Morgunblaðið - 23.06.2007, Blaðsíða 37

Fyrstu kynni mín af Hjölla voru
þegar ég kom með kærustunni með
Herjólfi frá Reykjavík og hann beið á
bryggjunni eftir okkur. Ég var kvíð-
inn, hvernig skyldi mér verða tekið?
En það var óþarfa kvíði, hann tók mér
ákaflega vel og ekki síður tengda-
mamma og ég er viss um að betri
tengdaforeldrar finnast varla.
Hjölli var múrari og ég að læra
smíði, þannig að hann þurfti oft að
benda mér á að múrararnir löguðu það
sem smiðirnir höfðu klúðrað, en alltaf
allt í góðu. Hann var ákaflega mikill
barnakarl og þegar við Gumma fórum
að eignast okkar börn þá átti hann þau
svo sannarlega líka. Hann elskaði að
hafa börnin í kringum sig og þau að
vera hjá honum.
Fyrstu árin okkar Gummu var oft
gott að leita til tengdó. Síðasta vetur-
inn minn í Iðnskólanum kláraði ég í
Vestmannaeyjum en þá var Hjölli
múrarameistari og var að byggja
vatnstank þar sem Höllin stendur nú.
Ég fékk vinnu með skólanum í járn-
bindingum hjá honum, þá var oft gam-
an í vinnunni. Hann að kenna mér
járnbindingu og ég lærlingurinn hjá
honum. Allt gekk þetta mjög vel. Við
bjuggum hjá tengdó með elsta barnið,
Ingu Björgu, þennan vetur en fluttum
í Hafnarfjörðinn að skóla loknum.
Hjölli var oft búinn að segja mér
sögur af veiði í Elliðaey og bauð mér
að koma með í veiði árið 1969. Það var
ákaflega gaman. Hann fór með mig á
Pálsnef og sýndi mér hvernig ætti að
veiða lunda og að snúa hann úr. Mér
gekk strax ágætlega að veiða en illa
gekk mér að snúa hann úr. Þá sagði
hann: „Hvað er þetta, drengur, vertu
bara ákveðinn,“ og sýndi mér aftur og
þá kom þetta allt saman.
Hjölli var góður tengdapabbi og
vorum við alla tíð góðir vinir og var
hann einnig ákaflega góður afi. Þegar
gaus í Eyjum kom öll fjölskyldan til
Hafnarfjarðar og bjó þar í gosinu.
Hjölli var vanur að keyra í Eyjum en
óvanur á höfuðborgarsvæðinu. Mikið
var maður oft smeykur í bílnum hjá
honum en alltaf slapp þetta fyrir horn.
Þau hjónin fluttu aftur til Eyja þegar
gosinu lauk og bjuggu þar upp frá því.
Síðustu árin voru þér og þínum oft
erfið. Þú oft mikið veikur en komst
alltaf til baka með brosið þitt og kímn-
ina og alltaf að hjálpa öðrum. Inga þín
hefur staðið þétt þér við hlið í öllum
þínum veikindum og ekki síður börnin
þín, tengdabörn og barnabörn. Ég
votta þeim mína dýpstu samúð.
Það voru forréttindi að fá að kynn-
ast þér, Hjölli minn. Hvíl í friði.
Þinn tengdasonur
Þórður.
Okkur systkinin langar til að minnast
okkar ástkæra afa. Það væri að bera í
bakkafullan lækinn að lýsa mannkost-
um hans, þá þekkja allir sem þekktu
Hjölla múr.
Það voru forréttindi að fá að alast upp í
nálægð við afa, hann var alltaf tilbúinn
að hjálpa manni og kenna, og taka þátt
í hrekkjabrögðum ýmiskonar.
Afi var sérlega skemmtilegur kall, það
fylgdi því alltaf mikill spenningur að
fara í heimsókn á Bröttugötuna þar
sem amma og afi bjuggu lengst af, fá
köku hjá ömmu og sögu hjá afa, það
var toppurinn. Þá eru ofarlega í huga,
jólaboðin og áramótin sem alltaf voru
glæsileg hjá ömmu og afa, stórfjöl-
skyldan kom saman og skemmti sér og
allir krakkarnir hittust og þá var gam-
an.
