Morgunblaðið - 20.02.2007, Qupperneq 11

MORGUNBLAÐIÐ ÞRIÐJUDAGUR 20. FEBRÚAR 2007 11
FRÉTTIR
UM fjörutíu manns voru viðstaddir
á Egilsstöðum þegar Áki Ármann
Jónsson veiðistjóri stjórnaði út-
drætti umsókna um hreindýra-
veiðileyfi fyrir næstu veiðivertíð í
haust. Einnig var fylgst með út-
drættinum í gegnum fjar-
fundabúnað í Reykjavík, á Ak-
ureyri og í Neskaupstað. 2.731
umsókn barst um veiðileyfi, þar af
voru 2.630 gildar. 1.100 leyfi eru í
pottinum. 37 umsóknir bárust er-
lendis frá.
Útdrátturinn er algjörlega sjálf-
virkur og unninn með tölvuforriti.
Dregið er um hvert svæði fyrir sig
og tarfa og kýr á hverju þeirra.
Byrjað var að draga úr umsóknum
á svæðum 1 og 2 og svo koll af
kolli og birtust nöfn hinna heppnu
jafnóðum. Þá er sérstakur biðlisti,
en Áki sagði að jafnaði skilað inn
20 til 30 leyfum á vinsælustu svæð-
unum. Þeir sem fengu veiðileyfi
eða eru á biðlista fengu tölvupóst
þar um í nótt og snemma í morgun.
Sex umsækjendur hafa ekki fengið
leyfi 5 ár í röð og 11 ekki 4 ár í röð
svo útdrátturinn virðist tryggja
ágæta dreifingu.
Dregið um hreindýra-
veiðileyfi í gærkvöld
Morgunblaðið/Steinunn Ásmundsdóttir
Veiðigleði Eftirvænting ríkti þegar Áki Ármann Jónsson hóf útdrátt.
SAMTÖKIN Betri byggð furða sig á
því að í samgönguáætlun, sem nú
liggur fyrir Alþingi, skuli gert ráð
fyrir því að Reykjavíkurflugvöllur
verði áfram í Vatnsmýrinni.
Í stefnumótunarkafla samgöngu-
áætlunar segir: „Reykjavíkurflug-
völlur verði áfram miðstöð innan-
landsflugsins og þar rísi
samgöngumiðstöð.“ Þetta er ótíma-
sett og gildir því til ársloka 2018.
Samtökin Betri byggð benda á að
gríðarleg barátta hafi átt sér stað á
undanförnum árum og áratugum,
innan flokka sem utan, fyrir því að
flugvöllur víki úr Vatnsmýrinni og að
þar rísi miðborg höfuðborgarinnar.
Þessi barátta hafi skilað þeim ár-
angri að fjórir af fimm flokkum sem
buðu fram í Reykjavík sl. vor, höfðu
þá stefnu að flug skuli víkja úr
Vatnsmýrinni eigi síðar en árið 2016.
Samtökin spyrja hvort borgaryf-
irvöld ætli að „kokgleypa þessa til-
skipun“ frá samgönguráðuneytinu
þvert á stefnu sína í kosningabarátt-
unni.
Samtökin gagnrýna það sem þau
kalla ægivald samgönguyfirvalda á
skipulagsmálum höfuðborgarinnar.
Vilja ekki
samgöngu-
miðstöð
♦♦♦
Sigurliðið fagnar góðum árangri
Frábær liðsheild, metnaður og góður stuðningur hefur fært
Haukastelpunum bikarinn enn á ný!
Við þökkum þeim sem þáðu boð Actavis og studdu stelpurnar
á úrslitaleiknum í Laugardalshöll á laugardaginn.
Actavis er öflugur stuðningsaðili körfuknattleiks á Íslandi
Til hamingju
Haukar!
FÉLAGASAMTÖKIN Blátt áfram
munu í samvinnu við Íslenska fjalla-
leiðsögumenn bjóða íslenskum fyr-
irtækjum og einstaklingum sam-
starf við að taka þátt í
áheitaferðum.
Hér er um að ræða nýjung á Ís-
landi og er tilgangurinn sá að
byggja upp fólk og fræða það og
efla um leið forvarnir gegn kyn-
ferðislegu ofbeldi gegn börnum.
Fyrirtæki, hópar eða ein-
staklingar geta ákveðið að styrkja
Blátt áfram með áheitasöfnun og
taka sér um leið eitthvað það fyrir
hendur, sem fólk hefur hingað til
talið sér ofvaxið. Sem dæmi má
nefna að ganga á Hvannadalshnúk,
hjóla yfir hálendið eða að fara í
langar gönguferðir. Einnig eru í
boði ferðir erlendis, til dæmis að
ganga á fjall í Afríku, þríþraut,
maraþon og margt fleira.
Íslenskir fjallaleiðsögumenn eru
ferðaþjónustufyrirtæki, sem skipu-
leggur útivist og fjallaferðir, en
Blátt áfram er forvarnaverkefni
gegn kynferðislegu ofbeldi gagn-
vart börnum.
Áheitaferðir
Blátt áfram
SKÓLASTJÓRAFÉLAG Reykja-
víkur hefur sent frá sér ályktun þar
sem harmað er að sveitarfélögin og
kennarar hafi ekki náð samkomu-
lagi um framkvæmd endurskoðun-
arákvæðis kjarasamningsins.
Félagið lýsir yfir áhyggjum sín-
um komist aðilar ekki að sameig-
inlegri niðurstöðu varðandi endur-
skoðunina, en fátt bendir til þess í
dag að sátt sé innan seilingar. Deil-
an er núna hjá ríkissáttasemjara.
Áhyggjur skólastjórnenda í
Reykjavík beinast fyrst og fremst
að því hvaða áhrif deilan hefur á
allt skólahald. Hún geri það erf-
iðara bæði fyrir starfsmenn og
nemendur.
Félagið bendir á að nú sé und-
irbúningur stjórnenda að skipu-
lagningu næsta skóaárs að hefjast,
m.a. með starfsmannaviðtölum við
kennara. „Öllum má ljóst vera
hvaða áhrif deilan hefur á afstöðu
kennara til vinnuveitandans og
starfsins.“
Félagið hvetur samningsaðila að
taka upp viðræður og forða því að
sagan frá 2004 endurtaki sig.
Skólastjórar
áhyggjufullir
♦♦♦