Morgunblaðið - 29.07.2007, Blaðsíða 19

MORGUNBLAÐIÐ SUNNUDAGUR 29. JÚLÍ 2007 19
Tilboðsveisla
Heimsferða
í ágúst
frá aðeins kr. 14.990
Skógarhlíð 18 • sími 595 1000 • www.heimsferdir.is
Munið Mastercard
ferðaávísunina
Heimsferðir bjóða síðustu sætin í ágústsólina austan- og vestan-
hafs, á hreint ótrúlegu verði. Tryggðu þér sumarfrí á frábærum kjör-
um! Nánari upplýsingar á www.heimsferdir.is.
Bókaðu núna!
Rhodos - síðustu sætin
4. ágúst UPPSELT
11. ágúst örfá sæti - 2 vikur frá kr. 49.990
18. ágúst örfá sæti frá kr. 49.990
25. ágúst örfá sæti frá kr. 49.990
Fuerteventura - síðustu sætin
7. ágúst 9 sæti frá kr. 44.990
14. ágúst 23 sæti frá kr. 39.990
21. ágúst örfá sæti - 2 vikur frá kr. 39.990
Montreal - Kanada - síðustu sætin
2. ágúst UPPSELT
9. ágúst 8 sæti frá kr. 29.990
16. ágúst örfá sæti frá kr. 29.990
23. ágúst örfá sæti frá kr. 29.990
30. ágúst örfá sæti frá kr. 29.990
Mallorca - síðustu sætin
3. ágúst UPPSELT
10. ágúst 6 sæti frá kr. 39.990
17. ágúst nokkur sæti frá kr. 39.990
24. ágúst nokkur sæti frá kr. 39.990
Costa del Sol - síðustu sætin
1. ágúst UPPSELT
8. ágúst 11 sæti frá kr. 23.990
15. ágúst örfá sæti - 2 vikur frá kr. 54.990
22. ágúst nokkur sæti frá kr. 39.990
Króatía - síðustu sætin
12. ágúst UPPSELT
19. ágúst örfá sæti frá kr. 39.990
26. ágúst örfá sæti frá kr. 39.990
Alicante - Benidorm - síðustu sætin
2. ágúst UPPSELT
9. ágúst 9 sæti frá kr. 14.990
16. ágúst 19 sæti frá kr. 14.990
23. ágúst nokkur sæti frá kr. 39.990
30. ágúst nokkur sæti frá kr. 39.990
Barcelona - síðustu sætin
3. ágúst 5 sæti - vikuferð frá kr. 49.990
10. ágúst 11 sæti - vikuferð frá kr. 49.990
17. ágúst 19 sæti - vikuferð frá kr. 49.990
24. ágúst örfá sæti frá kr. 34.090
Frábær sértilboð - síðustu sætin
ins en sinni síðan ekki börnunum,
sem sitji svipbirgðalaus við tölvuna
inni í næsta herbergi og meðtaki
sprengingarnar, hryllinginn og við-
bjóðinn, sem gjarnan fylgi þess hátt-
ar „skemmtun“. Hvetur Johnson for-
eldra til að beita síðustu
líkamskröftunum til að slökkva á
Desperate Housewives, hefja sig upp
úr stofusófanum, og rífa leikjatölvu
barnanna úr sambandi. Takist ekki
að stöðva öskrin í afkvæmunum beri
foreldrum að taka fram hamarinn og
mölva græjuna mélinu smærra.
Hörmungar og tækifæri
Einkalíf Johnsons hefur löngum
þótt í skrautlegra lagi. Hann var árið
2004 settur af sem ráðherra lista í
skuggaráðuneyti Íhaldsflokksins
eftir að upplýst hafði verið um fjög-
urra ára ástarsamband hans og
blaðakonu einnar, sem starfaði við
Spectator. Þótti sýnt að Johnson
hefði verið staðinn að lygum enda
hafði hann sagt fregnir af samband-
inu tilhæfulausar með öllu.
