Morgunblaðið - 23.06.2007, Blaðsíða 22

ÁRBORGARSVÆÐIÐ
Eftir Sigurð Jónsson
Selfoss | „Bankarnir hafa breyst
mikið frá því sem var fyrir nokkr-
um árum. Þetta er ekki lengur bara
spurning um lán eða bankabók
þegar fólk kemur hér inn, heldur er
hér almenn fjármálaþjónusta varð-
andi verðbréf, lífeyrissparnað, fast-
eignakaup og almennan sparnað
svo eitthvað sé nefnt,“ segir Guð-
mundur Stefánsson, útibússtjóri
Kaupþings banka á Selfossi, en ný-
lega voru gerðar miklar endurbæt-
ur og breytingar á útibúinu og m.a.
var skipt um allar innréttingar.
Guðmundur hefur sinnt starfi
útibússtjóra frá haustinu 2005 en
hann starfaði áður meðal annars
hjá Lánasjóði landbúnaðarins í sex
ár, frá 1999.
Lítil alhliða bankastofnun
„Hingað kemur fólk og útibúið
sinnir erindum þess, en stærri og
umfangsmeiri mál eru þó unnin í
samráði viðhöfuðstöðvar bankans.
Hér er veitt alhliða fjármálaþjón-
usta, hvaða nafni sem hún nefnist.
Bankastarfsmenn vinna núna á
mun breiðara sviði en var áður. Það
má í raun segja að útibú eins og
okkar sé lítil alhliða bankastofnun
sem veitir víðtæka bankaþjónustu
jafnt einstaklingum og atvinnulíf-
inu.
Við erum með aðalbankann að
bakhjarli sem gefur okkur mikinn
styrk og áherslur okkar eru að
sjálfsögðu þær sömu og hans. Við
bjóðum hér alla þá bankaþjónustu
sem viðskiptavinir okkar þurfa á að
halda og hagur viðskiptavina okkar
er okkar hagur. Það skýrir m.a. þá
áherslu sem við leggjum á að kynna
hverjum og einum það framboð
bankaþjónustu sem við bjóðum og
leggjum áherslu á að viðskiptavinir
sem koma í bankann fari út með
sem bestar upplýsingar og tilboð
um þjónustu sem gæti hentað
hverjum og einum. Við viljum að
fólk fari frá okkur vitandi meira um
það hvernig það gæti hagað hlut-
unum og við höfum margt áhuga-
vert fram að færa í þeim efnum,“
sagði Guðmundur sem er þeirrar
skoðunar að bankastarfsemi á Sel-
fossi muni eflast enn frekar með
vexti byggðarinnar.
„Hér eru miklir vaxtarmöguleik-
ar. Ég held að fjarlægð okkar og
nálægð við höfuðborgarsvæðið sé
okkar styrkur. Við erum eiginlega
valkostur bæði fyrir þá sem vilja
ekki vera á höfuðborgarsvæðinu og
líka fyrir þá sem vilja vera þar.
Fjarlægðin í tíma mun styttast
með endurbótum á Suðurlandsvegi
sem er mjög jákvætt fyrir þetta
svæði.
Það er mjög gott að starfa hérna
í bankanum. Þetta er fjölbreytt og
lifandi starf þar sem maður kynnist
mörgum og sér í innviði samfélags-
ins sem er mjög áhugavert. Svo er
ákaflega gaman að taka þátt í erli
svæðisins. Það eru miklar vænting-
ar hér á svæðinu enda mikil upp-
bygging. Svæðið er að vaxa og á
eftir að vaxa enn frekar. Það má
segja að Selfoss sé að verða „ein
með öllu“ eins og sagt er, en þá á ég
við að hér er flest það til staðar sem
allt venjulegt fólk þarfnast.“
Áhugi á hestum
„Áhugamál mín og konunnar
minnar eru einkum tengd hesta-
mennsku, en við eigum fáein hross.
Mér finnst líka gott að vera heima
hjá mér og svo eigum við athvarf í
húsi í Flatey á Breiðafirði og finnst
ákaflega gott og gaman að skreppa
þangað, hvort sem er til skemmri
eða lengri tíma,“ sagði Guðmundur
Stefánsson.
