa undir þinni stjórn.
Þegar á áfangastað var komið
komstu síðan að því hvað var að
bílnum með þinni alkunnu útsjón-
arsemi. Hann var í handbremsu.
Það var síðan fyrir nokkrum ár-
um að þú byrjaðir að verða veik.
Smám saman varðstu nánast alveg
lömuð og misstir máttinn til að tjá
þig. Það verður seint sagt að lífið sé
sanngjarnt og í örlögum þínum
kristallast sú staðreynd. Við vonum
bara innilega að sá staður sem þú
ert komin á núna sé þér hvíld eftir
áralanga baráttu við ólæknandi
sjúkdóm. Við systkinin þökkum þér
allan þann tíma sem þú eyddir með
okkur. Við skulum gera okkar
besta til að sannfæra pabba um að
vera með húfuna frægu í jarðarför-
inni svo þú hafir eitthvað til að
hlæja að þarna hinum megin.
Sjáumst síðar …
Pétur og Ellen.
Amma er fallin frá.
Upp í hugann koma ótal yndis-
legar minningar. Hún var ævin-
týramanneskja og hafði gaman af
því að ferðast. Ég man hvað mér
fannst amma spennandi og
skemmtileg þegar ég kom á Klapp-
arstíginn til hennar og sá myndir af
henni í strákofum í Afríku og við
pýramídana á Egyptalandi. Íbúðin
á Klapparstígnum var líka lítið æv-
intýri. Baðherbergið var undir súð
og inni á því var minnsta bað sem
ég hafði séð og ekki nóg með það,
heldur var sæti í því. Okkur systr-
unum fannst ekkert skemmtilegra
en að fara í bað hjá ömmu. Amman
nostraði líka mikið við íbúðina sína
og gerði hana stórfína. Þó að íbúðin
væri lítil var alltaf pláss fyrir mig
og vinkonur mínar þegar við kom-
um í bæinn til að kaupa föt fyrir
veturinn.
En amma hafði líka augun opin
fyrir góðum kaupum og það voru
ófáar helgarnar sem farið var í
Kolaportið og keypt eitt og annað.
Við gerðum oft grín að því að amma
keypti bara hluti af því að þeir
væru ódýrir og að hún myndi
örugglega kaupa óléttubuxur bara
af því að þær væru á svo góðu verði.
Ég á margar kærar minningar um
ömmu. Sú minning sem er mér
hvað kærust eru viðbrögð ömmu
við því þegar hún frétti að ég væri
ólétt aðeins 17 ára gömul. Eftir að
hafa fengið þær fregnir stóð amma
mín upp, labbaði út í búð og keypti
sér blóm, því að hún var að fara að
eignast sitt fyrsta langömmu-barn.
Amma var ekki bara amma, hún var
vinur sem ég gat leitað til og eftir
að hún veiktist fannst mér svo erfitt
að geta ekki rætt öll heimsins mál
við hana.En ég man líka alltaf hvað
hún hlakkaði mikið til að hætta að
vinna og geta farið að ferðast en
ekkert varð úr þeim draumi vegna
veikinda hennar. En ég held að
amma mín sé farin í sína langþráðu
ferð og sitt mesta ævintýri og því
óskum við henni góðrar ferðar og
þökkum fyrir allar minningarnar.
Katrín Eva, Kristófer Fann-
ar og Jónína Margrét.
Elsku amma.
Amma Ebba í Reykjavíkinni. Ég
trúði því varla þegar mamma
hringdi í mig og sagði mér að þú
værir dáin. Mér fannst það gerast
svo hratt, ég varð svo sorgmædd,
en samt svo ánægð fyrir þína hönd.
Þú ert komin á betri stað núna og
ef ég þekki þig rétt þá ertu strax
farin að ferðast og skoða hvern
krók og kima þarna hinum megin.
Ég vil bara að þú vitir að ég á
aldrei eftir að gleyma þeim skiptum
sem ég kom til þín í heimsókn á
Klapparstíginn og í hvert skipti
sem ég keyri þar framhjá þá rifjast
upp frábærar minningar sem ég
geymi núna í hjarta mínu. Ég á líka
aldrei eftir að gleyma því þegar ég
kvaddi þig áður en ég fór til Ítalíu.
Við hlógum mikið saman þá, þó svo
að það heyrðist lítið í þér. Ég sá að
þú varst ánægð fyrir mína hönd og
það þótti mér vænt um. Það var
alltaf stutt í grínið hjá okkur þegar
að við vorum saman og þess vegna
á ég bara frábærar minningar um
frábæra ömmu.
Þín
Stefanía Fanney.
Jólanótt – og ég kveikti
á kerti rétt eins og forðum
litlu kerti.
Það logar á borði mínu
unir þar sínu lífi
slær ljóma á þögnina.
