Morgunblaðið - 29.07.2007, Page 4

4 SUNNUDAGUR 29. JÚLÍ 2007 MORGUNBLAÐIÐ
FRÉTTIR
Hringdu í 530 2400 og kynntu þér málið!
www.oryggi.is
Prófaðu Heimaöryggi
í tvo mánuði í sumar
– ókeypis!
H
im
in
n
o
g
h
a
f
/
S
ÍA
Engin krafa er gerð um framhaldsviðskipti, engin skuldbinding!
Tilboðið er í boði á þeim þéttbýlisstöðum þar sem Öryggismiðstöðin
hefur þjónustuaðila og sinnir útkallsþjónustu.
Vegna fráb
ærra undir
tekta
framlengju
m við tilbo
ðið til
15. ágúst
Eftir Gunnhildi Finnsdóttur
gunnhildur@mbl.is
STARFSEMI templarahreyfingar-
innar I.O.G.T. í Galtalækjarskógi á
sér 40 ára langa sögu sem nú er að
ljúka, en samtökin seldu skóginn á
dögunum. Kaupendur voru systkinin
Karl og Ingunn Wernersbörn, en
þau hafa ekki gefið upp hverjar fyr-
irætlanir þeirra eru á svæðinu, fyrir
utan það að þau hyggist halda skóg-
ræktinni áfram.
Einar Hannesson, formaður
Reykjavíkurdeildar I.O.G.T., segir
að templarar hafi staðið fyrir bind-
indismótum frá því um 1960. Fyrstu
mótin voru haldin í Húsafelli, en svo
kom að því að templarar misstu þá
aðstöðu. „Þá var farið að leita að
heppilegum stað fyrir þessa starf-
semi og niðurstaðan var sú að Galta-
lækur varð fyrir valinu,“ segir Einar.
Fyrsta Galtalækjarhátíðin var
haldin strax árið eftir og síðan á
hverju ári þangað til í fyrra. „Þarna
var gerður leigusamningur, annars-
vegar við bændurna í Galtalæk og
hinsvegar við hreppsfélagið að við
yrðum þarna til 50 ára.“ Templara-
hreyfingin í Reykjavík keypti svo
landið í nokkrum áföngum fyrir
nokkrum árum.
Einar segir að skógurinn hafi ver-
ið á undanhaldi þegar þeir tóku við
landinu og fyrirsjáanlegt að hann
hyrfi alveg ef ekki yrði gripið í taum-
ana. „Við girtum landið og hlúðum að
því og gróðursettum tré, og síðan
sáði skógurinn sér sjálfur þegar
hann fékk að blómstra.“
I.O.G.T. byggði einnig upp þjón-
ustumiðstöð og gistiaðstöðu, auk
minni húsa, og snyrtingar og vatns-
veitu á svæðinu.
„Á þessum 40 árum hafa sjálf-
boðaliðar unnið gríðarlega mikið
starf, bæði í sambandi við uppbygg-
inguna og mótin,“ segir Einar.
Hann telur að starf templara í
Galtalæk hafi skilið fleira eftir sig en
ræktarlegan skóg og reisuleg hús.
„Bindindismótin hafa líka vakið at-
hygli á nauðsyn þess að fjölskyldan
gæti komið saman án þess að áfengi
væri haft um hönd. Þó að það hafi því
miður viljað brenna við að fullorðna
fólkið hafi ekki verið til fyrirmynd-
ar.“
Tjaldstæðið verður opið um versl-
unarmannahelgina og geta fjölskyld-
ur skemmt sér þar saman í vímu-
lausu umhverfi, en lítil skipulögð
dagskrá verður á svæðinu.
Fjörutíu ára starfi bindind-
ismanna lokið í Galtalæk
Fullorðna fólkið
var ekki alltaf til
fyrirmyndar
Morgunblaðið/Kristinn
Fjölskylduhátíð Oft var glatt á hjalla í Galtalækjarskógi en nú er sögu
bindindismótsins þar lokið. Tjaldstæði verður þó opið um næstu helgi.