Svo þegar við bræður urðum eldri þá
fékk maður að fara með afa út í Elliða-
ey í lundaveiði. Það var mikil upplifun
að sitja með afa út á bjargbrún og fá
handleiðslu í því að háfa lundann, afi
var mjög lunkinn veiðimaður og því
lærðum við réttu handtökin mjög
fljótt. Hann var hrókur alls fagnaðar í
kofanum á kvöldin og þá var nú ósjald-
an gripið í spil. Þá var sá gamli í essinu
sínu, hann svindlaði alveg hrikalega og
skemmtilegast þótti honum þegar
meðspilararnir föttuðu það, þá tísti í
honum og eftir smá stund þá lágu allir
í hláturskasti, það var ekki hægt að
vera honum reiður.
Afi og amma eru búin að eiga langa og
farsæla lífsgöngu saman, á áttræðisaf-
mæli afa þá voru þau jafnástfangin og
daginn sem þau kynntust, afi söng
manna hæst og amma horfði á með
glampa í augum.
Afi okkar, nú er komið að leiðarlokum
hjá þér, eftir lifir minningin um ynd-
islegan mann sem alltaf var tilbúinn
að rétta fram hjálparhönd, hugga,
leiðbeina, nú eða bara hlusta á vanda-
mál okkar og koma með ráðleggingar.
Það er hægara sagt en gert að feta í
þín fótspor, afi, en það eru verðug fót-
spor að feta.
Elsku afi okkar, við söknum þín svo
mikið.
Megirðu hvíla í friði.
Þín barnabörn
Hjörleifur, Benjamín, Guðlaugur
Ingi, Guðlaug Birna og Inga Rós.
Elsku besti afi minn. Ég elska þig
svo mikið og sakna þín svo sárt. Ég
trúi því varla að þú sért farinn frá
okkur. Mig langar svo að halda utan
um þig og finna góðu afalyktina sem
var alltaf af þér. Þú varst mér alltaf
svo góður. Fyrstu 8 mánuðina eftir að
ég fæddist var bumban þín eini stað-
urinn sem ég gat sofið á. Þar leið mér
alltaf best. Þegar ég byrjaði í skóla,
neitaði ég að fara í skólann nema að
þú kæmir með mér, ég vildi hafa þig
hjá mér hvert sem ég fór, og á hverj-
um einasta degi fylgdir þú mér í skól-
ann, elsku afi minn. Þegar krakkarnir
í skólanum voru að spyrja mig hvaða
strák ég væri skotin í var ég ekki
lengi að svara, ég var skotin í þér og
þegar þau hlógu og sögðu að það væri
ekki hægt, þá sagði ég að það væri
sko víst hægt. Ég væri skotin í afa
mínum og þegar ég yrði stór að þá
ætlaði ég að giftast honum. Eftir
skóla fór ég svo alltaf upp í fram-
haldsskóla þar sem þú og amma vor-
uð bæði að vinna. Þar fékk ég stund-
um að hjálpa ömmu að þurrka af
töflunum en oftast elti ég þig um allt,
enda hefði ég helst viljað vera bundin
við þig allan sólarhringinn, ég var svo
háð þér. Það voru margir bíltúrarnir
sem ég fór með þér í. Þú fórst alltaf
með mig að skoða kindurnar og mér
þótti það svo gaman og alltaf varstu
svo glaður, afi minn. Þú varst alltaf
syngjandi eða raulandi eitthvað þegar
við vorum úti að keyra og mér fannst
svo gaman að hlusta á þig. Ég gat set-
ið tímunum saman í fanginu á þér í
brúna hægindastólum uppi á Bröttu-
götu og þú varst annaðhvort syngj-
andi eða að segja mér einhverjar
skemmtilegar sögur.
Elsku afi minn, ég á alveg heilan
helling af góðum minningum um þig.
