Morgunblaðið - 20.02.2007, Qupperneq 33

MORGUNBLAÐIÐ ÞRIÐJUDAGUR 20. FEBRÚAR 2007 33
MINNINGAR
✝ Jón Vídalín Sig-urðsson fæddist
á Búðum í Fá-
skrúðsfirði 4. jan-
úar 1913. Hann lést
á sjúkrahúsi Seyð-
isfjarðar 6. febrúar
síðastliðinn. Hann
var sonur hjónanna
Sigurðar Þórð-
arsonar frá Kálfa-
felli í Suðursveit og
Salóme Ingibjargar
Magnúsdóttir frá
Litla Hólmi í Leiru.
Eftir lát föður
síns flytur hann ásamt móður
sinni til Siglufjarðar 1940. Þar
kynnist hann konu sinni.
Jón kvæntist 10.10. 1944 Sig-
rúnu Sigurðardóttur, f. 10.10.
1916, d. 10.3. 1996. Börn hans
og Sigrúnar eru Sigurbjörn,
kvæntur Hugrúnu Ólafsdóttur,
þau eiga tvö börn og eitt barna-
barn og Anna Gunnlaug, hún á
tvö börn og fjögur
barnabörn. Fyrir
átti Sigrún dótt-
urina Gunnþórunni
Gunnlaugsdóttir,
gifta Hafsteini Sig-
urjónssyni, þau
eiga fjögur börn og
12 barnabörn.
Jón byrjaði ung-
ur til sjós. Ungur
þurfti hann að ger-
ast fyrirvinna móð-
ur sinnar vegna
veikinda föður síns
er síðar lést. Hann
stundaði sjómennsku nánast all-
an sinn starfsferil og bjó á
Siglufirði frá 1940 til 1973.
Fluttist þá í Garðinn og bjó þar í
4 ár. Fluttist til Seyðisfjarðar
1977 og vann þar hjá Norðursíld
í 20 ár.
Útför Jóns verður gerð frá
Seyðisfjarðarkirkju í dag og
hefst athöfnin klukkan 14.
Elsku pabbi minn.
Þá ertu farinn frá okkur. Þú ætl-
aðir alltaf að komast 10. hringinn
kringum landið en þeir urðu bara 9 sá
síðasti er hafinn þangað sem eilífðin
er og almættið finnst, þangað sem við
öll eigum eftir að fara. Söknuðurinn
er mikill hjá okkur öllum en minning-
arnar lifa og eru margar og góðar.
Þú varst mér góður faðir, tókst mig
strax að þér 7 ára gamla sem þína
eigin dóttur þegar þið mamma gift-
ust. Það var ekki erfitt að byrja strax
á að kalla þig pabba, annað kom ekki
til greina, ekki var mamma þín síðri
við mig en hún var alltaf amman á
heimilinu.
Seinustu 30 árin sem þú hefur búið
hér á Seyðisfirð gerðu okkur ennþá
nánari, dagleg samskipti voru bæði
heima og á sama vinnustað, auk þess
að þið Hafsteinn voruð alltaf svo góð-
ir vinir og höfðuð sama áhugamál.
Þær voru ófáar ferðirnar ykkar
kringum kindurnar og öll árin í Norð-
ursíld sem þið unnuð saman.
Þú varst með afbrigðum hraustur
maður, ég man aldrei eftir þér veik-
um, fórst einu sinni í viðgerð eins og
þú orðaðir það, mjöðmin var eitthvað
að angra þig. En þú lést það ekki
aftra þér að koma við og við og leysa
af sem brýnari í frystihúsinu þótt
kominn væri yfir áttrætt.
Eftir að þú misstir mömmu fyrir 11
árum sástu alfarið um þig sjálfur. Þú
varst ekki vanur heimilisstörfum því
mamma sá vel um þig. En þig munaði
ekki mikið um það, heimilið var alltaf
tandurhreint og svo vel var búið um
að ég kallaði rúmið fjölina og húsið
Hvítholt. Svo var keyptur nýr bíll og
þínar sumarlegu hringferðir hófust,
alltaf ein ferð á sumri og skoðaðir
flestalla staðir á landinu, ókst öll jarð-
göng og heimsóttir gamla vini. Eljan
og áhuginn var svo mikill að eitt sum-
arið hringdir þú í mig frá Djúpavogi
og sagðist vera á heimleið enda
hringurinn að verða búinn. Næsta
morgun hringirðu og varst þá stadd-
ur í Hóladómkirkju, þú hafðir gleymt
að koma þar við og þá var einfaldast
að skreppa norður. Þvílíkur hraust-
leiki.
