Morgunblaðið - 24.05.2007, Qupperneq 21

MORGUNBLAÐIÐ FIMMTUDAGUR 24. MAÍ 2007 21
HÖFUÐBORGARSVÆÐIÐ
FRAMKVÆMDASVIÐ Reykja-
víkurborgar kynnti í gær úthlut-
unarreglur og aðferðafræði vegna
nýs hverfis í Úlfarsárdal. Í fyrsta
sinn er farin sú leið að kynna
hverfið á Netinu og þeir sem
áhuga hafa geta kynnt sér úrval
lóðanna á vef Reykjavíkurborgar
undir hlekknum veldu þinn stað.
Stefnt er að því að Úlfarsárdalur
verði fullbyggður í lok kjörtíma-
bilsins.
„Við erum að kynna í fyrsta lagi
þessar úthlutunarreglur, þ.e.
hvaða skilyrði fólk þarf að uppfylla
til að geta sótt um og hvaða að-
ferðir við munum nota til að velja
umsækjendur,“ segir Óskar
Bergsson, formaður framkvæmda-
ráðs Reykjavíkurborgar.
Sá sem fyrstur er dreginn
fær fyrsta valrétt
Að sögn Óskars eru þeir sem
standast greiðslumat gildir um-
sækjendur. „Þegar allar umsóknir
eru saman komnar verður dregið
um umsækjendur. Sá sem fyrstur
er dreginn út fær fyrsta valrétt og
síðan koll af kolli,“ segir Óskar.
Opnuð hefur verið slóð á vef
borgarinnar, veldu þinn stað, og
þar er hægt að skoða lóðir hvort
sem er í nýbyggingarhverfum eða
á þéttingarsvæðum. „Þetta er
fyrst og fremst gert til að benda
fólki á það að nægt framboð verð-
ur á byggingarlóðum í Reykjavík á
næstu fjórum árum,“ segir Óskar.
„Það missir enginn af lestinni
þannig að við bendum fólki á að
ekki liggur endilega á að sækja um
núna. Kannski hentar svæðið sem
verður úthlutað 2008-2009 betur
þeim sem áhuga hafa. Þess vegna
kynnum við þessa áætlun kjör-
tímabilsins með þessu heiti; veldu
þinn stað,“ upplýsir Óskar og bæt-
ir við að þeir sem ekki fá lóð í þess-
ari úthlutun eiga góða möguleika á
því að fá lóð í næstu úthlutun.
Allur Úlfarsárdalur hefur verið
afmarkaður og „við munum leggja
mun meiri áherslu á sérbýli en
fjölbýli“, segir Óskar. „Fólk getur
séð á vefnum hvar lóðirnar verða á
næstu árum og við stefnum að því
að Úlfarsárdalur verði fullbyggður
í lok kjörtímabilsins.“ Fram kem-
ur þó í máli Óskars að sá fyrirvari
sé settur að ef eftirspurn eftir lóð-
um minnkar muni verða dregið úr
framboði til mótvægis.
Verð lóðanna er mun lægra en
verið hefur; 11 milljónir fyrir ein-
býlishúsalóð, 7,5 milljónir fyrir
raðhúsa- og parhúsalóðir og 4,5
milljónir fyrir fjölbýlishúsalóðir.
„Við munum leggja áherslu á að
hverfin byggist hratt upp, og vísa
þá til almennra byggingaskilmála í
Reykjavík. Það er skuldbindandi
fyrir fólk að fá lóð í Reykjavík sem
þýðir að hefjast verður handa
strax við hönnun og framkvæmd-
ir,“ segir Óskar og að ef ekki verði
farið eftir því verði lóðin innkölluð
til baka. „Við ætlum að byggja alla
þjónustu upp samhliða uppbygg-
ingu hverfisins og þá skiptir máli
fyrir borgina að íbúarnir komi
jafnharðan inn, því við ætlum að
vera búnir að byggja leikskóla,
grunnskóla og íþróttamannvirki
um það leyti sem fyrstu íbúar
flytja inn.“
Ný aðferð við úthlutun lóða sem hefst í nýju hverfi í Reykjavík í dag
Úlfarsárdalur fullbyggður
í lok þessa kjörtímabils
Morgunblaðið/G.Rúnar
Kynning Framkvæmdasvið Reykjavíkurborgar kynnti uppbyggingar-
áform og tilhögun við lóðaúthlutun í Úlfarsárdal í gær. Óskar Bergs-
son, formaður framkvæmdasviðs, heldur á kynningarbæklingnum.