HÁSKERPU
sjónvarpsútsend-
ingar (High Def-
inition – HD)
hefjast hjá Digi-
tal Ísland í haust
og verður Digital
Ísland fyrst til að
bjóða slíka þjón-
ustu hér á landi,
samkvæmt upp-
lýsingum Voda-
fone. Þegar eru hafnar tilraunir með
háskerpusendingarnar.
Vodafone, sem á og rekur dreifi-
kerfi Digital Ísland, hefur samið við
Sýn 2 um að enski boltinn verði
sendur út í háskerpu. Að sögn Gests
G. Gestssonar, framkvæmdastjóra
tæknisviðs Vodafone, er að auki
stefnt að því að bjóða upp á sérstaka
háskerpusjónvarpsrás með t.d. nátt-
úrulífsefni og öðru fræðsluefni. Að-
spurður hvort boðið verði upp á ís-
lenskar útsendingar í háskerpu
sagði Gestur það ráðast af efnis-
framleiðendum hér á landi. Fram-
leiðsla háskerpuefnis væri töluvert
dýrari en framleiðsla hefðbundins
sjónvarpsefnis. Gestur kvaðst eiga
von á að 365 verði með umfjöllun á
milli leikja í háskerpu. Þá verður
hljóð háskerpurása sent út í auknum
hljómgæðum (Dolby Stereo).
Háskerpuútsendingarnar verða til
að byrja með í boði á stór-höfuðborg-
arsvæðinu og á Akureyri. Viðskipta-
vinir Digital Íslands sem vilja sjá há-
skerpusjónvarpssendingar þurfa því
að leigja háskerpumyndlykil. Hann
nemur einnig hefðbundnar sjón-
varpssendingar og því nægir einn
myndlykill til að hafa aðgang að öll-
um útsendingum Digital Íslands. Að
sögn Gests liggur ekki fyrir hvaða
gjalds verður krafist sérstaklega
fyrir háskerpusjónvarpssendingarn-
ar. Hann sagði myndlyklana fyrir
háskerpusendingar vera dýrari en
fyrir hefðbundnar sjónvarpssend-
ingarnar. Flestar háskerpusjón-
varpsrásir verða sendar út með
breiðtjaldssniði (16:9).
Enski boltinn í háskerpu-
sjónvarpi Digital Íslands
Gestur G. Gestsson
framkvæmdastjóri
Í HNOTSKURN
»Í háskerpusjónvarpi (HighDefinition) eru tvöfalt
fleiri deplar í sjónvarpsmynd-
inni en áður.
»Myndin er mun skarpariog hljóðið einnig sent í
meiri gæðum (Dolby Stereo).
»Til að njóta háskerpu-útsendinga til fulls þarf
sérstök háskerpusjón-
varpstæki (HD Ready).
„VIÐ höfnum því
að víkja sæti í
málinu, það eru
engar forsendur
til þess,“ segir
Páll Gunnar Páls-
son, forstjóri
Samkeppniseftir-
litsins, um yfir-
lýsingu Mjólkur-
samsölunnar ehf.,
Auðhumlu svf. og
Osta- og smjörsölunnar frá því á
föstudag en þar kom fram að fyr-
irtækin hefðu ákveðið að höfða mál
fyrir Héraðsdómi Reykjavíkur á
hendur Samkeppniseftirlitinu. Fara
fyrirtækin fram á að fulltrúar Sam-
keppniseftirlitsins víki sæti í með-
ferð yfirstandandi stjórnsýslumáls
er varðar fyrirtækin, vegna opin-
berra ummæla þeirra um fyrirtækin.