Heima var það handavinnan, orð-
inn 80 ára og fórst að mála dúka, rýja
mottur og púða og síðast en ekki síst
allt postulínið, sem þú málaðir, ótal
könnur, vasa og diska.
Hver sem hefði séð þína vinnulúnu
fingur eftir áratuga sjómennsku
hefði vart trúað slíku handbragði. En
svona varstu vandvirkur, samvisku-
samur og heiðarlegur.
Elsku pabbi minn, tengdapabbi, afi
og langafi. Við þökkum þér af öllu
hjarta fyrir alla samfylgdina gegnum
lífið. Biðjum Guð að blessa þig og
varðveita og mömmu líka um alla ei-
lífð.
Far þú í friði,
friður Guðs þig blessi,
hafðu þökk fyrir allt og allt.
Gekkst þú með Guði,
Guð þér nú fylgi,
hans dýrðarhnoss þú hljóta skalt.
(V. Briem.)
Þín dóttir
Gunnþórunn.
Við eigum bágt með að trúa að
komið sé að kveðjustund en okkur
langar að minnast afa okkar með ör-
fáum orðum. Afi Seyðó eins og við
kölluðum hann alltaf var einstaklega
glaðlyndur, góður og ljúfur maður og
ekki má gleyma að minnast á hvað
hann gat verið stríðinn og með smit-
andi hlátur. Minningarnar og allar
skemmtilegu samverustundirnar á
Seyðisfirði og allar heimsóknirnar til
afa og ömmu munu ylja okkur um
hjartarætur. Fyrsta minningin sem
við systkinin munum frá því að við
vorum pínulítil er að þegar við kom-
um í heimsókn til afa og ömmu stóðu
þau ávallt í hlaðinu og tóku vel á móti
okkur og svo fórum við systkinin
beint inn í eldhús í nammiskúffuna
sem var ávallt búið að fylla með góð-
gæti áður en við komum. Ekki má
gleyma hvað litlu hendurnar okkar
voru forvitnar um alla fínu hlutina
hans afa, enda átti hann rosalega
mikið af dóti sem okkur fannst spenn-
andi. Hann elti okkur um allt hús til
að athuga hvað við værum að bralla.
Afi var duglegur að leika við okkur
og gaf sér alltaf tíma fyrir okkur.
Hann var einstaklega hraustur enda
fékk hann sér alltaf lýsi ofan á fiskinn
og reyndi í mörg ár að fá okkur til að
gera það sama, en án árangurs. Afi
ferðaðist mikið og keyrði alltaf hing-
að suður hvert sumar. Við vorum svo
stolt að eiga svona duglegan afa sem
keyrði svona langa leið. Afa fannst
gaman að hannyrðum og bjó til
marga fallega hluti sem fegra heimili
okkar og verða varðveittir. Okkur
þótti vænt um afa og erum þakklát
fyrir allt sem hann gerði fyrir okkur.
Við munum varðveita allar yndislegu
minningarnar um afa og ömmu á
Seyðó í hjarta okkar og vitum að þið
munuð vaka yfir okkur.
Elsku afi, góða ferð og kysstu
ömmu frá okkur.
Vertu yfir og allt um kring
með eilífri blessun þinni
sitji guðs englar saman í hring
sænginni yfir minni.
( Sig. Jónasson frá Presthólum.)
Jón Ólafur og Steinunn.
Elsku pabbi. Þá er þessu lokið,
allavega að sinni. Síðustu mánuðir
voru þér erfiðir, bæði andlega og lík-
amlega. Andlega af því að þú vildir
ekki vera upp á aðra kominn og lík-
amlega þar sem krabbameinið var
farið að láta þig finna fyrir sér á nýj-
an leik. Þú sem aldrei vildir vera upp
á aðra kominn og ekki láta hafa fyrir
þér varðst að sætta þig við það hlut-
skipti.