Fjarlægðin og nálægðin við
höfuðborgina er styrkur
Morgunblaðið/Sigurður Jónsson
Útibússtjóri Guðmundur Stefánsson, útibússtjóri Kaupþings banka á Selfossi, á skrifstofu sinni.
Eyrarbakki | Boðað er til Jónsmessuhátíð-
ar á Eyrarbakka í níunda skipti í dag.
„Það er forn og góður siður að koma sam-
an á Jónsmessunótt, gera sér glaðan dag
og leita töfragrasa og náttúrusteina. Jóns-
messunóttin er ein magnaðasta nótt ársins
og hver veit nema kýr tali og selir fari úr
hömum að þessu sinni,“ segir í frétta-
tilkynningu um hátíðina.
Farin verður fróðleiksferð um vestasta
hluta hinna fornu Eyra undir leiðsögn Ei-
ríks Guðmundssonar í Hátúni. Myndlist-
arsýningar verða í Óðinshúsi þar sem
Reynir Katrínarson, Hvít Víðbláinn
galdrameistari og listamaður, sýnir og í
Merkigili sýnir Elvar Guðni úrval verka
sinna. Kristín Vilhjálmsdóttir í Sigtúni,
Eygerður og Erlingur Bjarnason á Tún-
götu 28 og Elsa, Pjetur og fjölskyldan í
Sólvangi ætla að opna híbýli sín upp á gátt
og bjóða upp á spjall og spekúleringar um
miðjan daginn. Eyjólfur og Guðmundur í
Epal og fjölskyldur þeirra ætla að sýna
Nýjabæ (austasta) og segja frá endurbygg-
ingu hússins. Söfnin verða opin allan dag-
inn. Þar eru sýningar og uppákomur.
Sögulegt búðaráp verður um kvöldmat-
arleytið en þá rifjar Magnús Karel Hann-
esson upp hve margar búðir voru á Bakk-
anum á blómaskeiði þorpsins. Dagskránni
lýkur svo með miðsumarsbrennu í fjörunni
vestan við þorpið þar sem Bjarni Harð-
arson ávarpar samkomugesti og Bakka-
bandið spilar undir söng og dansi.
Leita töfragrasa
og náttúrusteina
Hvít Víðbláinn Reynir Katrínarson við
eina af myndum sem hann sýnir.
Morgunblaðið/Sigurður Jónsson
TÖLUVERÐAR verðbreytingar
hafa orðið í matvöruverslunum á
Norðurlandi eystra síðustu mánuði
skv. mælingum Verðlagseftirlits
Alþýðusambands Íslands. Þetta
kemur fram á heimasíðu Einingar-
Iðju.
Verðlagseftirlit ASÍ hefur fylgst
náið með verðlagi í matvöruversl-
unum um land allt til þess að meta
hvernig lækkanir á virðisaukaskatti
og vörugjöldum 1. mars sl. skila
sér út í verðlag til neytenda. Fylgst
var með verðlagi frá því í desember
og fram í febrúar, og síðan breyt-
ingum á milli febrúar og mars.
Verðbreytingar í matvöruversl-
unum á Norðurlandi eystra voru á
bilinu 0,2% lækkun til 4,3% hækk-
un milli desember og febrúar. Mest
verðhækkun, 4,3%, var í 10-11 sem
starfrækir verslanir á Akureyri en
verð í verslunum Samkaupa-Úrvals
á svæðinu lækkaði um 0,2% á sama
tíma.
Verð lækkaði á bilinu 5,6% til
7,7% milli verðmælinga í febrúar-
og marsmánuði. Mesta verðlækkun
var í Hagkaupum, 7,7% og Bónus
7,6%, sem starfrækja verslanir á
Akureyri, og í Kaskó, 7,4% sem
rekur verslun á Húsavík. Minnsta
verðlækkun mældist eftir breyting-
arnar í verslunum Samkaupa-
Strax, 5,6% og Samkaupa-Úrvals,
5,9%.
Töluverðar breyting-
ar á verði matvöru
AKUREYRI
HÁSKÓLINN á Akureyri og
Reykjalundur, endurhæfing-
armiðstöð SÍBS í Mosfellsbæ,
hafa gert með sér samkomu-
lag sem miðar að því að efla
kennslu og rannsóknir í end-
urhæfingu.
