Morgunblaðið - 24.05.2007, Blaðsíða 26
ferðalög
26 FIMMTUDAGUR 24. MAÍ 2007 MORGUNBLAÐIÐ
Í
slenskir kylfingar sækja í æ
ríkari mæli til útlanda til að
spila golf, þá helst á vorin
áður en golftímabilið hefst
hér á landi, eða á haustin eft-
ir að tímabilinu hér lýkur. Stöðugt
koma nýir áfangastaðir inn í mynd-
ina hjá ferðaskrifstofunum og einn
þeirra staða sem eru tiltölulega nýir
er Belek-héraðið í Tyrklandi. Þar
eru átta átján holu golfvellir og þrír
níu holu vellir auk þess sem fimm
átján holu vellir eru í byggingu og
verða tilbúnir í haust. Þá geta kylf-
ingar valið um þrettán velli á til-
tölulega litlu svæði.
Flestir vellirnir eru í tengslum við
hótel enda er þetta svæði byggt upp
fyrir ferðamenn og vinsældir stað-
arins aukast stöðugt og leikið er allt
árið um kring, nema einna síst í júlí
og ágúst en þá verður fullheitt til að
leika golf.
Frábært hótel og nýtt í haust
Við gistum á hóteli sem heitir
Gloria og er í eigu forríks Tyrkja.
Þar eru tvö flott hótel við hliðina á
tveimur átján holu golfvöllum og ein-
um níu holu þannig að ekki þarf að
fara út af svæðinu til að eiga ánægju-
legar stundir á frábærum golfvöllum.
Að sögn Peters Salmons hjá golf-
deild Úrvals-Útsýnar valdi hann
Gloria-hótelið vegna góðrar þjónustu
þar, og það reyndust engar ýkjur.
Hótelið er mjög gott og nýtt verður
tekið í notkun í haust og er það enn
glæsilegra þannig að Íslendingar
sem fara í golf til Tyrklands í haust
geta hlakkað til. Stutt er á golfvellina
og eru bílar í förum þar á milli allan
daginn á vegum hótelsins og golfvall-
anna, sem eru með sameiginlegt
klúbbhús. Þegar komið er í klúbb-
húsið er tekið vel á móti manni, sett-
in eru sett á kerrur eða bíla eftir því
hvort menn velja og að leik loknum
eru þau tekin og hreinsuð og komið
fyrir í geymslu þar sem ganga má að
þeim hreinum og fínum daginn eftir.
Þjórfé ekki vandamál
Eitt er það sem íslenskir ferða-
menn erlendis eru oft í vandræðum
með og það er þjórfé. Á að gefa
þjórfé? Hversu mikið?
Þetta „vandamál“ leysti Peter með
skemmtilegum hætti. Næstsíðasta
daginn í ferðinni greiddu menn hon-
um 30 evrur og skipti hann þeim á
milli þeirra sem sáu um kylfurnar á
golfvellinum, bílstjóranna sem
keyrðu á milli golfvallarins og hótels-
ins og strákanna á hótelinu sem sáu
um farangurinn þar. Ekkert vanda-
mál með þjórfé og allir ánægðir.
Öll aðstaða á golfvellinum er góð,
þægilegt klúbbhús þar sem menn
fengu skápa til að geyma fötin sín í,
fín æfingaaðstaða, tveir mjög
skemmtilegir og góðir átján holu
golfvellir sem eru talsvert mismun-
andi og svo einn níu holu sem var
fínn.
Lífið er leikur einn
Gloria-hótelið, „þar sem lífið er
leikur einn“ eins og slagorð hótelsins
er, olli ekki vonbrigðum. Fín her-
bergi, frábær sundlaugargarður og
aðeins tveggja mínútna gangur á
ströndina. Á hótelinu var sömuleiðis
flott heilsulind þar sem hægt var að
fá margskonar nudd, tyrkneskt bað-
hús, gufubað og upphituð innisund-
laug. Á hótelherbergjunum biðu
sloppar og inniskór gesta þannig að
þægilegt var að skjótast niður í nudd
eða sólbað eftir erfiðan dag á golf-
vellinum.
Á nýja vellinum á Gloria-svæðinu
var á dögunum haldið mót í evr-
ópskri mótaröð eldri kylfinga. Þar
mættu margir frægir kappar og
reyndu með sér og fyrir þá sem hafa
spilað þar getur verið fróðlegt að sjá
hvernig þeim gekk í baráttunni við
tré og vötn sem virtust þvælast dálít-
ið fyrir sumum íslensku kylfinganna
– þar á meðal mér.
Mótið vannst á 10 höggum undir
pari en leiknir voru þrír hringir. Til
gamans má geta þess að Sam Torr-
ance var á þremur höggum undir
pari en eini heimamaðurinn í mótinu,
Remzi Irier, náði sér ekki fyllilega á
strik því hann var á 51 höggi yfir
pari, fékk 20 pör á hringjunum þrem-
ur.
Skotsilfur er óþarft
Þegar komið var á hótelið fengu
gestir kort sem gekk að herberginu
og var einnig greiðslukort sem menn
notuðu á hótelinu og golfvellinum.
Þetta þýddi að fólk þurfti ekki að
vera með peninga á sér, enda ekki
hægt að greiða með þeim fyrr en við
brottför þegar reikningurinn var
gerður upp.
Allir eru þarna í hálfu fæði, flottur
morgunverður og síðan gríðarlega
fjölbreytt kvöldverðarhlaðborð þar
sem drykkir voru innifaldir. Einnig
er hægt að fara á sérstaka veit-
ingastaði á hótelinu og öðru Gloria-
hóteli skammt frá, en þá urðu menn
að greiða fyrir drykkina með matn-
um.
Helstu kostirnir við þennan stað
eru að golfvellirnir eru mjög góðir og
snyrtilegir og greinilegt að þó svo
Tyrkir spili ekki mikið golf, þá kunna
þeir til verka við gerð og viðhald
golfvalla. Þjónustulund þeirra er
einnig mjög góð og allt skipulag í
kringum golfið til mikillar fyrir-
myndar.
skuli@mbl.is
Glæsileiki í golfi í Tyrklandi
Fallegt sólarlag Það er ekki hægt að kvarta yfir útsýninu sem blasir við á Gloria golf vellinum í Tyrklandi.
Þægindi fyrir alla aldurshópa Það var gott að tylla sér niður við klúbbhúsið eftir leik.
Góð yfirsýn Séð yfir níundu brautina á nýja vellinum.
Hvernig dettur mönnum í hug að fara til Tyrklands til
að spila golf? Sárafáir Tyrkir spila golf og því
dálítið furðulegt að þar í landi skuli finnast golfvellir.
En sú er engu að síður reyndin eins og Skúli Unnar
Sveinsson komst að um páskana þegar hann
ásamt 80 öðrum kylfingum hélt til Belek á suður-
strönd Tyrklands til að leika golf í tíu daga.
Þegar komið er í klúbb-
húsið er tekið vel á móti
manni, settin eru sett á
kerrur eða bíla eftir því
hvort menn velja og að
leik loknum eru þau tekin
og hreinsuð og komið fyrir
í geymslu þar sem ganga
má að þeim hreinum og
fínum daginn eftir.
Ljósmynd/Sigfús Hreiðarsson