Morgunblaðið - 29.03.2007, Blaðsíða 2

2 FIMMTUDAGUR 29. MARS 2007 MORGUNBLAÐIÐ
FRÉTTIR
Morgunblaðið Hádegismóum 2, 110 Reykjavík. Sími 5691100 Fréttir frett@mbl.is Fréttastjórar Ágúst Ingi Jónsson, aðstoðarfréttaritstjóri, aij@mbl.is Sigtryggur Sigtryggsson, aðstoðarfréttaritstjóri, sisi@mbl.is Viðskiptablað vidsk@mbl.is Umsjón Björn Jóhann Björnsson,
bjb@mbl.is Daglegt líf Guðbjörg Guðmundsdóttir, gudbjorg@mbl.is Menning menning@mbl.is Fríða Björk Ingvarsdóttir, ritstjórnarfulltrúi, fbi@mbl.is Umræðan | Bréf til blaðsins Guðlaug Sigurðardóttir, ritstjórnarfulltrúi, gudlaug@mbl.is Minningar minning@mbl.is, Stefán Ólafsson,
Arnór Ragnarsson Dagbók| Kirkjustarf Ellý H. Gunnarsdóttir, elly@mbl.is Íþróttir sport@mbl.is Sigmundur Ó. Steinarsson, fréttastjóri, sos@mbl.is Útvarp | Sjónvarp Hulda Kristinsdóttir, dagskra@mbl.is mbl.is netfrett@mbl.is Guðmundur Sv. Hermannsson fréttastjóri gummi@mbl.is
Hringdu í 530 2400 og fáðu Heimaöryggi í áskrift!
www.oryggi.is
Hver vaktar
þitt heimili
um páskana?
Hi
m
in
n
og
h
af
/
SÍ
A
Eftir Sunnu Ósk Logadóttur
sunna@mbl.is
AÐEINS þrír birgjar hafa lækkað
vörur frá áramótum samkvæmt
frétt Neytendasamtakanna (NS).
Enginn innlendur framleiðandi
matvöru hefur lækkað.
Í byrjun ársins hækkuðu birgjar
verð. Nokkrar skýringar voru þá
gefnar og þar voru gengisbreyting-
ar í lok síðasta árs helst nefndar.
Þá hafði krónan veikst og innfluttar
vörur og hráefni hækkuðu því í
verði. En frá áramótum hefur krón-
an verið að styrkjast og gengisvísi-
talan lækkað um 4,7%, benda NS á.
Þrír birgjar hafa af þessari ástæðu
lækkað verð á vörum sínum. „Það
eru ekki margir þegar listinn yfir
birgja sem hækkuðu í janúar og
febrúar er skoðaður en þá hækkaði
31 birgir verð á vörum sínum,“ seg-
ir í frétt Neytendasamtakanna, en
listinn er birtur á vefsíðu þeirra,
ns.is. Innnes reið á vaðið og lækk-
aði vörur sínar um 2–3,5% 20. febr-
úar sl. Ásbjörn Ólafsson lækkaði
svo um 2% 1. mars og Íslensk-
ameríska um 3% frá sama tíma.
„Innflytjendur, verið sjálfum ykkur
samkvæmir,“ segir í fréttinni.
„Ekki að falla aftur og aftur á sama
prófinu.“
Kom þægilega á óvart
„Ég verð að viðurkenna að það
kom mér þægilega á óvart að sjá
þetta,“ segir Andrés Magnússon,
framkvæmdastjóri Félags íslenskra
stórkaupmanna, FÍS, um frétt NS.
„Þarna bregðast þrjú stór og afger-
andi fyrirtæki á markaðinum mjög
vel við.“
Hann bendir á að fyrirtæki hafi
misjafna stefnu varðandi verðbreyt-
ingar. Sum breyti verði oft á ári í
samræmi við sveiflur, önnur breyti
sjaldnar og horfi yfir lengra tímabil.
