Morgunblaðið - 23.06.2007, Blaðsíða 23

MORGUNBLAÐIÐ LAUGARDAGUR 23. JÚNÍ 2007 23
LANDIÐ
Raufarhöfn | Gengið hefur verið
frá samningi við Norðurvík á Dal-
vík um framkvæmdir við viðbygg-
ingu og endurbætur á Heilsugæslu
Raufarhafnar. Verkið kostar 52
milljónir kr.
Samningurinn var undirritaður
við athöfn á Raufarhöfn. Gísli
Tryggvason, Framkvæmdasýslu
ríkisins, skrifaði undir fyrir hönd
heilbrigðis- og tryggingaráðuneyt-
isins, Jón Helgi Björnsson fram-
kvæmdastjóri fyrir Heilbrigðis-
stofnun Þingeyinga og Þórólfur
Aðalsteinsson, framkvæmdastjóri
Norðurvíkur.
Vinna við verkið hefst á næstu
dögum og á að ljúka fyrir lok jan-
úar næstkomandi.
Að loknum þessum breytingum
mun starfaðstaða batna verulega
og aðstæður verða eins og best
verður á kosið. Aðkoma með sjúk-
linga á börum hefur verið erfið, en
þeir erfiðleikar verða úr sögunni að
breytingunum loknum.
Morgunblaðið/Erlingur Thoroddsen
Samið Jón Helgi Björnsson, Þórólfur Aðalsteinsson og Gísli Tryggvason
gengu frá verksamningi um heilsugæsluna á Raufarhöfn.
Byggja við heilsugæsluna
Landsveit | Heklusetrið á Leiru-
bakka efnir til árlegrar sögu- og
menningargöngu á Jónsmessunni,
og verður lagt af stað frá Heklu-
setrinu kl. 16 á laugardaginn. Að
þessu sinni verður gengið að
Stórasteini í hlíðum Næfurholts, en
þar gerðust undarlegir atburðir á
19. öld. Þaðan verður svo gengið
að gamla bæjarstæðinu í Næfur-
holti.
Söguganga
við Heklu
Skagafjörður | Kaþólski dagurinn á
Hólum verður næstkomandi sunnu-
dag. Messað verður í Hóladóm-
kirkju kl. 11 þar sem vígslubiskup
Hólastiftis, Jón Aðalsteinn Bald-
vinsson, þjónar fyrir altari og
Gunnar Eyjólfsson leikari prédik-
ar.
Klukkan 14 sama dag verða tón-
leikar Spilmanna Ríkínís í Auð-
unarstofu sem kallast Kaþólski
arfurinn í „hymnalagi“ á 17. öld. Á
efnisskrá Spilmanna er tónlist frá
16. og 17. öld úr handritum og
Hólaprenti.
Sumarstarfið á Hólum hófst í
byrjun júní og er Hóladómkirkja
opin alla daga frá 10 til 18 út ágúst
og ýmsar sýningar eru á staðnum.
Kaþólskur
dagur á Hólum
Vatnsnes | Sumarhátíðin Bjartar
nætur verður haldin í Hamarsbúð á
Vatnsnesi á Jónsmessunni, í dag, og
hefst klukkan 19.
Þetta er orðinn árviss atburður
þar sem Húsfreyjurnar á Vatnsnesi
framreiða margskonar sælkera-
rétti á fjöruhlaðborði, sumir rétt-
irnir eru afar fáséðir á borðum
landsmanna.
Gönguferðir eru fyrr um daginn.
Fáséðir réttir
á borðum
Fljótsdalshérað | Skógardagurinn
mikli verður haldinn í Hallorms-
staðarskógi á Jónsmessunni, laug-
ardaginn 23. júní.