Það var alltaf svo mikið líf og fjör í
kringum þig, afi minn og alltaf svo
gott að vera hjá þér. Öll skiptin sem
ég fór með þér í heimsókn til gamla
fólksins á elló, öll ættarmótin, sum-
arfríin, svo þegar ég fór með þér út í
Elliðaey og svo þegar þú flaugst með
mér á Bakka, því að ég vildi ekki fara
ein í flugvélina þegar ég var að fara í
heimsókn til ömmu og afa í Vík. Þær
voru ófáar næturnar sem ég fékk að
gista hjá þér og ömmu og alltaf svaf
ég í holunni á milli ykkar og hélt í
puttann á þér og ef ég rumskaði eitt-
hvað á nótunni þá var ég ekki lengi að
finna puttann á þér aftur og svaf þá
eins og engill því að þú varst hjá mér.
Elsku afi, síðustu dagar hafa verið
mjög erfiðir, að horfa á þig svona veik-
an, en ég fékk að sitja hjá þér uppi á
sjúkrahúsi og halda í höndina á þér og
halda í puttann á þér eins og ég gerði
alltaf þegar ég var lítil. Núna ertu
kominn til foreldra þinna og allra
systkina og ég vona að þér líði vel,
elsku afi minn. Elsku afi, ég þakka þér
fyrir allar þær góðu og yndislegu
stundir sem ég átti með þér. Ég mun
geyma allar þær góðu og dýrmætu
minningar sem ég á um þig í hjarta
mínu. Þú varst og ert án efa allra besti
afi sem hægt er að hugsa sér og ég
hlakka til að fá að hitta þig aftur, þeg-
ar minn tími kemur.
Elsku afi minn, ég elska þig óend-
anlega mikið, sofðu rótt, hvíl þú í friði.
Guð geymi þig.
Þín afastelpa
Hjördís Inga.
Elsku afi. Það er mér þungbært að
setjast niður og skrifa mína hinstu
kveðju til þín. Það er svo margt sem
kemur upp í hugann þegar ég hugsa
um þig og ömmu. Áramótin á Bröttu-
götunni, þar sem öll börnin ykkar og
fjölskyldur komu saman til að fagna.
Þá var fjölmennt og alltaf mikið fjör.
Heimsóknir okkar systkinanna til
ykkar eftir leikfimi. Það var sjaldnast
labbað lengra en upp á Bröttugötu frá
Íþróttahúsinu, þar sem oftar en ekki
var boðið upp á eitthvert góðgæti og
svo keyrðir þú okkur síðasta spölinn
heim. Eins eru kvöldvökurnar út í El-
liðaey ógleymanlegar í minningunni.
Það var farið út snemma morguns og
verið við veiðar allan daginn. Síðan
var spilað og sungið um kvöldið og oft
fram á nótt en alltaf varst þú fyrstur á
fætur, tókst veðrið og spáðir í veiði
næsta dags. Maður dáðist oft að kraft-
inum í ykkur körlunum. Spilamennsk-
an á kvöldin var óborganleg skemmt-
un. Hvað þú gast nú spilað á
spilafélaganna og hafðir alltaf jafn
gaman af. Eins gafstu þér alltaf tíma
til að spila við okkur peyjana. Þetta
var frábær tími.
Elsku afi. Síðustu ár voru þér og
ömmu erfið. Veikindi þín sóttu hart að
en oft þegar útlitið var dökkt reist þú
upp aftur, brosandi og stutt í húm-
orinn góða. Eitt breyttist þó aldrei og
það var hversu barngóður þú varst.
Því fékk ég að kynnast og síðar börnin
mín og sú yngsta, Selma Björt, var
einstaklega hænd að langafa sínum.
Eins var aðdáunarvert að fylgjast
með ykkur ömmu. Það var sama hvað
bjátaði á, alltaf voruð þið stoð og
stytta hvort annars.
Amma mín, við vottum þér og ykk-
ar börnum okkar dýpstu samúð.
Elsku afi, við erum þakklát fyrir að
hafa fengið að vera farþegar í lífs-
hlaupi þínu.
Takk afi, takk fyrir allt.
Sigursveinn, Eydís og börn.
 Fleiri minningargreinar um Hjör-
leif Guðnason bíða birtingar og
munu birtast í blaðinu næstu daga.
MORGUNBLAÐIÐ LAUGARDAGUR 23. JÚNÍ 2007 37
✝
Elskuleg móðir okkar, tengdamóðir, amma og langamma,
SIGRÍÐUR SIGURÐARDÓTTIR,
Lindargötu 57,
Reykjavík,
andaðist á líknardeild Landspítalans í Kópavogi þann 18. júní.