Þá bendir hann ennfremur á að á
listanum yfir fyrirtæki sem hafi
lækkað, sé ekki „eitt einasta ís-
lenskt iðnfyrirtæki. Það eru ekki
síður þau sem eiga að bregðast við
því megnið af þeirra aðföngum er
innflutt,“ segir Andrés og á þarna
t.d. við kex-, sælgætis- og gos-
drykkjaframleiðendur. „Matvöru-
heildsalarnir standa sig vel, þeir
sem eru fulltrúar erlendra framleið-
enda, en hins vegar er athyglisvert
að iðnfyrirtækin standa sig ekki vel,
sem eru þó með 25–30% af mat-
arkörfunni okkar.“
Þrír birgjar hafa
lækkað vöruverðið
Í HNOTSKURN
»Frá áramótum hefur doll-arinn lækkað um 5,1%,
evran um 4,3%, dönsk króna
um 4,2% og pundið um 5,2%.
»Sveinn Hannesson, fram-kvæmdastjóri Samtaka
iðnaðarins, hafði ekki séð frétt
NS þegar Morgunblaðið náði
tali af honum en sagði að mál-
ið yrði skoðað.
Vestmannaeyjar | Gíslína Magn-
úsdóttir í Vestmannaeyjum, oftast
kölluð Ína, lenti heldur betur í
óvenjulegri
reynslu í síðustu
viku. Hún hafði
pantað tölur frá
Reykjavík en
þegar hún opn-
aði umslag, sem
hún fékk í póst-
inum, var það
fullt af pen-
ingum. Ína vissi
ekki hvaðan á sig
stóð veðrið en málið fékk farsælan
endi og peningarnir komust til
skila.
„Ég var búin að hringja um alla
Reykjavík til að leita að tölum á
peysu sem ég var að prjóna,“ segir
Ína þegar hún er spurð um forsögu
málsins. „Svo í einni búðinni var
mér bent á verslun þar sem þær
gætu hugsanlega fengist og hringdi
þangað. Ég varð mjög glöð og
ánægð þegar kom í ljós að tölurnar
voru til og ekkert mál að fá þær
sendar í póstkröfu. Svo kom póst-
urinn seinnipart föstudags með
brúnt umslag og ég borga fyrir töl-
urnar.
Henti pakkanum frá sér
Þegar ég opnaði umslagið sá ég
að inni í því var minni pakki og mér
fannst hann eitthvað þykkur. Ég
opna þennan pakka og þá vella
bara út 5.000-, 1.000- og 500-kallar,
ávísanir og posakvittanir. Mér al-
veg dauðbrá og henti þessu frá
mér,“ segir Ína.
„Ég fór svo að athuga hvort
þetta væri ekki örugglega frá
versluninni og ég sá að umslagið
var frá þeim og hringdi og sagðist
ekki hafa átt að fá peninga heldur
tölur. „Guð, þetta er sala dagsins,“
sagði stúlkan og ég sendi henni allt
til baka í ábyrgðarbréfi. Ég hélt ég
gæti lagt peningana inn á banka-
reikning en það var ekki hægt
vegna þess að með í þessu voru
posakvittanir og var mikið fegin
þegar ég var búin að ganga frá
þessu.“
Ína fékk svo stóran pakka með
póstinum nokkru seinna og í hon-
um voru ekki bara tölurnar heldur
líka falleg gjöf og þakkarbréf.
Pantaði tölur en
fékk kassauppgjörið
Gíslína
Magnúsdóttir
VALGERÐUR Sverrisdóttir utan-
ríkisráðherra átti síðdegis í gær fund
með William Hague, fyrrverandi for-
manni breska
Íhaldsflokksins,
og núverandi
talsmanni flokks-
ins í utanríkis-
málum.
Á fundinum
greindi utanríkis-
ráðherra meðal
annars frá við-
ræðum íslenskra
stjórnvalda við grannríki á norðan-
verðu Atlantshafi um öryggis- og
varnarmál. Einnig voru rædd mál-
efni Evrópusambandsins og alþjóða-
mál. Hague hitti einnig Geir H.
Haarde forsætisráðherra að máli í
gær.
Hague var kjörinn leiðtogi Íhalds-
flokksins árið 1997. Hann sagði af
sér því embætti eftir ósigur flokks-
ins í þingkosningunum árið 2001.