Í HNOTSKURN
»Lóðir við Freyjubrunn,Friggjarbrunn, Iðunnar-
brunn, Gefjunarbrunn, Úlfars-
braut og Lofnarbrunn 10–12
eru tilbúnar. Hið sama á við um
Skyggnisbraut 8–12 og Friggj-
arbrunn 53–55.
»Lóðir sem verður úthlutað íjúní á þessu ári verða bygg-
ingarhæfar í október/nóvem-
ber.
»Þeir sem ekki fá úthlutað ífyrstu umferð þurfa að
endurnýja umsóknir sínar fyrir
næstu úthlutun.
EKIÐ verður á öllum leiðum Strætó bs. á
30 mínútna fresti frá 3. júní og fram til
18. ágúst í sumar. Núna aka allar leiðir,
utan leiðar 23 á Álftanesi, á 20 mínútna
fresti. Í tilkynningu frá byggðasamlaginu
segir að ástæður þessa séu 40–50% fækk-
un farþega á sumrin vegna skólaleyfa og
sumarorlofa og ákveðnar sparnaðar-
kröfur frá eigendum Strætós bs. Breyt-
ingarnar byggist á umfangsmiklum taln-
ingum frá haustinu 2006 og vorinu 2007.
Strætó bs. segir einnig að erfitt sé að fá
sumarafleysingafólk til starfa eins og
nánast alls staðar annars staðar á land-
inu.
Frá og með 19. ágúst í sumar munu
valdar leiðir aka á 15 mínútna fresti. Seg-
ir í tilkynningu Strætós bs. að nokkrar af
þessum völdu leiðum muni aka á 15 mín-
útna fresti allan daginn en aðrar á ann-
atímum.
Komið verði til móts við óskir um betri
tengingar innan hverfa í Grafarvogi,
Grafarholti/Árbæ, Kópavogi og Hafnar-
firði.
Morgunblaðið/ÞÖK
Á hálftíma fresti Strætisvagnar aka á 30
mínútna fresti frá 3. júní.
Ferðum fækkað
hjá Strætó bs.
Morgunblaðið/Skapti Hallgrímsson
Já eða nei? Arinbjörn Þórarinsson, eigandi hússins númer 4 við Sómatún,
stendur hér á lóð hússins númer 6 fyrr í vetur. Hús Arinbjörns er í baksýn.
„VIÐ erum afar leiðir yfir þessu máli
og finnst þetta vera okkar annars
góða bæjarfélagi til skammar; að al-
menningur í bænum geti ekki treyst
því að Akureyrarbær fari eftir úr-
skurðum þeirra hlutlausu stofnana
sem eiga að leysa ágreining á milli
íbúa og stjórnenda síns sveitarfé-
lags,“ segir Arinbjörn Þórarinsson,
eigandi hússins við Sómatún 4, í kjöl-
far þess að bæjarstjórn samþykkti í
fyrradag tillögu skipulagsnefndar
um breytingu deiliskipulags við
Sómatún, sem er í Naustahverfi, nýj-
asta hverfi bæjarins.
Fordæmi?
Arinbjörn er annar tveggja hús-
eigenda sem kærðu Akureyrarbæ
fyrir að heimila byggingu tveggja
hæða einbýlishúss á milli húsa þeirra
sem bæði eru á einni hæð, því skv.
deiliskipulagi hafi aðeins verið heim-
ilt að veita leyfi fyrir einnar hæðar
húsi á umræddri lóð.
Þeir Arinbjörn mátu niðurstöðu
úrskurðarnefndar skipulags- og
byggingarmála (USB) sér í hag en
bæjaryfirvöld ekki.