Guðrún K. Sigurðardóttir, Kjartan Stefánsson,
Klara Sigurðardóttir, Þröstur Lýðsson,
Árni Geir Sigurðsson,
barnabörn og barnabarnabörn.
✝
Hjartans þakkir til allra þeirra sem sýndu okkur
samúð og hlýhug við andlát og útför ástkærs
eiginmanns, sonar, föður, tengdaföður og afa,
MAGNÚSAR HELGA ÓLAFSSONAR
rafvirkja,
Stífluseli 1,
Reykjavík.
Guðbjörg Rósants Stefánsdóttir, Aðalheiður Dóra Magnúsdóttir,
Hanna Dóra Magnúsdóttir, Trausti Sigurðsson,
Ólafur Stefán Magnússon, Anna Rúnarsdóttir,
Helgi Magnússon, Geirlaug D. Oddsdóttir,
Skúli Magnússon og barnabörn.
✝
Elskuleg móðir okkar, tengdamóðir, amma og lang-
amma,
GUÐLAUG ÁGÚSTA VALDIMARSDÓTTIR,
Sóltúni 2,
Reykjavík,
andaðist miðvikudaginn 20. júní.
Útförin verður auglýst síðar.
Valdimar Einarsson, Þórdís Richter,
Hildur Einarsdóttir, Örn Kjærnested,
Einar Páll Einarsson,
barnabörn og barnabarnabörn.
✝
Móðir okkar, tengdamóðir, amma og langamma,
SIGRÍÐUR THEODÓRSDÓTTIR
jarðfræðingur,
Sjafnargötu 11,
Reykjavík,
andaðist 13. júní. Útför hennar verður gerð frá Fossvogskirkju,
mánudaginn 25. júní kl. 15.00.
Edda Þórarinsdóttir, Gísli Gestsson,
Freyr Þórarinsson, Kristín Geirsdóttir,
Kristín Þórarinsdóttir,
Bjarki Þórarinsson,
Helga Þórarinsdóttir,
Nanna Þórarinsdóttir,
barnabörn og barnabarnabörn.
✝
Ástkær móðir okkar, tengdamóðir, amma og
langamma,
ANNA JÓNSDÓTTIR
frá Hofsósi,
síðast hjúkrunarheimilinu Ás,
Hveragerði,
lést fimmtudaginn 20. júní. Útförin fer fram frá
Hveragerðiskirkju, mánudaginn 25. júní kl. 14.00.
Stefán Friðriksson, Ágústa Högnadóttir,
Elísabet Friðriksdóttir,
Björn Friðriksson, Lilja Ólafsdóttir,
Sveinn Friðriksson,
Friðrik Friðriksson, Þórey Guðlaugsdóttir,
barnabörn og barnabarnabörn.
✝
Hjartkær eiginmaður minn, faðir okkar, tengdafaðir,
afi, langafi, langalangafi og bróðir,
BENÓNÝ ARNÓRSSON,
Hömrum,
verður jarðsunginn frá Einarsstaðakirkju,
mánudaginn 25. júní kl. 14.00.
Valgerður Jónsdóttir,
Jón Friðrik Benónýsson, Bryndís Pétursdóttir,
Guðrún A. Benónýsdóttir, Jakob Kristjánsson,
Arnór Benónýsson, Ragnheiður Þórhallsdóttir,
Friðrika Benónýsdóttir,
Bergþóra Benónýsdóttir, Istvan Kekesy,
Hörður Þór Benónýsson, Freydís Anna Arngrímsdóttir,
barnabörn og þeirra fjölskyldur
og systkini hins látna.
✝
Okkar ástkæra eiginkona, móðir og amma,
ÁSDÍS SIGURÐARDÓTTIR,
Lerkihlíð 11,
Reykjavík,
lést á Kvennadeild Landspítalans, þriðjudaginn
19. júní. Útförin fer fram í kyrrþey að ósk hinnar
látnu.
Gísli Geir Jónsson,
Sigurður Hrafn Gíslason,
Kristinn Björn Marinósson,
Agnes Marinósdóttir,
Hjördís Marinósdóttir,
Marinó Breki Benjamínsson,
Ólafur Árni Arnarsson.