Og bíð þess að ég finni
sem forðum að glaðir hljómar
séu lagðir af stað
út úr lágum turnunum
að ég heyri þá svífa
yfir hvítt landið og stefna
hærra, hærra!
Eins og hyggist þeir setjast
á sjálfar stjörnurnar
svo ljós og hljómar
geti hafið í einingu saman
af himnum gegnum loftin
sína heilögu ferð.
(Hannes Pétursson)
Hinsta kveðja,
Ingi Heiðmar Jónsson.
✝
Ástkær eiginmaður minn, faðir okkar, tengdafaðir,
afi og langafi,
SVEINN GUÐLAUGSSON
fyrrverandi kaupmaður,
Skálagerði 9,
Reykjavík,
lést á elli- og hjúkrunarheimilinu Grund fimmtu-
daginn 14. desember.
Útförin hefur farið fram í kyrrþey að ósk hins látna.
Sérstakar þakkir til starfsfólks á V-2 fyrir góða
umönnun.
Katrín Eiríksdóttir,
Kristín Sveinsdóttir, Pétur Á. Carlsson,
Elín Á. Sveinsdóttir,
Sólveig K. Sveinsdóttir, Már G. Pálsson,
barnabörn og barnabarnabörn.
✝
Ástkær móðir okkar, tengdamóðir, amma og
langamma,
FRÚ RAGNA BJÖRNSSON,
Ásvallagötu 24,
Reykjavík,
lést á annan í jólum á hjúkrunarheimilinu Sóltúni.
Jón Ásgeir Sigurðsson, Margrét Oddsdóttir,
Margrét Sigurðardóttir, Þórir Haraldsson,
Björn Sigurðsson, Hekla Smith,
barnabörn og barnabarnabörn.
✝
Ástkær eiginmaður minn, faðir, tengdafaðir og afi,
SIGURÐUR GUÐMUNDSSON,
andaðist þriðjudaginn 26. desember.
Jarðarförin verður auglýst síðar.
Geirlaug Jónsdóttir,
Birgir Sigurðsson, Sólveig Bjarnþórsdóttir,
Nanna Lára Sigurjónsdóttir.
✝
Ástkær móðir okkar, tengdamóðir, amma og lang-
amma,
KRISTÍN GUÐMUNDSDÓTTIR,
Hjallavegi 3,
Flateyri,
andaðist á Heilbrigðisstofnun Ísafjarðar
mánudaginn 25. desember.
Útför hennar verður gerð frá Flateyrarkirkju
laugardaginn 30. desember kl. 11.00.
Þeim sem vilja minnast hennar er bent á að láta
Heilbrigðisstofnun Ísafjarðar njóta þess.
Páll Önundarson,
Úlfar Önundarson,
Barði Önundarson, Elva Jóhannsdóttir,
barnabörn og barnabarnabörn.
✝
Ástkær eiginkona mín, móðir okkar, tengdamóðir,
amma og langamma,
HREFNA PÉTURSDÓTTIR,
Kópavogsbraut 1B,
Kópavogi,
áður til heimilis í Lyngbrekku 4,
Kópavogi,
lést á hjartadeild Landspítalans við Hringbraut
aðfaranótt aðfangadags, sunnudagsins 24. des-
ember. Jarðsungið verður frá Digraneskirkju fimm-
tudaginn 4. janúar kl. 13.00.
Þráinn Þorleifsson,
Pétur Berg Þráinsson, Ingibjörg Skúladóttir,
Guðlaug Þráinsdóttir,
Rúnar Þráinsson,
Þórir Þráinsson,
Þráinn Pétursson, Sigríður Ásdís Erlingsdóttir,
Aron Þór, Hrefna Berg, Ragnar Ingi, Helga Bríet, Ylfa Karitas og
aðrir aðstandendur.
✝
Elskuleg móðir mín, amma, systir okkar, mágkona
og frænka,
KOLBRÚN AGNARSDÓTTIR,
Vatnsholti 9b,
Keflavík,
andaðist á Heilbrigðisstofnun Suðurnesja föstu-
daginn 22. desember.
Útförin fer fram frá Keflavíkurkirkju föstudaginn
29. desember kl. 10.30.
Blóm og kransar eru vinsamlega afþakkaðir en
þeim sem vilja minnast hennar er bent á
Krabbameinsfélag Íslands.
Anna Kristjana Egilsdóttir,
Kolbrún Júlía Guðfinnsdóttir Newmann,
Svanhildur Kjær, Stefán Haraldsson,
Lilja Agnarsdóttir Lysaght, Jerry Lysaght,
Helga Agnarsdóttir Kitzmiller,
Agnes Agnarsdóttir, Gunnlaugur Karl Guðmundsson,
Guðrún Ólöf Agnarsdóttir, Baldur Konráðsson
og frændsystkini.