Morgunblaðið - 29.07.2007, Blaðsíða 27

MORGUNBLAÐIÐ SUNNUDAGUR 29. JÚLÍ 2007 27
FRÍTT Á ÚRSLITALEIKINN Í BOÐI OR
Orkuveita Reykjavíkur vill þakka ungu knattspyrnukonunum sem hafa gert
úrslitakeppni Evrópumóts kvenna yngri en 19 ára að afburðaskemmtun.
Keppni sem þessi er hvatning til allra íslenskra knattspyrnustúlkna um að
æfa af krafti og hver veit nema þær muni spila á móti sem þessu í fram-
tíðinni. Í dag takast á tvö bestu lið mótsins á Laugardalsvellinum í úrslitaleik
keppninnar og vill Orkuveitan hvetja sem flesta að láta sjá sig. Að leik loknum
mun forseti UEFA, Michel Platini, afhenda sigurliðinu Evrópubikarinn.
Sjáumst á vellinum!
megin við hann. „Maður kastar oft
of langt yfir þá,“ segir hann. „Þeir
eru svo nálægt. Magnús kallaði
þetta bryggjuveiði í gær. Hann tók
tvo hérna alveg við tærnar á sér.“
Spakar kríur snúast kringum
veiðifólkið, bíða eftir að grípa
maðkaleifar þegar beitt er að nýju.
Þá eru þær ekki seinar á sér, skella
sér niður og grípa ætið í gogginn.
Magnús er ekki lengi að setja í lax
við Efri grjótin. Það er líka snörp
viðureign, laxinn stekkur nokkrum
sinnum, strikar niður strenginn, en
að lokum er honum strandað á leir-
ugum bakkanum.
„Þeir eru búnir að stökkva mikið
hérna í strengnum. Þessi er líka lús-
ugur og mjög sterkur. Mikill kraftur
í þessum fiskum,“ segir hann.
Krían tekur maðkbútinn, laxinum
er komið í plast og í frauðkassa með
ísmolum í, svo er beitt aftur. Nú tek-
ur Sigurbjörg við stönginni og kast-
ar. Jóhanna tekur við stönginni hjá
Daða og hann segir henni til.
„Ekki draga inn, kastaðu bara
upp á við og láttu svo skralla eftir
botninum.“
Daði kemur upp á bakkann, sest
niður og segir að Jóhanna sé vön því
að veiða með spúninum. Fyrir þrem-
ur árum tók hún þrjá laxa þarna í
beit í veiðiferð þegar þau voru tvö
saman seint í ágúst. „Ég hjálpaði
henni að landa fyrsta fiskinum og
gekk svo af stað upp að Efstu grjót-
um en var ekki kominn hálfa leið
þegar hún kallaði og var með annan
á. Svo fékk hún strax þann þriðja.
Þetta var ótrúlegt,“ segir Daði bros-
andi. Jóhann hlustar á hann segja
frá og hlær þar sem hún veiðir; hún
hafði greinilega gaman af því að
gera betur í það skiptið.
Daði segir að sér hafi alltaf þótt
gaman að veiða í svona skilum í jök-
ulvatni, hann hafi alist upp við það
heima í Öxarfirði, þar sem Brunná
rennur út í Jökulsá.
„Ég er farinn að þekkja þetta
svæði ágætlega, ætli ég hafi ekki
komið hingað svona tíu sinnum. Það
er alltaf fiskur hérna – en við höfum
svo sem farið héðan fisklaus.“ Hann
brosir. „Það hefur komið fyrir. En
það er óskaplega gaman að þessu –
og alveg sérstaklega eins og núna
þegar fiskurinn er vaðandi um allt.“
Daði byrjaði að veiða lax í Soginu
ásamt Örvari Sigurðssyni vini sínum
fyrir rúmum þremur áratugum.
„Eftir að ég flutti til Keflavíkur
fórum við félagarnir að fara í Laxá í
Dölum og ýmsar aðrar ár. Svona
þrjá túra á ári. Oft hafa það verið fé-
lagar úr bankanum.“
Kippti út úr honum
Suðurnesjamenn hafa oft sótt í
sjóbirting á haustin og Daði er engin
undantekning þar á. „Við höfum far-
ið í Geirlandsána í áratugi. Það er
misjafnt hvernig hefur gengið, hún
er nú ekki eins góð og hér áður fyrr.