Í bókun skipulagsnefndar, vegna
þessa máls, á síðasta fundi segir að
hönnuðir deiliskipulagsins hafi skýrt
út með breytingartillögunni, sem nú
var samþykkt, grunnhugsun og hug-
myndafræði deiliskipulagsins varð-
andi byggingu einbýlishúsa þar sem
landhalli er fyrir hendi. „Skipulags-
nefnd telur að með breytingu þessari
sé verið að skýra og leiðrétta mis-
ræmi, annars vegar á uppdráttum og
í sérskilmálum til þess að fyrir-
byggja mismunandi túlkun deili-
skipulagsskilmála við afgreiðslu
mála í hverfinu til framtíðar.“
Arinbjörn er því algjörlega ósam-
mála að um misræmi hafi verið að
ræða. „Mér finnst rétt að bæjastjóri
okkar svari fyrir það hvort þetta séu
þau vinnubrögð sem tekin verða upp
hér með og ástunduð í framtíðinni.
Hér er í raun búið að setja fordæmi
og íbúar geta engu treyst um að þótt
þeir hafi réttinn sín megin verði eftir
því farið,“ segir Arinbjörn.
Kærum aftur
„Við munum kæra þetta aftur til
USB og erum þegar farnir að vinna í
þeirri kæru og förum fram á að
framkvæmdir við hið umdeilda hús
hefjist ekki fyrr en búið er að úr-
skurða í málinu á ný. Við erum nú
þegar búin að eyða hundruðum þús-
unda króna til að verjast þessum
gjörningi Akureyrarbæjar en við
munum halda áfram að leita allra
leiða til að koma í veg fyrir að þetta
verði.“
Arinbjörn er ákveðinn í því hvers
hann krefst ef svo illa fer, eins og
hann orðar það, að ákvörðun bæj-
aryfirvalda stendur: „Þá mun ég fara
fram á Akureyrarbær beri kostnað-
inn af teikningu og byggingu nýs hús
á tveimur hæðum – auk kostnaðar
við niðurrif á því húsi sem við hugð-
umst flytja inn í núna um mánaða-
mótin – á þeim forsendum að deili-
skipulagsgögnin hafi verið gölluð
eins og Akureyrarbær er nú að við-
urkenna með gjörningi þessum. Í
raun tel ég að allir hinir 16 sem völdu
sér lóðir samkvæmt þessum gögnum
hafi þá rétt á hinu sama.“
Bærinn rífi húsið og reisi
nýtt standi úrskurðurinn
Í HNOTSKURN
»Sómatún er efst og syðst ínýjasta hverfi bæjarins,
Naustahverfi.
»Efst og vestast við götunaverða fimm einbýlishús;
fjögur voru merkt einnar hæð-
ar á deiliskipulagskorti frá
2005 en eitt tveggja hæða. Þau
verða líklega a.m.k. tvö.
TILLÖGUR bæjaryfirvalda um
uppbyggingu á svæði íþróttafélags-
ins Þórs voru kynntar félagsmönn-
um í gærkvöldi. Þær gera ráð fyrir
frjálsíþróttavelli á austurhluta
svæðisins en keppnisvelli fyrir
knattspyrnu, gervigrasi, með stúku
á vesturhlutanum.
Akureyrarvöllur verður lagður
af, sem kunnugt er, og aðstaða
byggð upp í staðinn á svæðum Þórs
og KA. Uppbyggingin á Þórssvæð-
inu er liður í því að skapa frjáls-
íþróttaaðstöðu fyrir Landsmót ung-
mennafélaganna 2009.
Í tillögunum er gert ráð fyrir að
á milli vallanna á Þórssvæðinu
verði upphækkun, mön, og áhorf-
endapallar. Stúka verði hins vegar
reist vestan við gervigrasið árin
2011 til 2013. Gert er ráð fyrir því
að Þór fái til æfinga svæðið á milli
verslunarmiðstöðvarinnar í Sunnu-
hlíð og félagsheimilisins Hamars.
Þórsurum kynntar
tillögur bæjarins









2
3-

!
"
456 
17
89
:3
3;
7
AKUREYRI