Reykjalundur tekur með
samkomulaginu að sér hlut-
verk kennslustofnunar í vett-
vangsnámi, klínísku námi, fyr-
ir nema HA í iðjuþjálfun og
hjúkrunarfræði og fer námið
fram á Reykjalundi. Samn-
ingsaðilar segjast vænta mik-
ils af þessu samstarfi.
Nemar í HA
á Reykjalund
Laugavegi 170, 2. hæð.
Opið virka daga kl. 8-17.
Sími 552 1400 ● Fax 552 1405
www.fold.is ● fold@fold.is
Þjónustusími eftir lokun er 694 1401.
Úlfljótsvatn – Vatnsbakkalóð
Einstaklega falleg lóð við Úlfljótsvatns. Lóðin er 8.234 fm eignarlóð. Gesta-
hús í smíðum er á lóðinni. Hitaveita og rafmagn verður á svæðinu. Falleg
fjallasýn og veiðiréttur í vatninu. Verð 14,0 millj.
ÁRLEG flughelgi Flugsafns Íslands
á Akureyri verður um helgina og
verður margt áhugavert í boði eins
og venjulega, og forvitnileg Jóns-
messuhátíð er á dagskrá í Kjarna-
skógi í kvöld.
Fjöldi flugvéla verður sýndur á
Flugsafninu. Meðal þeirra verður
gömul Apache-vél, TF-JMH, sem
keypt var til landsins af Tryggva
Helgasyni með stuðningi kvenna-
deildar Slysavarnafélagsins á Akur-
eyri árið 1959. Einkennisstafir vél-
arinnar eru upphafsstafir í nafni
bróður Tryggva, Jóhanns Magnúsar
Helgasonar sem hafði farist í flug-
slysi nokkru áður.
Vélin var sú fyrsta sinnar tegund-
ar í sínum stærðarflokki og þjónaði
sem sjúkraflugvél norðanlands um
langt skeið. Einnig var hún notuð til
síldarleitar og farþegaflugs.
Nýlega er lokið stórviðgerð á vél-
inni þar sem leitast hefur verið við að
færa hana til upprunalegs horfs.
Eigandi er Magnús Þorsteinsson.
Meðal dagskrárliða í dag er Ís-
landsmót í listflugi frá klukkan 10 til
12, þá tekur við „montflug meistar-
ans“ til kl. 13 og frá kl. 13 til 14 verð-
ur athöfn í nýju húsnæði Flugsafns-
ins á Akureyrarflugvelli og í
framhaldi, allt til kl. 17, verða ýmsar
tegundir loftfara á sveimi; vélflugur,
svifflug, fis og þyrlur og fallhlífar-
stökk verður sýnt. Á sama tíma verð-
ur í boði útsýnisflug í flugvél og
þyrlu. Á morgun, sunnudag, verður
einnig boðið upp á útsýnisflug, á milli
kl. 11 og 17, og kl. 13.30 til 17 verður
sýnt listflug og svifflug.
„Njálsbrenna“ í Kjarnaskógi
Jónsmessuhátíð verður í Kjarna-
skógi í kvöld frá kl. 19 til 22.30.
Boðið verður upp á sýningu á
verkum barna úr listasmiðjum og
leikskólanum Flúðum, en verkin eru
byggð á endursögðum sögum úr
Njálu, Eglu og Laxdælu fyrir börn
eftir Brynhildi Þórarinsdóttur. Þjóð-
hetjur og skörungar setja svip sinn á
skóginn og „Njálsbrenna“ er meðal
þess sem verður í boði …
Fjölbreytt flughelgi
og „Njálsbrenna“
Morgunblaðið/Skapti Hallgrímsson
Glæsileg(ir) Arngrímur Jóhanns-
son og Magnús Þorsteinsson um
borð í JMT-vél Magnúsar í gær;
fyrstu vélinni sem Arngrímur flaug
að einhverju ráði.
Sýna Apache-vél
sem Akureyringar
þekktu vel áður
22 LAUGARDAGUR 23. JÚNÍ 2007 MORGUNBLAÐIÐ