Fundað
með William
Hague
William Hague
STURLA Böðvarsson samgöngu-
ráðherra sagðist í gær telja að sú til-
laga sem Ístak og Sjóvá hafa lagt
fram um Suðurlandsveg væri áhuga-
verð. Afköst vegar af þessari gerð
væru örugglega nægjanleg. Ístak
telur hægt að leggja 2+2-Suður-
landsveg fyrir 7,5–8 milljarða, en þar
er gert ráð fyrir hringtorgum í meira
mæli en Vegagerðin reiknaði með í
sinni tillögu.
„Ég fagna þessum mikla áhuga
sem kemur fram núna hjá fjárfestum
og verktökum á því að koma inn í
vegagerð á forsendum breyttra
vegalaga. Með breyttum vegalögum
voru skapaðar forsendur til að bjóða
út vegagerð í einkaframkvæmd þar
sem einkaaðilar geta spreytt sig í
hönnun, framkvæmdum o.s.frv.“
Sturla sagði ljóst að verkið yrði
boðið út og Ístak
og Sjóvá fengju
tækifæri til að
bjóða í, en fyrir-
tækin væru búin
að undirbúa sig
og velta þessu vel
fyrir sér.
Sturla sagði að
unnið væri að
undirbúningi
framkvæmda við Suðurlandsveg.
Hann sagði nauðsynlegt að sveitar-
félögin kláruðu vinnu við skipulag á
svæðinu, en þau væru að vinna að
þessu í samvinnu við Vegagerðina.
Skipulagið snerist m.a. um tengingu
við hliðarvegi.
Vegagerðin ætlar að skoða tillög-
ur Ístaks og Sjóvár um 2+2-Suður-
landsveg. Jón Helgason, fram-
kvæmdastjóri framkvæmdasviðs
Vegagerðarinnar, segir að hægt sé
að reikna út kostnað við veginn út frá
mismunandi forsendum. Suður-
landsvegur sé aðalflutningsæð og
það sé spurning hvaða kröfur menn
vilji gera um greiðfærni á slíkum
vegi. Vegagerðin vinni með þrjá
staðla fyrir fjögurra akreina veg og
starfsmenn hennar hafi velt fyrir sér
kostum þess að hafa styttra á milli
akstursleiðanna. Í tillögu Ístaks er
gert ráð fyrir að 2,5 metrar séu á
milli akstursleiða, en í tillögu Vega-
gerðarinnar er miðað við 11 metra.
Jón segir að það séu ýmsir þættir
sem tengjast þessari vegagerð sem
eigi eftir að skoða betur. Það þurfi
m.a. að skoða tengingu hliðarvega
við Suðurlandsveg. Það sé því tals-
verð skipulagsvinna eftir.
Fagnar áhuga einka-
aðila á Suðurlandsvegi
Sveitarfélögin þurfa að ljúka skipulagsvinnu á svæðinu
Sturla Böðvarsson
PÁSKASÖFNUN Hjálparstarfs
kirkjunnar hófst í gær og opnaði
Valgerður Sverrisdóttir utanrík-
isráðherra söfnunina. Einnig var
opnuð ljósmyndasýning Kristjáns
Inga Einarssonar, Andlit Indlands,
í Smáralind en þar sýnir hann
myndir sem teknar voru á vett-
vangi hjálparstarfsins nú í janúar.
Söfnunarfénu verður varið til að
veita fátækum börnum og ung-
mennum úr hópi stéttlausra á Ind-
landi tækifæri til menntunar.
Hjálparstarf kirkjunnar styður
tvenn samtök á Indlandi í því skyni.
Börnin búa á heimavist, fá fæði, föt
og lækniseftirlit ásamt öllu sem lýt-
ur að náminu. Sérstakur forskóli er
rekinn fyrir stéttlaus börn til að
búa þau undir almenna skólagöngu.
Eins rekur Hjálparstarfið fimm
kvöldskóla þar sem börn í skulda-
ánauð og þrælavinnu sækja und-
irbúningsnám fyrir almenna skóla.
Hægt er að taka þátt í söfnuninni
m.a. með því að greiða á mbl.is til
næsta fimmtudags.
Páskasöfnun fyrir indversk börn
Morgunblaðið/Sverrir
Á vettvangi Ljósmyndasýning Kristjáns Inga Einarssonar, Andlit Indlands, var opnuð í Smáralind í gær.