Undanfarin tvö ár hefur Félag
skógarbænda á Héraði, Héraðs-
skógar og Skógrækt ríkisins staðið
fyrir Skógardeginum mikla í Mörk-
inni á Jónsmessunni, sem er afmæl-
isdagur skógræktar á Héraði. Í ár
verður boðið upp á dagskrá fyrir
alla fjölskylduna. Skógarhlaupið er
haldið og Íslandsmeistaramótið í
skógarhöggi. Nauta- og skógar-
bændur heilgrilla naut og bjóða
gestum að smakka með viðeigandi
meðlæti.
Charles Ross og félagar flytja
frumsamið tónverk, Tóti tannálfur
og Jósafat mannahrellir verða í
stuði og trúðarnir Búri og Bína
verða á svæðinu.
Skógardagur
á Jónsmessunni
Grindavík | Bláa lónið og Grinda-
víkurbær standa í kvöld fyrir ár-
legri Jónsmessugöngu á fjallað
Þorbjörn. Lagt verður af stað frá
sundlaug Grindavíkur kl. 20.30 og
er áætlað að gangan taki um þrjár
klukkustundir.
Þegar á toppinn er komið mun
Jónsi og félagar skemmta með söng
og spili við varðeld. Göngunni lýkur
við Bláa lónið sem verður opið til
klukkan eitt eftir miðnætti í tilefni
göngunnar.
Gengið á
Þorbjörn
Eftir Helga Bjarnason
Hveragerði | Nýtt íbúðahverfi rís á
næstu 8 til 10 árum vestan við núver-
andi byggð í Hveragerði, og upp að
Kömbunum. Þar verða 260 íbúðir í
blandaðri byggð. Samningur um
uppbygginguna milli landeigandans,
Kambalands ehf., og Hveragerðis-
bæjar hefur verið samþykktur í bæj-
arstjórn Hveragerðisbæjar og er
reiknað með að fyrstu lóðirnar verði
boðnar með haustinu.
Kambaland ehf. hefur keypt upp
byggingarlandið, sem meðal annars
tilheyrði Öxnalæk, af mörgum eig-
endum og óskaði eftir samstarfi við
Hveragerðisbæ um skipulag þess og
uppbyggingu. Jafnframt gerði fyrir-
tækið bænum kauptilboð í 6,5 ha
spildu sem er í eigu bæjarins. Sam-
þykkt var að selja landið á 55 millj-
ónir kr. Samtals er byggingarsvæði
Kambalands 30 hektarar.
Bæjarfélaginu hagstætt
Aldís Hafsteinsdóttir bæjarstjóri
leggur áherslu á að í þessu tilviki
hafi landeigandi samband við bæj-
aryfirvöld og óskað sé eftir samstarfi
sem sé bænum mjög hagstætt.
Kambaland mun annast alla gatna-
gerð og lagnir í hverfinu. Fyrirtækið
mun auk þess greiða Hveragerðisbæ
vissa fjárhæð fyrir hverja íbúð sem
seld er, til samfélagsuppbyggingar.
Mun sú fjárhæð, sem í heildina verð-
ur um 110 milljónir kr., ganga til
byggingar leikskóla. Fyrirtækið
leggur lóðina til endurgjaldslaust og
greiðir helming kostnaðar við gerð
sparkvallar. Auk þess er í samstarfs-
samningnum gert ráð fyrir að lóð-
irnar í hverfinu falli til bæjarins við
útgáfu framkvæmdaleyfis fyrir
hverjum verkáfanga og í kjölfarið
innheimti Hveragerðisbær lóðar-
leigu af íbúðareigendum á svæðinu.
Á svæðinu er gert ráð fyrir bygg-
ingu um 260 íbúða, þar af 220 sérbýla
og 40 íbúða í fjölbýlishúsum. Und-
anfarið hefur verið unnið að deili-
skipulagningu svæðisins og hefur
bæjarstjórn þegar samþykkt að aug-
lýsa deiliskipulagið.