Johnson hefur nokkra reynslu af
brottrekstrum enda var honum ung-
um sagt upp hjá The Times fyrir að
hafa beislað skáldafákinn í frétt
einni. Um brottvikninguna árið 2004
sagði Johnson í dálki sínum í The
Daily Telegraph: „Kæru vinir, líkt og
ég hefi reynt á sjálfum mér eru
hörmungar ekki til, heldur aðeins ný
tækifæri og þar ræðir raunar um
tækifæri til að kalla yfir sig nýjar
hörmungar.“
Svitafýla og
sósíalískar samgöngur
Johnson hefur boðað að hann muni
leggja fram ítarlega stefnuskrá í
næsta mánuði. Hann hefur þegar
lýst yfir því að hann vilji bæta stöðu
þeirra, sem kjósa að fara um London
á hjólhesti og sagt að koma þurfi í
veg fyrir að „strætisvagnar sósíal-
ista“ ógni lífi og limum hjólreiða-
manna. Hann boðar einnig að jarð-
lestir verði gerðar þægilegri
samgöngumáti enda sé ótækt að
heilsu manna sé ógnað með því að
gera þeim að anda að sér svitafýlu úr
handarkrika þess sem næst þeim
stendur. Þörf sé á nýjum hugmynd-
um við stjórn borgarinnar; Ken Li-
vingstone hafi verið úr hófi fram af-
skiptasamur borgarstjóri og hann
hafi einbeitt sér að því að koma hugð-
arefnum sínum í framkvæmd í stað
þess að beina kröftum sínum að því
að gera líf borgarbúa þægilegra. „Ég
mun fá íbúa London til að brosa á
ný,“ sagði Johnson er hann skýrði
frá því að hann hefði ákveðið að gefa
kost á sér.
Ken Livingstone, sem verið hefur
borgarstjóri síðustu átta ár, brást við
tíðindum þessum með því að lýsa yfir
því, að íbúar London mundu hljóta
mikinn og varanlegan skaða af því að
kjósa Boris Johnson borgarstjóra.
Batnandi staða íhaldsmanna
Íhaldsmenn hafa verið í sókn í
London á síðustu árum og innvígðir
telja sigurlíkur flokksins í kosning-
unum á næsta ári nokkrar. Líklegt
er að umdeildur skattur, sem Li-
vingstone hefur lagt á alla þá sem um
miðborgina aka, verði helsta kosn-
ingamálið. „Rauði Ken“ er líkt og
Boris Johnson í miklu uppáhaldi
meðal fjölmiðlafólks enda litríkur og
með afbrigðum málglaður eins og
keppinauturinn. Má því gera ráð fyr-
ir harðri baráttu og hugvitsamlegum
uppákomum þegar þessir óhefð-
bundnu stjórnmálamenn taka að
slást um athyglina.
Auður Jónsdóttir og Þórarinn Leifsson
audur@jonsdottir.com | totil@totil.com
H
eldurðu að norska prinsessan sé í alvöru skyggn?
kjamsaði Auður yfir frétt á news.bbc.co um engla-
skóla sem hin konunglega Märtha Louise hafði nýver-
ið auglýst; fréttin var sú mest lesna á forsíðu breska
netmiðilsins frá klukkan 16-20 miðvikudaginn 25. júlí,
samkvæmt Aftenposten.no
Þórarinn leit ekki upp úr tölvuskjánum þegar hann sagði að kannski
mætti spyrja prinsessuna hvort eitthvað væri hæft í að Nostradamus
hefði séð Ingibjörgu Sólrúnu sem friðarleiðtoga úr norðrinu. Og hvort
bráðum yrði eldgos fyrir norðan Vatnajökul. Já, eða hreinlega hvort raf-
magnið í Barcelona kæmist einn daginn endanlega í lag því hann væri
orðinn leiður á blikkandi ljósum. Hvað þá borgarbúar sem höfðu verið
rafmagnslausir í þrjá daga!
Kannski eru englar að fikta við rafmagnið, giskaði Auður.
Og þá eru Katalónar að mótmæla englum, botnaði Þórarinn. Svo benti
hann á frétt um mótmælin á 20minutos.es og spurði hvort henni þætti
ekki skondið að Katalónar mótmæltu
skorti á rafmagni en Íslendingar of-
framleiðslu á því.
Hún kveinkaði sér undan kaldhæðn-
inni. Tuldraði að orkufyrirtæki væru
ekki í tísku þessa dagana, hvorki
einkarekin né ríkisrekin, enda nyti
hugarorka meiri vinsælda í heimi þar
sem prinsessur auglýstu englaskóla í sömu viku og milljónir barna
gleyptu í sig sögu um nornastrák í galdraskóla.