Svo fórum við í Vatnamótin lengi,
meðan Stangaveiðifélag Keflavíkur
var með þau. Svo hef ég farið í Fos-
sálana. Yfirleitt hef ég farið í sjóbirt-
ing á hverju hausti. En hef aldrei
stundað vorveiði.“
Stærsti lax sem Daði hefur fengið
á Brennu til þessa var 15 pund, sá
tók við eyrina. Hann hefur fengið 20
punda lax við Svarthöfða og 19
punda lax í Hallanda í Hvítá á Suð-
urlandi. „Þar veiddi ég töluvert hér
áður fyrr,“ segir hann.
„Æ æ,“ kallar Jóhanna skyndi-
lega, lyftir stönginni og við sjáum
lax hrökkva af önglinum. „Ég hélt
það væri fast í botni en þá var ég
með lax á,“ segir hún vonsvikin. „Ég
kippti út úr honum.“
Sigurbjörg hefur sett í lax uppi á
horninu, hún tekst fagmannlega á
við hann og sýnir þess engin merki
að það sé ekki nema ár síðan hún
landaði maríulaxinum. Og skömmu
síðar tekur hún annan, eftir að laxar
höfði verið á lofti í kringum hana um
stund.
„Það er miklu skemmtilegra þeg-
ar hann sýnir sig og stekkur – þótt
það gefi ekki endilega meira,“ segir
Daði þar sem við sitjum og fylgj-
umst með konunum veiða. Takan
dettur svo niður og regnskýin fær-
ast nær – þau virðast fylla Lund-
arreykjadalinn af dimmu vatni,
vatninu sem veiðimenn hafa beðið
eftir vikum saman. En laxinn er
mættur á Brennu, það fer ekki milli
mála.
Áin kraumaði af fiski
Daginn eftir hringi ég í Daða þar
sem þau Jóhann eru á heimleið.
Spyr um ganginn, hvernig þetta hafi
endað; það voru komnir 17 fiskar á
land þegar ég kvaddi.
„Við fengum 29, segir hann. 25
laxa og fjóra sjóbirtinga.
Við Magnús lentum í miklu æv-
intýri á Klöppunum í gærkvöldi. Þar
var ganga að vaða inn, fiskur á lofti
um allt og hann tók og tók. Við lönd-
uðum fimm og misstum annað eins,
allt á spún. Hann elti stundum upp
að fótum á okkur. Þetta var mikið
fjör. Áin kraumaði af fiski.“
Þau fengu síðan sjö síðasta morg-
uninn, þar á meðal fékk Jóhanna lax,
þannig að þau lönduðu öll að
minnsta kosti einum fiski. „Það var
líflegt, en gærkvöldið var frábært.
Laxinn liggur ekki við klappirnar,
þannig að þetta var bullandi ganga
sem við hittum á. Hann tók grannt,
en tók samt. Þetta var mjög fínt,“
sagði Daði.
Daði Þröstur Þorgrímsson, sem hér er rætt við á Brenn-
unni, er afgreiðslustjóri Sparisjóðsins í Keflavík. Hann
ólst upp í Öxarfirðinum, á bænum Klifshaga. Í túnfæt-
inum rennur ein fallegasta silungsá landsins, Brunná, og
þar hófst veiðiferill Daða.
„Ég var bara polli þegar ég byrjaði að veiða í Brunná.
Dorgaði fyrst með færi af brúnni rétt fyrir neðan Klifs-
haga, en síðar fékk ég veiðistöng og það má segja að ég
hafi veitt í Brunná alla mína ævi. Þar hef ég fengið
marga væna silunga; eflaust einhver þúsund fiska í allt.
Stundum komu gestir og þá var ekki nóg af silungi
fyrir alla og mamma bað mig að skreppa og sækja meira
niður í á. Maður hljóp bara niðureftir og náði í fisk í viðbót. Áin var ekki
mikið nýtt á þessum tíma, það voru nánast bara við heima á Klifshaga.
Pabbi veiddi og eins strákar sem voru í sveit heima. Þarna voru alltaf
bleikja, urriði og sjóbirtingur. Stundum veiddi maður ótrúlega vel.“
Hljóp og náði í fisk í viðbót
Daði Þröstur Þor-
grímsson.