Magnús Jónatansson, fram-
kvæmdastjóri Kambalands, segir að
landið undir Kömbunum sé fallegt
byggingarland. Það sé vel staðsett,
nær sé ekki hægt að komast höfuð-
borgarsvæðinu á Suðurlandi. Þá
muni tvöföldun Suðurlandsvegar
tryggja góðar samgöngur.
260 íbúða hverfi rís
undir Kömbunum
Eftir Sigurð Sigmundsson
Hrunamannahreppur | Jón Óli Einarsson, bóndi í
Tungufelli, fann blesóttan tófuyrðling í greni sem
hann og frændi hans, Guðni Guðbergsson fiski-
fræðingur, unnu í svonefndu Holti rétt innan við
afréttargirðingu á Hrunamannaafrétti. Fjórir
yrðlingar voru í greninu, hinir voru mórauðir.
Yrðlingarnir eru allir lifandi ennþá í búri
heima í Tungufelli og eru þeir almórauðu grimm-
ari og vilja bíta manninn, en ekki sá blesótti.
Hann er greinilega blendingur af Shadow-stofni
en refurinn, sem unninn var, var einnig blesóttur.
Greinilegt er að refir hafa sloppið úr búrum loð-
dýrabúa og segir Ísólfur Gylfi Pálmason það al-
varlegt mál. Hins vegar kæmi það sér vel að eiga
dugmiklar og færar refaskyttur til að bregðast
við.
Þeir frændur hafa stundað grenjavinnslu á
Hrunamannaafrétti undanfarin vor og fara allt
að Kerlingarfjöllum. Mikið er af tófu um alla Ár-
nessýslu en nú liggja refaskyttur á grenjum, vítt
og breitt, en hegðunarmynstur hennar er breytt.
Tófan var nær ekkert í byggð hér á árum áður.
Menn telja að verulega sjái á fuglalífinu vegna
þessa.Morgunblaðið/Sigurður Sigmundsson
Blesóttur blend-
ingur á greni
WWW.EBK.DK
Á þessum fundi þar sem hægt er að fá einkaviðtöl getum við skýrt þér frá þeim byggingarmöguleikum
sem í boði eru fyrir þig miðað við húsin okkar, byggingaraðferðir og afgreiðsluskilyrði við að reisa hús á
Íslandi. Gerum tilboð samkvæmt ykkar hugmyndum og óskum.
Skráning í einkaviðtal á www.ebk.dk eða beint hjá söluráðgjafa:
Trine Lundgaard Olsen - farsími nr. +45 61 62 05 25 – netfang: tlo@ebk.dk
Anders Ingemann Jensen - farsími nr.+45 40 20 32 38 – netfang: aj@ebk.dk
Söluráðgjafar eru dönsku- og enskutalandi.
Vinsamlegast virðið tímaskráningu.
EBK Huse A/S hefur meira en 30 ára reynslu af því að byggja og reisa sumarbústaði úr tré.
Þekkt dönsk gæðahönnun. EBK Huse er meðal leiðandi fyrirtækja á markaðinum, með
4 útibú í Danmörku og 4 útibú í Þýskalandi. Höfum einnig margra ára reynslu af
sumarhúsbyggingum á Íslandi, Þýskalandi og Færeyjum.
EBK Huse A/S býður hér með til byggingarfundar
28. júní og 29. júní 2007 í Reykjavík.
BELLA CENTER: +45-32 52 46 54, C.F. Møllers Allé, Ørestaden, København
Mán.- mið. og lau. 13-17, Sun. og helgidaga 11-17
7
2
7
5
Ert þú í byggingarhugleiðingum?
DANSKIR GÆÐASUMARBÚSTAÐIR (HEILSÁRSBÚSTAÐIR)
Traustur kaupandi óskar eftir 250-400 fm einbýlishúsi í Þingholtunum.
Staðgreiðsla í boði. Rýmingartími samkomulag.
Allar nánari upplýsingar veita Sverrir og Kjartan
Sverrir Kristinsson, löggiltur fasteignasali
Húseign í Þinholtunum óskast