Örsnöggt leit Þórarinn upp frá tölvunni. Kannski býr spænska kon-
ungsfjölskyldan líka yfir dulrænum hæfileikum, skríkti hann. Kannski
hefur hún myrkvað Barcelona til að vara Katalóna við að sýna of mikið
sjálfstæði. Getur það verið?
Sítrónusúr ansaði Auður að spænska konungsfjölskyldan hefði um
nóg annað að hugsa, nú þegar Spánverjar væru að díla við sitt Múham-
eðsmyndamál eftir að myndasögublaðið El Jueves fékk á sig lögbann
fyrir forsíðu með myndskreytingu af krónprinsparinu í samfarastellingu
kenndri við hunda.
Á myndinni virtist Prins Felipe stynja að kynlíf væri næst því sem
hann kæmist að vinna; þannig var vísað í tilkynningu ríkisstjórnarinnar
þess efnis að framvegis fengju pör 2.500 evrur fyrir hvert nýfætt barn.
Auðvitað hafði lögbannið orðið til þess að myndin og fréttin fóru á ljós-
hraða um netmiðla heimsins, líka þá íslensku. Víðs vegar furðaði fólk sig
á heilagleika kóngafólksins og áleit lögbannið tímaskekkju; sumir höfðu
gengið svo langt að muldra eitthvað í barminn um Franco-arfleifð.
Þennan frasa um spænskt Múhameðsmyndamál hefurðu étið beint
upp úr Politiken.dk, gall í Þórarni. Alveg eftir Dönum að kenna þetta
mál við skopmyndamálið sitt. Reyndar fékk El Jueves á sig lögbann árið
1977 fyrir að hafa Guð á forsíðunni – og þeir hafa reynt að krækja í ann-
að allar götur síðan. En ég bara spyr: Ætli dönsku blöðin hafi einhvern
tímann birt svona … rekkjumyndir af Margréti drottningu? Að þessu
mæltu grúfði hann höfuðið ofan í tölvuna og gúglaði: Tegninger+konge-
familien.
Fátt annað hafðist upp úr krafsinu en gömul frétt sem sagði frá því að
útvarpsstöð í Indónesíu hefði efnt til samkeppni um skopmyndir af
dönsku konungsfjölskyldunni þegar lætin voru sem mest út af Múham-
eðsmyndunum. Hugsi leit Þórarinn aftur upp úr tölvunni og stakk upp á
að hann teiknaði rekkjumynd af Ólafi og Dorrit. Þegar Auður stirðnaði
flýtti hann sér að bæta við: Í anda Lennon og Yoko, meina ég. Ekki neitt
dónalegt eins og … spænska krónprinsparið.
Til hvers að teikna þau? spurði hún hvekkt.
Nú, þau þekkja vel til í Jerúsalem. Hver veit nema Ólafur geti stillt til
friðar milli Ísraelsmanna og Palestínumanna. Að hann sé norræni frið-
arleiðtoginn hans Nostradamusar frekar en Ingibjörg Sólrún! Kannski
að norska prinsessan geti svarað því.
Hún bað hann að hætta þessu bulli. Hann væri bara að krafsa eftir
tylliástæðu til að teikna rekkjumynd af forsetahjónunum. Og það væri
líka dónalegt að teikna þau eins og gamla, nakta hippa.
Teiknarinn ruddi burt öllum góðum englum þegar hann jarmaði: Er
það?
FÖST Í FRÉTTANETI»
Leiðtogar og
spámenn undir
sömu sæng
Víðs vegar furðaði
fólk sig á heilagleika
kóngafólksins
og áleit lögbannið
tímaskekkju
Höfundar eru heimavinnandi hjón í Barcelona
Gunnar Bachmann , framkvæmdastjóri
Atlantsskipa, um boðaða gjald-
skrárhækkun Eimskips á milli Íslands og
Norður-Ameríku. Flutningsgjöld munu
hækka um 10% frá og með næstu mán-
aðamótum.
» Þjóðarleiðtogar átta sig sí-fellt betur á því að það er
ódýrara og hagkvæmara að
koma í veg fyrir veðurfarsbreyt-
ingar en að lifa við afleiðingar
þeirra.
Halldór Þorgeirsson , forstöðumaður hjá
Lofslagsstofnun Sameinuðu þjóðanna, í
viðtali við Morgunblaðið.