Morgunblaðið - 24.05.2007, Blaðsíða 22

|fimmtudagur|24. 5. 2007| mbl.is
daglegtlíf
Hrefnukjöt, fjallalamb, grísa-
steik, hamborgarar og kjúklinga-
bringur eru meðal þess sem
verslanir bjóða á tilboði. » 24
helgartilboð
Um áttatíu kylfingar héldu til
Belek á suðurströnd Tyrklands
og tilgangurinn var að leika golf
í tíu daga. » 26
ferðalög
Sumarfríið stendur fyrir dyrum
en hvað er hægt að gera þegar
loforð ferðaskrifstofunnar
standast ekki? » 24
neytendur
Eftir Kristínu Heiðu Kristinsdóttur
khk@mbl.is
Ég hef alltaf verið ævin-týramaður og lifað fyrirdrauminn og augnablikið.Ég er bæði villimaður og
guðsmaður. Ef einhverjum finnst
það bilun hvernig ég lifi, þá er það
allt í lagi, af því að sá lífsháttur sem
ég hef kosið mér gerir mig ham-
ingjusaman,“ segir Guðmundur Sig-
urvaldason sem gefur ekki mikið
fyrir veraldleg gæði. Hann býr við
frekar fábrotnar aðstæður ef borið
er saman við höllum lík einbýlishús
með öllum mögulegum þægindum.
Það fer vel um hann þar sem hann
býr í litlu húsi í Lækjarbotnalandi
rétt utan við borgina. Þar sjá vind-
mylla og sólarsella honum fyrir raf-
magni og eina upphitunin er eldur
sem logar í veglegri kamínu.
„Þetta er draumurinn minn og hér
líður mér vel. Ég hef allt það raf-
magn sem ég þarf, þó svo að Lands-
virkjun skaffi mér það ekki. Ég
keypti þetta hús fyrir sex árum
ásamt föður mínum og þá var hvorki
rennandi vatn né klósett hér, en ég
hef bætt úr því og ég er búinn að
endurbyggja húsið að mestu leyti.
Ég þekki hvern einasta nagla hér.
Húsið heitir Selhólar enda eru rústir
af sauðakofum hér í nágrenninu.“
Á förum til Afríku
En vatnaskil eru í lífi Guðmundar
um þessar mundir, því hann hefur
sett litla húsið sitt á sölu og ætlar að
flytja til Kenýa.
„Ég hef lengi verið heillaður af
Afríku og ég dvaldi í Kenýa um tíma
fyrir ári. Þar kynntist ég konu og við
giftum okkur samkvæmt hennar
ættbálkahefð og ég byggði hús
handa okkur og fjölskyldu hennar í
heimabænum hennar. Ég byggði
þetta hús á fimm vikum með góðri
hjálp fjögurra heimamanna. Ég mál-
aði bros á hlið hússins sem snýr út að
aðalgötunni og fólk sem gengur hjá
fer ósjálfrátt að brosa. Draumurinn
minn er að koma í veg fyrir að fólkið
þarna missi sig inn í kapítalíska
hugsun,“ segir Guðmundur sem hef-
ur iðkað búddisma í tuttugu ár. „Mér
leið eins og ég væri kominn heim
þegar ég kynntist búddisma. Þar er
áherslan lögð á hið mannlega og ei-
lífa hringrás. Búddismi gengur út á
það að vera sjálfstæð mannvera sem
er óháð og getur flætt innra með
sjálfri sér. Allt annað er bónus, ver-
aldleg gæði og annað slíkt. Þetta
snýst um að vera heildrænn, vera
hluti af öllum heiminum og ekki háð-
ur neinu. Ef maður er háður, þá get-
ur maður ekki notið. Enginn er sama
manneskja að kvöldi og hann var að
morgni. En flestir vilja vera bundnir
við gærdaginn og þora ekki að stíga
út fyrir rammann.“
Guðmundur hefur komið víða við
um dagana, hann hefur verið sjó-
maður, tók fullan þátt í hippamenn-
ingunni og bjó um tíma í Svíþjóð,
Noregi og Danmörku. Uppáhalds-
starfið hans var vinna í steinsmiðjum
í Kaupmannahöfn á sínum tíma. Það
þótti honum skapandi enda er hand-
verk honum í blóð borið.
Guðmundur segist vera baráttu-
maður og hann heillast af fólki sem
svíkur ekki sannfæringu sína fyrir
kótilettuklippingu og skjalatösku.
Að þora að láta
draumana rætast
Morgunblaðið/ÞÖK
Andstæður Húsbúnaður er einfaldur og hveitigrasið fer vel við tölvuna
sem vindmyllan framleiðir rafmagn fyrir.
Sælureitur Guðmundi líður vel í Selhólum, umvafinn náttúrunni.
Altari Búdda Guð-
mundur smíðaði
það úr gömlum
gólffjölum.
GARÐPLÖNTUFRAMLEIÐENDUR eru nú að
merkja íslenskar garðplöntur og sumarblóm
með íslensku fánaröndinni. Þetta er gert til að
neytendur átti sig betur á því hvaða plöntur
eru íslensk ræktun og hverjar ekki.
„Við höfum orðið vör við að neytendur vilja
gjarnan kaupa íslenska vöru,“ segir Helga
Hauksdóttir, framkvæmdastjóri Sambands
garðyrkjubænda. „Þegar plönturnar eru ekki
merktar halda margir að þær séu íslenskar og
oft er raunin sú en með þessu á ekki að fara á
milli mála hvað er íslenskt og hvað ekki.“
Hún segir nokkurn mun á íslenskum garð-
plöntum og þeim sem eru ræktaðar erlendis. „Í
fyrsta lagi eru íslenskir framleiðendur búnir
að velja ákveðið garðplöntuúrval sem er harð-
gert og hentar fyrir íslenskar aðstæður. Í öðru
lagi er búið að herða íslensku sumarblómin í
gróðrarstöðvunum, svo að þær eru tilbúnar út í
íslenska sumarið. Ágætur garðplöntuframleið-
andi orðaði það þannig að íslensku plönturnar
hefðu hlotið strangt uppeldi!“
Í fréttatilkynningu frá Sambandi garð-
yrkjubænda segir að kuldatíðin undanfarið
hafi seinkað útplöntun sumarblóma og ann-
arra garðplantna. Þó ætti að vera óhætt að
gróðursetja á næstu dögum en garðeigendur
eru hvattir til að leita upplýsinga hjá starfs-
fólki gróðrarstöðva og annarra sölustaða um
eiginleika íslenskra garðplantna. Fánalitir Samband garðyrkjubænda merkir íslenskar plöntur nú með fánaröndinni.
Fánalitirnir við
íslenskar garðplöntur