Morgunblaðið - 02.03.2007, Page 64

Mikill áhugi
á Pétri Gaut
UPPFÆRSLA Þjóðleikhússins á
Pétri Gaut, sem frumsýnd var í
Barbican-menningarmiðstöðinni í
fyrrakvöld, fékk mjög góðar við-
tökur að sögn Baltasars Kormáks
leikstjóra.
Yfirmenn leikhússins hafa lýst
yfir áhuga á að fá verkið aftur út
síðar, og yrði það þá sett upp á
stóra sviði leikhússins. Þá vilja að-
ilar frá Póllandi, Finnlandi, Japan,
Ástralíu, Svíþjóð og Noregi einnig
fá verkið sett upp í sínum heima-
löndum. | 20
Morgunblaðið/G.Rúnar
Morgunblaðið/Kristinn
Einhugur Um tvö hundruð manns voru á fundi samtakanna Hagur Hafnarfjarðar í Hafnarborg í gærkvöldi.
MIKILL einhugur ríkti á opnum
fundi samtakanna Hagur Hafn-
arfjarðar í Hafnarborg í gærkvöldi,
þar sem Hafnfirðingar voru hvattir
til þess að samþykkja stækkun ál-
versins í Straumsvík í kosningunum
framundan, þar sem framtíð eins
stærsta atvinnurekanda í sveitarfé-
laginu yrði ákveðin, jafnframt því
sem fram komu áhyggjur um að það
fjaraði undan álverinu yrði stækkun
ekki samþykkt.
„Það sem við viljum leggja
áherslu á í þessari umræðu er að
þetta snýst fyrst og fremst um fólk,
fólk sem vinnur við þennan iðnað
hjá álverinu og tengdum fyr-
irtækjum. Við teljum að bara í Hafn-
arfirði einum og sér séu það vel á
annað þúsund manns sem beint og
óbeint byggja afkomu sína á þessum
rekstri og okkur finnst að rödd
þessa fólks hafi alls ekki fengist að
heyrast sem skyldi,“ sagði Ingi B.
Rútsson, formaður samtakanna.
„Snýst fyrst
og fremst
um fólk“
ÁSKRIFT-AFGREIÐSLA 569 1100 FÖSTUDAGUR 2. MARS 61. DAGUR ÁRSINS 2007 VERÐ Í LAUSASÖLU 220 KR. MEÐ VSK.
5 6 9 1 1 0 0
Ritstjórn: ritstjorn@mbl.is
Auglýsingar: augl@mbl.is
Áskrift: askrift@mbl.is | sími 5691100
mbl.is: netfrett@mbl.is
 Austan 8–15
m/s og víða snjó-
koma eða slydda
en rofar til vest-
anlands seinni hluta
dags. » 8
Heitast Kaldast
5°C -6°C
FRAMSÓKNARFLOKKURINN
leggur áherslu á að samningar náist
um stjórnarskrárákvæði þess efnis að
auðlindir sjávar séu sameign þjóðar-
innar og þar með verði staðið við
stjórnarsáttmála ríkisstjórnarinnar.
Þetta kom fram í máli Jóns Sig-
urðssonar, formanns Framsóknar-
flokksins, og Guðna Ágústssonar
varaformanns í umræðum á Alþingi í
gær. Framhaldsflokksþing Fram-
sóknar hefst í dag og lögð hafa verið
fram drög að ályktun þar sem m.a.
kemur fram að í stjórnarskrá skuli
standa: „Auðlindir landsins eru sam-
eign íslensku þjóðarinnar.“
Eins og áður hefur komið fram
náðist ekki samkomulag um þetta í
stjórnarskrárnefnd og strandaði mál-
ið á Sjálfstæðisflokknum. Guðni
Ágústsson sagði í viðtali við RÚV í
gær að færi ákvæðið ekki inn í stjórn-
arskrá þýddi það að sjálfstæðismenn
stæðu ekki við stjórnarsáttmálann.
Þingmenn stjórnarandstöðunnar
fögnuðu afdráttarlausum yfirlýsing-
um þeirra Guðna og Jóns á þingi í gær
en Jón vildi engu að síður meina að
áherslur Framsóknarflokksins væru
aðrar en stjórnarandstöðunnar.
Enginn sjálfstæðismaður tók þátt í
umræðunum á þingi og ekki náðist í
formann eða varaformann flokksins í
gærkvöldi. | 10
Auðlindir verði
í stjórnarskrá
Framsóknarmenn leggja áherslu á að
staðið verði við stjórnarsáttmálann
HÁSKÓLASJÓÐUR Eimskipa-
félags Íslands veitti í annað sinn
námsstyrki til doktorsnema við Há-
skóla Íslands í gær. Alls voru styrk-
irnir þrjátíu talsins að upphæð 75
milljónir króna og af þeim eru 16
vegna framhaldsverkefna.
Veiting styrkjanna byggist á sam-
eiginlegri viljayfirlýsingu sjóðsins
og HÍ um að nýta sjóðinn til að
styðja stúdenta í rannsóknartengdu
framhaldsnámi og stundar á fjórða
tug doktorsnema rannsóknir með
stuðningi sjóðsins.