Nú get ég ekki lengur hringt í þig
til að athuga hvernig heilsan er, því
að eftir að þú greindist með krabba-
meinið varst þú ákveðinn í að það yrði
skorið burt.
Ótal minningar hafa sprottið upp í
huga mínum undanfarna daga þar
sem ég hef hugsað um það sem ég
gæti skrifað þér. Allar minningarnar
um þig eru góðar enda varst þú góður
og hlýr.
Ferðalögin sem þú fórst alltaf á
sumrin eftir að mamma dó gleymast
ekki. Þú byrjaðir að undirbúa þig fyr-
ir hringferðina, eins og þú kallaðir
það, í apríl og lagðir svo yfirleitt af
stað daginn eftir 17. júní hvernig sem
viðraði. Nema einu sinni þegar snjór
var yfir Norðurlandi og þú komst
ekki af stað fyrr en viku seinna. Þú
varst svo skipulagður í þessum ferð-
um, þó var ég dálítið áhyggjufullur
þegar þú fórst út á þjóðveginn en þú
skilaðir þér alltaf heilu og höldnu
þrátt fyrir smáóhöpp sem við minn-
umst ekki á núna.
Einnig er minnisstætt síðastliðið
sumar þegar þú komst með okkur í
sumarbústaðinn hvað þú hresstist
mikið við að koma í sveitina, kom þá
upp í þér ferðahugurinn.
Ég minnist samtalsins sem við átt-
um hér í eldhúsinu áður en þú fórst í
aðgerðina, að þú ættir eftir að fara og
skoða svo margt í næstu hringferð.
En þú hefur nú lokið hringferðunum
hér en eflaust ert þú á ferðalagi þar
sem þú ert núna. Ég mun ávallt
sakna þín og það tekur mjög á mig að
vita það að heimsóknirnar verða ekki
fleiri í bili eða símtölin til þín.
Lífið hjá þér á Seyðisfirði var í föst-
um skorðum eftir að mamma dó, það
var aðdáunarvert að fylgjast með því
hvernig þú skipulagðir þig. Þegar þú
vaknaðir á morgnana fékkstu þér
morgunverð, fórst í göngutúra, sinnt-
ir heimilisstörfunum því ekki vildir
þú húshjálp, sagðist þrífa þitt heimili
sjálfur, og ekki má gleyma Leiðar-
ljósi sem þú misstir aldrei af og ef
manni varð á að hringja á meðan
Leiðarljós var í sjónvarpinu var ekki
svarað í símann. Svo mátti nú aldrei
vera snjókorn eða ryk á stéttinni. Svo
varst þú svo duglegur að föndra og
mála postulín, ekki gat maður nú
ímyndað sér að þú ættir eftir að sýna
svona mikla snilli með pensilinn.
Nú á kveðjustund þakka ég fyrir
hverja samverustund með þér og fyr-
ir allt sem þú kenndir mér. Minning-
arnar eru mér mikill fjársjóður sem
ég mun ávallt varðveita.
Elsku pabbi, ég veit að þú ert kom-
inn á betri stað og þér líður betur, all-
ar þjáningar þínar horfnar. Ég kveð
þig með margar góðar minningar í
hjarta. Ég veit að þú vakir yfir okkur
og verndar.
Nú legg ég augun aftur
ó, Guð þinn náðarkraftur
mín veri vörn í nótt.
Æ, virst mig að þér taka,
mér yfir láttu vaka
þinn engill, svo ég sofi rótt.
Minning um góðan föður lifir.
Þinn sonur
Sigurbjörn.
Jón Vídalín Sigurðsson
Morgunblaðið birtir minningargreinar alla útgáfudagana.
Skil | Greinarnar skal senda í gegnum vefsíðu Morgunblaðsins: mbl.is –
smella á reitinn Senda efni til Morgunblaðsins – þá birtist valkosturinn
Minningargreinar ásamt frekari upplýsingum.
Skilafrestur | Ef birta á minningargrein á útfarardegi verður hún að berast
fyrir hádegi tveimur virkum dögum fyrr (á föstudegi ef útför er á mánudegi
eða þriðjudegi).