„Öll okkar umfjöllun um þau fyr-
irtæki sem þarna eiga í hlut hefur
verið í tengslum við álit sem við gáf-
um út í haust. Í því áliti var vakin at-
hygli á því að mjólkurafurðastöðvar
væru ekki að öllu leyti settar undir
ákvæði samkeppnislaga, þ.e. ákvæði
um samrunaeftirlit og bann við sam-
ráði. Sú umfjöllun er ótengd því máli
sem nú er til rannsóknar,“ sagði Páll
Gunnar Pálsson.
Hyggst
ekki víkja
sæti
Páll Gunnar
Pálsson
Hafnar gagnrýni
mjólkurfyrirtækja
TVEIR meðlimir samtakanna Sa-
ving Iceland hafa verið dæmdir til
fangelsisvistar, að því er segir í til-
kynningu frá samtökunum, vegna
þátttöku í mótmælaaðgerðum gegn
ALCOA sumarið 2006.
Annar mótmælandinn er 23 ára
Breti, sem handtekinn var fyrir
helgi. Samkvæmt Saving Iceland var
henni tjáð að hún yrði að greiða
100.000 kr. sekt fyrir hlutdeild sína í
aðgerðunum í fyrra, ella sitja í fang-
elsi í 8 daga, og kaus hún hið síðara.
Hinn mótmælandinn er 21 árs Ís-
lendingur og mun hann sæta 18 daga
fangelsisvist í ágúst. Samtals hafa
því 3 mótmælendur verið dæmdir frá
2005. Í yfirlýsingunni segir einnig að
vegabréfum nokkurra mótmælenda
sé haldið eftir af lögreglu sem trygg-
ingu fyrir innheimtu sektargreiðslna
og staðfestir lögreglan það.
Vilja frekar
fangelsisvist
♦♦♦
HINN þriðja júlí fjölgaði í Akureyrarbæ um einn, og
með því urðu Akureyringar 17.000. Þá fæddist hjón-
unum Krzysztof Dziubinski og Beatu Mieczyslawa
Dziubinska sonur á Fjórðungssjúkrahúsinu á Akureyri,
en hann er fjórða barn þeirra. Drengurinn nýfæddi hef-
ur fengið nafnið Gabríel Óskar Dziubinski.
Á heimili Dziubinski-fjölskyldunnar er mikill gesta-
gangur um þessar mundir. Ættingjar, frændfólk, ömm-
ur og afar eru þar í heimsókn frá Póllandi til að hitta
nýjasta fjölskyldumeðliminn.
Gabríel kemur þó ekki til með að eignast nein yngri
systkini, allavega ekki ef elsta systir hans, Iwona Paul-
ina Dziubinska, fær einhverju ráðið:
„Nei, nei, nei, nei. Það er komið alveg nóg,“ segir hún
og brosir aðspurð hvort fleiri systkini séu í vændum.
Iwona talar reiprennandi íslensku þrátt fyrir að fjöl-
skyldan hafi einungis búið hér frá því í febrúar 2004.
Hún stundar nú nám við Verkmenntaskólann á Ak-
ureyri.
Krzysztof og Beatu vinna bæði á Norðlenska. Sem
stendur er Beatu í fæðingarorlofi en hann vinnur við
úrbeiningar og segist kunna vel við að vinna hjá fyr-
irtækinu.
Frá því fjölskyldan fluttist til Íslands hefur hún ein-
göngu dvalið á Akureyri. Fjölskyldan bjó áður í Ljublin
í Póllandi. „Okkur líkar mjög vel hérna,“ segir Iwona.
„Hér viljum við vera áfram. Þetta er góður bær.“
Gabríel Óskar Dziubinski er sautján þúsundasti Akureyringurinn
Mikill gestagangur
á heimilinu
Morgunblaðið/Hjálmar S. Brynjólfsson
Fjölskyldan Aleksander Dziubinski, Krzysztof Dziubinski, Gabríel Óskar Dziubinski, Beatu
Mieczyslawa Dziubinska, Iwona Paulina Dziubinska.