Nærri 100 umsóknir
Alls bárust 96 umsóknir til úthlut-
unarnefndar, þar af flestar í verk-
fræði og raunvísindum. Lárus
Thorlacius, prófessor í raunvís-
indadeild HÍ og formaður úthlut-
unarnefndar, sagði við afhendinguna
ánægjulegt að sjá hversu margar
vandaðar umsóknir bárust og bætti
við að nefndinni hefði verið vandi á
höndum að velja á milli og sjá fjölda
umsókna sem ekki var hægt að veita
brautargengi.| Miðopna
30 styrkir úr
Háskólasjóði
Eftir Ólaf Þ. Stephensen
olafur@mbl.is
YFIRMAÐUR danska heraflans,
Hans Jesper Helsø hershöfðingi, seg-
ist bjartsýnn á að hægt verði að ljúka
samningum milli Íslands og Dan-
merkur um aukið samstarf í varnar-
og öryggismálum innan tveggja mán-
aða. Helsø segist gera ráð fyrir að
slíkur samningur muni einkum ná til
þátttöku Dana í heræfingum hér á
landi og skipta á upplýsingum.
Helsø kom hingað til lands í gær-
morgun til skrafs og ráðagerða við ís-
lenzk stjórnvöld og til að sjá með eigin
augum aðstæður á öryggissvæðinu á
Keflavíkurflugvelli, sem ætlunin er að
standi flugherjum annarra NATO-
ríkja til boða, m.a. í
æfingaskyni. Fyrr í
vikunni voru hér á
landi embættis-
menn dönsku varn-
ar- og utanríkis-
málaráðuneytanna,
sem ræddu við ís-
lenzk starfssystkin
sín og skoðuðu sig
um í Keflavík.
„Á embættismannastigi erum við
svo gott sem búin,“ segir Helsø. „Nú
þurfum við að útfæra samning, sem
setur samstarfinu ramma, og hann
ætti að geta verið tilbúinn eftir tvo
mánuði.“
Hershöfðinginn segist gera ráð fyrir
að orrustuþotur Dana komi hingað til
lands til æfinga af og til, en verði ekki
staðsettar hér varanlega. Eftirlitsflug-
vélar flughersins muni hins vegar ekki
geta lagt mikið af mörkum til eftirlits á
hafsvæðinu umhverfis Ísland; þær séu
þegar ofhlaðnar verkefnum. „Geta
okkar til eftirlitsflugs er mjög lítil. Við
eigum erfitt með að sinna eigin skyld-
um við Grænland og Færeyjar nú þeg-
ar og þær eru auðvitað í forgangi hjá
okkur,“ segir hann.
Helsø segist telja allt samstarf um
eftirlit með umferð í Norðurhöfum já-
kvætt. „Það getur verið að hægt sé að
koma á samstarfi, þar sem menn
leysa hverjir aðra af. Í mínum augum
er mikilvægara að koma upp kerfi,
þar sem hægt er að skiptast á upplýs-
ingum,“ segir Helsø. Hann segist
telja að slík skipti á upplýsingum
þurfi að þróa á milli þeirra ríkja, sem
eigi hagsmuna að gæta á svæðinu, þ.e.
Íslands, Danmerkur, Noregs, Kan-
ada og e.t.v. Bretlands.

Harðir Danir | 16
Samningar við Dani um
varnarmál langt komnir
Í HNOTSKURN
» Viðræður íslenzkra ogdanskra embættismanna
um aukið samstarf í öryggis-
og varnarmálum hófust í des-
ember.
» Einnig fara fram tvíhliðaviðræður við Noreg, Bret-
land og Kanada.
Hans Jesper
Helsø
Yfirmaður danska heraflans segir samkomulag geta náðst innan tveggja mánaða
Eftir Guðna Einarsson
gudni@mbl.is
VEIÐIMENN, sem fá úthlutað
veiðileyfi á hreindýr, ættu að gang-
ast undir sérstakt skotpróf að því
er fram kemur í ályktun aðalfundar
Félags leiðsögumanna með hrein-
dýraveiðum sem haldinn var ný-
lega. Leggur félagið til að ákvæði
um slíkt skotpróf verði sett í reglu-
gerð. Sævar Guðjónsson, formaður
félagsins, sagði ályktuninni beint til
þeirra sem fara með yfirstjórn
þessara mála, þ.e. Umhverfisstofn-
unar og ríkislögreglustjóra.
„Það hafa margir verið að sækja
um hreindýr í fyrsta skipti und-
anfarið. Samkvæmt gildandi
reglum þurfa þeir ekki að eiga
hreindýrariffil sjálfir, heldur nægir
þeim að hafa svonefnt B-skotvopna-
leyfi. Því miður koma menn á
hverju ári sem hreint út sagt kunna
ekki með stóra riffla að fara,“ sagði
Sævar. „Þeir hafa ekki fengið þá
þjálfun sem þarf. Þetta eru öflug og
hættuleg vopn, sérstaklega ef ekki
er farið rétt með þau.“
Sævar sagði að sem betur færi
ætti þetta alls ekki við um alla ný-
liða á hreindýraveiðum. Margir
hefðu æft sig vel og kæmu vel und-
irbúnir. Aðrir hefðu verið grenja-
skyttur og kynnu því vel með vopn-
in að fara. Hann sagði flesta hinna
illa undirbúnu veiðimanna vera
með lánsriffla. „Það er mjög einfalt
mál að fá lánaðan riffil í dag. Það er
nóg að vera með blaðsnepil í vas-
anum um að eigandinn láni þér riff-
ilinn með undirskrift hans og tíma-
setningu,“ sagði Sævar.
Leiðsögumennirnir eiga að
ganga úr skugga um að rifflar
veiðimanna séu rétt stilltir áður en
veiðar hefjast. Sævar segir að þótt
leiðsögumennirnir fari eftir því sé
það ekki nóg. Þær prófanir fari
gjarnan fram í flýti í upphafi veiða.
Veiðimenn fari í skotpróf
Formaður leiðsögumanna segir sumar hreindýraskyttur
ekki kunna með stóra og öfluga riffla að fara
Morgunblaðið/Andrés Skúlason
♦♦♦