Minningargreinar
Englasteinar
Helluhrauni 10
Sími 565 2566 – www.englasteinar.is
15% afsláttur af öllum
legsteinum og fylgihlutum
Sendum
myndalista
✝
Ástkær eiginmaður minn, faðir, tengdafaðir, afi og
langafi,
PÉTUR VIÐAR KARLSSON,
Grenigrund 38,
Selfossi,
andaðist á heimili sínu laugardaginn 17. febrúar.
Brynhildur Tómasdóttir,
Páll Pétursson, Auður I. Ottesen,
Kristján Karl Pétursson, Hrafnhildur Guðmundsdóttir,
Hrund Pétursdóttir Winckler, Anders Winckler,
Hjörtur Leví Pétursson, Ásdís Ýr Aradóttir,
barnabörn og barnabarnabarn.
✝
Ástkær eiginmaður minn, faðir okkar, tengdafaðir,
afi og langafi,
JÓSEF TRYGGVASON,
Þrastarhóli,
Arnarneshreppi,
lést á heimili sínu laugardaginn 17. febrúar.
Hann verður jarðsunginn frá Möðruvallaklausturs-
kirkju laugardaginn 24. febrúar kl. 14.00
Blóm og kransar vinsamlegast afþakkaðir en þeim sem vilja minnast hans
er bent á Minningarsjóð Heimahlynningar á Akureyri.
Vilborg Pedersen,
Hreinn Pálsson, Sigríður Kristín Bjarkadóttir,
Salvör Jósefsdóttir, Árni Ómar Jósteinsson,
Ingibjörg Valgerður Jósefsdóttir, Sigurður Svan Gestsson,
Óskar Jósefsson, Ingibjörg Sverrisdóttir,
Haraldur Jósefsson,
Sigrún Jósefsdóttir, Friðbjörn Hilmar Kristjánsson,
Hildur Jósefsdóttir, Guðmundur Örn Helgason,
Níels Pétur Jósefsson, Anna Jóna Vigfúsdóttir,
Heiða Björk Jósefsdóttir, Ingi Rúnar Jónsson,
Sigríður Hrefna Jósefsdóttir, Ricky Carl Sørensen,
Ólöf Harpa Jósefsdóttir, Axel Grettisson,
afabörn og langafabörn.
✝
Elskulegur sambýlismaður minn, faðir, tengdafaðir
og afi,
KARL JÚLÍUSSON,
Garðhúsum,
Grindavík,
lést á Heilbrigðisstofnun Suðurnesja föstudaginn
16. febrúar.
Jarðsungið verður frá Grindavíkurkirkju laugardag-
inn 24. febrúar kl. 14.00.
Sigrún Guðmundsdóttir,
Guðmundur Grétar Karlsson,
Sigurður Rúnar Karlsson,
Jón Júlíus Karlsson,
Páll Tryggvi Karlsson, Finndís Fjóla Birgisdóttir,
Ronja Rán Pálsdóttir,
Ylfa Dröfn Pálsdóttir.
✝
Ástkær eiginmaður minn, faðir okkar, tengdafaðir,
afi og langafi,
JÓN EINARSSON,
Hjallaseli 55, (Seljahlíð),
Reykjavík,
andaðist sunnudaginn 18. febrúar.
Útförin auglýst síðar.
Ingveldur Jónsdóttir,
María Jónsdóttir, Axel Stefán Axelsson,
Leifur Jónsson, Bryndís Petersen,
barnabörn og barnabarnabörn.
✝
Elskulegur eiginmaður minn, faðir, tengdafaðir, afi
og langafi,
ÓLAFUR ÁSGEIRSSON,
Melseli 8,
Reykjavík,
lést á líknardeild Landakotsspítala sunnudaginn
18. febrúar.
Útför fer fram frá Fossvogskirkju mánudaginn
26. febrúar kl. 13.00.
María Rósinkarsdóttir,
Ottó Kolbeinn Ólafsson, Björk Baldursdóttir,
Jakob Ólafsson, Helena Soffía Leósdóttir Little,
Rósinkar Snævar Ólafsson, Sólbjörg Gunnbjörnsdóttir,
Guðný Ólafsdóttir, Ómar Gunnarsson,
Ásgeir Kristján Ólafsson, Aðalheiður Gylfadóttir,
barnabörn og barnabarnabörn.